పెయింటింగ్ తీసుకుని ఇంటికి వచ్చాక, దాన్ని పరిశీలించి చూశారు. వెనకాల ఒక స్టాంప్ కనిపించింది. దాన్ని ఎవరో ఫ్రాన్స్ నుంచి అమెరికాకు ఇంపోర్ట్ చేసినట్లు ఉంది. దాని గురించి పూర్తి వివరాలు తెలుసుకోవడానికి ఒక వ్యక్తి దగ్గరకు వెళ్లారు.
ప్రతి గింజపై తినే వాడి పేరు రాసి పెట్టి ఉంటుందని అంటారు. ఒకవేళ ఆ గింజలపై మన పేరు రాసి పెట్టి ఉండకపోతే… మన నోటి వరకు రావు. ఇది సత్యం. మరి అదృష్టం పడిశం పట్టినట్లు పడితే మాత్రం… మనం తినే అన్నంలో కూడా వజ్రాలు దొరుకుతాయి. ఊహలకందని విధంగా సర్ప్రైజ్ చేయటమే అదృష్టం స్పెషాలిటీ. ఈ సంగతి ఎందుకు చెబుతున్నానంటే… ఒక మహిళ కొన్ని నెలల క్రితం వెయ్యి రూపాయలు పెట్టి ఒక పాత పెయింటింగ్ కొన్నది. ఆమె అదృష్టం వల్ల ఆ పెయింటింగ్ 8 కోట్ల రూపాయలకు అమ్ముడుపోతోంది. అమెరికాలో ఈ సంఘటన జరిగింది. ఆ వివరాల్లోకి వెళితే… అమెరికాలోని పెన్సిల్వేనియాకు చెందిన హైడీ మార్కోవ్‌కు పురాతన వస్తువులు అమ్మే షాప్ ఉంది.
సంవత్సరం క్రితం ఆమె తన భర్తతో కలిసి పాత వస్తువుల వేలంపాటకు వెళ్లింది. అక్కడ ఆమెకు ఒక పాత పెయింటింగ్ బాగా నచ్చింది. దాన్ని వేలంపాటలో 12 డాలర్లకు కొన్నది. అదే మన ఇండియన్ కరెన్సీలో అయితే 1,026 రూపాయలు అవుతుంది. పెయింటింగ్ తీసుకుని ఇంటికి వచ్చాక, దాన్ని పరిశీలించి చూశారు. వెనకాల ఒక స్టాంప్ కనిపించింది. దాన్ని ఎవరో ఫ్రాన్స్ నుంచి అమెరికాకు ఇంపోర్ట్ చేసినట్లు ఉంది. దాని గురించి పూర్తి వివరాలు తెలుసుకోవడానికి ఒక వ్యక్తి దగ్గరకు వెళ్లారు. అతను ఆ పెయింటింగ్ పరిశీలించి… భార్యాభర్తలిద్దరికీ శుభాకాంక్షలు చెప్పాడు. ‘ఆ పెయింటింగ్ 18వ శతాబ్దానికి చెందినది. దాన్ని ప్రముఖ ఫ్రెంచ్ పెయింటర్ పియర్-ఆగస్టే రెనాయిర్ గీశాడు.
అది మొత్తం చార్కోల్ తో గీసిన పెయింటింగ్. దాని విలువ చాలా ఎక్కువగా ఉంటుంది’ అని అన్నాడు. తర్వాత దాన్ని న్యూయార్క్ లోని ఒక నాన్-ప్రాఫిట్ సంస్థకు పంపాడు. ఆ సంస్థలోని వారు పురాతన వస్తువులను భద్రపరుస్తుంటారు. ఆ పెయింటింగ్ అత్యంత పురాతనమైనదని, ఒరిజినల్ కాపీ అని తేల్చారు. హైడీ ఆ పెయింటింగ్ ను ఎనిమిదిన్నర కోట్లకు అమ్మాలని చూస్తోంది. ప్రస్తుతం ఇందుకు సంబంధించిన వార్తలు మీడియాలో, సోషల్ మీడియాలో వైరల్ గా మారాయి.
