మీరు హెచ్డీఎఫ్సీ బ్యాంక్ క్రెడిట్ కార్డు వాడుతున్నారా? అయితే ఈ విషయం కచ్చితంగా తెలుసుకోవాలి. హెచ్డీఎఫ్సీ టాటా న్యూ ఇన్ఫినిటీ క్రెడిట్ కార్డుహోల్డర్లకు లాంజ్ యాక్సెస్ పాలసీని సవరించింది.
సవరించిన కొత్త రూల్స్ జూన్ 10, 2025 నుంచి అమలులోకి తీసుకొస్తున్నట్లు ప్రకటించింది. కొత్త రూల్స్ ప్రకారం.. ఇకపై లాంజ్ వద్ద క్రెడిట్ కార్డును స్వైప్ చేయడం ద్వారా డొమెస్టిక్ లాంజ్ యాక్సెస్ చేయడం కుదరదు. అందుకు ప్రత్యేక అర్హత సాధించాల్సి ఉంటుంది. కార్డు స్వైపింగ్కి బదులుగా లాంజ్ వోచర్సు అందుబాటులోకి తెచ్చింది. తమ త్రైమాసిక చెల్లింపుల లిమిట్ దాటినప్పుడు అర్హత లభిస్తుంది. క్రెడిట్ కార్డు వినియోగం పెంచేందుకు ఈ మేరకు లాంజ్ యాక్సెస్ పాలసీని సవరించినట్లు బ్యాంక్ తెలిపింది. అయితే, తమకు అర్హత లభించిందని ఎలా తెలుస్తుందనే ప్రశ్న కార్డు యూజర్లలో తలెత్తుతుంది. టాటా న్యూ కార్డుదారులు త్రైమాసికంగా లిమిట్ దాటి చెల్లింపులు చేసినప్పుడు అర్హత లభిస్తుంది. ఈ విషయాన్ని ఎస్ఎంఎస్, ఇ-మెయిల్ ద్వారా బ్యాంక్ తెలియజేస్తుంది. మీరు అర్హత సాధించిన తర్వాత వచ్చే ఇ-మెయిల్, ఎస్ఎంఎస్లో లాంజ్ యాక్సెస్ వోచర్ లింక్ వస్తుంది. దాని ద్వారా బ్యాంకి రిజిస్టర్డ్ మొబైల్ నంబర్ ఉపయోగించి 120 రోజుల్లోగా క్లెయిమ్ చేసుకోవాల్సి ఉంటుంది. ఒకసారి క్లెయిమ్ చేసుకున్న తర్వాత దానిని 180 రోజుల్లోగా ఎంపిక చేసిన ఎయిర్ పోర్ట్ లాంజ్లలో ఉపయోగించాల్సి ఉంటుంది.
ఖర్చులు, అర్హత స్టేటస్ ఎలా తెలుసుకోవాలి?
- జూన్ 10, 2025 నుంచి లాంజ్ యాక్సెస్ పాలసీలో మార్పులు అమలులోకి వస్తాయి. అయితే, తాము ఎంత ఖర్చు చేశాం, లాంజ్ యాక్సెస్ బెనిఫిట్స్కు అర్హత సాధించామా లేదా? అనేది ఎలా తెలుసుకోవాలి అనే ప్రాసెస్ ఇక్కడ చూద్దాం.
- ముందుగా హెచ్డీఎఫ్సీ బ్యాంక్ నెట్ బ్యాంకింగ్ లేదా మొబైల్ బ్యాంకింగ్ యాప్ లోకి లాగిన్ కావాలి
- తర్వాత క్రెడిట్ కార్డు సెక్షన్లోకి వెళ్లాలి.
- టాటా న్యూ హెచ్డీఎఫ్సీ క్రెడిట్ కార్డును ఎంపిక చేసుకోవాలి.
- రిడీమ్ రివార్డ్ పాయింట్లు పై క్లిక్ చేయాలి. దీంతో రివార్డ్స్ పోర్టల్లోకి వెళ్తుంది.
- రివార్డ్ పోర్టల్లో మై రివార్డ్ అండ్ జీటీలోకి వెళ్లాలి. మీ ఖర్చులు, అర్హత స్టేటస్ తెలుసుకోవాలి.
జూన్ 10 నుంచి లాంజ్ బెనిఫిట్స్ ఇవే..
జూన్ 10, 2025 నుంచి అమలులోకి వచ్చే కొత్త రూల్స్ ప్రకారం.. డొమెస్టిక్ లాంజ్ యాక్సెస్ అనేది మైల్స్టోన్ ఆధారంగా ఉంటుంది. ఒక త్రైమాసికంలో కనీసం రూ.50 వేలు ఖర్చు చేసిన తర్వాత లాంజ్ వోచర్ వస్తుంది. అలాగే టాటా న్యూ ఇన్ఫినిటీ హెచ్డీఎఫ్సీ బ్యాంక్ క్రెడిట్ కార్డు ద్వారా త్రైమాసికంలో గరిష్ఠంగా రెండు కాప్లమెంటరీ డొమెస్టిక్ లాంజ్ వోచర్లు అందుకుంటారు.
