జాబ్స్ కోసం ఎదురుచూస్తున్న వారికి కేంద్ర ప్రభుత్వ సంస్థ తీపి కబురును అందించింది. ప్రభుత్వ ఉద్యోం పొందేందుకు ఇదే బెస్ట్ ఛాన్స్. మీరు ప్రభుత్వ ఉద్యోగాలే లక్ష్యంగా సన్నద్ధమవుతున్నట్లైతే ఈ అవకాశాన్ని వదులుకోకండి. ప్రయత్నమే చేయకుండా నిరాశ చెందితే ప్రయోజనం ఏముంటుంది. మరి మీరు డిగ్రీ పూర్తి చేసుకుని ఖాళీగా ఉన్నారా? గవర్నమెంట్ జాబ్ సాధించడమే లక్ష్యంగా పెట్టుకున్నారా? అయితే ఈ జాబ్స్ మీకోసమే ఇండియన్ ఆయిల్ కార్పోరేషన్ లిమిటెడ్ భారీగా ఉద్యోగాల భర్తీ కోసం నోటిఫికేషన్ రిలీజ్ చేసింది. వెంటనే అప్లై చేసుకోండి.
ఐఓసీఎల్ జూనియర్ ఇంజినీర్ ఉద్యోగాల భర్తీకి నోటిఫికేషన్ రిలీజ్ చేసింది. ఈ రిక్రూట్ మెంట్ ద్వారా 443 జూనియర్ ఇంజినీర్ ఖాళీల భర్తీ చేయనున్నది. ఐటీఐ, ఇంజినీరింగ్ డిప్లొమా, డిగ్రీ ఉత్తీర్ణతతో పాటు పని అనుభవం ఉన్న అభ్యర్థులు అప్లయ్‌ చేసుకోవచ్చు. ఈ ఉద్యోగాలకు ఎంపికైతే పోస్టులను అనుసరించి లక్ష వరకు జీతం పొందొచ్చు. అభ్యర్థుల వయసు 18-26 ఏళ్ల మధ్య ఉండాలి. దరఖాస్తుల ప్రక్రియ ఇప్పటికే ప్రారంభమైంది. అర్హత, ఆసక్తి ఉన్న అభ్యర్థులు ఆగస్టు 21వరకు దరఖాస్తు చేసుకోవచ్చు.
ముఖ్యమైన సమాచారం:
మొత్తం ఖాళీల సంఖ్య : 443
విభాగాల వారీగా ఖాళీలు:
జూనియర్ ఇంజినీరింగ్ అసిస్టెంట్-4: 256
జూనియర్ ఇంజినీరింగ్ అసిస్టెంట్-4/ జూనియర్ టెక్నికల్ అసిస్టెంట్-4: 99
జూనియర్ క్వాలిటీ కంట్రోల్ అనలిస్ట్-4: 21
ఇంజినీరింగ్ అసిస్టెంట్: 38
టెక్నికల్: 29
అర్హత:
అభ్యర్థులు ఐటీఐ, ఇంజినీరింగ్ డిప్లొమా, డిగ్రీ ఉత్తీర్ణతతో పాటు పని అనుభవం కలిగి ఉండాలి.
వయోపరిమితి:
18-26 ఏళ్ల మధ్య ఉండాలి.
ఎంపిక విధానం:
కంప్యూటర్ ఆధారిత పరీక్ష, షార్ట్‌లిస్ట్‌ తదితరాల ఆధారంగా అభ్యర్థులను ఎంపిక చేస్తారు.
జీతం:
ఇంజినీరింగ్ అసిస్టెంట్, జూనియర్ క్వాలిటీ కంట్రోల్ అనలిస్ట్ పోస్టులకు ఎంపికైన అభ్యర్థులకు నెలకు రూ.25,000 నుంచి రూ.1,05,000 వరకు జీతం ఉంటుంది. టెక్నికల్ అటెండెంట్ పోస్టులకు ఎంపికైన వారికి నెలకు రూ.23,000 నుంచి రూ.78,000 జీతం ఉంటుంది.
దరఖాస్తు ఫీజు:
జనరల్/ ఈడబ్ల్యూఎస్‌/ ఓబీసీ అభ్యర్థులకు రూ.300 చెల్లించాలి.
దరఖాస్తు విధానం:
ఆన్లైన్
దరఖాస్తులకు చివరి తేదీ:
ఆగస్టు 21, 2024.
