తెలంగాణలో ఫోన్ ట్యాపింగ్ వ్యవహారం మరో సంచలనాన్ని సృష్టిస్తోంది. రెండు తెలుగు రాష్ట్రాల పొలిటికల్ లీడర్లు, ప్రతిపక్ష నాయకులు, పాపులర్ హీరోయిన్లు, ప్రముఖ నిర్మాతలు, దర్శకుల ఫోన్లు ట్యాప్ అయినట్లు కేసులు నమోదు అయిన విషయం తెలిసిందే.
ఈ కేసును ప్రత్యేక దర్యాప్తు బృందం విచారిస్తున్నది. తాజాగా ఇంటెలిజెన్స్ మాజీ చీఫ్ ప్రభాకర్ రావును సిట్ ఎంక్వైరీ చేస్తోంది. ఈ క్రమంలోనే సోషల్ మీడియాలో మరో న్యూస్ తెలుగు రాష్ట్రాలను షేక్ చేస్తోంది.
నాడు ప్రభాకర్ రావు బృందం ట్యాప్ చేసిన ఆడియోలను డార్క్ వెబ్లో అమ్మకానికి పెట్టినట్లు ప్రచారం జరుగుతోంది. ప్రస్తుతం విచారణను ఎదుర్కొంటున్న ఓ అధికారి ఈ ఫోన్ ట్యాపింగ్ ఆడియాలను అమ్ముకున్నట్లు సోషల్ మీడియా కోడైకూస్తోంది. బిట్ కాయిన్ రూపంలో పెద్ద మొత్తంలో వ్యాపారం జరిగిందని, ఇప్పటికీ దుబాయ్, డల్లాస్ వేదికగా ఇంకా ఫోన్ ట్యాపింగ్ కంటిన్యూ అవుతుందని సోషల్ మీడియాలో చర్చ జరుగుతోంది. మొత్తానికి ఈ టాపిక్ ట్రెండింగ్లో ఉండగా.. ప్రముఖులంతా రాజకీయ నాయకుల చేతుల్లో బలయ్యారని కామెంట్స్ చేస్తున్నారు నెటిజన్లు. మరి సోషల్ మీడియాలో ప్రచారం జరుగుతున్న వార్త ఎంత వరకు నిజమో తెలియదు కానీ, కేసు విచారణ కీలక దశలో ఉన్న సమయంలో ఈ న్యూస్ వైరల్ కావడం అటు టాలీవుడ్, ఇటు రాష్ట్ర రాజకీయాల్లో ప్రకంపనలు సృష్టిస్తోంది.
