ప్రముఖ టెలికాం సంస్థ రిలయన్స్‌ జియో.. యూజర్లను ఆకట్టుకునే దిశగా అడుగులు వేస్తూనే ఉంది. ఓవైపు జియోతో టెలికాం యూజర్లను ఆకట్టుకునేందుకు సరికొత్త డేటా, కాలింగ్‌ ఆప్షన్స్‌తో రీఛార్జ్‌ ప్లాన్స్‌ను తీసుకొస్తుస్తూనే..
మరోవైపు ఫోన్‌ల తయారీ రంగంలోనూ దూసుకుపోతోంది. ఈ క్రమంలో ఇప్పటికే మార్కెట్లోకి పలు కొత్త ఫోన్‌లను తీసుకొచ్చాయి. స్మార్ట్ ఫోన్‌లతో పాటు, ఫీచర్‌ ఫోన్‌లను తీసుకొస్తోంది.
ఇందులో భాగంగానే జియో తాజాగా మార్కెట్లోకి కొత్త ఫోన్‌ను తీసుకొచ్చింది. జియో ప్రైమా 2 పేరుతో ఈ ఫోన్‌ను తీసుకొచ్చింది. గతేడాది లాంచ్‌ చేసిన జియో ప్రైమా మొబైల్‌కు కొనసాగింపుగా ఈ ఫోన్‌ను లాంచ్‌ చేశారు. పాత ఫోన్‌ను మెరుగైన ఫీచర్లను జోడించింది. ఇంతకీ ఈ ఫోన్లో ఎలాంటి ఫీచర్లు ఉన్నాయి? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
జియో ప్రైమా2 ఫోన్‌ను 4జీబీ ర్యామ్‌, 128 జీబీ స్టోరేజ్‌తో తీసుకొచ్చారు. ధర విషయానికొస్తే ఈ ఫోన్ రూ. 2799గా నిర్ణయించారు. బ్లూ కలర్‌లో ఈ ఫోన్‌ను అందుబాటులోకి తీసుకొచ్చారు. చిన్న ఫీచర్‌ ఫోన్లో ఫ్రంట్‌ కెమెరాను అందించడం విశేషం. ప్రముఖ ఈ కామర్స్‌ సంస్థ అమెజాన్‌లో ఈ ఫోన్ అందుబాటులోకి వచ్చింది. ఫీచర్ల విషయానికొస్తే జియో ప్రైమా 2 ఫోన్లో 2.4 ఇంచెస్‌తో కూడిన కర్వడ్‌ స్క్రీన్‌ను అందించారు. కీ ప్యాడ్‌తో పనిచేసే ఈ ఫోన్లో క్వాల్‌కామ్‌ చిప్‌సెట్ ప్రాసెసర్‌ను అందించారు.
ఈ ఫోన్ సింగిల్‌ న్యానో సిమ్‌కు సపోర్ట్ చేస్తుంది. ఈ ఫోన్లో యూపీఐ పేమెంట్స్ చేసుకోవడం మరో విశేషం. జియో పే ద్వారా యూపీఐ పేమెంట్స్ చేసుకునే అవకాశం కల్పించారు. ఈ ఫోన్ 23 భాషలకు సపోర్ట్ చేస్తుంది. ఇక ఈ ఫోన్లో 2000 ఎమ్‌ఏహెచ్‌ వంటి పవర్‌ ఫుల్ బ్యాటరీని అందించారు. అంతేకాకుండా జియో టీవీ, జియో , జియో సావన్‌ వంటి యాప్స్‌కు ఈ ఫోన్ సపోర్ట్ చేస్తుంది. వాట్సాప్‌, ఫేస్‌బుక్‌ కూడా యాక్సెస్‌ చేసుకోవచ్చు. 4జీ కనెక్టివిటీకి సపోర్ట్ చేసే ఈ ఫోన్లో 3.5mm ఆడియో జాక్‌ను ఇచ్చారు.
