టాలీవుడ్ యువ సామ్రాట్ అక్కినేని నాగ చైతన్య, ప్రముఖ హీరోయిన్ శోభిత ధూళిపాళ్ల నిశ్చితార్థం జరిగి రెండు రోజులు గడిచిపోయింది. ఆగస్టు 8న వీరి నిశ్చితార్థం జరగ్గా, అక్కినేని నాగార్జున ఎంగేజ్ మెంట్ ఫొటోలను సోషల్ మీడియా లో షేర్ చేశాడు.
ఆ తర్వా శోభిత కూడా ఇదే ఫొటోలను నెట్టింట షేర్ చేసింది. ఇదిలా ఉంటే ఉన్నట్లుండి నాగ చైతన్య, శోభితల నిశ్చితార్థం జరగడంపై చర్చ జరుగుతోంది. అలాగే వీరిద్దరు మొదట ఎప్పుడు, ఎక్కడ, ఎలా కలుసుకున్నారు? ప్రేమలో ఎలా పడ్డారు? అని నెటిజన్లు జోరుగా చర్చించుకుంటున్నారు. తాజాగా ఇదే విషయంపై శోభిత సోదరి సమంత ధూళిపాళ్ల తన ఇన్ స్టా గ్రామ్ లో ఒక ఆసక్తికరమైన పోస్ట్ పెట్టింది. చైతన్య, శోభితల మధ్య ప్రేమ 2022లోనే మొదలైందని సమంత బయటపెట్టింది. చైతూ-శోభిత ఎంగేజ్‌మెంట్ ఫొటోలు పోస్ట్ చేసిన ఆమె క్యాప్షన్ లో ఈ విషయాన్ని కూడా షేర్ చేసింది. 2022లోనే సమంత ధూళిపాళ్ల పోస్ట్ చేసిన ఓ ఫొటోకు నాగ చైతన్య లైక్ కూడా కొట్టాడు. అయితే అప్పుడు ఈ విషయాన్ని ఎవరూ పెద్దగా పట్టించుకోలేదట. ఒకవేళ సరిగ్గా గమనించి ఉంటే.. శోభితతో ప్రేమ వ్యవహారం అప్పుడే బయటపడేదేమో? అని అనుకుంటున్నారు నెటిజన్లు.
కాగా హీరోయిన్ సమంతని 2017లోనే నాగచైతన్య ప్రేమించి పెళ్లి చేసుకున్నాడు. అయితే నాలుగేళ్లకే వీళ్ల బంధం బీటలు వారింది. 2021 అక్టోబరు 2న పరస్పర అంగీకారంతో విడాకులు తీసుకుంటున్నట్లు ప్రకటించారు. దీని తర్వాత చైతూ-సమంత ఎవరికీ వాళ్లు లు చేసుకుంటూ ప్రొఫెషల్ లైఫ్ లో బిజీ అయిపోయారు. కానీ గత కొన్నేళ్లుగా చైతన్య, శోభితలు ప్రేమలో ఉన్నట్లు పుకార్లు షికార్లు చేశాయి. ఇప్పుడు వాటిని నిజం చేస్తూ నిశ్చితార్థం చేసుకున్నారీ లవ్లీ కపుల్.
