Allu Arjun: జనసేనాని పవన్ కళ్యాణ్ కు రోజురోజుకూ ఇండస్ట్రీ నుంచి మద్దతు పెరుగుతుంది. పవన్ నిజాయితీ మెచ్చి.. సినీ ప్రముఖులు పవన్ కు అండగా నిలబడుతున్నారు.
సీనియర్ హీరోల నుంచి కుర్ర హీరోల వరకు పవన్ కే తమ సపోర్ట్ అంటూ సోషల్ మీడియా పోస్టులు పెడుతున్నారు. ఇప్పటికే మెగా హీరోలు ప్రచారంలో పాల్గొని తమ మద్దతు తెలుపుతుంటే.. సీనియర్ హీరో నరేష్, కుర్ర హీరోలు నాని, రాజ్ తరుణ్ లాంటి వారు ట్విట్టర్ ద్వారా జనసేనకు సపోర్ట్ గా ఉన్నట్లు తెలుపుతున్నారు.
ఇక తాజాగా ఐకాన్ స్టార్ అల్లు అర్జున్ సైతం పవన్ వెంట నిలబడ్డాడు. బన్నీ ప్రచారానికి రాకపోయినా.. తాను ఎల్లప్పుడూ పవన్ కళ్యాణ్ కే సపోర్ట్ ఉంటానని తెలుపుతూ పోస్ట్ చేశాడు. ” మీ ఎన్నికల ప్రయాణానికి నా హృదయపూర్వక శుభాకాంక్షలు తెలుపుతున్నాను పవన్ కళ్యాణ్ గారు. మీ జీవితాన్ని సేవకే అంకితం చేస్తూ మీరు ఎంచుకున్న మార్గం గురించి నేను ఎప్పుడూ గర్వపడుతున్నాను. కుటుంబ సభ్యునిగా, నా ప్రేమ మరియు మద్దతు మీకు ఎల్లప్పుడూ ఉంటుంది. మీరు ఆశించినదంతా సాధించినందుకు నా శుభాకాంక్షలు” అంటూ రాసుకొచ్చాడు. ప్రస్తుతం ఈ పోస్ట్ నెట్టింట వైరల్ గా మారింది.
గత ఎన్నికల ప్రచారంలో కూడా పవన్ తరుపున బన్నీ నిలబడ్డాడు. ఇప్పుడు కూడా తన సపోర్ట్ అందివ్వడంతో ఆయన అభిమానులు సైతం పవన్ కు మద్దతుగా నిలబడుతున్నట్లు కామెంట్స్ పెడుతున్నారు. ఇక బన్నీ సినిమాల విషయానికొస్తే ప్రస్తుతం పుష్ప 2 తో బిజీగా ఉన్నాడు. దీని తరువాత త్రివిక్రమ్ తో ఒక సినిమా చేస్తున్నాడు. మరి ఈ సినిమాలతో బన్నీ ఎలాంటి విజయాలను అందుకుంటాడో చూడాలి.
My heartfelt wishes to @PawanKalyan garu on your election journey. I have always been immensely proud of the path you've chosen, dedicating your life to service. As a family member, my love and support will always be with you. My best wishes for achieving all that you aspire for.
— Allu Arjun (@alluarjun) May 9, 2024
