మీ వాహనంపై HSRP స్టిక్కర్ ఉందా? మీరు దీని పేరు మొదటిసారి వింటున్నారా? ఇది కలర్-కోడెడ్ స్టిక్కర్. దీనిని సుప్రీంకోర్టు ఆదేశం ప్రకారం వాహనం విండ్షీల్డ్పై అతికించాలి.
ఈ వ్యవస్థ ఏప్రిల్ 1, 2019 నుండి అమలు చేశారు. కానీ ఇప్పుడు కోర్టు దాని కఠినమైన నిబంధనలను పాటించాలని ఆదేశించింది. ఈ స్టిక్కర్ వాహనంపై అతికించకపోతే PUC సర్టిఫికేట్, రిజిస్ట్రేషన్ బదిలీ, డూప్లికేట్ RC లేదా హైపోథెకేషన్ వంటి సేవలు అందుబాటులో ఉండవని స్పష్టం చేస్తున్నారు అధికారులు. ఈ స్టిక్కర్ దేని గురించో తెలుసుకుందాం.
కలర్ కోడెడ్ HSRP స్టిక్కర్ అంటే ఏమిటి?:
HSRP (High Security Registration Plates) హై-సెక్యూరిటీ నంబర్ ప్లేట్లు స్టిక్కర్ అనేది వివిధ రంగులలో వచ్చే హోలోగ్రామ్ స్టిక్కర్. ఇది వాహనం ముందు గాజుపై అతికించాల్సి ఉంటుంది. వాహనం నడిచే ఇంధనం, అంటే పెట్రోల్, డీజిల్, CNG లేదా ఎలక్ట్రిక్ను గుర్తించడం దీని ప్రధాన ఉద్దేశ్యం. ఢిల్లీ-NCRలో పెరుగుతున్న కాలుష్యాన్ని తనిఖీ చేయడం సుప్రీంకోర్టు తప్పనిసరి చేసింది. నిబంధనలను పాటించకపోతే రూ.2000 నుండి గరిష్టంగా రూ.5000 వరకు జరిమానా విధించవచ్చు. ప్రస్తుతానికి ఇది ఢిల్లీకి మాత్రమే తప్పనిసరి చేశారు. ఆ తర్వాత దేశంలోని అన్ని రాష్ట్రాలకు ఇది వర్తించవచ్చు.
ఏ వాహనానికి ఏ రంగు స్టిక్కర్:
HSRP స్టిక్కర్ మూడు రంగులలో లభిస్తుంది. ఇవి మీ వాహనం ఇంధనం ప్రకారం అతికించనున్నారు. మీ వాహనం పెట్రోల్ లేదా CNGతో నడుస్తుంటే దానిపై నీలిరంగు స్టిక్కర్, డీజిల్ వాహనాలపై నారింజ స్టిక్కర్, అదే ఎలక్ట్రిక్ వాహనాలకు ఆకుపచ్చ స్టిక్కర్ అతికించనున్నారు. అలాగే ఇతర వాహనాలకు బూడిద రంగు స్టిక్కర్ అతికిస్తారు. ఈ రంగులు వాహనాన్ని గుర్తించడం, వాహనం ఏ ఇంధనంతో నడుస్తుందో చెప్పడం సులభం చేస్తాయి. దీనితో పాటు పాత, మరింత కాలుష్య కారకాల వాహనాలను గుర్తించి తనిఖీ చేయవచ్చు. సుప్రీంకోర్టు ఆదేశం ప్రకారం ఢిల్లీ-NCRలో ఈ నియమం వర్తిస్తుంది.
స్టిక్కర్లో నమోదు చేసిన సమాచారం, దాని ప్రయోజనాలు:
ఈ స్టిక్కర్ ప్రధాన ప్రయోజనం ఏమిటంటే ఇది వాహనం ఇంధనానికి సంబంధించిన సమాచారాన్ని రంగుల ద్వారా చూపిస్తుంది. ఇది ట్రాఫిక్ పోలీసులకు కాలుష్య కారకాల వాహనాలను గుర్తించడంలో సహాయపడుతుంది. ఇది నకిలీ నంబర్ ప్లేట్లు, వాహన దొంగతనం, అక్రమ వాహనాలను నియంత్రించడాన్ని కూడా సులభతరం చేస్తుంది. ఈ స్టిక్కర్లో వాహనం రిజిస్ట్రేషన్ నంబర్, ఫిట్నెస్ సర్టిఫికేట్, రిజిస్ట్రేషన్ అథారిటీ, ఇంధన రకం గురించి సమాచారం ఉంటుంది. సుప్రీంకోర్టు ఢిల్లీ-ఎన్సిఆర్లో దీనిని తప్పనిసరి చేసింది. రూల్స్ పాటించకపోతే రూ. 5000 జరిమానా చెల్లించాల్సి ఉంటుంది.
HSRP స్టిక్కర్ ఎలా పొందాలి?:
మీ వాహనానికి HSRP స్టిక్కర్ పొందాలనుకుంటే మీరు bookmyhsrp.com వెబ్సైట్కి వెళ్లాలి. అక్కడ మీరు వాహన నంబర్, ఛాసిస్ నంబర్, ఇంజిన్ నంబర్, వాహనానికి సంబంధించిన కొన్ని ఇతర సమాచారాన్ని పూరించాల్సి ఉంటుంది.
దీని తర్వాత సమీపంలోని ఫిట్టింగ్ సెంటర్ను ఎంచుకుని, ఆన్లైన్లో చెల్లింపు చేయండి. మీ సౌలభ్యం కోసం స్టిక్కర్ను మీ ఇంటికి లేదా వర్క్షాప్కు డెలివరీ చేసుకునే అవకాశం కూడా ఉంది. ఎంచుకున్న తేదీన, మీరు మీ వాహనంతో నిర్దేశించిన ప్రదేశానికి చేరుకుని స్టిక్కర్ను వర్తింపజేయాలి. ఈ స్టిక్కర్ లేకుండా డ్రైవింగ్ చేయడం వల్ల జరిమానాలు విధించవచ్చు. అందుకే వీలైనంత త్వరగా దీన్ని తీసుకోవడం ముఖ్యం.
