రామ్ చరణ్ గేమ్ ఛేంజర్ సినిమా ప్రస్తుతం పోస్ట్ ప్రొడక్షన్ పనుల్లో బిజీగా ఉంది. సంక్రాంతికి జనవరి 10న గేమ్ ఛేంజర్ సినిమా రిలీజ్ కానుంది.
శంకర్ దర్శకత్వంలో దిల్ రాజు నిర్మాణంలో భారీగా ఈ సినిమా తెరకెక్కింది. ఇప్పటికే ఈ సినిమా నుంచి రెండు పాటలు, టీజర్ రిలీజ్ చేయగా అంచనాలు భారీగా పెరిగాయి. మెగా ఫ్యాన్స్ ఈ సినిమా కోసం ఎదురుచూస్తున్నారు.
ఇక ఈ సినిమాలో SJ సూర్య విలన్ గా నటిస్తున్నాడు. తాజాగా SJ సూర్య ఈ సినిమాపై ఆసక్తికర ట్వీట్ చేసాడు. SJ సూర్య తన ట్వీట్ లో.. హాయ్ ఫ్రెండ్స్, నేను గేమ్ ఛేంజర్ సినిమాలోని రెండు ముఖ్యమైన సీన్స్ డబ్బింగ్ ఇప్పుడే పూర్తిచేశాను. ఆ సీన్స్ లో ఒకటి గ్లోబల్ స్టార్ రామ్ చరణ్ గారితో, ఇంకోటి శ్రీకాంత్ తో ఉన్నాయి. ఈ రెండు సీన్స్ డబ్బింగ్ చెప్పడానికి నాకు మూడు రోజులు పట్టింది. ఆ సీన్స్ అవుట్ పుట్ దీనమ్మ దిమ్మ తిరిగి బొమ్మ కనపడుద్ది అనిపించేలా వచ్చింది. థియేటర్స్ లో అరుస్తారు ఆ సీన్స్ కి. పోతారు మొత్తం పోతారు. థ్యాంక్యూ డైరెక్టర్ శంకర్ గారు ఈ అవకాశం ఇచ్చినందుకు. దిల్ రాజు గారు సంక్రాంతికి ర్యాంప్ ఆడిస్తున్నారు అంటూ ట్వీట్ చేసాడు.
