ఏపీ పాలిటిక్స్ లో కీలక పరిణామం చోటు చేసుకోనుంది. పిఠాపురం నుంచి పవన్ కల్యాణ్ పై ప్రముఖ ట్రాన్స్ జెండర్ తమన్నా సింహాద్రి పోటీ చేయనున్నారు.
గతంలో తమన్నా మంగళగిరి నుంచి పోటీ చేశారు. భారత చైతన్య యువజన పార్టీ నుంచి ఆమె బరిలో ఉండనున్నట్లు ఆ పార్టీ చీఫ్ రామచంద్రయాదవ్ ప్రకటించారు. ఈ సందర్భంగా రామచంద్రయాదవ్ మాట్లాడుతూ.. ఏపీలో ఏ పార్టీ చేయని సాహసాన్ని తమ పార్టీ చేసినట్లు పేర్కొన్నారు.
చట్టసభల్లో ట్రాన్స్ జెండర్స్ కు అవకాశం కల్పించాలని తమన్నా సింహాద్రికి టికెట్ కేటాయించినట్లు స్పష్టం చేశారు. ఇక, తమన్నా బిగ్ బాస్ షో తో సైతం మంచి గుర్తింపు తెచ్చుకున్నారు. గతంలో మంగళగిరి నుంచి పోటీ చేసిన సందర్భంగా రాజకీయాలు వ్యాపారం అయ్యాయని.. ప్రజలకు సేవ చేయాలనే ఆలోచన నేతల్లో తగ్గిందని తమన్నా తెలిపారు. జనసేన కోసం సైతం తమన్నా పని చేసినా.. పవన్ కల్యాణ్ ను కనీసం కలిసే చాన్స్ రాలేదని తీవ్ర అసంతృప్తిలో ఉన్న తమన్నా ఏకంగా పవన్ పై పోటీకి దిగడం ఏపీ పాలిటిక్స్‌లో సంచలనంగా మారింది.
