సాధారణంగా మోచేతులు, మోకాళ్లపై నలుపుదనం ఉంటూ ఉంటుంది. శరీరం అంతా ఒక రంగులో ఉండే ఇవి కాస్త డార్క్ కలర్‌లో ఉంటాయి. ఇప్పుడు చెప్పే కొన్ని చిట్కాలు ట్రై చేస్తే..
మోచేతులు, మోకాళ్లపై ఉండే నలుపును ఈజీగా పోగొట్టుకోవచ్చు.
నిమ్మ – పంచదార సహాయంతో నలుపును తగ్గించుకోవచ్చు. మోచేతులు లేదా మోకాళ్లపై స్క్రబ్ చేయడం వల్ల నలుపు తగ్గుతుంది. నిమ్మ చెక్కపై కొద్దిగా పంచదార వేసి సున్నితంగా స్క్రబ్ చేయాలి. టమాటా ముక్క – పంచదారతో కూడా ఇలా చేయవచ్చు.
కొబ్బరి నూనెతో కూడా మోచేతులు, మోకాళ్లపై ఉండే నలుపు తగ్గించవచ్చు. రెగ్యులర్‌గా కొబ్బరి నూనెతో మర్దనా చేస్తే నలుపు తగ్గుతుంది. అలాగే రఫ్‌గా కాకుండా మృదువుగా మారతాయి. ఇలా చాలా ఈజీ చిట్కా.
పెరుగు – ఓట్స్ కాంబినేషన్‌తో కూడా మోచేతులు, మోకాళ్లపై ఉండే నలుపును పోగొట్టవచ్చు. కొద్దిగా పెరుగులో ఓట్స్ మిక్స్ చేసి.. పావు గంట సేపు మర్దనా చేయాలి. ఆ తర్వాత కడిగేయండి. ఇలా చేయడం వల్ల మంచి ఫలితం ఉంటుంది.
శనగ పిండి – టమాటా కలిపి కూడా మోచేతులు, మో కాళ్లపై ఉండే నలుపు దనాన్ని పోగొట్టవచ్చు. టమాటా రసం శనగ పిండిలో కలిపి.. మర్దనా చేయాలి. ఆ తర్వాత ఓ పావుగంట సేపు ఉంచి.. కడిగేయాలి. ఇలా చేస్తే నలుపు తగ్గుతుంది.
