NDA Recruitment: నిరుద్యోగులకు గుడ్న్యూస్ చెప్పింది నేషనల్ డిఫెన్స్ అకాడమీ(NDA). భారత సాయుధ దళాల జాయింట్ డిఫెన్స్ సర్వీస్ ట్రైనింగ్ ఇన్‌స్టిట్యూట్ అయిన ఈ సంస్థ..
తాజాగా పదో తరగతి, ఇంటర్ అర్హతతో గ్రూప్-C ఉద్యోగాలకు నోటిఫికేషన్ జారీ చేసింది. అర్హులైన అభ్యర్థులు NDA అధికారిక పోర్టల్ nda.nic.in విజిట్ చేసి దరఖాస్తు చేసుకోవచ్చు. ఇప్పటికే అప్లికేషన్ ప్రాసెస్ ప్రారంభం కాగా, ఈ గడువు ఫిబ్రవరి 16తో ముగుస్తుంది.
నేషనల్ డిఫెన్స్ అకాడమీలో ఇండియన్ ఆర్మీ, నేవీ, ఎయిర్ ఫోర్స్ క్యాడెట్స్‌కు ట్రైనింగ్ ఇస్తారు. మహారాష్ట్ర పూణేలోని ఖడక్ వాస్లాలో ఇది ఉంది. ప్రపంచంలోనే మొట్టమొదటి ట్రై-సర్వీస్ అకాడమీగా ఇది గుర్తింపు పొందింది. ఈ సంస్థ తాజా రిక్రూట్‌మెంట్‌లో భాగంగా లోయర్ డివిజన్ క్లర్క్, స్టెనోగ్రాఫర్, డ్రాఫ్ట్స్‌మన్, కుక్, మల్టీ టాస్కింగ్ స్టాఫ్ (MTS) వంటి పోస్టులు కలిపి మొత్తంగా 198 ఖాళీలను భర్తీ చేయనుంది.
* ఖాళీల వివరాలు
లోయర్ డివిజన్ క్లర్క్- 16 పోస్టులు, స్టెనోగ్రాఫర్ GDE-II-1, డ్రాఫ్ట్స్‌మ్యాన్-2, సినిమా ప్రొజెక్షనిస్ట్ II-1, కుక్-14 పోస్టులు భర్తీ కానున్నాయి. కంపోజిటర్-కమ్-ఫ్రింటర్- 1, సివిల్ మోటార్ డ్రైవర్(OG)- 3, కార్పెంటర్- 2, ఫైర్‌మెన్- 2, టీఏ బేకర్ అండ్ కన్ఫెక్షనర్-1, టీఏ సైకిల్ రిపేరర్-2, టీఏ ప్రింటింగ్ మెషిన్ ఆపరేటర్-1, టీఏ బూట్ రిపేరర్-1, ఎంటీఎస్ ఆఫీస్ అండ్ ట్రైనింగ్-151 పోస్టులు భర్తీ అవుతాయి.
* వయోపరిమితి
NDA గ్రూప్-C రిక్రూట్‌మెంట్‌కు దరఖాస్తు చేసుకునే అభ్యర్థుల వయసు 18 నుంచి 27 ఏళ్లలోపు ఉండాలి. రిజర్వ్డ్ కేటగిరీ అభ్యర్థులకు గరిష్ట వయోపరిమితిలో సడలింపు ఉంటుంది.
* ఎడ్యుకేషన్ క్వాలిఫికేషన్
అభ్యర్థులు గుర్తింపు పొందిన బోర్డ్ నుంచి పదో తరగతి పాసై ఉండాలి. కొన్ని ఉద్యోగాలకు ఇంటర్ అర్హతగా ఉంటుంది.
* ఎంపిక ప్రక్రియ
అభ్యర్థుల ఎంపిక ప్రక్రియ రెండు దశల్లో ఉంటుంది. మొదట ఆన్‌లైన్ రాత పరీక్ష ఉంటుంది. రెండో దశలో స్కిల్ టెస్ట్ ఉంటుంది. రెండిటీలో క్వాలిఫై అయిన అభ్యర్థులకు పోస్టింగ్ లభిస్తుంది.
* అప్లికేషన్ ఫీజు
దరఖాస్తుదారులు NDA గ్రూప్-C రిక్రూట్‌మెంట్‌కు దరఖాస్తు చేసుకునే సమయంలో ఎటువంటి ఫీజు చెల్లించాల్సిన అవసరం లేదు.
* అప్లికేషన్ ప్రాసెస్
– ముందుగా NDA అధికారిక పోర్టల్ nda.nic.in ఓపెన్ చేయాలి.
– హోమ్‌పేజీలోకి వెళ్లి, కిందికి స్క్రోల్ చేస్తూ ‘న్యూస్ అండ్ ఈవెంట్స్’ అనే సెక్షన్‌లో NDA గ్రూప్-C రిక్రూట్‌మెంట్-2024 అనే లింక్ క్లిక్ చేసి నోటిఫికేషన్ వివరాలు పరిశీలించాలి.
– ఆ తరువాత ‘అప్లైనౌ’ అనే ఆప్షన్ క్లిక్ చేసి దరఖాస్తు ప్రక్రియను ప్రారంభించాలి. ముందుగా పర్సనల్ వివరాలను ఎంటర్ చేసి రిజిస్టర్ అవ్వాలి.
– రిజిస్టర్ ఐడీతో లాగిన్ అయి అప్లికేషన్ ఫారమ్ యాక్సెస్ చేయాలి. దీంట్లో అన్ని వివరాలను ఎంటర్ చేయాలి.
– అవసరమైన డాక్యుమెంట్స్ అప్‌లోడ్ చేసి, అప్లికేషన్ సబ్‌మిట్ చేయాలి.
* జీతభత్యాలు
NDA గ్రూప్-C రిక్రూట్‌మెంట్‌కు ఎంపికయ్యే అభ్యర్థులకు జీతం నెలకు రూ.18,000 నుంచి రూ. 63,200 మధ్య లభిస్తుంది.
