దానిమ్మ గింజల్లోని పాలిఫినాల్స్ రక్తపోటు అదుపులో ఉంచి గుండెపై ఒత్తిడి నివారిస్తాయి. తద్వారా గుండె ఆరోగ్యంగా ఉంటుంది. దానిమ్మ గింజల్లో పాలిఫినాల్స్, యాంటీ ఆక్సిడెంట్లు ఉంటాయి.
ఇవి చర్మాన్ని యూవీ కిరణాలు, ఆక్సిడేటివ్ ఒత్తిడి నుంచి కాపాడుతాయి. తద్వారా చర్మం ఎల్లపుడూ యవ్వనంగా కనిపిస్తుంది. అందంగా మారుతుంది, తాజాగా, కాంతివంతంగా ఉంటుంది.
దానిమ్మ గింజలు 21 రోజుల పాటు తినడం ద్వారా ఒత్తిడి కూడా తగ్గుతుందని పరిశోధనలు చెబుతున్నాయి. ఇవి తక్షణ శక్తిని అందించి మంచి మూడ్ను అందిస్తాయి. తద్వారా ఒత్తిడి దూరమవుతుంది. దానిమ్మ గింజల్లో యాంటీ ఆక్సిడెంట్లు ఉంటాయి. ఇవి హార్మోన్ల సమతుల్యతను మెరుగుపరుస్తాయి. మానసిక ఒత్తిడిని కూడా తగ్గించి మానసిక ప్రశాంతతను ఇస్తాయి.
ఇవి ఆక్సిడేటివ్ ఒత్తిడి నుంచి మెదడు కణాలు డ్యామేజ్ కాకుండా కాపాడుతాయి. తద్వారా జ్ఞాపకశక్తి బాగుంటుంది. మెదడు చురుకుగా పనిచేస్తుంది. దానిమ్మ గింజలు నమలడం ద్వారా దంతాలు, చిగుళ్లు ఆరోగ్యంగా మారుతాయి. అలాగే దంతాలు తెల్లగానూ తయారవుతాయి. నోటి దుర్వాసన దూరమవుతుంది.
దానిమ్మ గింజల్లో ఉండే ఫైబర్ పేగు కండరాల కదలికలను మెరుగుపరుస్తుంది. మలం గట్టిపడకుండా చూస్తుంది. తద్వారా మలబద్ధకం నుంచి ఉపశమనం కల్పిస్తుంది. అధిక కొలెస్ట్రాల్ సమస్యతో బాధపడేవారు దానిమ్మ గింజలు రెగ్యులర్గా తినడం మంచిది. వీటిలోని పోషకాలు చెడు కొలెస్ట్రాల్ కరిగించి మంచి కొలెస్ట్రాల్ పెంచుతాయి.
పురుషుల్లో వీర్యకణాల సంఖ్య పెరగడానికి దానిమ్మ పండ్లు బాగా సహాయపడతాయి. అంతే కాక స్పెర్మ్ నాణ్యత కూడా మెరుగుపడుతుంది
