వర్షాకాలంలో వేడి వేడి మొక్కజొన్న పొత్తులు తింటే ఆ థ్రిల్లే వేరంటారు ఆహార ప్రియులు. ఫైబర్, విటమిన్లు పుష్కలంగా ఉండే మొక్కజొన్న ఆరోగ్యానికి చాలా మంచిది. రుచిలో కాస్తంత తియ్యగా ఉండటం వల్ల మొక్కజొన్నను తినేందుకు డయాబెటిస్ రోగుల్లో చాలామంది భయపడుతుంటారు. ఇంతకీ, ఇది షుగర్ ఉన్నవారికి మంచిదా? చెడ్డదా? నిపుణులు ఏమంటున్నారు..
షుగర్ ఉంటే మొక్కజొన్న తినొచ్చా?
డయాబెటిస్ ఉన్నవారికి మొక్కజొన్న తినకూడదనే రూలేం లేదు. మితంగా, సరైన విధంగా తింటే ఇది నిజంగా షుగర్ పేషెంట్లకు అద్భుతమైన ఆహారమని పోషకాహార నిపుణులు అంటున్నారు. ఇది ఫైబర్, అవసరమైన విటమిన్ సి, బి లు, ఖనిజాలు (మెగ్నీషియం, పొటాషియం) , యాంటీఆక్సిడెంట్లకు మంచి మూలం. ఇందులోని ఫైబర్ కంటెంట్ గ్లూకోజ్ లెవల్స్ పెరగకుండా అడ్డుకుంటుంది. అయితే, సరైన పరిమాణంలో తినాలని గుర్తుంచుకోండి.
మొక్కజొన్న ఎలా తినాలి?
ప్రాసెస్ చేసిన మొక్కజొన్న ఉత్పత్తులు లేదా తీపి మొక్కజొన్న వంటకాలను ఎంచుకునే బదులు తాజా మొక్కజొన్నను చేర్చుకోవడానికి ప్రయత్నించండి. వీటిని కాల్చుకుని తినవచ్చు. ఉడకబెట్టి తినవచ్చు. సలాడ్లు, సూపులు, లేదా కూరగాయలతో కలిపి తీసుకోవచ్చు.
(NOTE: ఇంటర్నెట్లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే)
