కొత్తగా ఒక ఎలక్ట్రిక్ స్కూటర్ కొనాలని ప్లాన్ చేస్తున్నారా? అయితే ఇది మీకోసమే! ఇండియాలో మోస్ట్ అఫార్డిబుల్ ఎలక్ట్రిక్ స్కూటర్స్లో ఒకటైన విడా వీఎక్స్2 గురించి మీరు తెలుసుకోవాలి. ఈ మోడల్ రేంజ్, ధర వంటి వివరాలను ఇక్కడ చూసేయండి..
ఈ విడా వీఎక్స్2 ఈ నెలలోనే లాంచ్ అయ్యింది. ఇది రెండు వేరియంట్లలో అందుబాటులో ఉంటుంది. అవి.. వీఎక్స్2 గో, వీఎక్స్2 ప్లస్. విడా వీఎక్స్2 రెండు వేరియంట్లు బ్యాటరీ-యాజ్-ఎ-సర్వీస్ ఆప్షన్తో కూడా లభిస్తున్నాయి. వీఎక్స్2 గో ధర రూ. 99,490 (ఎక్స్-షోరూమ్) కాగా, వీఎక్స్2 ప్లస్ ధర రూ. 1.10 లక్షలు(ఎక్స్-షోరూమ్)గా ఉంది.
మీరు ఒకవేళ బ్యాటరీ యాజ్ ఎ సర్వీస్ స్కీమ్ని ఎంచుకుంటే.. వీఎక్స్2 ఎలక్ట్రిక్ స్కూటర్ ధర రూ. 59,490 (ఎక్స్-షోరూమ్), వీఎక్స్2 ప్లస్ ధర రూ. 64,990 (ఎక్స్-షోరూమ్) అవుతుంది. ఈ ప్లాన్లు రోజువారీ వినియోగం, రన్నింగ్ విధానాలపై ఆధారపడి ఉంటాయని గుర్తుపెట్టుకోవాలి. ఈ స్కీమ్ కింద., యజమాని కిలోమీటరుకు రూ. 0.96 చొప్పున చెల్లించాల్సి ఉంటుంది.
విడా వీఎక్స్2 గోలో రిమూవెబుల్ 2.2 కేడబ్ల్యూహెచ్ బ్యాటరీ ప్యాక్ ఉంటుంది. దీనిని ఒక్కసారి ఛార్జ్ చేస్తే 92 కిలోమీటర్ల ఐడీసీ రేంజ్ను ఇస్తుంది. దీని గరిష్ట వేగం 70 కేఎంపీహెచ్!. మరోవైపు, టాప్ వేరియంట్ విడా వీఎక్స్2 ప్లస్ 3.4 కేడబ్ల్యూహెచ్ సామర్థ్యంతో రెండు రిమూవెబుల్ బ్యాటరీ ప్యాక్లను పొందింది. ఇది పూర్తి ఛార్జ్పై 142 కిలోమీటర్ల ఐడీసీ రేంజ్ను ఇస్తుంది.
ఈ అఫార్డిబుల్ ఎలక్ట్రిక్ స్కూటర్కి ఫాస్ట్ ఛార్జర్ ఆప్షన్ కూడా లభిస్తోంది. ఈ ఫాస్ట్ ఛార్జర్తో బ్యాటరీ ప్యాక్ను ఒక గంటలో 0-80 శాతం వరకు ఛార్జ్ చేయవచ్చని విడా చెప్పింది. బండిల్తో వచ్చే ఛార్జర్ ఆరు గంటల్లో బ్యాటరీ ప్యాక్ను 0-80 శాతం వరకు ఛార్జ్ చేస్తుంది. ఈ ఈ-స్కూటర్ కేవలం 3.1 సెకన్లలో 0-40 కేఎంపీహెచ్ వేగానికి చేరుకుంటుంది. దీని టాప్ స్పీడ్ 80 కేఎంపీహెచ్ వరకు ఉంటుంది.
విడా వీఎక్స్2లో 33.2-లీటర్ అండర్-సీట్ బూట్, సౌకర్యవంతమైన ఫ్రెంట్ కంపార్ట్మెంట్ వంటివి ఉన్నాయి. అండర్సీట్ స్టోరేజ్ బ్యాగులు, బాటిల్స్ వంటి వాటికి తగినంత స్థలాన్ని అందిస్తుంది. ఫ్రంక్ కీలు, కేబుల్స్, ఛార్జర్ వంటి వాటిని ఉంచుకోవడానికి స్పేస్ ఉంటుంది. పొడవైన సీటు దీని సొంతం! ఇది రైడర్, పిలియన్ రైడర్కు విశాలమైన సీటింగ్ ఎక్స్పీరియెన్స్ని ఇస్తుంది.
