సమంతకు కొండా సురేఖ క్షమాపణలు చెప్పారు. కేటీఆర్ పై విమర్శలు చేసే క్రమంలో టాలీవుడ్ ఇండస్ట్రీపై అలాగే నటి సమంత వ్యక్తిగత విషయాలు గురించి సంచలన ఆరోపణలు చేశారు.
దాంతో ఒక్కసారిగా టాలీవుడ్ ఆమె పై మండిపడింది. ఇండస్ట్రీని, వల్ల వ్యక్తిగత జీవితాలను రాజకీయాలోకి లాగొద్దు అని ఫైర్ అవుతున్నారు. తాజాగా దీని పై కొండా సురేఖ వివరణ ఇచ్చారు. తాజాగా ఆమె మీడియాతో మాట్లాడుతూ.. కేటీఆర్ నన్ను రెచ్చగొట్టేలా మాట్లాడారు. ఆవేదనతోనే విమర్శలు చేశా అని మంత్రి కొండా సురేఖ అన్నారు.
అలాగే నేను చేసిన వ్యాఖ్యలపై తీవ్రంగా బాధపడ్డా. అందుకే నా వ్యాఖ్యలను వెనక్కి తీసుకున్నా.. కేటీఆర్ విషయంలో వెనక్కి తగ్గేదిలేదు అని కొండా సురేఖ అన్నారు. అలాగే పరువునష్టం దావా వేస్తే న్యాయపరంగా ఎదుర్కొంటా.. అదే విధంగా అనుకోకుండా ఓ కుటుంబం పై నోరు జారాను అని చెప్పుకొచ్చారు కొండా సురేఖ. అలాగే “నాకు జరిగిన అవమానం వేరొకరికి జరగకూడదనే నా వ్యాఖ్యలను వెనక్కి తీసుకున్నానని తెలంగాణ మంత్రి కొండా సురేఖ అన్నారు. గురువారం మీడియాతో మాట్లాడుతూ.. ‘సమంత విడాకుల విషయంలో నేను చేసిన కామెంట్స్ ఉపసంహరించుకుంటూ ట్వీట్ చేశాను. కానీ.. కేటీఆర్ విషయంలో తగ్గేదేలేదు’ అని స్పష్టం చేశారు.
కాగా నాగచైతన్య-సమంత కేటీఆర్ వల్లే విడాకులు తీసుకున్నారని నిన్న కొండా సురేఖ సంచలన ఆరోపణలు చేసిన విషయం తెలిసిందే. ఆమె కామెంట్స్ పై పలువురు సినీ ప్రముఖులు మండిపడుతున్నారు. ఇప్పటికే ఎన్టీఆర్, నాని, ప్రకాష్ రాజ్, అఖిల్, నాగార్జున, అమల, మంచు లక్ష్మీ, చిరంజీవి, ఆర్జీవీ ఇలా అందరూ స్పందిస్తున్నారు.
