అమావాస్య అంటే చంద్రుడు కనబడకుండా ఉండే రోజు. ఈ అమావాస్యను పితృ దేవతలను పూజించడానికి, దానధర్మాలు చేయడానికి అనువైన రోజుగా భావిస్తారు. అమావాస్య రోజున పూర్వీకులను తలచుకుని పిండ ప్రధానం చేయడం వల్ల వారికి మోక్షం లభిస్తుందని నమ్ముతారు.
ఈరోజున చేసే దానధర్మాలు కోర్కెలను నెరవేరుస్తాయని, ఆధ్మాత్మిక శక్తిని పెంపొందిస్తాయని కూడా నమ్మకం. ఈ నేపథ్యంలో డిసెంబర్ నెల అమావాస్య ఎప్పుడు వచ్చింది.. తిథి ప్రారంభం, ముగింపు సమయం ఎప్పుడు వంటి విషయాలు తెలుసుకుందాం..
హిందూ సంప్రదాయంలో ప్రతి మాసంలో వచ్చే అమావాస్య రోజున చంద్రుడిని పూజించే ఆచారం ఇప్పటికీ కొనసాగుతోంది. Amavasya రోజున భక్తి శ్రద్ధలతో చంద్రుడిని పూజిస్తే కోరిన కోర్కెలు నెరవేరుతాయని నమ్మకం. అలాగే ఈ రోజున వేకువజామునే పవిత్ర స్నానం ఆచరించి పితృదేవతలను పూజించడం, తర్పణం సమర్పించడం, దానం చేయడం ద్వారా వంటి చర్యల ద్వారా పూర్వీకులకు ఆత్మశాంతి కలుగుతుందని.. వారి ఆశీర్వచనం మిగిలిన తరాలకు లభిస్తుందని పండితులు చెబుతారు. ముఖ్యంగా అమావాస్య రోజున దాన ధర్మాలు చేయడం వల్ల ధన, అష్ట ఐశ్వర్యాలు కలుగుతాయని శాస్త్రవచనం.
డిసెంబర్ 2025 అమావాస్య ఎప్పుడు?
డిసెంబర్ నెలలో వచ్చే అమావాస్య ఈ ఏడాదిలో వచ్చే అమావాస్య. ఈ అమావాస్య 2025 డిసెంబర్ 19వ తేదీ వచ్చింది. ఈ అమావాస్య తిథి వేకువజామున ప్రారంభమై రోజంతా ఉంటుంది. డిసెంబర్ 19వ తేదీన వేకువజామున 04.19 నిమిషాలకు ప్రారంభమవుతుంది. మరుసటి రోజు అంటే డిసెంబర్ 20వ తేదీ ఉదయం 07.13 గంటలకు ముగుస్తుంది. కాబట్టి డిసెంబర్ 19వ తేదీ శుక్రవారం రోజున అమావాస్య పాటిస్తారు.
డిసెంబర్ 2025 ముహూర్తం సమయం
బ్రహ్మ ముహూర్తం ఉదయం 04:33 గంటల నుంచి ఉదయం 05:25 గంటల వరకు
విజయ ముహూర్తం మధ్యాహ్నం 01:32 గంటల నుంచి మధ్యాహ్నం 02:15 గంటల వరకు
గోధూళి ముహూర్తం సాయంత్రం 05:09 గంటల నుంచి సాయంత్రం 05:35 గంటల వరకు
అమృత కాలం డిసెంబర్ 19 శుక్రవారం మధ్యాహ్నం 01:09 గంటల నుంచి 02:56 గంటల వరకు ఉంటుంది.
అమావాస్య విశిష్టత
చంద్రుడు లేని రోజు అంటే అమావాస్య రోజు పూర్తీకుల ఆరాధన, ఆధ్యాత్మిక శుద్ధి, పునరుత్తేజానికి ముఖ్యమైన రోజు. ఈరోజున పితృ తర్పణం, శ్రాద్ధ కర్మలు ఆచరించడం, దానధర్మాలు చేయడం, దేవతలను పూజించడం ద్వారా పూర్వీకుల ఆశీస్సులు పొందడం.. అలాగే జీవితంలో ప్రశాంతత కలుగుతుందని బలమైన నమ్మకం. ముఖ్యంగా అమావాస్య రోజున పూర్వీకులు భూమిపై సంచరిస్తారని ఆరోజున వారికి తర్పణం, పిండ ప్రధానం ఆచరిస్తే వాళ్లు సంతృప్తి చెంది ఆశీర్వదిస్తారని నమ్మకం. అలాగే ఈ రోజున ఆచరించే పూజల వల్ల చెడు కర్మల ప్రభావం తగ్గుతుందని విశ్వాసం.
అమావాస్య పూజ విధానం
అమావాస్య రోజు బ్రహ్మ ముహూర్తంలో నిద్రలేచి పవిత్ర స్నానం చేసి శివుడిని, శ్రీమహావిష్ణువును, పితృదేవతలను పూజించడం ప్రధానం. ఈ పూజా విధానంలో దీపారాధన, ధూపం, నైవేద్యం, మంత్ర పఠనం వంటివి ఉంటాయి. ముఖ్యంగా అమావాస్య రోజున ఉపవాసం ఆచరించి శివుడితో పాటు చంద్రుడిని పూజించాలి. పూజ అనంతరం బ్రాహ్మణులకు భోజనం పెట్టడం, బట్టలు ఇతర వస్తువులు దానం చేయడం ఎంతో మంచిది.
