ఇండియా ఆటోమొబైల్ మార్కెట్లో 5 డోర్ మహీంద్రా థార్ రాక్స్ లాంచ్కు రెడీ అవుతోంది. స్టాండర్డ్ 3 డోర్ థార్కు మార్కెట్లో క్రేజీ డిమాండ్ ఉన్న నేపథ్యంలో కొత్త థార్ రాక్స్పై భారీ అంచనాలు ఉన్నాయి. మహీంద్రా థార్ రాక్స్ భారతదేశంలో స్వాతంత్ర్య దినోత్సవం (ఆగస్టు 15) న విడుదల కానుంది. ఈ సంవత్సరం మహీంద్రా నుంచి ఇది అతిపెద్ద లాంచ్ కాబోతోంది. అంతేకాదు ఈ ఏడాది మొత్తంలో మచ్ వైటెడ్ వెహికిల్ లాంచ్లలో ఇదొకటి. థార్ రాక్స్ ఎలా ఉంటుంది, ఫీచర్లు, ఇంజిన్ పరంగా ఇది ఏం అందిస్తుంది, మరీ ముఖ్యంగా దాని ధర ఎంత అనే దానిపై సర్వత్రా ఉత్కంఠ నెలకొంది. ఈ నేపథ్యంలో 5 డోర్ థార్ రాక్స్ని స్టాండర్డ్ థార్తో పోల్చి, కొత్తగా వచ్చే ఐదు ఫీచర్స్పై ఇప్పటివరకు ఉన్న సమాచారాన్ని ఇక్కడ తెలుసుకోండి..
మహీంద్రా థార్ రాక్స్ ఫీచర్లు: వెంటిలేటెడ్ సీట్లు..
లాంచ్కి ముందే మహీంద్రా థార్ రాక్స్కి సంబంధించిన టీచర్, ఫొటోలను సంస్థ రివీల్ చేస్తూ వస్తోంది. వాటి ద్వారా పలు కీలక విషయాలు తెలుస్తున్నాయి. ఐకానిక్ రగ్డ్ ఎస్యూవీ సామర్థ్యాన్ని పెంచడానికి కార్ల తయారీదారు మరిన్ని సౌకర్యాలను జోడించడానికి ఆసక్తిగా ఉందని స్పష్టమవుతోంది. ముఖ్యంగా టీజర్ వీడియోలో ప్రత్యేకంగా నిలిచిన వాటిలో వెంటిలేటెడ్ సీట్లు ఉన్నాయి. మాస్ మార్కెట్ వాహనాల్లో వెంటిలేటెడ్ సీట్లు ఇటీవల ప్రజాదరణ పొందాయి. ఇప్పుడు అన్ని సెగ్మెంట్లలో కార్లలో ఉంటున్నాయి. కానీ థార్ రాక్స్ ఉన్న సెగ్మెంట్లో వెంటిలేటెడ్ సీట్స్ ఉండటం ఇదే తొలిసారి కావడం విశేషం.
మహీంద్రా థార్ రాక్స్ ఫీచర్లు: ఆటోమేటిక్ క్లైమేట్ కంట్రోల్..
మహీంద్రా థార్ రాక్స్ ఆటోమేటిక్ క్లైమేట్ కంట్రోల్ సిస్టెమ్తో వస్తుంది. మూడు డోర్ల థార్ మేన్యువల్ క్లైమేట్ కంట్రోల్తో వస్తుంది. కాబట్టి, వ్యక్తి ఫ్యాన్ వేగంతో పాటు ఉష్ణోగ్రతను సర్దుబాటు చేయాల్సి ఉంటుంది.
మహీంద్రా థార్ రాక్స్ ఫీచర్లు: హార్మన్ కార్డన్ స్పీకర్స్..
మహీంద్రా థార్ రాక్స్ హార్మన్ కార్డన్ స్పీకర్ సిస్టెమ్ను ఉపయోగిస్తోంది. ఇదే యూనిట్ ఇటీవల లాంచ్ చేసిన మహీంద్రా ఎక్స్యూవీ 3ఎక్స్ ఓలో కూడా ఉంది.
మహీంద్రా థార్ రాక్స్ ఫీచర్లు: పానోరమిక్ సన్రూఫ్..
థార్ రాక్స్ పనోరమిక్ సన్ రూఫ్తో వస్తుంది. ఇది క్యాబిన్కు చాలా వెంటిలేషన్ని ఇస్తుంది. 3-డోర్ల థార్లో పానోరమిక్ సన్రూఫ్ లేదు. దీనికి ఎలక్ట్రిక్ సన్రూఫ్ కూడా లేదు.
మహీంద్రా థార్ రాక్స్ ఫీచర్లు: వెనుక భాగంలో బెంచ్ సీట్లు..
మూడు డోర్ల థార్ వెనుక భాగంలో రెండు వేరువేరు సీట్లతో వస్తుంది. అయితే స్కార్పియో ఎన్లో మనం చూసినట్లుగా థార్ రాక్స్కు సరైన బెంచ్ సీటు లభిస్తుంది.
ఇక త్వరలో లాంచ్ కాబోతున్న మహీంద్రా థార్ రాక్స్ ఇతర ఫీచర్స్, వేరియంట్లు, వాటి ధరలకు సంబంధించిన వివరాలు తెలియాల్సి ఉంది. ఆగస్ట్ 15 నాటికి వీటిపై ఓ క్లారిటీ వస్తుందని మార్కెట్ వర్గాలు భావిస్తున్నాయి.
