మనిషిని బంధించే భావాలలో ప్రేమ ఒకటి.. దీని ముందు ఏదీ ఎక్కువ కాదు అనిపిస్తుంది. ఎంతటి త్యాగం అయినా చిన్నగానే అనిపిస్తుంది. అయితే ఈరోజుల్లో అంత స్వచ్ఛమైన ప్రేమ ఎక్కడ ఉంది భయ్యా..
అందరూ ప్రేమించామని మాటలు చెప్పేవాళ్లే..నిజంగా ప్రేమించే వాళ్లను మనం ఎక్కడో అరుదుగా చూస్తుంటాం.. ప్రేమించిన వ్యక్తి కోసం.. కుటుంబాన్ని వదులుకోవడానికి చాలా మంది మహిళలు ధైర్యం చేయరు.. వారిని ఆ బంధం కట్టిపడేస్తుంది. కానీ ప్రేమించిన వ్యక్తి కోసం 2500 కోట్ల ఆస్తిని వదిలేసుకున్న మహిళ గురించి మనం ఇప్పుడు తెలుసుకుందాం..!
మలేషియాకు చెందిన కోటీశ్వర కుటుంబానికి చెందిన ఓ మహిళ తన ప్రేమకు కుటుంబం అంగీకరించకపోవడంతో కుటుంబ ఆస్తులను వదిలేసి వచ్చింది. ఏంజెలిన్ ఫ్రాన్సిస్ మలేషియా వ్యాపారవేత్త కూ కే పెంగ్, మాజీ మిస్ మలేషియా పౌలిన్ సాయ్ కుమార్తె. చాలా ధనిక కుటుంబానికి చెందిన ఆమె అయినప్పటికీ ఓ సాధారణ వ్యక్తితో ప్రేమలో పడింది. ఆక్స్‌ఫర్డ్ యూనివర్శిటీలో చదువుతున్నప్పుడు, ఏంజెలిన్ తన క్లాస్‌మేట్ అయిన జెడిడియాతో ప్రేమలో పడింది. ఏంజెలిన్ తన ప్రేమ గురించి తల్లిదండ్రులకు చెప్పగా, వారు అంగీకరించలేదు.
ఏంజెల్ తండ్రి డబ్బు, ఆస్తి, హోదా వంటి కారణాలతో ఏంజెల్ ప్రేమను అంగీకరించలేదు. ఫలితంగా, ఆమె తన కుటుంబాన్ని విడిచిపెట్టి, తన ప్రేమికుడిని వివాహం చేసుకోవడం ద్వారా కొత్త జీవితాన్ని ప్రారంభించాలని నిర్ణయించుకుంది. కాబట్టి ఆమె తన ప్రేమికుడు జెడిడియా ఫ్రాన్సిస్‌ను వివాహం చేసుకోవడానికి వారసత్వంగా వచ్చిన $300 మిలియన్లను (దాదాపు రూ. 2,484 కోట్లు) తిరస్కరించింది.
ఏంజెలిన్, జెడిడియా 2008లో వివాహం చేసుకున్నారు. వారి కుటుంబాలకు దూరంగా నివసిస్తున్నారు. ఏంజెలిన్ మాదిరిగానే, జపాన్ యువరాణి మాకో కూడా 2021లో తన కళాశాల ప్రియుడు అయిన కీ కొమురోవాను వివాహం చేసుకోవడానికి తన రాయల్ బిరుదును వదులుకున్నారు. ప్రేమ కోసం ప్రజలు తమ జీవితంలో అత్యంత విలువైన వస్తువులను కూడా త్యాగం చేయగలరని ఇది చూపిస్తుంది. నిజమైన ప్రేమ అనేది భౌతిక ఆస్తులు లేదా ఆర్థిక స్థితి గురించి కాదు, ప్రేమ మరియు ఐక్యత వంటి ప్రాథమిక మానవ అవసరాలకు సంబంధించినది అని ఏంజెలిన్ కథ ద్వారా మరోసారి రుజువైంది.
