మరికొన్ని రోజుల్లో నవంబర్ నెల ఆరంభానికి సమయం దగ్గరపడింది. వర్కింగ్ ప్రొఫెషనల్స్‌లో లాంగ్ వీకెండ్‌లు, రాబోయే సెలవుల గురించి ఇప్పటికే చర్చలు జరుగుతున్నాయి. అలాంటి వారికి ఈ వార్త తప్పనిసరి..నవంబర్ నెలలో సాధారణ వారాంతాలు సహా మొత్తం 14 రోజుల పాటు బ్యాంకులు మూసివేయబడతాయని రిజర్వ్ బ్యాంక్ ఆఫ్ ఇండియా ఈ నెలలో బ్యాంక్ సెలవుల అధికారిక జాబితాను విడుదల చేసింది.
ఈ సెలవులు రాష్ట్రాల వారీగా మారుతుంటాయి. ఇకపోతే, ముందుగా దీపావళి సందర్భంగా మన దేశంలో ఉన్న అన్నీ ప్రభుత్వ, ప్రైవేటు బ్యాంకులకు వరుసగా 3 రోజులు బంద్ ఉండనున్నాయి. నవంబర్ 1న దీపావళి అమావాస్య చాలా రాష్ట్రాల్లో బ్యాంకులకు హాలీడే ప్రకటించాయి. త్రిపుర, కర్ణాటక, ఉత్తరాఖండ్, జమ్మూ కశ్మీర్, మహారాష్ట్ర, మేఘాలయ, సిక్కిం, మణిపూర్‌లలో బ్యాంకులు మూతపడనున్నాయి. నవంబర్ 2 తేదీన దీపావళి పండగను పురస్కరించుకుని గుజరాత్, మహారాష్ట్ర, కర్ణాటక, ఉత్తరాఖండ్, సిక్కిం, రాజస్థాన్, ఉత్తరప్రదేశ్‌లలో బ్యాంకులు మూసివేయబడతాయి. నవంబర్ 3న ఆదివారం దేశవ్యాప్తంగా బ్యాంకులు, కొన్ని ఆఫీసులు, స్కూళ్లు, కాలేజీలు వంటి విద్యాసంస్థలు కూడా బంద్ ఉంటాయి. నవంబర్ 7, 8 వ తేదీన ఛత్ పూజ సందర్బంగా అసోం, బీహార్, ఛత్తీస్‌గఢ్, జార్ఖండ్ ప్రాంతాల్లో బ్యాంకులకు సెలవు ప్రకటించాయి. నవంబర్ 8 వంగల పండుగ సందర్భంగా మేఘాలయల్లో బ్యాంకు కార్యకలాపాలకు సెలవు ప్రకటించాయి. నవంబర్ 9న రెండవ శనివారం దేశవ్యాప్తంగా బంద్.. బ్యాంకు కార్యకలాపాలు నిర్వహించారు. పొరపాటున మర్చిపోయి వెళ్లినా కూడా గేట్లకు తాళాలు దర్శనమివ్వటం ఖాయం.
