టీ దాదాపు అందరికీ ఇష్టమైన పానీయం. ఉదయం నిద్ర లేవగానే టీ తాగే అలవాటు చాలా మందికి ఉంటుంది. ఈ టీ తయారు చేయడం కూడా చాలా సులభం. కానీ, 99% మందికి టీని ఫర్ఫెక్ట్గా ఎలా చేయాలో తెలియదు.
కాబట్టి, టీ తయారు చేయడానికి సరైన మార్గం ఏమిటి? టీ తయారుచేసేటప్పుడు ఏ తప్పులు చేయకుండా ఉండాలో ఇప్పుడు తెలుసుకుందాం..
టీని ఎలా తయారు చేయాలి?
- టీ తయారుచేయడానికి, ముందుగా ఒక కెటిల్లో మీకు కావలసిన మొత్తంలో నీటిని పోసి స్టవ్ మీద మరిగించండి. తర్వాత టీ పొడిని అందులో కలిపి 4-5 నిమిషాలు మరిగించండి.
- టీ పొడి కలిపిన తర్వాత మిశ్రమం మరిగేటప్పుడు చక్కెర జోడించండి. ఇది చక్కెర సరిగ్గా కరిగిపోవడానికి, టీ రుచి స్థిరంగా ఉండటానికి సహాయపడుతుంది.
- చక్కెర కలిపి బాగా మరిగించిన తర్వాత, టీ మిశ్రమానికి పాలు కలపండి. తరువాత 4 నుండి 5 నిమిషాలు తక్కువ మంట మీద మరిగించాలి. తర్వాత టీని వడకట్టి తాగండి.
టీ తయారుచేసేటప్పుడు చేసే తప్పులు:
- టీ పొడి, చక్కెర, నీరు, పాలు అనే పదార్థాలన్నింటినీ ఒకేసారి జోడించడం వల్ల టీ వాసన, రుచి చెడిపోతుంది.
- టీని ఎక్కువసేపు మరిగించడం వల్ల అది చేదుగా మారుతుంది. కడుపులో చికాకు లేదా ఆమ్లత్వ సమస్యలను కలిగిస్తుంది.
- టీ పొడి ఎక్కువగా వేస్తే రుచి చెడిపోతుంది.
- పర్ఫెక్ట్ టీ తయారు చేయడం కష్టం కాదు. సరైన సమయంలో సరైన పదార్థాలను ఎలా జోడించాలో మీరు తెలుసుకోవాలి.
