Realme 13 Pro Phones : రియల్‌మీ 13 ప్రో సిరీస్ ఇండియాలోకి ప్రవేశించింది. కంపెనీ కొత్త ఫోన్లు 12 జీబీ వరకు ర్యామ్, 512 జీబీ వరకు ఇంటర్నల్ స్టోరేజ్‌తో వస్తాయి. మంగళవారం సాయంత్రం 6 గంటల నుంచి 10 గంటల వరకు ఎర్లీ బర్డ్ సేల్ జరగనుంది. ఈ ఫోన్‌పై రూ.3 వేల బ్యాంక్ డిస్కౌంట్ లభిస్తుంది.
రియల్‌మీ 13 ప్రో సిరీస్ భారత మార్కెట్లో లాంచ్ చేసింది. ఈ సిరీస్‌లో రియల్‌మీ 13 ప్రో 5జీ, రియల్‌మీ 13 ప్రో + 5జీ అనే రెండు ఫోన్లు ఉన్నాయి. రియల్‌మీ 13 ప్రో + 5జీ స్మార్ట్‌ఫోన్ 8 జీబీ + 256 జీబీ, 12 జీబీ + 256 జీబీ, 12 జీబీ + 512 జీబీ వేరియంట్లలో లాంచ్ అయింది. దీని బేస్ వేరియంట్ ధర రూ.29,999 కాగా, మిడ్ వేరియంట్ ధర రూ.31,999. ఈ ఫోన్ టాప్ ఎండ్ వేరియంట్ కోసం రూ.33,999 చెల్లించాల్సి ఉంటుంది. 3 వేల రూపాయల బ్యాంక్ ఆఫర్‌తో ఈ ఫోన్ ధరలు ఉన్నాయి. ఈ ఫోన్ మోనెట్ గోల్డ్, ఎమరాల్డ్ గ్రీన్ అనే రెండు కలర్ ఆప్షన్లలో లభిస్తుంది.
రియల్‌మీ 13 ప్రో విషయానికి వస్తే ఇది మూడు వేరియంట్లలో లాంచ్ అయింది. వీటిలో ప్రారంభ వేరియంట్ అయిన 8 జీబీ ర్యామ్ + 128 జీబీ స్టోరేజ్ వేరియంట్ ధరను రూ.23,999గానూ, 8 జీబీ ర్యామ్ + 256 జీబీ స్టోరేజ్ వేరియంట్ ధరను రూ.25,999గానూ నిర్ణయించారు. 12 జీబీ ర్యామ్ + 512 జీబీ స్టోరేజ్ వేరియంట్ ధరను రూ.28,999గా నిర్ణయించారు. ఈ ఫోన్ 3 వేల రూపాయల బ్యాంక్ డిస్కౌంట్‌తో లభిస్తుంది. ఈ ఫోన్ల ఎర్లీ బర్డ్ సేల్ జులై 30న సాయంత్రం 6 గంటల నుంచి 10 గంటల వరకు జరగనుంది. ఆగస్టు 6న మధ్యాహ్నం 12 గంటలకు ఫోన్ల తొలి సేల్ ప్రారంభం కానుంది. జూలై 31 నుంచి ఈ ఫోన్లను ప్రీ-ఆర్డర్ చేసుకోవచ్చు.
రియల్‌మీ 13 ప్రో 5జీ
6.7 అంగుళాల ఫుల్ హెచ్ డీ+ డిస్ ప్లే, 1080×2412 పిక్సెల్స్ రిజల్యూషన్‌ను ఇందులో అందించారు. ఈ డిస్‌ప్లే 120 హెర్ట్జ్ వరకు రిఫ్రెష్ రేట్‌ను సపోర్ట్ చేస్తుంది. ఈ ఫోన్ 12 జీబీ వరకు ర్యామ్, 512 జీబీ వరకు ఇంటర్నల్ స్టోరేజ్ ఆప్షన్లలో వస్తుంది. ప్రాసెసర్ గా స్నాప్ డ్రాగన్ 7ఎస్ జెన్ 2 చిప్ సెట్‌ను ఇందులో అందించారు. ఫోన్ వెనుక భాగంలో ఓఐఎస్ తో కూడిన 50 మెగాపిక్సెల్ ప్రధాన కెమెరా ఉంది.
దీంతోపాటు 50 మెగాపిక్సెల్ పెరిస్కోప్ టెలిఫోటో కెమెరా, 8 మెగాపిక్సెల్ అల్ట్రా వైడ్ యాంగిల్ లెన్స్ కూడా ఇందులో ఉన్నాయి. సెల్ఫీల కోసం ఫోన్లో 32 మెగాపిక్సెల్ ఫ్రంట్ కెమెరాను కంపెనీ అందిస్తోంది. ఫోన్లో ఇచ్చిన కెమెరాలు అనేక గొప్ప ఏఐ ఫీచర్లతో వస్తాయి. 80వాట్ ఫాస్ట్ ఛార్జింగ్ సపోర్ట్ చేసే ఈ ఫోన్ బ్యాటరీ 5200 ఎంఏహెచ్ గా ఉంది.
రియల్‌మీ 13 ప్రో + 5జీ
రియల్‌మీ చెందిన ఈ ఫోన్లో ఫుల్ హెచ్‌డీ+ రిజల్యూషన్‌తో 6.7 అంగుళాల ఓఎల్ఈడీ డిస్‌ప్లేను అందించనున్నారు. ఈ డిస్‌ప్లే 120 హెర్ట్జ్ రిఫ్రెష్ రేట్‌ను సపోర్ట్ చేస్తుంది. స్నాప్ డ్రాగన్ 7ఎస్ జెన్ 2 ప్రాసెసర్, 12 జీబీ వరకు ర్యామ్, 512 జీబీ ఇంటర్నల్ స్టోరేజ్ ఇందులో అందించారు. ఫోటోగ్రఫీ కోసం కంపెనీ ఈ ఫోన్ లో రెండు రియర్ కెమెరాలను అందిస్తోంది. వీటిలో ప్రధాన కెమెరా సామర్థ్యం 8 మెగాపిక్సెల్ కాగా, దీంతోపాటు 8 మెగాపిక్సెల్ అల్ట్రా వైట్ యాంగిల్ లెన్స్ కూడా ఉంది. ఫోన్ ముందు భాగంలో సెల్ఫీల కోసం 32 మెగాపిక్సెల్ కెమెరా ఉంది. ఈ ఫోన్ బ్యాటరీ సామర్థ్యం 5200 ఎంఏహెచ్ కాగా, ఇది 45 వాట్ ఫాస్ట్ ఛార్జింగ్‌ను సపోర్ట్ చేస్తుంది.
