స్టేట్ బ్యాంకు ఆఫ్ ఇండియా మూడు నెలల కాలంలో అంచనాలకు మించిన లాభాల పెరుగుదలను చవి చూసింది. ముఖ్యంగా నికర లాభం 28 శాతం పెరిగింది. దేశంలోని ప్రజల ఆదరాభిమానాలు పొందిన బ్యాంకులలో స్టేట్ బ్యాంకు (ఎస్ బీఐ) ఒక్కటి.

పల్లెల నుంచి పట్టణాల వరకూ దీనికి బ్రాంచ్ లున్నాయి. అలాగే సామాన్య ప్రజలకు సైతం ఈ బ్యాంకు బాగా దగ్గరైంది. కాగా. ఎస్ బీఐ 2024-25 ఆర్ఠిక సంవత్సరంలోని రెండో త్రైమాసికానికి (జూలై – సెప్టెంబర్) సంబంధించిన ఫలితాలను వెల్లడించింది. వాటి ప్రకారం లాభాలలో గణనీయమైన పురోగతి కనిపించింది. అంచనాలకు మించి ఆదాయాన్ని సంపాదించింది. స్టాండలోన్ ప్రతిపదికను నికర లాభం 27.92 శాతం పెరిగి, రూ.18,331 కోట్లకు చేరింది.

గతేడాది ఇదే సమయంలో ఈ ఆదాయం రూ.14,331 కోట్లు మాత్రమే ఉంది. సెప్టెంబర్ లో ముగిసిన త్రైమాసికంలో నికర వడ్డీ ఆదాయమే రూ.41,620 కోట్లుగా నమోదైంది. అంతకు ముందు ఆర్థిక సంవత్సరంలో ఈ సమయానికి రూ.39,500 కోట్ల మాత్రమే నమోదైంది. ఈ నేపథ్యంలో 5.37 శాతం ఆదాయం పెరిగింది.స్టేట్ బ్యాంకు ఆఫ్ ఇండియాకు సంబంధించి ఆపరేటింగ్ ప్రాఫిట్ జూలై – సెప్టెంబర్ లో 29.294 కోట్లకు చేరింది. గతంతో పోల్చితే 51 శాతం పెరిగింది. అంతకు ముందు ఈ మొత్తం 19,417గా ఉండేది. అయితే బ్యాంకు డిపాజిట్లు మాత్రం ఇదే సమయంతో పోల్చితే 9 శాతం తగ్గగా, వీటి విలువ రూ.51.17 లక్షల కోట్లుగా నమోదైంది.

బ్యాంకు కు చెందిన అనుబంధ సంస్థలకు సంబంధించి జీవిత బీమా విభాగ నికర లాభం ప్రథమార్థంలో రూ.1049 కోట్లు, క్రెడిట్ కార్డు విభాగంలో రూ.999 కోట్లు, ఫండ్ నిర్వహణ విభాగంలోరూ.1374 కోట్లు, సాధారణ బీమాకు సంబంధించి రూ.414 లాభాలు వచ్చాయి. గతేడాది ఇదే సమయానికి వీటి లాభాలు రూ761 కోట్లు, రూ.1196 కోట్లు, 940 కోట్లు, 60 కోట్లు మాత్రేమే ఉన్నాయి. బ్యాంకు చైర్మన్ సి.శ్రీనివాసులు శెట్టి మాట్లాడుతూ ప్రస్తుత ఆర్థిక సంవత్సరానికి రుణవృద్ధి లక్ష్యాన్ని 14 నుంచి 16శాతం కొనసాగిస్తున్నామన్నారు. డిపాజిట్ల వృద్ధి లక్ష్యాన్ని మాత్రం 10 శాతానికి తగ్గించినట్టు వివరించారు. పండగల సమయంలో రిటైల్ రుణాలు పెరుగుతాయన్నారు. ఒక ఆర్థిక సంవత్సరంలో రూ.లక్ష కోట్ల లాభాన్ని సాధించాలని బ్యాంకు భావిస్తోందన్నారు.

డబ్బు విత్‌డ్రా చేసేందుకు ఉపయోగించే ఏటీఎం మిషన్ల సంఖ్య తగ్గుతోంది. దీనికి ప్రధాన కారణం ఆన్‌లైన్ లావాదేవీలే. ఈ రోజుల్లో ప్రతి ఒక్కరూ క్యూఆర్ కోడ్‌లను స్కాన్ చేసి ఆన్‌లైన్‌లో లావాదేవీలు జరుపుతున్నారు.

ఇలాంటి పరిస్థితుల్లో ఏటీఎం ఉండడం బ్యాంకులకు నష్టదాయకంగా మారుతోంది. భారతదేశంలో ప్రస్తుతం ఎన్ని ATMలు ఇన్‌స్టాల్ చేశారు? ఇప్పటి వరకు ఎన్ని ఏటీఎంల సంఖ్య తగ్గిందో తెలుసుకుందాం.

ఎన్ని ఏటీఎంలు తగ్గాయి?

సెప్టెంబర్ 2024ని సెప్టెంబర్ 2023తో పోల్చినట్లయితే, ATMల సంఖ్య తగ్గింది. ఆర్బీఐ నివేదిక ప్రకారం, సెప్టెంబర్ 2023లో మొత్తం ఏటీఎంల సంఖ్య 2,19,281, సెప్టెంబర్ 2024 నాటికి 2,15,767కి తగ్గింది. అంటే 1.6% ఏటీఎంలు తగ్గాయి. ఇందుకు కారణం లేకపోలేదు. ప్రస్తుతం డిజిటల్‌ టెక్నాలజీతో ప్రతి ఒక్కరు ఆన్‌లైన్‌ లావాదేవీలకు అలవాటు పడిపోయారు. యూపీఐ చెల్లింపులు కూడా భారీగా పెరుగుతున్నాయి. దీంతో ఏటీఎంలకు వెళ్లి డబ్బులు విత్‌డ్రా చేసేవారి సంఖ్య భారీగా తగ్గింది. అంతేకాదు దీని వల్ల బ్యాంకులకు ఏటీఎంల నిర్వహణ ఖర్చు పెరిగిపోతోంది. దీంతో ఏటీఎంల సంఖ్య తగ్గిస్తున్నాయి బ్యాంకులు. కానీ 2023కి ముందు ఏటీఎంల సంఖ్య స్వల్పంగా పెరిగి, ఆ తర్వాత ఇప్పుడు తగ్గుముఖం పట్టింది.

బ్యాంకు ప్రకారం.. రెండు రకాల ఏటీఎంలు ఉన్నాయి. ఆన్-సైట్‌లోఒకటి. అంటే బ్యాంక్ బ్రాంచ్ ఉన్న ప్రతిచోటా ఏటీఎం ఉంటుంది. రెండవది, ఆఫ్-సైట్ ఏటీఎం ఇవి మాల్స్ లేదా బ్యాంకులు కాకుండా మరెక్కడైనా ఏర్పాటు చేసిన ఏటీఎంలు. గత నాలుగేళ్లుగా ఆఫ్‌సైట్ ఏటీఎంల సంఖ్య తగ్గుతున్నట్లు గణాంకాలు చెబుతున్నాయి. సెప్టెంబర్ 2021 నాటికి ఆఫ్-సైట్ ఏటీఎంల సంఖ్య 97,383. అదే ఆఫ్-సైట్ ఏటీఎంలు సెప్టెంబర్ 2022లో 97,072కి పెరిగాయి. సెప్టెంబర్ 2020 నాటికి ఆఫ్-సైట్ ఏటీఎంల సంఖ్య 93,751. సెప్టెంబర్ 2024 నాటికి కేవలం 87,838 ఆఫ్-సైట్ ఏటీఎంలు మాత్రమే ఉన్నాయి. అంటే 2021లో కంటే 2024లో ఆఫ్‌సైట్ ATMల సంఖ్య 10% వరకు తగ్గాయి.

ఏటీఎంని ఇన్‌స్టాల్ చేయడానికి స్థలాన్ని తీసుకోవడానికి, భద్రతను నిర్వహించడానికి, దానిని నిరంతరం నోట్లను చేయడానికి బ్యాంక్ చాలా డబ్బు ఖర్చు చేయాల్సి ఉంటుంది. అయితే ఇక్కడి నుంచి ఏటీఎం కథ ముందుకు సాగుతుందా లేక తగ్గుముఖం పడుతుందా అనేది చూడాలి. మరోవైపు ఆన్‌లైన్ చెల్లింపుల ట్రెండ్ వేగంగా పెరుగుతోంది.

ఆన్‌లైన్ లావాదేవీలు ఎంత పెరిగాయి?

ఏటీఎంలో ఎంత మంది డబ్బు విత్‌డ్రా చేసారు? ఎంత మంది ఆన్‌లైన్‌లో చెల్లించారు? యూపీఐని ప్రవేశపెట్టిన తర్వాత ఆన్‌లైన్ చెల్లింపుల్లో విపరీతమైన వృద్ధి నమోదైందని ఆర్‌బీఐ గణాంకాలు చెబుతున్నాయి.

2019-20లో 3,40,026 లక్షల కోట్ల ఆన్‌లైన్ లావాదేవీలు జరిగినట్లు గణాంకాలు చెబుతున్నాయి. ఇది 2020-21లో 4,37,445 లక్షల కోట్ల లావాదేవీలకు పెరిగింది. 2021-22లో 7,19,531 లక్షల కోట్ల లావాదేవీలు పెరిగాయి. అలాగే ఈ లావాదేవీ 2022-23లో రూ.11,39,476 లక్షల కోట్లు అవుతుంది. 2023-24లో లావాదేవీలు రూ.16,44,302 లక్షల కోట్లకు పెరిగాయని, ఇందులో 13,11,295 లక్షల కోట్ల లావాదేవీలు, యూపీఐ ద్వారానే జరిగాయని తెలుస్తోంది. జూలై 2024 నాటికి, UPI ద్వారానే రూ. 20 లక్షల కోట్ల లావాదేవీలు జరిగినట్లు ఆర్బీఐ నివేదికలు చెబుతున్నాయి.

ఆపిల్ ఉత్పత్తుల అభివృద్ధి లో మన దేశం కూడా త్వరలో ప్రధాన పాత్ర పోషించనుంది. పరిశోధన, డిజైన్, టెస్టింగ్ తో సహా ఆపిల్ కు చెందిన కొత్త ఉత్పత్తుల అభివద్ధిలో కీలకంగా మారునుంది.

ఈ కంపెనీ ఆపిల్ ఆపరేషన్స్ ఇండియా పేరుతో అనుబంధ సంస్థను ఏర్పాటు చేసింది. రిజిస్ట్రార్ ఆఫ్ కంపెనీస్ (ఆర్ వోసీ)కి గత వారం ఆపిల్ ఐఎన్ సీ ఒక ఫైల్ దాఖలు చేసింది. ఆపరేషనల్, ఫైనాన్సియల్ సపోర్టు అందజేస్తుందని హామీ ఇస్తూ కంఫర్ట్ లెటర్ అందజేసింది. ఎంటీటీ, ఇతర అంశాలతో పాటు ఇంజినీరింగ్ పరికరాలు, లీజు సౌకర్యాలు, హార్డ్‌వేర్ డెవలప్‌మెంట్ కోసం ఇంజినీర్లను నియమించుకోవడానికి, ఆపిల్ గ్రూప్ కంపెనీలకు వైఫల్య విశ్లేషణ సేవలను ఇక్కడి నుంచే అందించాలని యోచిస్తోంది.

ఆపిల్ కంపెనీ ప్రస్తుతం తన పరిశోధన, అభివృద్ధి కార్యకలాపాలను అమెరికా, చైనా, జర్మనీ, ఇజ్రాయెల్‌ దేశాలలో నిర్వహిస్తోంది. ఒక వేళ మన దేశంలో హార్డ్‌వేర్ డిజైన్, టెస్టింగ్‌ చేపడితే ఇదే ప్రథమం అవుతుంది. మనదేశంలో ప్రస్తుతం సామ్సంగ్, ఎల్జీ, సోనీ తదితర ఎలక్ట్రానిక్స్ బ్రాండ్లు పరిశోధన, అభివృద్ధి (ఆర్అండ్ డీ) కార్యకలాపాలను కలిగి ఉన్నాయి. ఒప్పో,వీవో తదిరత చైనీస్ ఫోన్ల తయారు దారులు కూడా ఈ కార్యకలాపాలను నిర్వహిస్తున్నారు. అమెరికా, చైనాల మధ్య కొనసాగుతున్న ఆర్థిక వైరుధ్యం వల్ల కూడా ఆపిల్ మన దేశంలో కొత్త సంస్థను ఏర్పాటు చేయడానికి కారణమని తెలుస్తోంది. దీనితో దేశంలోని సాంకేతిక నైపుణ్యాలను సద్వినియోగం చేసుకునే వీలు కలుగుతోంది.

భారత దేశంలో ఆపిల్ ఉత్పత్తుల విక్రయాలు జోరుగా సాగుతున్నాయి. ఆ కంపెనీ ప్రస్తుతం రెండు స్టోర్లను నిర్వహిస్తోంది. వీటికి అదనంగా మరో తెరవాలని భావిస్తోంది. ఇప్పటికే హైదరాబాద్ లో మ్యాప్ ల అభివద్ధి చేపట్టింది. ఆపిల్ ఉత్పత్తులకు సంబంధించి మన దేశం దాదాపు 14 శాతం సహకారం అందజేస్తోంది. ఆ సంస్థ 2017 లో విస్ట్రోన్ ద్వారా మన దేశంలో ఐఫోన్ అను అసెబ్లింగ్ చేయడం ప్రారంభించింది. కోవిడ్ తర్వాత ఉత్పత్తిని మరింత వేగవంతం చేసింది.

మనకి ఏదైనా లోన్ కావాలంటే కచ్చితంగా బ్యాంకులకి వెళతాము. కానీ ఆ అవసరం లేకుండా ఈజీగా లోన్ పొందే మార్గం ఒకటి ఉంది. అది కూడా మన చేతిలోనే ఉంది. అదే ఫోన్ పే. మనం చాలా కాలంగా PhonePe వాడుతున్నాము. కానీ మనలో చాలా మందికి కూడా ఫోన్ పే లోన్ ఆఫర్ చేస్తుందనే విషయం తెలీదు. అందువల్ల ఈ ఫీచర్ ని సరిగ్గా వినియోగించుకోలేక పోతున్నారు. మీరు ఎలాంటి బ్యాంక్స్ ,ఫైనాన్స్ కంపెనీలకు వెళ్ళకుండా ఫోన్ పే లో పర్సనల్ లోన్ తీసుకోవచ్చు. లోన్ అంటే ఒకటి కాదు రెండు కాదు.. ఏకంగా 5 లక్షల వరకు మీరు పర్సనల్ లోన్ తీసుకోవచ్చు. చాలా స్పీడ్ గా మీరు లోన్ పొందవచ్చు. కేవలం 5 నిమిషాల్లోనే లోన్ పొందవచ్చు. ఇంకో మంచి విషయం ఏమిటంటే.. ఇందులో ఈజీగా EMI కట్టుకునే ఆప్షన్ కూడా ఉంది. ఇక ఫోన్ పే లో ఎలా లోన్ తీసుకోవాలి? పూర్తి వివరాలు ఇప్పుడు మనం తెలుసుకునే ప్రయత్నం చేద్దాం.

ముందుగా మీ స్మార్ట్ ఫోన్ లో ఫోన్ పే యాప్‌ని ఓపెన్ చేయండి. మీరు ఫోన్‌పే యాప్ ఓపెన్ చేయగానే పైన మీకు కొన్ని స్లైడ్స్ కనిపిస్తాయి. అందులో మీకు “loans” అనే ఆప్షన్ కనిపిస్తుంది. దాంట్లోకి వెళ్లి, ప్రిఫర్ Personal Loan ఆప్షన్ ఉంటుంది. దాన్ని సెలెక్ట్ చేసుకోని క్లిక్ చేయండి. మీకు ఎంత లోన్ కావాలో అంత లోన్ సెలెక్ట్ చేసుకోండి. ఆ తరువాత మీకు అనుకూలంగా మీకు సరిపోయే EMI ఆప్షన్ ని సెలెక్ట్ చేసుకోండి. లోన్ తీసుకునేటప్పుడు కచ్చితంగా రూల్స్ , కండిషన్స్ గురించి కచ్చితంగా తెలుసుకోండి. వాటిని పూర్తిగా చదివిన తరువాత మాత్రమే లోన్ తీసుకోండి. అందులో అడిగిన వివరాలను కచ్చితంగా ఇవ్వండి. అలాగే ఏవైనా అవసరమైన డాక్యుమెంట్స్ ని కూడా ప్రూఫ్ గా ఇవ్వండి. అవి వెరిఫై అయ్యాక మీకు లోన్ మీ బ్యాంక్ అకౌంట్ లో క్రెడిట్ అవుతుంది.ఈ ఫీచర్ PhonePe వినియోగదారులకు చాలా ఉపయోగ పడుతుందనే చెప్పాలి. దీని వల్ల మనకు అవసరం అయినప్పుడు బ్యాంకుకి వెళ్ళే అవసరం లేకుండా చాలా ఈజీగా లోన్ పొందవచ్చు.

ఈ ఇన్స్టంట్ లోన్ ఆప్షన్ ద్వారా మనం 25 వేల నుంచి 5 లక్షల దాకా లోన్ పొందవచ్చు. దీని కోసం ఫోన్‌పే ప్రిఫర్ అనే సంస్థతో భాగస్వామ్యం కుదుర్చుకుంది. ఈ ప్రిఫర్ అనే సంస్థ హీరో ఫిన్ కార్ప్ సహా పలు ఇతర లెండింగ్ సంస్థలతో టై అప్ అయ్యింది. వీటి ద్వారా కస్టమర్లకు లోన్లు అందిస్తోంది. ఇలా ఫోన్ పేలో మీకు లోన్ ప్రాసెస్ ఉంటుంది. ఇందులో మీరు లోన్ తీసుకున్నాక 6 నెలల నుంచి 48 నెలల దాకా టెన్యూర్ పెట్టుకోవచ్చు. ఇక వడ్డీ రేటు విషయానికి వస్తే 18 శాతం నుంచి 36 శాతం వరకు పడుతుంది.

ప్రభుత్వ రంగ టెలికాం సంస్థ BSNL గత కొన్ని నెలలుగా దూకుడుగా ప్రవర్తిస్తోంది. జూలై నుంచి లక్షలాది మంది కొత్త కస్టమర్లు కంపెనీలో చేరారు. ఇప్పుడు బీఎస్ఎన్‌ఎల్‌ వినియోగదారులను నిలుపుకోవడానికి తన నెట్‌వర్క్‌ను మరింతగా పెంచుకునేందుకు నిరంతరం బిజీగా ఉంది.

దీనితో పాటు, ఖరీదైన రీఛార్జ్ ప్లాన్‌ల నుండి ఉపశమనం కలిగించడానికి బీఎస్‌ఎన్‌ఎల్‌ కూడా చౌకైన, సరసమైన ప్లాన్‌లను జాబితాకు జోడిస్తోంది.

బీఎస్ఎన్‌ఎల్‌ జాబితాలో ఇలాంటి అనేక రీఛార్జ్ ప్లాన్‌లు ఉన్నాయి. ఇది కాకుండా మీరు కంపెనీ చౌక ప్లాన్ కారణంగా మీ డబ్బును కూడా ఆదా చేసుకోవచ్చు. బీఎస్‌ఎన్‌ఎల్‌ జాబితాలో అందుబాటులో ఉన్న కొన్ని ఉత్తమ దీర్ఘకాలిక, చౌకైన ప్లాన్‌ల గురించి తెలుసుకుందాం.

బీఎస్‌ఎన్‌ఎల్‌ రూ. 2399 రీఛార్జ్ ప్లాన్: ఈ రీఛార్జ్ ప్లాన్‌లో తన కోట్లాది మంది కస్టమర్‌లకు ఒక సంవత్సరం కంటే ఎక్కువ కాలపరిమితిని అందిస్తుంది. ప్రభుత్వ సంస్థ ఈ రీఛార్జ్ ప్లాన్ ఒకేసారి 400 రోజుల పాటు రీఛార్జ్ ఇబ్బందుల నుంచి విముక్తి చేస్తుంది. బీఎస్‌ఎన్‌ఎల్‌ రూ. 2399 ప్రీపెయిడ్ ప్లాన్ వినియోగదారులకు 395 రోజుల చెల్లుబాటును అందిస్తుంది. ఈ ప్లాన్‌లో మీరు రోజుకు 2GB డేటా పొందుతారు. ఇందులో కంపెనీ వినియోగదారులకు జింగ్ మ్యూజిక్, బీఎస్ఎన్‌ఎల్‌ ట్యూన్స్, హార్డీ గేమ్స్, ఛాలెంజర్ అరేనా గేమ్స్, గేమన్ ఆస్ట్రోటెల్‌తో పాటు రోజుకు 100 ఉచిత SMSలను అందిస్తోంది.

రూ. 1899 ప్లాన్: తన కస్టమర్ల కోసం రూ. 1899 ప్లాన్‌ను తన జాబితాలో చేర్చింది. ఈ రీఛార్జ్ ప్లాన్ కస్టమర్‌లకు 365 రోజుల సుదీర్ఘ వాలిడిటీని కూడా అందిస్తుంది. ఈ ప్లాన్‌లో మీరు మొత్తం 600GB డేటాను పొందుతారు. మీరు ప్లాన్‌లో రోజుకు 100 ఉచిత SMS కూడా పొందుతారు. ఈ రీఛార్జ్ ప్లాన్‌తో మీరు Challenger Arena, Hardy Games, Gammon Astrotel, Listen Podcast, Gamem, Zing Musicకు ఉచిత సభ్యత్వాన్ని కూడా పొందుతారు.

రూ.1499 ప్లాన్: అలాగే కస్టమర్లకు రూ.1499 ప్లాన్‌ను కూడా అందిస్తోంది. ఈ ప్లాన్‌లో మీరు 336 రోజుల సుదీర్ఘ వాలిడిటీని పొందుతారు. ఈ ప్లాన్ ఏ నెట్‌వర్క్‌కైనా అపరిమిత ఉచిత కాలింగ్ అందిస్తుంది. కంపెనీ వినియోగదారులు ఈ ప్లాన్‌లో మొత్తం 24GB డేటాను పొందుతారు. ఇది కాకుండా మీరు రోజుకు 100 ఉచిత SMSలను కూడా పొందుతారు.

రూ 1198 ప్లాన్: బీఎస్ఎన్‌ఎల్‌ వార్షిక ప్లాన్ కోసం అనేక ఆప్షన్లను కలిగి ఉంది. కంపెనీ కేవలం 1198 రూపాయలకే 365 రోజుల లాంగ్ వాలిడిటీని కూడా అందిస్తుంది. ఈ రీఛార్జ్ ప్లాన్ అన్ని నెట్‌వర్క్‌లకు 300 నిమిషాల వాయిస్ కాలింగ్‌ను అందిస్తుంది. అలాగే 12 నెలల పాటు తన వినియోగదారులకు నెలకు 3GB డేటాను అందిస్తుంది. ఇది కాకుండా, ప్లాన్‌లో 30 SMSలు లభిస్తాయి.

స్టేట్ బ్యాంకు ఆఫ్ ఇండియా, హెచ్‌డీఎఫ్‌సీ బ్యాంకు సీనియర్ సిటిజన్లకు ఐదేళ్ల ఎఫ్‌డీపై 7.50 శాతం వడ్డీ అందిస్తుంటే యాక్సిస్ బ్యాంకు మాత్రం 7.75 శాతం వడ్డీ ఇస్తుంది.

రూ.ఐదు లక్షలు స్టేట్ బ్యాంకు ఆఫ్ ఇండియా, హెచ్‌డీఎఫ్‌సీ బ్యాంకులో డిపాజిట్ చేస్తే రూ. 2,24,974.01 రాబడి వస్తుంది.

యాక్సిస్ బ్యాంకులో ఐదేళ్ల పాటు రూ.5 లక్షలు డిపాజిట్ చేస్తే రూ. 2,33,921.44 రాబడి వస్తుంది.

రూ.10 లక్షలు స్టేట్ బ్యాంకు ఆఫ్ ఇండియా, హెచ్‌డీఎఫ్‌సీ బ్యాంకులో డిపాజిట్ చేస్తే రూ.4,49,948.03 రాబడి వస్తుంది.

యాక్సిస్ బ్యాంకులో ఐదేళ్ల పాటు రూ.10 లక్షలు డిపాజిట్ చేస్తే రూ. 4,67,842.87 రాబడి వస్తుంది.

మహిళా సమ్మాన్ సేవింగ్ సర్టిఫికేట్ స్కీమ్ భారతదేశంలో అన్ని పోస్ట్ ఆఫీసుల్లో అందబాటులో ఉంది. ఈ మహిళల కోసమే రూపొందించిన ప్రత్యేక పథకం. మహిళలు కొద్దిమాత్రం పెట్టుబడి రెండేళ్ల పాటు పెట్టాల్సి ఉంటుంది.

ఈ ప్రభుత్వ పథకంలో పెట్టుబడిపై 7.5 శాతం వరకు వడ్డీ అందిస్తారు. మహిళా సమ్మాన్ సేవింగ్స్ స్కీమ్ చిన్న పొదుపు పథకమని నిపుణులు చెబుతున్నారు. ఈ పథకంలో పెట్టుబడి పెట్టే మహిళలు కేవలం రెండు సంవత్సరాలు మాత్రమే పెట్టుబడి పెట్టాలి. ఇందులో పెట్టుబడి గరిష్ట పరిమితి రూ. 2 లక్షలుగా ఉంది. నరేంద్ర మోదీ ప్రభుత్వం ఈ పథకాన్ని 2023 సంవత్సరంలో ప్రారంభించారు. అతి తక్కువ సమయంలో ఈ పథకం ప్రజల ఆదరణ పొందిందని నిపుణులు వివరిస్తున్నారు.

మహిళా సమ్మాన్ సేవింగ్ సర్టిఫికేట్ స్కీమ్‌లో వచ్చిన వడ్డీని లెక్కిస్తే ఈ పథకంలో రెండేళ్ల పాటు రెండు లక్షల పెట్టుబడిపై 7.5 శాతం వడ్డీ ఇస్తారు. ఒక పెట్టుబడిదారు మొదటి సంవత్సరంలో రూ. 15,000, స్థిర వడ్డీ రేటుతో వచ్చే ఏడాది మొత్తంపై వచ్చే వడ్డీతో కలుపుకుంటే రూ. 16,125 అవుతుంది. అంటే రెండేళ్ల వ్యవధిలో కేవలం రూ.2 లక్షల పెట్టుబడిపై మొత్తం రాబడి రూ.31,125గా ఉంటుంది.

బోలెడన్ని పన్ను ప్రయోజనాలు

ప్రభుత్వం అమలు చేస్తున్న ఇటువంటి పోస్టాఫీసు పథకాలు మహిళలను స్వావలంబన చేయడంలో ముఖ్యపాత్ర పోషిస్తున్నాయి. మహిళా సమ్మాన్ సేవింగ్ సర్టిఫికేట్ స్కీమ్‌లో పెట్టుబడిపై 7.5 శాతం బలమైన వడ్డీ ఇవ్వడమే కాకుండా ఆదాయపు పన్ను సెక్షన్ 80 సీ కింద పన్ను మినహాయింపు ప్రయోజనం కూడా ఇందులో పెట్టుబడిగా ఉంది. ఈ పథకంలో మరో ప్రత్యేకత ఏమిటంటే 10 సంవత్సరాలు లేదా అంతకంటే తక్కువ వయస్సు ఉన్న బాలికలకు కూడా ఖాతా తెరవవచ్చు.