ఒకప్పటితో పోలిస్తే ఇప్పుడు విమాన ప్రయాణాలు చేసే వారి సంఖ్య పెరిగిపోతోంది. చాలా విమానయాన సంస్థలు.. తక్కువ ధరల్లోనే విమాన ప్రయాణం కల్పిస్తుండటం సహా పండగలు, ఇతర వేడుకలతో పాటు ప్రత్యేక సందర్భాల్లో స్పెషల్ సేల్స్ తీసుకొస్తుండటం మరో కారణం. ఇతర చాలా ఆఫర్లనే ప్రకటిస్తుంటాయి. ఇప్పుడు ఇండియన్ లో కాస్ట్ క్యారియర్ అయిన ప్రైవేట్ ఎయిర్‌లైన్స్ ఆకాశా ఎయిర్ నూతన సంవత్సరం ఆఫర్ (న్యూ ఇయర్ సేల్) ప్రకటించింది. ఇందులో భాగంగానే డొమెస్టిక్ (దేశీయ), అంతర్జాతీయ రూట్లలో డిస్కౌంట్లు ప్రకటించింది. ఈ సేల్‌లో భాగంగా.. దేశీయ రూట్లలో వన్ వే టికెట్స్ రూ. 1599 ప్రారంభ ధరతోనే టికెట్లు ప్రారంభం అవుతున్నాయి.
తక్కువ ధరకే టికెట్లకు తోడు.. ఇంటర్నేషనల్ రూట్లలో ప్రయాణాలపై NEWYEAR ప్రోమో కోడ్‌తో మళ్లీ 25 శాతం వరకు డిస్కౌంట్ కూడా పొందొచ్చు. ఇది బేసిక్ టికెట్ ధరలపై వర్తిస్తుంది. ఇక ప్యాసింజర్లు తమ ఫ్లైట్ టికెట్స్‌ను ఆకాశ ఎయిర్ వెబ్‌సైట్ www.akasaair.com సహా మొబైల్ యాప్ , ట్రావెల్ పార్ట్‌నర్స్‌ను ఆశ్రయించొచ్చు.
సేవర్ అండ్ ఫ్లెక్సీ ఫేర్స్ కింద ఈ న్యూ ఇయర్ సేల్ బుకింగ్స్ 2024, డిసెంబర్ 31 నుంచి అందుబాటులో ఉంది. 2025 జనవరి 3 వరకు బుకింగ్స్ అందుబాటులో ఉంటాయి. ఇక 2025, జనవరి 7 నుంచి ప్రయాణాలు చేసేందుకు అవకాశం ఉంటుంది. ఆకాశ ఎయిర్‌లో ప్యాసింజర్లకు ఇతర అదనపు సదుపాయాలు కూడా లభిస్తాయని చెబుతోంది. ఇందులో భాగంగా.. డివైజెస్‌ ఛార్జింగ్ కోసం చాలా ఫ్లైట్లలో యూఎస్‌బీ పోర్ట్స్, ఆన్‌బోర్డ్ మీల్ సర్వీస్ వంటివి ఉంటాయి. ఇంకా ఆకాశ ఎయిర్.. ప్యాసింజర్లు క్యాబిన్‌లో పెట్స్‌తో సహా ప్రయాణించేందుకు అవకాశం కల్పిస్తోంది. పెంపుడు జంతువుల బరువును బట్టి కార్గోలో కూడా తీసుకెళ్లొచ్చు.
ప్రస్తుతం ఆకాశ ఎయిర్.. 22 దేశీయ రూట్లలో, 5 ఇంటర్నేషనల్ రూట్లలో ప్రయాణం కల్పిస్తోంది. ఇందులో ముంబై, అహ్మదాబాద్, బెంగళూరు, చెన్నై, కొచ్చి, ఢిల్లీ, గువాహటి, అగర్తలా, లక్నో, గోవా, హైదరాబాద్, వారణాసి, భువనేశ్వర్, కోల్‌కతా, పోర్ట్‌బ్లెయిర్, అయోధ్య, గ్వాలియర్, శ్రీనగర్, ప్రయాగ్‌రాజ్, దోహా, రియాద్, జెడ్డా, అబుదాబి, కువైట్ సిటీ వంటివి ఉన్నాయి. కొద్ది రోజుల కిందట రూ. 1499 ప్రారంభ ధరతోనే డొమెస్టిక్ రూట్‌లో ప్రయాణం ఆఫర్ తీసుకొచ్చిన సంగతి తెలిసిందే. ఇది క్రిస్మస్ సేల్ కాగా డిసెంబర్ 26తో బుకింగ్స్ ముగిశాయి. ఇప్పుడు న్యూ ఇయర్ ఆఫర్ కింద మరో సేల్ లాంఛ్ చేసింది.
