అమెరికా హెచ్-1బి వీసాలు ఇకపై మరింత భారం కానున్నాయి. హెచ్-1బి వీసాలతో పాటు ఇతర వీసాల రుసుం కూడా పెంచుతున్నట్లు అమెరికా పౌరసత్వ మరియు వలసల విభాగం (USCIS) అధికారికంగా ప్రకటించింది.
ఈ కొత్త ఫీజు రేట్లు మార్చి 1 నుంచి అమలులోకి రానున్నాయి.మార్చి 1 నుంచి హెచ్-1బి వీసాల ప్రాసెసింగ్ ఫీజు పెంపుదల అమలులోకి వస్తుంది. అలాగే ఎల్-1 వీసాల పరిశీలన రుసుం కూడా పెరగనుంది. ఇప్పటివరకు హెచ్-1బి వీసా ప్రాసెసింగ్ ఫీజు 2,805 డాలర్లుగా ఉండగా, మార్చి నుంచి ఇది 2,965 డాలర్లకు పెరుగుతుందని USCIS వెల్లడించింది.USCIS అధికార యంత్రాంగం విడుదల చేసిన ప్రకటనలో మార్చి 1 నుంచి అమలులోకి వచ్చే నూతన ఫీజు రేట్ల వివరాలను స్పష్టంగా పేర్కొంది. హెచ్-1బి మాత్రమే కాకుండా ఇతర వర్క్ వీసా కేటగిరీల్లో కూడా ఫీజుల పెంపు చోటు చేసుకుంది.ఉద్యోగ సంబంధిత వర్క్ పర్మిట్ వీసాల రుసుం పెంపునకు సంబంధించి ట్రంప్ ప్రభుత్వం ఇప్పటికే కీలక నిర్ణయం తీసుకోగా, ఆ నిర్ణయం మార్చి 1 నుంచి అమల్లోకి రానుంది.
