Railway Recruitment | కేవలం పదోతరగతి, ఐటీఐ/డిప్లొమా పూర్తయ్యిందా? మంచి జీతభత్యాలు, భద్రమైన కొలువు కోసం ఎదురుచూస్తున్నారా? అయితే ఈ ప్రకటన మీ కోసమే..
దేశవ్యాప్తంగా ఉన్న అన్ని రైల్వే రీజియన్లలో అసిస్టెంట్‌ లోకో పైలట్‌ పోస్టుల భర్తీకి రైల్వే రిక్రూట్‌మెంట్‌ బోర్డు నోటిఫికేన్‌ విడుదల చేసింది. ఆ వివరాలు సంక్షిప్తంగా….
మొత్తం ఖాళీలు
దేశవ్యాప్తంగా ఉన్న అన్ని రైల్వే రీజియన్లలో ఖాళీగా ఉన్న అసిస్టెంట్‌ లోకో పైలట్‌ (ఏఎల్‌పీ) పోస్టుల భర్తీకి ప్రకటన విడుదలైంది.
మొత్తం ఖాళీలు: 5696
పోస్టులు: అసిస్టెంట్‌ లోకో పైలట్‌ (ఏఎల్‌పీ)
కేటగిరీ వారీగా పోస్టులు: జనరల్‌- 2499, ఎస్సీ- 804, ఎస్టీ- 482, ఓబీసీ- 1351, ఈడబ్ల్యూఎస్‌- 560, ఎక్స్‌సర్వీస్‌మెన్‌- 572.
పేస్కేల్‌: రూ.19,900-63,200/-
అర్హతలు
పదోతరగతి లేదా మెట్రిక్యులేషన్‌తోపాటు సంబంధిత ట్రేడులో ఐటీఐ ఉత్తీర్ణులై ఉండాలి లేదా మెకానికల్‌/ ఎలక్ట్రికల్‌ లేదా ఎలక్ట్రానిక్స్‌/ ఆటోమొబైల్‌ ఇంజినీరింగ్‌లో మూడేండ్ల డిప్లొమా పూర్తి చేసి ఉండాలి.
వయస్సు: 2024, జూలై 1 నాటికి 18- 30 ఏండ్ల మధ్య ఉండాలి. ఎస్సీ, ఎస్టీలకు ఐదేండ్లు, ఓబీసీలకు మూడేండ్లు వయోపరిమితిలో సడలింపు ఉంటుంది.
ఎంపిక విధానం
21 ఆర్‌ఆర్‌బీల్లో ఏదో ఒక అర్‌ఆర్‌బీకి మాత్రమే దరఖాస్తు చేసుకోవాలి.
మొదటి స్టేజీ సీబీటీ-1
రోండో స్టేజీ సీబీటీ-2
కంప్యూటర్‌ బేస్డ్‌ ఆప్టిట్యూడ్‌ టెస్ట్‌ (సీబీఏటీ)
డాక్యుమెంట్‌ వెరిఫికేషన్‌
మెడికల్‌ ఎగ్జామినేషన్‌
సీబీటీ-1
ఇది కేవలం స్క్రీనింగ్‌ ఎగ్జామ్‌ మాత్రమే. దీని ద్వారా అభ్యర్థులను సీబీటీ-2కు ఎంపిక చేస్తారు
సీబీటీ-1 స్కోర్‌/మార్కులను తుది ఎంపికలో పరిగణనలోకి తీసుకోరు.
మొత్తం ప్రశ్నలు- 75, మార్కులు- 75. ప్రతి ప్రశ్నకు ఒక మార్కు
నెగెటివ్‌ మార్కింగ్‌ విధానం ఉంది. ప్రతి తప్పు జవాబుకు 1/3 మార్కు కోత విధిస్తారు.
పరీక్ష కాలవ్యవధి 60 నిమిషాలు
సీబీటీ-2
సీబీటీ-1లో వచ్చిన స్కోర్‌ను నార్మలైజేషన్‌ చేసి కమ్యూనిటీ వైజ్‌గా సీబీటీ-2కు పంపిస్తారు
ఖాళీల సంఖ్యను బట్టి 1:15 నిష్పత్తిలో సీబీటీ-2కు ఎంపిక చేస్తారు
దీనిలో రెండు పార్టులు ఉంటాయి.
పార్ట్‌- ఎ, బి.
పరీక్ష కాలవ్యవధి రెండున్నర గంటలు
మొత్తం ప్రశ్నలు 175
పార్ట్‌-ఎ లో 100 ప్రశ్నలు ఇస్తారు. దీనికి కేటాయించిన సమయం 90 నిమిషాలు
పార్ట్‌-బి లో 75 ప్రశ్నలు ఇస్తారు. దీనికి కేటాయించిన సమయం 60 నిమిషాలు
పార్ట్‌-బి కేవలం క్వాలిఫయింగ్‌ నేచర్‌ పరీక్ష మాత్రమే. సంబంధిత ట్రేడుల నుంచి ప్రశ్నలు ఇస్తారు.
పార్ట్‌ ఎలో మ్యాథ్స్‌, జనరల్‌ ఇంటెలిజెన్స్‌ అండ్‌ రీజనింగ్‌, బేసిక్‌ సైన్స్‌ అండ్‌ ఇంజినీరింగ్‌ నుంచి
ప్రశ్నలు ఇస్తారు.
కంప్యూటర్‌ బేస్డ్‌ ఆప్టిట్యూడ్‌ టెస్ట్‌ (సీబీఏటీ)
సీబీటీ-2 స్కోర్‌తో పోస్టుల సంఖ్యకు 1:8 నిష్పత్తిలో అభ్యర్థులను సీబీఏటీకి ఎంపిక చేస్తారు.
దీనిలో విజన్‌ సర్టిఫికెట్ సమర్పించాలి. దీంతో పాటు బ్యాటరీ టెస్ట్‌/సెక్షన్‌ ఆఫ్‌ సీబీఏటీ వేర్వేరుగా అర్హత సాధించాలి.
నోట్‌: సీబీఏటీ పరీక్షకు 70 శాతం, సీబీటీ-2కు 30 వెయిటేజీ ఇచ్చి డాక్యుమెంట్‌ వెరిఫికేషన్‌కు అభ్యర్థులను పిలుస్తారు.
ముఖ్యతేదీలు
దరఖాస్తు: ఆన్‌లైన్‌లో
చివరితేదీ: ఫిబ్రవరి 19
దరఖాస్తు సవరణలకు: ఫిబ్రవరి 20-29 మధ్య చేసుకోవాలి
వెబ్‌సైట్‌: https://indianrailways.gov.in
