ప్రయాణీకుల సౌకర్యాలను మెరుగుపరచడానికి రైల్వే స్టేషన్లలో 100 ప్రధాన మంత్రి భారతీయ జనౌషధి కేంద్రాలను (PMBJK) ఏర్పాటు చేయాలని భారతీయ రైల్వే యోచిస్తోంది . లైసెన్స్ పొందిన వారిచే నిర్వహించబడే ఈ కేంద్రాలు నాణ్యమైన మందులు, ఉత్పత్తులను సరసమైన ధరలకు అందిస్తాయి. ఆగస్ట్ 2023 నుండి, భారతీయ రైల్వేలు ప్రయాణీకుల శ్రేయస్సును పెంచడానికి దీనిపై పని చేయడం ప్రారంభించింది. ఈ ఏడాది మార్చిలో ప్రారంభించిన పైలట్ ప్రాజెక్ట్ కోసం మొదట 50 స్టేషన్లను ఎంపిక చేశారు. బిజినెస్ టుడే ప్రకారం, ఒక సీనియర్ రైల్వే అధికారి మాట్లాడుతూ.. “మేము దేశవ్యాప్తంగా అదనంగా 61 PMBJKలను కేటాయిస్తున్నామని, ఒక్కోదానికి రూ. 12.53 లక్షలు, ప్రీ-ఫ్యాబ్రికేషన్ నిర్మాణాలు ఉన్నాయని తెలిపారు.
లక్షలాది మంది రోజువారీ సందర్శకుల వైద్య అవసరాలను తీర్చడమే లక్ష్యంగా పెట్టుకున్నామని, ఈ పథకం జనౌషధి ఉత్పత్తులను సులభంగా యాక్సెస్ చేయడానికి, ఆరోగ్యాన్ని ప్రోత్సహించడానికి, ఉపాధి అవకాశాలను అందిస్తుంది. పథకం కింద పీఎంబీజేకేలు ముఖ్యమైన ప్రయాణీకుల సౌకర్యంగా పరిగణించబడతాయి. రైల్వేలు స్టేషన్లలో సౌకర్యవంతమైన ప్రదేశాలలో ఫ్యాబ్రికేటెడ్ అవుట్‌లెట్‌లను అందిస్తాయి. ఇన్‌కమింగ్, అవుట్‌గోయింగ్ ప్రయాణీకులకు ప్రయోజనం చేకూరుస్తాయి. ఈ అవుట్‌లెట్‌లను నిర్వహించడానికి విజయవంతమైన బిడ్డర్లు తప్పనిసరిగా ఫార్మాస్యూటికల్స్ అండ్ మెడికల్ డివైసెస్ బ్యూరో ఆఫ్ ఇండియా (PMBI) నుండి అవసరమైన అనుమతులు, లైసెన్స్‌లను పొందాలి. అలాగే ఔషధ నిల్వ కోసం చట్టబద్ధమైన అవసరాలకు అనుగుణంగా ఉండాలన్నారు. కార్యకలాపాలను ప్రారంభించడానికి ముందు PMBJK అవుట్‌లెట్ యజమానులు జనౌషధి పథకం నోడల్ ఏజెన్సీ, అధీకృత పంపిణీదారులతో ఒప్పందాలపై సంతకం చేస్తారని అన్నారు.
