దూర ప్రయాణాల్లో వాంతుల సమస్య వస్తుందని చాలా మంది ప్రయాణాలకు దూరంగా ఉంటారు. కొందరికి కారు ఎక్కగానే వికారంగా అనిపిస్తుంది. దీన్నే మోషన్ సిక్‌నెస్ అంటారు.
అయితే ప్రయాణంలో వాంతులు కాకుండా ఉండేందుకు కొన్ని జాగ్రత్తలు తీసుకుంటే సరిపోతుందంటున్నారు ఆరోగ్య నిపుణులు.
సీట్లో కూర్చుని పదే పదే కదలడం వల్ల వాంతులు వస్తాయి. అంటే మనం ప్రయాణం చేస్తున్నప్పుడు కళ్లు మెదడుకు ఇచ్చే దృశ్య సందేశానికీ, లోపలి చెవి ఇచ్చే సందేశానికీ మధ్య పొంతన ఏర్పడినప్పుడు మెదడు గందరగోళానికి గురవుతుంది. ఇది ప్రయాణ సమయంలో వాంతులు లేదా వికారం కలిగించవచ్చు.
దీనిని ఎలా నివారించాలంటే.. ప్రయాణించేటప్పుడు, కారులో ఎక్కువ కదలకుండా కూర్చోవాలి. వీండో పక్కన కాకుండా మధ్యలో కూర్చోవడం మంచిది. మీరు కారులో ఉంటే, ముందు సీట్లో కూర్చోవచ్చు
ప్రయాణంలో మొబైల్ ఫోన్, ల్యాప్‌టాప్ వంటివి ఉపయోగించకూడదు. ప్రయాణంలో చదవడం కూడా మంచిది కాదు. వికారం అనిపిస్తే, స్వచ్ఛమైన గాలిని పీల్చుకోవడానికి కారు కిటికీలను తెరవచ్చు. పాటలు వినడం ద్వారా మీరు మీ మనస్సును నియంత్రించవచ్చు. లేకపోతే కారులో ఇతరులతో మాట్లాడడానికి ప్రయత్నించాలి.
ప్రయాణానికి ముందు ఎక్కువగా తినడం మానుకోవాలి. ప్రయాణానికి కనీసం 45 నిమిషాలు లేదా ఒక గంట ముందు తేలికపాటి భోజనం తినాలి. ప్రయాణానికి ముందు వేయించిన ఆహారాలు, మద్యం, ధూమపానం మానుకోవాలి. తులసి, లవంగాలు, నిమ్మ వంటి సువాసన మూలికలు వికారం నుంచి ఉపశమనం కలిగించడంలో సహాయపడతాయి. మీకు ఏదైనా అసౌకర్యంగా అనిపిస్తే, వెంటనే వాహనం వేగాన్ని తగ్గించమని కోరండి.
