జామ ఆకులను నేరుగా బాగా శుభ్రం చేసి తినాలి. పరగడుపున తీసుకోవడం వల్ల మెరుగైన ఫలితాలు లభిస్తాయి. ఆకులను తినడం వల్ల జ్వరం, తలనొప్పి, కీళ్ల నొప్పుల నుండి ఉపశమనం లభిస్తుంది.
జామ ఆకుల టీ తాగడం వల్ల డయేరియాను తగ్గించుకోవచ్చు. డయేరియాతో బాధపడేవారు రోజూ ఈ టీ తాగితే ఈ సమస్యను తగ్గించుకోవచ్చు.
జామ ఆకుల్లో అనేక విటమిన్లు, ఖనిజాలు, సూక్ష్మ, స్థూల పోషకాలు సమృద్ధిగా లభిస్తాయి. ఇందులో యాంటీ ఆక్సిడెంట్, యాంటీ ఇన్‌ఫ్లమేటరీ, యాంటీ బ్యాక్టీరియల్ గుణాలతో పాటు ప్రొటీన్, విటమిన్ సి, గల్లిక్ యాసిడ్ పుష్కలంగా ఉన్నాయి.
జామ ఆకులను నీటిలో వేసి మరిగించి ఈ నీటిని ఉదయం ఖాళీ కడుపుతో సేవిస్తే అద్భుతమైన ఆరోగ్య ప్రయోజనాలను అందిస్తుంది. జామ ఆకుల టీ తాగడం వలన బీపీ లెవెల్స్‌ను కంట్రోల్‌లో ఉంచుకోవచ్చు. దాంతో పాటు శరీరంలో మెటబాలిజం రేటు కూడా పెరుగుతుంది. జామ ఆకులు గర్భిణులు, పాలు ఇచ్చే తల్లులు తీసుకోకూడదు.
జామ ఆకుల్లో యాంటీ మైక్రోబ్రియల్‌, యాంటీ ఇన్‌ఫ్లమేటరీ, యాంటీ ఆక్సిడెంట్ గుణాలు ఉంటాయి. జామ ఆకులు తింటే రక్తంలో చక్కెర స్థాయిలు అదుపులో ఉంటాయి. జామ ఆకులను నీటిలో వేసి బాగా మరిగించాలి. ఆ తర్వాత ఇందులో నిమ్మకాయ, తేనె వేసి తీసుకోవాలి
జామ ఆకుల టీ తాగితే చర్మ ఆరోగ్యం మెరుగుపడుతుంది. జామ ఆకుల్లో ముఖంపై ఉండే మచ్చలు పోగొట్టే విటమిన్-సి అధికంగా ఉంటుంది. ఇది చర్మాన్ని మెరిసేలా చేస్తుంది. ఈ టీ తాగడంతో జుట్టు రాలడాన్ని తగ్గించుకోవచ్చు. జామ ఆకులను నీటిలో మరిగించి ఆ నీటితో జుట్టు కుదుళ్లకు మసాజ్ చేయాలి. దీంతో కుదుళ్లు బలంగా మారుతాయి.
