సాంకేతికతతో రూపొందించబడిన వీడియోలు, ఆడియోలు నిజమైనవిగా కనిపించవచ్చు కానీ నకిలీవి కావచ్చు. స్కామర్లు ఎన్నికల ప్రచారంలో భాగంగా, అలాగే ఇతర పెట్టుబడి మోసం కోసం వీటిని ఉపయోగిస్తారు. ఈ ట్రిక్స్ పాటించడం వల్ల మీ డేటా సురక్షితంగా ఉంటుంది..
ఆన్లైన్ మోసాలు వేగంగా పెరుగుతున్నాయి. అటువంటి పరిస్థితిలో డీప్ఫేక్, నకిలీ యాప్లు, క్రిప్టో స్కామ్ల వంటి ఉపాయాలను నివారించడానికి గూగుల్ 5 ముఖ్యమైన చిట్కాలను అందించింది. ఈ ట్రిక్స్ పాటించడం వల్ల మీ డేటా సురక్షితంగా ఉంటుంది. ప్రస్తుతం జరుగుతున్న మోసాల పట్ల ప్రతి ఒక్కరు జాగ్రత్తగా ఉండటం చాలా ముఖ్యం.
- డీప్ఫేక్: సాంకేతికతతో రూపొందించబడిన వీడియోలు, ఆడియోలు నిజమైనవిగా కనిపించవచ్చు కానీ నకిలీవి కావచ్చు. స్కామర్లు ఎన్నికల ప్రచారంలో భాగంగా, అలాగే ఇతర పెట్టుబడి మోసం కోసం వీటిని ఉపయోగిస్తారు.
- పెట్టుబడి ప్రణాళి: క్రిప్టో ఇన్వెస్ట్మెంట్ స్కీమ్ల పట్ల జాగ్రత్తగా ఉండండి. మీ డబ్బును త్వరగా రెట్టింపు చేస్తామని ఏ పెట్టుబడి ప్రణాళిక వాగ్దానం చేయలేదు. ఇలాంటి లింకులు, వీడియోలు కనిపిస్తే గుడ్డిగా నమ్మకండి. ఇలాంటి వాటితో కూడా మిమ్మల్ని బురిడి కొట్టిస్తుంటారు.
- నకిలీ యాప్లు, వెబ్సైట్లను గుర్తించండి: స్కామర్లు నిజమైన యాప్లు, వెబ్సైట్లను సృష్టించడం ద్వారా మీ వ్యక్తిగత డేటాను దొంగిలించవచ్చు. విశ్వసనీయ సోర్స్ నుంచి మాత్రమే యాప్లను డౌన్లోడ్ చేయండి. అలాగే వెబ్సైట్ URLని జాగ్రత్తగా తనిఖీ చేయండి.
- ల్యాండింగ్ పేజీ క్లోకింగ్ను నివారించండి: కొన్ని వెబ్సైట్లు విభిన్న కంటెంట్ని చూపడం ద్వారా మీ డేటాను దొంగిలించడానికి ప్రయత్నిస్తాయి. URLపై శ్రద్ధ వహించండి. అలాగే Google Chrome భద్రతా ఫీచర్ను ఆన్లో ఉంచండి.
- ఈవెంట్ల సమయంలో తెలివిగా ఉండండి: నకిలీ టిక్కెట్లు, క్రీడా ఈవెంట్లు, కచేరీల కోసం మైక్రో వెబ్ పేజీలలో విక్రయిస్తుంటారు. కొనుగోలు చేయడానికి ముందు వెబ్సైట్లో సరైన సమాచారాన్ని తనిఖీ చేయండి. ఇలాంటి సమయంలో టికెట్స్ ఎక్కువగా బుకింగ్ చేసుకుంటారని కూడా మిమ్మల్ని మోసగించేందుకు స్కామర్లు రెడీగా ఉంటారు.
