తిరుమల శ్రీవారి దర్శనానికి వచ్చే భక్తుల కోసం ఈ నెల 24న రూ.300 ప్రత్యేక ప్రవేశ దర్శన టికెట్లు విడుదల చేయనున్నట్లు తితిదే ప్రకటించింది.
తిరుమల: తిరుమల శ్రీవారి దర్శనానికి వచ్చే భక్తుల కోసం ఈ నెల 24న రూ.300 ప్రత్యేక ప్రవేశ దర్శన టికెట్లు విడుదల చేయనున్నట్లు తితిదే ప్రకటించింది. సెప్టెంబర్‌ నెలకు సంబంధించిన ఆర్జిత సేవా టికెట్ల ఆన్‌లైన్‌ కోటాను విడుదల చేయనుంది.
మరోవైపు, మంగళవారం ఉదయం 10 గంటలకు ఎలక్ట్రానిక్‌ డిప్‌ ఆర్జిత సేవా టికెట్లు భక్తులకు అందుబాటులోకి రానున్నాయి. ఈ నెల 20న ఉదయం 10 గంటల వరకు టికెట్ల నమోదుకు తితిదే అవకాశం కల్పించింది. ఆ రోజున మరిన్ని టికెట్లు విడుదల చేయనుంది.
ఈ నెల 21న మధ్యాహ్నం 3 గంటలకు వర్చువల్‌ సేవా టికెట్లు విడుదల
ఈ నెల 22న ఉదయం 10 గంటలకు అంగప్రదక్షిణ టోకెన్లు విడుదల
ఈ నెల 22న ఉదయం 11 గంటలకు శ్రీవాణి టికెట్లు విడుదల
ఈ నెల 22న మధ్యాహ్నం 3 గంటలకు వయోవృద్ధులు, దివ్యాంగుల దర్శన టోకెన్లు విడుదల
ఈ నెల 24న రూ.300 ప్రత్యేక ప్రవేశ దర్శన టికెట్లు విడుదల
