Potato Peel Health Benefits : మ‌న‌కు అందుబాటులో ఉండే అనేక ర‌కాల కూర‌గాయ‌ల్లో బంగాళాదుంప‌లు ఒక‌టి. వీటినే ఆలుగ‌డ్డ‌లు అని కూడా పిలుస్తారు. అయితే సాధార‌ణంగా చాలా మంది వీటిన వండేట‌ప్పుడు పొట్టు తీసి ప‌డేస్తుంటారు. బంగాళాదుంప‌ల పొట్టు మీద అంతా మ‌ట్టి, దుమ్ము ఉంటాయి క‌నుక పొట్టును త‌ప్ప‌నిస‌రిగా తీసేయాల్సి వ‌స్తుంది. అయితే వాస్త‌వానికి బంగాళాదుంప‌ల‌ను పొట్టుతో స‌హా తినాల్సిందేన‌ట. అవును, మీరు విన్న‌ది నిజ‌మే. పొట్టుతో వాటిని తింటేనే మ‌న‌కు అనేక లాభాలు క‌లుగుతాయట. ఈ విష‌యాన్ని సైంటిస్టులు తాము చేప‌ట్టిన అధ్య‌య‌నాల ద్వారా వెల్ల‌డిస్తున్నారు. ఇక బంగాళాదుంప‌ల పొట్టుతో మ‌న‌కు ఎలాంటి లాభాలు క‌లుగుతాయో ఇప్పుడు తెలుసుకుందాం.
బంగాళాదుంప‌ల పొట్టును వేస్ట్ అని ప‌డేస్తుంటారు. కానీ ఆ పొట్టులో అనేక పోష‌క విలువ‌లు ఉంటాయి. ఈ విలువ‌ల గురించి తెలిస్తే ఇక‌పై ఆ పొట్టును ప‌డేయ‌రు. ఎంచ‌క్కా తింటారు. బంగాళాదుంప‌ల పొట్టులో అనేక విట‌మిన్లు, మిన‌ర‌ల్స్ ఉంటాయి. ముఖ్యంగా ఫైబ‌ర్ ఉంటుంది. ఈ పొట్టులో పొటాషియం అధికంగా ఉంటుంది. ఇది హైబీపీని త‌గ్గిస్తుంది. అందువ‌ల్ల ఈ పొట్టు హైబీపీ ఉన్న‌వారికి వ‌ర‌మ‌నే చెప్ప‌వ‌చ్చు. ఇక ఈ పొట్టులో ఉండే పొటాషియం ఎల‌క్ట్రోలైట్ల‌ను బ్యాలెన్స్ చేస్తుంది. కండ‌రాలు, నాడీ వ్య‌వ‌స్థ స‌రిగ్గా ప‌నిచేసేందుకు స‌హాయం చేస్తుంది.
ఆలుగ‌డ్డ‌ల‌కు చెందిన పొట్టులో డైట‌రీ ఫైబ‌ర్ పుష్క‌లంగా ఉంటుంది. ఇది ఇన్‌సాల్యుబుల్ ఫైబ‌ర్ వ‌ర్గానికి చెందుతుంది. అందువ‌ల్ల ఇది కొలెస్ట్రాల్ లెవ‌ల్స్‌ను, షుగ‌ర్ లెవ‌ల్స్‌ను నియంత్రిస్తుంది. అలాగే జీర్ణ‌వ్య‌వస్థ ఆరోగ్యంగా ఉండేలా చూస్తుంది. దీంతో మ‌లబ‌ద్ద‌కం త‌గ్గుతుంది. ఆలుగడ్డల పొట్టులో అనేక ర‌కాల యాంటీ ఆక్సిడెంట్లు ఉంటాయి. ముఖ్యంగా ఫ్లేవ‌నాయిడ్స్‌, కెరోటినాయిడ్స్‌, ఫినోలిక్ స‌మ్మేళ‌నాలు అధికంగా ఉంటాయి. ఇవి శ‌రీరంలో ఉత్ప‌త్తి అయ్యే హానిక‌ర ఫ్రీ ర్యాడిక‌ల్స్‌ను నిర్మూలిస్తాయి. దీంతో ఆక్సీక‌ర‌ణ ఒత్తిడి త‌గ్గుతుంది. ఫ‌లితంగా గుండె జ‌బ్బులు, క్యాన్స‌ర్, నాడీ సంబంధ వ్యాధులు రాకుండా ఉంటాయి.
ఇక ఆలుగడ్డల పొట్టులో యాంటీ ఇన్‌ఫ్లామేట‌రీ ల‌క్ష‌ణాలు ఉంటాయి. అందువ‌ల్ల ఈ పొట్టును తీసుకుంటే శ‌రీరంలో వాపులు త‌గ్గుతాయి. దీంతో ఆర్థ‌రైటిస్‌, కీళ్లు, మోకాళ్ల నొప్పులు ఉన్న‌వారికి ఎంత‌గానో మేలు జ‌రుగుతుంది. ఆయా స‌మ‌స్య‌ల నుంచి బ‌య‌ట ప‌డ‌వ‌చ్చు. ఇక ఈ పొట్టును తీసుకోవ‌డం వ‌ల్ల అధిక బ‌రువు త‌గ్గుతారు. గుండె ఆరోగ్యంగా ఉంటుంది. షుగ‌ర్ అదుపులోకి వ‌స్తుంది. ఇలా ఎన్నో ఉపయోగాలు ఉన్నాయి క‌నుక ఇక‌పై ఆలుగ‌డ్డ‌ల‌ను తినేట‌ప్పుడు పొట్టుతో స‌హా తినండి. కావాలంటే వాటిని శుభ్రంగా క‌డ‌గండి. అంతేకానీ పొట్టును తీసి ప‌డేయ‌కండి. దీన్ని వ‌దులుకుంటే ఎన్నో లాభాల‌ను కోల్పోతారు. కాబ‌ట్టి ఆలుగడ్డల పొట్టును విడిచిపెట్ట‌కుండా తినండి. దీంతో అన్ని ర‌కాలుగా ఆరోగ్యంగా ఉండ‌వ‌చ్చు.
