ఇప్పటికే ఐక్యూబ్ మాడల్ 6 లక్షల యూనిట్లకు పైగా అమ్ముడయ్యాయి. ఈ కొత్త వేరియంట్ ప్రతిరోజు ప్రయాణించడానికి అనుకూలంగా రూపొందించింది కంపెనీ. డ్యూయల్ టోన్ కలర్స్, బ్యాక్రెస్ట్, బ్యాటరీ కెపాసిటీని అప్గ్రేడ్ చేసి ఈ మాడల్ను మార్కెట్లోకి తీసుకువచ్చారు..
ప్రస్తుతం పెట్రోల్, డీజిల్ ధరలు భారీగా ఉన్న నేపథ్యంలో చాలా మంది ఎలక్ట్రిక్ వాహనాల వైపు మొగ్గు చూపుతున్నారు. ప్రస్తుతం ఆటోమొబైల్ రంగంలో సరికొత్త ఎలక్ట్రిక్ కార్లు, స్కూటర్లు వస్తున్నాయి. కంపెనీలు కూడా తక్కువ ధరల్లో వాహనాలను అందుబాటులోకి తీసుకువస్తున్నాయి. ఇప్పటికే కార్లు, స్కూటర్లు రాగా, మరిన్ని ఎలక్ట్రిక్ స్కూటర్లు మార్కెట్లో విడుదలవుతున్నాయి. పోటీపోటీగా కంపెనీలు అత్యధునిక ఫీచర్స్ను జోడిస్తూ ఎలక్ట్రిక్ వాహనాలను తీసుకువస్తున్నాయి. ఇక ప్రముఖ వాహన సంస్థ టీవీఎస్ మోటర్ మార్కెట్లోకి సరికొత్త ఐక్యూబ్ ఈ-స్కూటర్ను అందుబాటులోకి తీసుకొచ్చింది. టీవీఎస్ ఐక్యూబ్ సిరీస్కు మరో కొత్త వేరియంట్ను జోడించింది. మెరుగైన ఫీచర్స్తో తీర్చిదిద్దిన ఈ మాడల్ ధరను రూ.1.03 లక్షలుగా నిర్ణయించింది. హిల్ హోల్డ్ అసిస్ట్, 3.1 కిలోవాట్ల బ్యాటరీ కలిగిన ఈ మాడల్ సింగిల్ చార్జింగ్తో 123 కిలోమీటర్ల మైలేజీ ఇవ్వనుంది.
కాగా, ఇప్పటికే ఐక్యూబ్ మాడల్ 6 లక్షల యూనిట్లకు పైగా అమ్ముడయ్యాయి. ఈ కొత్త వేరియంట్ ప్రతిరోజు ప్రయాణించడానికి అనుకూలంగా రూపొందించింది కంపెనీ. డ్యూయల్ టోన్ కలర్స్, బ్యాక్రెస్ట్, బ్యాటరీ కెపాసిటీని అప్గ్రేడ్ చేసి ఈ మాడల్ను అభివృద్ధి చేసినట్టు కంపెనీ వర్గాలు వెల్లడించాయి.
3.1 kWh బ్యాటరీ ప్యాక్
iQube అతిపెద్ద లక్షణం దాని కొత్త 3.1 kWh బ్యాటరీ ప్యాక్. ఇది ఒకే ఛార్జ్పై 123 కి.మీ పరిధిని హామీ ఇస్తుంది. ఈ వేరియంట్ ఛార్జింగ్ సమయం 2.2kWh కి సమానంగా ఉంటుంది. ఇది 0 నుండి 80 శాతం ఛార్జింగ్ కోసం 2 గంటల 45 నిమిషాలు. ఈ వేరియంట్ గరిష్ట వేగం టాప్-స్పెక్ iQube ST కి సమానంగా ఉంటుంది. ఇది గంటకు 82 కి.మీ.
