టాన్సిల్స్ నాలుక వెనుక గొంతుకు ఇరువైపులా గుండ్రంగా ఉండే ముద్దలు. ఇవి ప్రతి ఒక్కరి నోట్లో ఉంటాయి. నోరు, ముక్కు, గొంతు నుంచి ఎలాంటి వ్యాధికారకం శరీరంలోకి ప్రవేశించకుండా ఈ టాన్సిల్ జాగ్రత్తలు తీసుకుంటాయి.
చాలా మందికి జలుబుతో టాన్సిలిటిస్ ఇన్ఫెక్షన్ తలెత్తుతుంది. చాలా అరుదుగా మాత్రమే టాన్సిల్ ఇన్ఫెక్షన్ వస్తుంటుంది. అయితే దీని నుండి ఎలా బయటపడాలో చాలా మందికి తెలియదు. అయితే, టాన్సిల్ నొప్పిని ఇంటి నివారణలతో కూడా తగ్గించుకోవచ్చు. ఎలాగంటే..
గ్లాసు గోరువెచ్చని నీటిలో ఉప్పు కలపాలి. ఈ నీటితో ఆవిరి తీసుకోవాలి. వాపింగ్ చేసేటప్పుడు చెవులు, తలను గుడ్డతో కప్పుకోవాలి. దీని వల్ల టాన్సిల్స్ ఇన్ఫెక్షన్ తగ్గుతుంది. ఛాతీలో పేరుకుపోయిన శ్లేష్మం కూడా క్లియర్ అవుతుంది.
ఒక గ్లాసు గోరువెచ్చని నీటిలో నిమ్మరసం, తేనె, ఉప్పు కలపాలి. టాన్సిల్ నొప్పి నుండి ఉపశమనం పొందడానికి ఈ పానీయం బాగా ఉపయోగపడుతుంది. ఈ నిమ్మకాయ నీటిని రోజుకు 3-4 సార్లు తాగితే.. క్రమంగా నొప్పి నుంచి ఉపశమనం పొందొచ్చు.
టాన్సిల్ నొప్పి నుంచి ఉపశమనం పొందేందుకు గ్రీన్ టీ బలేగా ఉపయోగపడుతుంది. గ్రీన్ టీలో కాస్తింత తేనెలో కలుపుకుని తాగాలి. ఇలా రోజుకు 3 సార్లు తాగాలి. గ్రీన్ టీలో యాంటీఆక్సిడెంట్లు ఉంటాయి. ఇవి టాన్సిల్ ఇన్ఫెక్షన్లతో పోరాడుతాయి.
గ్లాసు గోరువెచ్చని పాలలో పసుపు పొడిని కలిపి తాగాలి. పసుపులో యాంటీ ఇన్‌ఫ్లమేటరీ, యాంటీ ఆక్సిడెంట్ లక్షణాలు ఉంటాయి. ఇవి టాన్సిల్ నొప్పి, ఇన్ఫెక్షన్‌లను తగ్గిస్తాయి. పసుపు కలిపిన పాలు తాగితే జలుబు, దగ్గు కూడా దూరమవుతాయి. టాన్సిల్ సమస్యతో బాధపడుతుంటే వెజిటేబుల్ లేదా చికెన్ సూప్‌ వేడివేడిగా తాగితే మెడకు విశ్రాంతినిస్తుంది. అలాగే జలుబు, దగ్గు సమస్యల నుంచి కూడా ఉపశమనం లభిస్తుంది. టాన్సిల్ నొప్పి కూడా తగ్గుతుంది.
