మెట్లు ఎక్కడమా, ఎందుకు లిఫ్ట్ ఉందిగా అని చాలా మంది మెట్ల బదులు లిఫ్ట్ వాడుతుంటారు. నిజానికీ లిఫ్ట్లో త్వరగా కష్టపడకుండానే పై అంతస్తులకి వెళ్లొచ్చు.
కానీ, ఒక్కసారి మెట్లు ఎక్కడం వల్ల కలిగే లాభాలు తెలిస్తే ప్రతీసారి మెట్లు ఎక్కి దిగడానికే ఇష్టపడతారు. ఎక్సర్సైజ్ చేయడానికే టైమ్ లేదని బాధపడేవారు ఎక్కువగా కష్టపడకుండానే మెట్లు ఎక్కి దిగడం వల్ల ఎక్సర్సైజ్ చేసినంతగా లాభాలని పొందుతారు. డబ్బు ఖర్చు చేయకుండానే ఎన్నో లాభాలు పొందొచ్చు. ఇంట్లో మెట్లు ఉంటే చాలు జిమ్కి వెళ్లకుండానే ఫిట్గా మరడమే కాకుండా హెల్దీగా తయారవుతారు.
చాలా మంది మెట్లు ఎక్కడాన్ని పెద్ద పనిగా అనుకుంటారు. కానీ, దీనిని మీరు ఓ వర్కౌట్గా మీ ఆరోగ్యాన్ని కాపాడే మెడిసిన్లా చూడండి. నిజమే, లిఫ్ట్ బదులు మెట్లు ఎక్కడం వల్ల ఎంతో ఆరోగ్యం. ఇది మీ బాడీకే కాదు, బ్రెయిన్ని కూడా హెల్దీగా మారుస్తుంది. దీని వల్ల బాడీ పోశ్చర్ మెరుగ్గా మారడమే కాకుండా జ్ఞాపకశక్తి, బ్రెయిన్ పనితీరు మెరుగ్గా మారుతుంది. అంతేకాదు, మెట్లు ఎక్కి దిగడం వల్ల మంచి ఫిట్నెస్ రొటీన్ని ఫాలో అయినట్లుగా ఉంటుంది. దీని వల్ల గుండె సమస్యలు తగ్గుతాయి. ఇది ఎంతలా ఎఫెక్టివ్గా పనిచేస్తుందంటే మెట్లు దిగడం వల్ల జిమ్లో ఎక్సర్సైజ్ చేసినంతగా బెనిఫిట్స్ అందుతాయి. ఈ లాభాల గురించి చాలా మంది హెల్త్ ఎక్స్పర్ట్స్, యోగా ఇన్స్ట్రక్టర్స్ మెట్లు ఎక్కి దిగితే మంచిదని చెబుతున్నారు. యోగా నిపుణురాలు హిన్నాల్ పాంచాల్ కూడా మెట్లు ఎక్కి దిగడం వల్ల ఎలాంటి లాభాలున్నాయో ఇన్స్టాగ్రామ్ ద్వారా ఓ వీడియోని షేర్ చేసుకున్నారు. ఫ్యాట్ బర్న్
బాడీలో ఫ్యాట్ పేరుకుపోతే ఎన్ని సమస్యలు వస్తాయో ప్రత్యేకంగా చెప్పాల్సిన పనిలేదు. బెల్లీ ఫ్యాట్ పెరుగుతుంది, బరువు పెరుగుతారు. ఇతర ప్రమాదకరమైన ఆరోగ్య సమస్యలు కూడా వస్తాయి. అయితే, మెట్లు ఎక్కి దిగడం వల్ల ఫ్యాట్ బర్న్ ఈజీగా అవుతుంది. అంతేకాదు, లోయర్ బాడీ బలంగా మారుతుంది. ముఖ్యంగా, బట్, థైస్ వంటివన్నీ టోన్ అవుతాయి.బెల్లీ ఫ్యాట్ తగ్గుతుంది. ఎక్కువగా కష్టపడకుండానే ఈ వర్కౌట్ చేయొచ్చు. దీని వల్ల తొడల లావు తగ్గుతుంది. బ్యాక్ ఎక్కువగా ఉందని బాధపడేవారు మెట్లు ఎక్కి దిగుతుండండి.
గుండె, ఊపిరితిత్తులకి
రెగ్యులర్గా మెట్లు ఎక్కి దిగితే రక్తప్రసరణ మెరుగ్గా మారుతుంది. గుండె, ఊపిరితిత్తుల పనితీరు మెరుగ్గా మారుతుంది. దీని వల్ల ఫ్యూచర్లో వచ్చే హార్ట్, లంగ్స్ ప్రాబ్లమ్స్ని దూరం చేసుకోవచ్చు. కరోనరీ హార్ట్ డిసీజ్ని తగ్గించుకోవచ్చు. లో ఇంపాక్ట్ వర్కౌట్ అయిన మెట్లు ఎక్కి దిగడం వల్ల ఏరోబిక్ వర్కౌట్ చేసినంత ఎఫెక్టివ్ ఉంటుంది. ఎస్కలేటర్ వంటివి వాడకుండానే ఇంట్లో ఉన్న మెట్లని ఎక్కి దిగడం వల్ల జిమ్కి వెళ్లి చేసినంతగా లాభాలు అందుతాయి. గుండె, ఊపిరితిత్తుల ఆరోగ్యాన్ని మెరుగుపరచడంలో మెట్లు ఎక్కి దిగడం చాలా బాగా హెల్ప్ చేస్తుంది.
షుగర్
మెట్లు ఎక్కడం వల్ల హైపర్ టెన్షన్, డయాబెటిస్,కాన్సర్ వంటి ప్రమాదాలు కూడా తగ్గుతాయి. ఇది శరీర నిరోధకతని పెంచుతుంది. ఈ కారణంగా వ్యాధులు రాకుండా ఉంటాయి. ఏకాగ్రతగా పనులు చేయడానికి హెల్ప్ అవుతుంది. మెట్లు ఎక్కి దిగడానికి ఎలాంటి పరికరాలు అవసరం లేదు. ఖర్చు చేయాల్సిన అవసరం కూడా లేదు. రోజుకి మీకు వీలైన టైమ్లో ఎక్కి దిగండి. రోజంతా బిజీగా ఉండి వర్కౌట్ చేసే టైమ్ లేని వారికి ఇది బెస్ట్. మెట్లు ఎక్కి దిగడం వల్ల ఎక్సర్సైజ్ చేయలేదన్న బెంగ ఉండదు.
ఎముకల ఆరోగ్యం
రెగ్యులర్గా మెట్లు ఎక్కుతుంటే ఎముకలు కూడా బలంగా మారతాయి. ఎముకల వ్యాధుల ప్రమాదం తగ్గుతుంది. దీని వల్ల మానసికస్థితి మెరుగ్గా మారి ఒత్తిడి తగ్గుతుంది. డోపమైన్ని విడుదల చేయడానికి ఎండార్ఫిన్స్ విడుదల చేయడానికి హెల్ప్ అవుతుంది. ఆఫీస్, ఇంటి పనులతో బిజీగా ఉండేవారు ఎక్కడికి వెళ్లకుండానే మెట్లు ఎక్కి దిగడం వల్ల జిమ్ చేసినంతగా బెనిఫిట్స్ అందుతాయి. అంతేకాదు, బాడీలో బ్యాలెన్స్ పెంచి కోఆర్డినేషన్ పెరగడానికి మెట్లు ఎక్కడం చాలా మంచి వర్కౌట్ అని చెప్పొచ్చు.
మెట్లు ఎక్కడం వల్ల లాభాలుఎందుకు మంచిది
- మెట్లు ఎక్కడం వల్ల హార్ట్ బీట్ రేట్ పెరుగుతుంది.
- స్పీడ్గా నడుస్తాం కాబట్టి బాడీలో ఆక్సిజన్ వినియోగం పెరుగుతుంది.
- లోయర్ బాడీకి చాలా మంచిది.
- తొడ కండరాల బలం పెంచుతుంది. ఉదర కండరాలు కూడా ఇన్వాల్వ్ అవుతాయి. కాబట్టి, యాక్టివ్ అయి బరువు తగ్గుతారు.
- మానసికంగా హెల్దీగా మారతారు. కొన్ని పరిశోధనల్లో తేలిన విషయం ఏంటంటే రెగ్యులర్గా మెట్లు ఎక్కి దిగనవారికి స్ట్రెస్ తగ్గి మానసికంగా స్ట్రాంగ్గా మారారని అధ్యయనాలు చెబుతున్నాయి.
రకరకాలుగా
- మెట్లు ఎక్కి దిగడం మొదట్లో కాస్తా కష్టంగానే ఉంటుంది. కానీ, అలవాటు పడ్డాక మాత్రం ఇదదే ఎక్కువగా బెనిఫిట్స్ని అందిస్తుంది. స్టెయిర్ స్ప్రింట్స్, డబుల్ స్టెప్ క్లైంబ్స్, స్టెయిర్ జంప్స్ చేయొచ్చు.
- అయితే, అందరికీ వీటి వల్ల కలిగే లాభాలు ఒకేలా ఉండవు. వారి వారి ఆరోగ్యాన్ని బట్టి బెనిఫిట్స్ ఉంటాయి. ఇక మోకాళ్ల నొప్పులు, హార్ట్ ప్రాబ్లమ్స్ ఉన్నవారు కచ్చితంగా డాక్టర్ సలహా తీసుకున్నాకే మెట్లు ఎక్కి దిగుతుండాలి.
గమనిక
ఇది సాధారణ సమాచారం కోసం మాత్రమే. ఇది ఏ విధంగానూ ఏ మెడిసిన్ లేదా చికిత్సకు ప్రత్యామ్నాయం కాదు. వీటిని పాటించేముందు మరింత సమాచారం కోసం ఎల్లప్పుడూ మీ వైద్యుడిని సంప్రదించండి.
