తూర్పుగోదావరి జిల్లాలో రేవ్పార్టీ కలకలం రేగింది. కోరుకొండ మండలం బూరుగుపూడి గేట్ సమీపంలోని కల్యాణ మండపంలో తెల్లవారుజామున రేవ్ పార్టీపై పోలీసు ప్రత్యేక సిబ్బంది దాడి చేశారు. దీనిలో పాల్గొన్న ఐదుగురు మహిళలు, 14 మంది పురుషులను అదుపులోకి తీసుకున్నారు. నూతన సంవత్సరం సందర్భంగా రేవ్పార్టీ ఏర్పాటు చేసినట్లు సమాచారం. నిందితులు ఓ ఫెర్టిలైజర్ కంపెనీకి చెందినవారిగా సమాచారం. వారు గుంటూరు పరిసర ప్రాంతాల నుంచి వచ్చినట్లు తెలిసింది.
