CID Chief Sanjay: సెలవు పెట్టి అమెరికా వెళ్తున్న సీఐడీ బాస్‌ సంజయ్‌
అమరావతి: తెదేపా అధినేత చంద్రబాబు సహా ఆ పార్టీ ముఖ్యనేతలపై తప్పుడు కేసుల నమోదులో కీలకంగా వ్యవహరించిన అత్యంత వివాదాస్పద అధికారి సీఐడీ అడిషనల్‌ డీజీ సంజయ్‌ సెలవుపై వెళ్లనున్నారు. ఈ బుధవారం నుంచి వచ్చే నెల 3వ తేదీ వరకు ఆయన సెలవు పెట్టారు. వ్యక్తిగత కారణాలతో అమెరికా పర్యటన వెళ్లేందుకంటూ ఆయన దరఖాస్తు చేసుకోగా ప్రభుత్వ ప్రధాన కార్యదర్శి జవహర్‌రెడ్డి వెంటనే అనుమతినిస్తూ మంగళవారం ఉత్తర్వులు ఇచ్చారు. ఈ ఎన్నికల్లో రాష్ట్రంలో ఎన్డీఏ కూటమి ఘనవిజయం సాధించడం.. రేపో మాపో కొత్త ప్రభుత్వం కొలువు తీరనున్న తరుణంలో ఆయన సెలవు పెట్టి విదేశాలకు వెళ్తుండడం విశేషం.
