చైనాకు చెందిన స్మార్ట్ ఫోన్‌ దిగ్గజం రియల్‌మీ సీ65 పేరుతో కొత్త ఫోన్‌ను లాంచ్‌ చేసింది. ప్రస్తుతం వియత్నాంలో లాంచ్‌ అయిన ఈ స్మార్ట్ ఫోన్‌ను త్వరలోనే భారత మార్కెట్లోకి తీసుకురానున్నారు. ఈ ఫోన్‌కు సంబంధించిన పూర్తి వివరాలు ఇప్పుడు చూద్దాం.
ఫీచర్ల విషయానికొస్తే ఈ స్మార్ట్ ఫోన్‌లో 6.67 ఇంచెస్‌తో కూడిన హెచ్‌డీ+ డిస్‌ప్లేను అందించారు. దీని స్క్రీన్ టు బాడీ రేషియో 88.7 శాతంగా ఉంది. ఇక ఈ స్మార్ట్ ఫోన్‌ 12ఎన్ఎం మీడియాటెక్ హీలియో జీ85 ప్రాసెసర్‌తో పనిచేస్తుంది.
ఈ స్మార్ట్ ఫోన్‌లో 50 మెగాపిక్సెల్స్‌తో కూడిన రెయిర్ కెమెరాను అందించారు. అలాగే సెల్ఫీలు, వీడియోకాల్స్‌ కోసం 8 మెగాపిక్సెల్స్‌తో కూడిన ఫ్రంట్‌ కెమెరాను అందించారు. ఈ ఫోన్‌ను వర్చువల్‌గా 8 జీబీ వరకు పెంచుకోవచ్చు.
ధర విషయానికొస్తే రియల్‌సీ 65 6 జీబీ ర్యామ్‌, 128 జీబీ స్టోరేజ్ వేరియంట్ ధర రూ. 12,000 కాగా, 8 జీబీ ర్యామ్‌, 128 జీబీ స్టోరేజ్ ధర రూ. 14,000, 8 జీబీ ర్యామ్‌, 256 జీబీ స్టోరేజ్ ధర రూ. 16,000గా నిర్ణయించారు.
ఇక ఈ స్మార్ట్ ఫోన్‌లో 45 వాట్స్‌ ఫాస్ట్ ఛార్జింగ్‌కు సపోర్ట్ చేసే 5000 ఎమ్‌ఏహెచ్‌ బ్యాటరీని అందించారు. కేవలం 30 సెకన్లలో ఈ ఫోన్‌ 43 నిమిషాల కాలింగ్‌ టైమ్‌ను పొందొచ్చని కంపెనీ చెబుతోంది. దీని మందం 0.76 సెంటీమీటర్లు కాగా బరువు 185 గ్రాములుగా ఉంది.
