చలికాలంలో ఆరోగ్యాన్ని కాపాడుకోవడం చాలా ముఖ్యం. అందుకోసం హెల్దీ ఫుడ్ తీసుకోవాలి. మరీ ముఖ్యంగా చలికాలంలో వచ్చే సమస్యల్ని దృష్టిలో ఉంచుకుని ముందుగానే మన డైట్‌ని మార్చుకోవాలి. ఈ కారణంగా వింటర్ హెల్త్ ప్రాబ్లమ్స్‌ నుంచి తప్పించుకోవచ్చు.
వింటర్‌లో వచ్చే ముఖ్య సమస్యల్లో గుండె సమస్యలు కూడా ఒకటి. ఈ సమస్య రాకుండా మనల్ని మనం కాపాడుకోవాలంటే హల్దీ డైట్ ఫాలో అవ్వాలి. గుండె మన శరీరంలో ముఖ్య భాగం. కాబట్టి, దానిని కాపాడుకోవాల్సిన బాధ్యత ఎంతైనా ఉంది. అందుకోసం గుండె ఆరోగ్యాన్ని కాపాడుకునేందు సీజనల్ ఫ్రూట్స్, వెజిటేబుల్స్ తీసుకోవాలి. వీటి కారణంగా గుండె ఆరోగ్యం మెరుగవుతుంది. అలాంటి ఫుడ్స్ ఏంటో తెలుసుకోండి.
క్వినోవా, ఓట్స్, బుక్వీట్ ఇలాంటి గ్రెయిన్స్‌లో ప్రోటీన్, ఫైబర్ ఎక్కువగా ఉంటుంది. అందుకే, వీటిని తీసుకోవాలి. దీంతో గుండె ఆరోగ్యం మెరుగవుతుంది. మరీ ముఖ్యంగా, చలికాలంలో ఎక్కువగా తినాలి. మిగతా సీజన్‌లో తిన్నా కూడా చాలా లాభాలుంటాయి. వీటిలోని ప్రోటీన్, ఫైబర్ ఆరోగ్యానికి చాలా మేలు చేస్తాయి.
బెర్రీస్ ఆరోగ్యానికి చాలా మంచివి. మరీ ముఖ్యంగా గుండె ఆరోగ్యాన్ని కాపాడతాయి. స్ట్రాబెర్రీస్, బ్లూబెర్రీస్, బ్లాక్ బెర్రీస్, రాస్ప్బెర్రీస్ లాంటి బెర్రీస్‌లో ఎక్కువగా ఫైబర్ ఉంటాయి. వీటితో పాటు యాంటీ ఆక్సిడెంట్స్, విటమిన్ సి, మాంగనీస్, విటమిన్ కె 1లు ఉన్నాయి. ఇవన్నీ కూడా గుండె ఆరోగ్యాన్ని కాపాడతాయి.
నట్స్‌లోని గుణాల వీటిని సూపర్‌ఫుడ్ అని చెప్పొచ్చు. వీటిని రెగ్యులర్‌గా మనం డైట్‌లో యాడ్ చేసి తినడం వల్ల చాలా సమస్యలు దూరమవుతాయి. వీటిని మనం స్నాక్‌లా తినొచ్చు. నానబెట్టి ఉదయాన్నే తినొచ్చు. దీంతో ఆరోగ్యానికి ఎన్నో లాభాలున్నాయి. నట్స్‌లో ఒమేగా 3 ఫ్యాటీ యాసిడ్స్, ఫైబర్, మెగ్నీషియం వంటి హార్ట్ హెల్దీ పోషకాలు పుష్కలంగా ఉంటాయి. ఇందులోని మెగ్నీషియం రక్తపోటుని కంట్రోల్ చేస్తుంది. ఈ నట్స్‌ని తింటే గుండె ఆరోగ్యాన్ని కాపాడుతుంది.
పాలకూర, లెట్యూస్, కాలే వంటి ఆకుకూరల్లో ఎన్నో హెల్దీ అయిన విటమిన్స్, మినరల్స్ ఉన్నాయి. అందుకే, వీటిని రెగ్యులర్‌గా తినడం మంచిది. వీటిని తినడం వల్ల గుండె ఆరోగ్యాన్ని కాపాడుకోవచ్చు. ఈ ఆకుకూరల్ని కూరలు, సలాడ్స్ ఇలా ఎలా అయినా తినొచ్చు. దీంతో శరీరానికి ఎన్నో పోషకాలు అందుతాయి.
లీన్ ప్రోటీన్ కూడా గుండె ఆరోగ్యానికి చాలా మంచిది. దీనిని తినడం వల్ల గుండె ఆరోగ్యంతో పాటు ఆరోగ్యాని కూడా లాభాలున్నాయి. ఇందులో చికెన్, ఫిష్, బీన్స్, టోఫులు ఉన్నాయి. కాబట్టి, వీటిని రెగ్యులర్‌గా మీ డైట్‌లో వాడండి.
క్యాబేజీ, బీట్‌రూట్, క్యారెట్స్‌ని రెగ్యులర్‌గా తినడం వల్ల మేలు జరుగుతుంది. ముఖ్యంగా బీట్‌రూట్‌లోని నైట్రేట్స్ రక్తనాళాలను రిలాక్స్ చేసి రక్తపోటుని తగ్గిస్తాయి. ఇందులో ఫైబర్, యాంటీ ఆక్సిడెంట్ గుణాలు పుష్కలంగా ఉన్నాయి. ఇవి గుండె ఆరోగ్యాన్ని కాపాడతాయి. వీటిని ఆవిరి మీద ఉడికించి తింటే శరీరానికి చాలా మంచిది. దీనికోసం బీట్‌రూట్ రసం కూడా తీసుకోవచ్చు. బీట్‌రూట్, క్యారెట్‌ని కలిపి జ్యూస్‌లా చేసి తీసుకోవచ్చు.
డార్క్ చాక్లెట్‌లో యాంటీ ఆక్సిడెంట్ ఎక్కువగా ఉంటుంది. దీని వల్ల హార్ట్ ఇన్‌ఫ్లమేషన్ తగ్గుతుంది. గుండె ఆరోగ్యంగా ఉంటుంది. కాబట్టి, వీటిని కూడా రెగ్యులర్‌గా తినాలి.
ఆహారంతో పాటు.. గుండె ఆరోగ్యం బాగుండాలంటే హైడ్రేట్‌గా ఉండాలి. ఈ టైమ్‌లో చలిగా ఉండి ఎక్కువగా నీరు తాగరు. కానీ, ఈ టైమ్‌లో కూడా నీరు తాగడం మంచిది. దీంతో డీహైడ్రేట్ అవ్వకుండా ఉంటారు. రెగ్యులర్‌గా వర్కౌట్ చేయాలి. బ్రేక్‌ఫాస్ట్‌లో హెల్దీ ఫుడ్ తీసుకోండి. విటమిన్ డి చాలా ముఖ్యం. విటమిన్ డి ఉన్న ఫుడ్ తీసుకోవాలి. ఒత్తిడిని కంట్రోల్ చేయాలి. దీనికోసం ధ్యానం, యోగా, శ్వాస వర్కౌట్స్ చేయొచ్చు. దీంతో గుండె ఆరోగ్యం మెరుగ్గా ఉంటుంది.
గమనిక:ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఇవి పాటించడం వల్ల ఫలితాలు అనేవి వ్యక్తిగతం మాత్రమే. వీటిని పాటించే ముందు డైటీషియన్‌ని సంప్రదించడమే ఉత్తమ మార్గం. గమనించగలరు.
