ఎన్నికల్లో పోటీ చేసి గెలిస్తే పదవులు వస్తాయి. అధికార దర్పం వస్తుంది. ప్రభుత్వ పాలనలో భాగస్వాములు కావచ్చు. అదే పార్టీ నిర్ణయానికి కట్టుబడి పోటీకి దూరంగా ఉంటే ఇవేమి కలగవు.

అయితే ఈసారి ఆంధ్రప్రదేశ్(Andhra Pradesh) అసెంబ్లీ, లోక్ సభ ఎన్నికల్లో టీడీపీ(TDP), బీజేపీ(BJP), జనసేన(Janasena) పొత్తుపెట్టుకోవడంతో ఆయా పార్టీలకు చెందిన కొందరు నేతలకు నిరాశ ఎదురైంది.సీట్ల పంపకంలో భాగంగా కీలక నేతలు పోటీ చేయలేకపోయారు. కాని ఇప్పుడు వారికి ప్రత్యేక పదవులు వరించబోతున్నాయి. ఎన్నికల తలనొప్పి లేకుండానే షార్ట్ కట్ లో ఎమ్మెల్సీ, విప్, చీఫ్ విప్, మంత్రి పదవి, రాజ్యసభ సీటు వంటి ఛాన్సులు దక్కబోతున్నాయి. ఈ లిస్టులో టీడీపీ, జనసేనకు చెందిన నేతలు ఉన్నారు. టీడీపీ నుంచి దేవినేని ఉమా, ఎస్వీఎస్ఎన్ వర్మ,వంగవీటి రాధాతో పాటు మరికొందరు రేసులో ఉన్నారు.

పోటీ చేయకపోయినా కీలక పదవులు..

ఆంధ్రప్రదేశ్ ఎన్నికల ఫలితాల తర్వాత కొత్తగా ఎన్డీఏ కూటమి ప్రభుత్వం కొలువుదీరుతోంది. అయితే ఎన్నికలకు ముందు రాష్ట్రంలో ప్రధాన పార్టీగా ఉన్న తెలుగుదేశం పార్టీ బీజేపీ, జనసేనతో పొత్తు పెట్టుకోవడంతో కచ్చితంగా ఆ పార్టీకే నష్టం కలుగుతుందని అందరూ భావించారు. అయితే వైసీపీ ప్రభుత్వంపై వ్యతిరేకత, చంద్రబాబు రాష్ట్రాన్ని అభివృద్ది చేస్తారనే నమ్మకమో కాని ..ఊహించని విధంగా భారీ మెజార్టీతో ఎన్డీఏ కూటమి అధికారంలోకి వచ్చింది. మూడు పార్టీలు పొత్తు పెట్టుకోవడం, సీట్లు పంచుకోవడంతో టీడీపీ, జనసేన పార్టీకి చెందిన కొందరు నాయకులకు పోటీ చేసే అవకాశం చేజారిపోయింది. అయితే వారి స్థానంలో పోటీ చేసి గెలిచిన వాళ్లు ఎమ్మెల్యలుగా మారడంతో ఇప్పుడు తమ టికెట్ త్యాగం చేసిన వాళ్లకు టీడీపీ, జనసేన అధికారంలోకి రాగానే సముచిత స్థానం కల్పిస్తామని వాగ్ధానం చేసింది.

టికెట్ త్యాగం చేసిన వాళ్లకు పదవులు..

ఇందులో భాగంగానే ఇప్పుడు అలాంటి వాళ్లు పోటీ చేయకుండానే ప్రభుత్వంలో పదవులు చేపట్టే అవకాశం గట్టిగా కనిపిస్తోంది. వాళ్లలో ముందు వరుసలో ఉన్నారు పిఠాపురం టీడీపీ నేత, మాజీ ఎమ్మెల్యే ఎస్వీఎస్ఎన్ వర్మ. గత ఎన్నికల్లో తన టికెట్ ను పవన్ కల్యాణ్ కు త్యాగం చేయడంతో ..ఇప్పుడు ఆయన్ని ఎమ్మెల్సీగా చేసే అవకాశం కనిపిస్తోంది.ఈయనతో పాటు మాజీ మంత్రి, టీడీపీ సీనియర్ నాయకుడు దేవినేని ఉమా పేరు కూడా లిస్టులో ఉంది. మైలవరం లేదా పెనమలూరు నియోజకవర్గం నుంచి ఉమా పోటీ చేస్తారనే ప్రచారం జరిగింది. అనూహ్యంగా వసంత కృష్ణ ప్రసాద్ వైసీపీ నుంచి టీడీపీలో చేరడం, పెనమలూరు టికెట్ కోసం బోడె ప్రసాద్ ఆందోళనకు దిగడంతో దేవినేని ఉమా పోటీ చేయలేదు.అందుకే టీడీపీ అధిష్టానం దేవినేనికి న్యాయం చేయాలనే ఆలోచనతో ఉందట.

వంగవీటి రాధాకు ఛాన్స్..

ఇక విజయవాడ ఎమ్మెల్యే టికెట్ ఆశించిన టీడీపీ నేత వంగవీటి రాధాకృష్ణ కూడా తన టికెట్ ను మొన్న జరిగిన ఎన్నికల్లో వదులుకున్నారు. పోటీ చేయకుండా కూటమికి మద్దతివ్వడంతో ..ఆయనకు ఉన్నతమైన పదవి కల్పిస్తామని స్వయంగా చంద్రబాబే హామీ ఇచ్చారు. వీళ్లే కాదు …ఇలాంటి చాలా మంది నాయకులకు టీడీపీ తరపు నుంచి చంద్రబాబు, జనసేన నుంచి పవన్ కల్యాణ్ హామీ ఇవ్వడంతో ఎప్పుడెప్పుడు తమకు పదవులు వస్తాయా అని కీ లీడర్స్ ఎదురుచూస్తున్నారు.

Varla Ramaiah: మాజీ మంత్రి బొత్సపై ఏసీబీకి ఫిర్యాదు చేసిన టీడీపీ

Varla Ramaiah: వైఎస్‌ఆర్‌ కాంగ్రెస్‌ పార్టీ కీలక నేత, మాజీ మంత్రి బొత్స సత్యనారాయణపై ఏసీబీకి ఫిర్యాదు చేసింది తెలుగుదేశం పార్టీ.. దీనిపై మీడియాతో మాట్లాడిన టీడీపీ పొలిట్‌బ్యూరో సభ్యులు వర్ల రామయ్య.. మేం ఇచ్చిన కంప్లైంట్ తీసుకున్నట్టు ఏసీబీ ఎస్పీ అక్నాలెడ్జ్మెంట్ ఇచ్చారని తెలిపారు.. అవినీతి చేసిన మంత్రులందరూ తగిన మూల్యం చెల్లించాల్సిందే అని హెచ్చరించారు.

ఉపాధ్యాయుల వద్ద నుంచి రూ. 3 లక్షల నుంచి రూ. 6 లక్షల వరకూ.. ఇలా దాదాపు 65 కోట్ల రూపాయలు వసూలు చేశారని ఆరోపించారు.. బొత్స హయాంలోం జరిగినంత మోసం ఎప్పుడూ జరగలేదన్న ఆయన.. ఎన్నికల కోడ్‌ వచ్చాక బదిలీలు చేశారని మండిపడ్డారు. దళారులు, బొత్స పేషీలలో వారిపై 1600 నుంచి 2500 మంది టీచర్లు దాడికి సిద్ధంగా ఉన్నారని వార్నింగ్ ఇచ్చారు.. బొత్స, ఆయన పేషీలో ఘనాపాటీలపై దాడి చేస్తారని తెలుస్తోందన్నారు. ఏసీబీ డీజీ అందుబాటులో లేరు‌.. ఎస్పీ ఉన్నారు.. కంప్లైంట్ ఇచ్చామని.. అంతా శ్రీకృష్ణ జన్మస్ధానంలో కూచుంటారని ఎద్దేవా చేశారు. మీ అవినీతి భాగోతం అంతా బయటకు వస్తుందని హెచ్చరించారు వర్ల రామయ్య.

ఏపీలో రాజకీయ లెక్కలు మారుతున్నాయి. కొత్త ప్రభుత్వం కొలువు తీరుతోంది. టీడీపీ కేంద్ర ప్రభుత్వంలో భాగస్వామిగా కీలక పాత్ర పోషిస్తోంది. రాష్ట్రంలో చంద్రబాబు ప్రభుత్వంలో బీజేపీ చేరుతోంది.

దీంతో.. అటు ఢిల్లీ నుంచి అమరావతి వరకు చోటు చేసుకుంటున్న సమీకరణాల పైన కాంగ్రెస్ ఫోకస్ చేసింది. జగన్ ఓటమి తరువాత తీసుకుంటున్న నిర్ణయాలపైన ఆరా తీస్తోంది. ఇదే సమయంలో షర్మిల విషయం లో హైకమాండ్ అలర్ట్ అయింది. కీలక నిర్ణయం దిశగా అడుగులు వేస్తోంది.

మారుతున్న లెక్కలు

జాతీయ స్థాయిలో సంకీర్ణ కూటమి ఎన్డీఏ కొలువు తీరింది. రాష్ట్రంలోనూ ఎన్డీఏ ప్రభుత్వం ఏర్పాటు కానుంది. వైసీపీ కేవలం 11 స్థానాలకే పరిమితం అయింది. వైసీపీ ఓటమిలో పీసీసీ చీఫ్ షర్మిల కీలక పాత్ర పోషించారు. తాను కడప ఎంపీగా ఓడిపోయారు. కొత్త ప్రభుత్వానికి అభినందనలు తెలిపిన షర్మిల ఏపికి రావాల్సిన పెండింగ్ హామీల అమలు పైన ఫోకస్ చేయాలని సూచించారు. ఇటు జగన్ పార్టీ నేతలతో వరుస సమావేశాలు నిర్వహిస్తున్నారు. ప్రతిపక్షంలో ఉండటం కొత్త కాదని..ప్రజల పక్షాన నిలబడదామని సూచిస్తున్నారు. అటు ఢిల్లీలోనూ రాజకీయం ఆసక్తి కరంగా మారుతోంది.

జగన్ నెక్స్ట్ స్టెప్ ఏంటి

ఎన్డీఏ కూటమిలో టీడీపీ, జేడీ(యూ) కీలకంగా మారాయి. నెంబర్ గేమ్ ఏ రోజు ఎలా ఉంటుందో అనే ఉత్కంఠ కొనసాగుతోంది. అటు ఇండియా కూటమి సమయం కోసం వేచి చూస్తోంది. ఎన్డీఏ, ఇండియా కూటమి కి మద్దతు ఇవ్వకండా తటస్థంగా నిలిచిన పార్టీల పైన రెండు కూటములు ఫోకస్ చేసాయి. సంఖ్య ఏ స్థాయిలో ఉన్నా ప్రతీ పార్టీ కీలకంగా మారుతోంది. జగన్ ప్రత్యర్ధి చంద్రబాబు ఇప్పుడు ఎన్డీఏలో ఉండటంతో జగన్ అటు వైపు వెళ్లే అవకాశం లేదని కాంగ్రెస్ అంచనా వేస్తోంది. అదే సమయంలో జగన్ ఇటు కాంగ్రెస్ ఉన్న కూటమి వైపు వెళ్లే అవకాశం ఉండదని అంచనా వేస్తున్నారు. జగన్ తటస్థ వైఖరిలోనే ఉంటారనే అంచనాలు వ్యక్తం అవుతున్నాయి.

భవిష్యత్ ప్రణాళికలు

ఇక, ఏపీలో జగన్ భవిష్యత్ ప్రణాళికలకు అనుగుణంగా దీటైన వ్యూహంతో వెళ్తే…రాష్ట్రంలో బలపడటానికి ఇదే సరైన సమయంగా కాంగ్రెస్ భావిస్తోంది. ఇందులో భాగంగా షర్మిలకు పార్టీలో మరింత ప్రాధాన్యత ఇవ్వాలని భావిస్తున్నట్లు సమాచారం. త్వరలో షర్మిలకు గతంలో ఇచ్చిన హామీ మేరకు రాజ్యసభ సభ్యురాలిగా చేయాలని నిర్ణయించారు. జగన్ పార్టీ నుంచి బీజేపీ, టీడీపీలోకి వెళ్లేందుకు ఇష్టపడని వారికి కాంగ్రెస్ ప్రత్యామ్నాయ పార్టీగా నిలిచేలా కార్యాచరణ ఉండాలని సూచిస్తున్నట్లు తెలుస్తోంది. దీంతో..రానున్న రోజుల్లో ఏపీలో కాంగ్రెస్ తీసుకొనే నిర్ణయాలు మరింత ఆసక్తి కరంగా మారే అవకాశం కనిపిస్తోంది.

Jagan Countary Persons Role in YCP Defeat: ఏపీలో వచ్చిన అనూహ్య ఫలితాలతో ఏం చేయాలో దిక్కుతోచని స్థితిలో పడిపోయారు వైసీపీ అధినేత జగన్. ఫ్యాన్ పార్టీకి దిమ్మతిరిగే ఓటమి రావడానికి కారణం ఏంటా అని కార్యకర్తలు, నేతలు తలమునకలు అయ్యేలా ఆలోచనలో పడ్డారు. వైసీపీ ఇంత దారుణంగా ఓడిపోవడానికి వారిద్దరే కారణం అంటూ తీవ్రమైన చర్చ నడుస్తుంది. వారు చేసిన పనులు.. తీసుకున్న నిర్ణయాలు వల్లే పార్టీ ఇంత ఘోరంగా ఓడిపోవాల్సి వచ్చిందని నాయకులు గుసగుసలాడుకుంటున్నారు. ఇంతకీ ఆ ఇద్దరు నేతలు ఎవరు ? పార్టీ ఎందుకు ఇంతలా కింద స్థాయికి పడిపోవాల్సి వచ్చిందో..

ఆంధ్రప్రదేశ్ లో మొన్న జరిగిన ఎన్నికలు వైసీపీ కొంప ముంచాయి. జగన్ మ్యానియా పని చేస్తుందని, సంక్షేమ పథకాలు గట్టెక్కిస్తాయని.. సామాజిక న్యాయం తమకు న్యాయం చేస్తుందని భావించిన వైసీపీ చివరికి చతికిల పడింది. 2019లో 151 సీట్లు ఇచ్చిన ప్రజలు.. 2024 ఎన్నికల్లో 11 సీట్లకు పరిమితం చేసి దిమ్మతిరిగి మైండ్ బ్లాక్ అయ్యే తీర్పు నిచ్చారు. ఈ తారుణంలోనే ఓటమికి గల కారణాలను ఎవరికి నచ్చినట్లు వాళ్లు ఆలోచిస్తున్నారు. కానీ అన్నంటికంటే అసలు కారణం జగన్ చుట్టు వుండే కోటరీ అనేది జగమెరిగిన సత్యం.

జగన్ అధికారం చేపట్టిన నాటి నుంచి నేటి వరకు చేసిన ప్రతి పనిలో జగన్ కి 10 శాతం ప్రమేయం ఉంటే చుట్టూ ఉండే కోటరీది 90 శాతం పాత్ర ఉంటుంది. అటు ప్రజలతో పాటు ఇటు పార్టీ నేతల్లో కూడా జగన్ పై వ్యతిరేకత రావడానికి ప్రధాన కారణం కోటరీలో ఉండే ఆ ఇద్దరే అని నేతలంతా గళం విప్పుతున్నారు. వారి వల్లే ఈ స్థాయిలో పార్టీ దెబ్బతిందని వైసీపీ నాయకులు తీవ్ర ఆరోపణలు చేస్తున్నారు. కనిపించే సీఎం జగన్ ఒకరైతే.. కనపడని షాడో సీఎం మరొకరు ఉన్నారు. సీఎం తర్వాత తానే సీఎం అనేంత రేంజిలో బిజీబిజీగా గడుపుతూ.. ప్రతి ప్రభుత్వం మీటింగ్ లోనూ.. ప్రైవేట్ మీటింగ్ లోనూ తానే కనపడేవారు. ఈ తరహా వైఖరిపై విమర్శలు వస్తున్నప్పటికీ.. మళ్లీ అదే రిపీట్ చేస్తూ.. చివరికి పార్టీ పతనానికి కూడా ఒక కారణం అయ్యారు. అతనే ప్రభుత్వ సలహాదారు సజ్జల రామకృష్ణారెడ్డి.

ప్రభుత్వంలో ఏ నిర్ణయం తీసుకున్నా.. ఎవరికి మంత్రి పదవులు రావాలన్నా.. ఎవరికైనా పోస్ట్ కేటాయించాలన్నా.. చిన్న స్థాయి నుంచి పెద్ద స్థాయి అధికారుల వరకు.. బదిలీ చేయాలన్నా సజ్జల అనుమతి లేనిదే.. సీఎం జగన్ చేయడమే టాక్ పెద్ద ఎత్తున నడిచింది. 2019లో వైసీపీ అధికారంలోకి వచ్చిన నాటి నుంచి నిన్నా మొన్నటి వరకు కూడా ఇదే నడిచిందని భాహాటం గానే సొంత నేతలు సైతం విమర్శలు గుప్పించారు. సజ్జల రామకృష్ణారెడ్డి వల్లే పార్టీ ఇంతలా దిగజారి పోయిందని.. 11 సీట్లకే పరిమితం అయ్యిందని ఫైర్ అవుతున్నారు.

ఉపాధ్యాయులు, ఉద్యోగులు, అంగన్వాడీలు, ఆశ వర్కర్స్.. ఇలా ఎవరితో చర్చలు జరిగిన.. ప్రతి సందర్భంలోనూ సజ్జల వీరు ఎవరు తమ ఓటు బ్యాంకు కాదని కించ పరిచే విధంగా మాట్లాడేవారు. ఈ మాటలే ఎన్నికల్లో రిఫ్లెక్ట్ అయ్యాయని చాలా మంది భావిస్తున్నారు. ఆయన మాట్లాడిన తీరు వల్లే వారి ఓటు బ్యాంక్ అంతా చేజారిందని వాపోతున్నారు. పార్టీ ఓటమికి పూర్తి బాధ్యత అంతా సజ్జల పైనే ఉంటుందని సొంత నేతలే నిప్పులు చెరుగుతున్నారు.

సజ్జల తర్వాత ఆ స్థాయిలో పార్టీ ఓటమికి కారణమైన వ్యక్తి ఎవరా అంటే.. సీఎంఓలో ఉండే దనుంజయ రెడ్డి వైపే అందరి వేళ్లు చూపిస్తున్నాయి. ప్రభుత్వంలో కీలక పాత్ర పోషిస్తూ.. అన్ని నిర్ణయాలు తానే తీసుకుంటూ.. అరాచకాలు చేసుకుంటూ ముందుకు వెళ్తుంటే దానికి ధ్రువీకరణ పత్రం ఇచ్చింది ధనుజయ రెడ్డి అని చెబుతున్నారు. నిర్ణయాలు సజ్జలు తీసుకుంటే ఆర్డర్లు ధనుంజయ రెడ్డి ఇచ్చేవారని… అధికారులు మొత్తాన్ని తన గుప్పెట్లో పెట్టుకున్నారని మండిపడుతున్నారు. జగన్ ఓటమికి కారణమైన ప్రతి తప్పులో ధనుంజయ రెడ్డి హస్తం కూడా ఉందని బహిరంగం గానే ఆరోపణలు వినిపిస్తున్నాయి.

ఈ వ్యవహారంపైనే వైసీపీ మాజీ ఎమ్మెల్యే మీడియా సాక్షిగా కుండబడ్డలు కొట్టేలా మాట్లాడడం ఈ ఆరోపణలను నిజం చేస్తున్నాయి. వైసీపీ ఓటమి తర్వాతహ ప్రెస్ మీట్ పెట్టి మాట్లాడిన రాజానగరం మాజీ ఎమ్మెల్యే జక్కంపూడి రాజా.. ధనుంజయ రెడ్డిపై తీవ్రమైన విమర్శలు చేశారు. సీఎం జగన్ ని కలిసే అవకాశం కూడా తమకి ఇవ్వలేదని.. తానే సీఎం లాగా బిహేవ్ చేసే వారని ఆందోళన వ్యక్తం చేశారు.

మొత్తానికి సజ్జల రామకృష్ణారెడ్డి, ధనుంజయ్ రెడ్డి కలిసి పార్టీ నాశనానికి కృషి చేశారే తప్ప.. ఎదుగుదలకు ఎక్కడ ఉపయోగపడలేదని తీవ్ర ఆరోపణలైతే వినపడుతున్నాయి.

Ex Minister Kodali Nani Comments : బూతు మంత్రి వాయిస్ మారిపోయింది. నోరు తెరిస్తే బూతుల పంచాంగం ఎత్తుకునే ఎక్స్ మినిస్టర్ నీతులు చెప్పడం మొదలుపెట్టారు. సదరు సారు తూలుతూ పదేళ్లుగా చేసిన ఓవర్ యాక్షన్ ఎక్కడ బూమరాంగ్ అయి పీకల మీదకు తెస్తుందో అని భయపడుతున్నట్లు కనిపిస్తున్నారు. ప్రత్యర్ధులపై దాడులు చేయడం మాహాపాపం అన్నట్లు ప్రవచనాలు వల్లించడం మొదలుపెట్టారు. అలాగని ఆయన నిజంగా మారిపోయారనుకునే అమాయకులు రాష్ట్రంలోనే కనిపించడరండోయ్. ఇంతకీ ఎవరా సుద్దపూస అంటారా?

కొడాలి నాని.. ఈ పేరుకు, వ్యక్తికి ప్రత్యేకంగా పరిచయం అవసరం లేదు. బూతులు మాట్లాడే నేతగా తెలుగు రాష్ట్రాల్లో ప్రత్యేకంగా గుర్తింపు ఉంది. విపక్ష నేతలపై దురుసుగా విరుచుకుపడాలంటే కొడాలి నాని తర్వాతే ఎవరైనా. అసెంబ్లీ అయినా.. బహిరంగ సభ అయినా.. ప్రెస్ మీట్ అయినా.. ప్లేస్ ఏదైనా.. మాట తీరులో మార్పు ఉండదు. కొడాలికి కౌంటర్ ఇచ్చే ధైర్యం కూడా విపక్ష నేతలకు ఉండేది కాదు. ఎందుకంటే.. వాళ్లెంత మాట్లాడినా నాని కామెంట్స్‌కు దగ్గర్లోకి కూడా వచ్చేవి కాదు. అలా ఉండేది కొడాలి నాని లాంగ్వేజ్. ఇక చంద్రబాబు, లోకేష్‌ను విమర్శించాలంటే.. మాట్లాడే కొద్దీ నానికి ఊపొచ్చేదే తప్పా.. అలుపు మాత్రం వచ్చేది కాదు.

Also Read : వైసీపీపై ఆపరేషన్ లోటస్ ఇలా.. టార్గెట్ ఆ నేతలే..!

అయితే.. ఇదంతా గతం.. ఇప్పుడు ఆయన స్వరం మారింది. ఐదు నిమిషాల్లో 50 భూతులు మాట్లాడే నాని స్పీచ్‌లో ఈసారి బూతద్దం పెట్టి వెతికినా.. ఒక్క బూతు కూడా కనిపించడం లేదు. సాంప్రదాయిని.. సుప్పిని.. సుద్దపూసని అన్నట్టు నటించారా? నిజంగానే మారారా అనేది తెలియదు కానీ.. పద్దతికి ప్యాంటు, షర్టు వేసినట్టు చెప్పాల్సిన విషయాన్ని చెప్పారు. ఓ సారి ఆయన మాటలు వింటే మీకే మ్యాటర్ అర్థమైపోతుంది.

టీడీపీ నేతల దాడులను ఖండిస్తూ కొడాలి నాని ప్రెస్ మీట్ పెట్టారు. రాష్ట్రంలో శాంతిభద్రతలు అదుపు తప్పాయని చెప్పారు. పోలీసులు ప్రేక్షక పాత్ర వహిస్తూ టీడీపీ నేతలకు సపోర్టు చేస్తున్నారని అన్నారు. అందుకే కోర్టులను ఆశ్రయించి ప్రైవేటు కేసులు వేస్తామన్నారు. అయితే.. ఎంటైర్ ప్రెస్‌మీట్‌లో ఒక్కమాట కూడా తూళలేదు కొడాలి. టీడీపీ నేతలను పాలసీలపై ప్రశ్నించి ప్రెస్‌మీట్ క్లోజ్ చేశారు. ఇప్పుడిదే టాక్ ఆఫ్ ఏపీ పాలిటిక్స్‌గా మారింది. నోరెత్తితే లుచ్చా.. బచ్చా అనే నాని.. మొక్కకు అంటు కట్టినట్టు, అయ్యప్ప, అమ్మవారి మాలలను ధరించినట్టు ఇంత పద్దతిగా మాట్లాడారేంటని వైసీపీ నేతలే ఆశ్చర్య పోతున్నారు.

వ్యక్తిగతంగా దూషించిన వారందరి పేర్లు రెడ్ బుక్‌లో రాశానని.. అధికారంలోకి వచ్చిన వెంటనే వారికి వడ్డీతో సహా చెల్లిస్తానని నారా లోకేష్ ఎన్నికల ప్రచారంలో పదే పదే చెప్పారు. ఇప్పుడు వైసీపీ ఓడిపోవడంతో.. కొడాలి నాని లాంటి వారికి భయం పట్టుకుందని.. ఆ భయం నుంచే ఈ పద్దతి వచ్చిందని కొందరు అంటున్నారు. ఓటమి భయం మాత్రమే కాకుండా నానికి తత్వం బోధపడిందని అనే వాళ్లు కూడా ఉన్నారు. 151 స్థానాల నుంచి వైసీపీ 11 స్థానాలకు పడిపోవడం, ఓటమంటే తెలియని నానిని గుడివాడ ప్రజలు తిరస్కరించడంతో ఆయన వాస్తవాన్ని అర్ధం చేసుకున్నారని అంటున్నారు. అందుకే నాని మాటల్లో మార్పు కనిపిస్తోందన్న చర్చ నడుస్తోంది.

YS Jagan : తాగుబోతోడి(మద్యం ప్రియులు క్షమించాలి) శపథం తరాలపాటు ఉంటుందట.. అలాంటి శపథమే మద్యం ప్రియులు చేశారు. జగన్మోహన్ రెడ్డి ప్రభుత్వాన్ని ఓడించారు.. చదువుతుంటే ఆశ్చర్యంగా అనిపించినప్పటికీ.. ఇది ముమ్మాటికి నిజమని చెప్తున్నారు రాజకీయ విశ్లేషకులు. ఏపీలో ఇటీవల జరిగిన ఎన్నికల్లో మద్యం ప్రియులు అధికార వైసిపికి తాము ఓటు వేయకుండా.. ఇతరులతో ఓట్లు వేయించకుండా చేశారు. అలాగని వారేమీ కూటమి నాయకుల దగ్గర నుంచి డబ్బులు తీసుకోలేదు. భవిష్యత్తులో ఏమైనా సహకారాలు అందుకుంటామని మాట తీసుకోలేదు. కానీ అలా వారు గుంప గుత్తగా ఓటు వేయడానికి ప్రధాన కారణం.. “బ్రాండెడ్” హామీ లభించడమే. దాంతో వారు వెనకడుగు వేయలేదు.. ఫలితంగా కూటమికి జై కొట్టారు.. మూడు పార్టీలను గెలిపించారు. వాస్తవానికి ఈ దిశగా ఏ మీడియా సంస్థ ఆలోచించలేదు. సెఫాలజిస్టులు అంచనా వేయలేదు..

ఏపీలో 2019లో 151 సీట్లతో వైసిపి అధికారంలోకి వచ్చిన తర్వాత ముఖ్యమంత్రి హోదాలో వైయస్ జగన్మోహన్ రెడ్డి అనేక రకాల నిర్ణయాలు తీసుకున్నారు. అందులో సరికొత్త మద్యం బ్రాండ్లను తెరపైకి తీసుకురావడం ఒకటి. అప్పటిదాకా ఏపీలో రకరకాల మద్యం బ్రాండ్లు అందుబాటులో ఉండేవి. అయితే అవన్నీ కూడా బ్రాండెడ్ కంపెనీలకు చెందినవి. ఈ విషయంలో చంద్రబాబు నాయుడు ఏనాడూ కలగజేసుకోలేదని ఆబ్కారీ అధికారులు నేటికి చెబుతుంటారు. కానీ సంపూర్ణ మద్యపాన నిషేధం అని చెప్పి అధికారంలోకి వచ్చిన జగన్మోహన్ రెడ్డి.. ఆ నిర్ణయాన్ని అమలు చేయలేదని ఆరోపణలు ఉన్నాయి. పైగా అప్పటిదాకా ఉన్న పేరు పొందిన బ్రాండ్లను పక్కనపెట్టి.. “స్పెషల్ స్టేటస్, బూమ్ బూమ్, ప్రెసిడెంట్ మెడల్”, ఇంకా రకరకాల బ్రాండ్ల విస్కీలు, బీర్లు ప్రవేశపెట్టారు. ప్రవేశపెడితే పెట్టారు గాని.. మద్యం తాగే వాళ్ళు అడిగే బ్రాండెడ్ వెరైటీస్ లేకుండా చేశారు.. ఒక్క మాన్షన్ హౌస్ (బ్రాందీ) దీనిని బాలయ్య బాబు మీద అభిమానంతో మార్కెట్లో ఉంచారని అప్పట్లో ప్రచారం జరిగింది. ఇది తప్ప మద్యం ప్రియులు తాగే ఇతర రకాలు లభించే పరిస్థితి లేకుండా పోయింది. తాగితే ఆ దిక్కుమాలిన బ్రాండ్లు తాగాలి. లేకపోతే మూసుకొని కూర్చోవాలి. పొరుగున ఉన్న తెలంగాణ నుంచి తీసుకొస్తే సరిహద్దుల్లో అధికారులు పట్టుకునేవారు. దీంతో దొంగ చాటుగా సరుకు తెప్పించుకొని మద్యం ప్రియులు తాగేవారు.. ఇలా ఐదేళ్లపాటు మద్యం ప్రియులకు తాము కోరుకున్న బ్రాండ్ మందు దొరకలేదు.. ఆరోగ్యాన్ని పణంగా పెట్టి.. అటు నచ్చిన మందు తాగకుండా.. ఇబ్బంది పడడం ఎందుకని మద్యం ప్రియుల్లో ఒక ఆలోచన వచ్చింది.. ఇదే సమయంలో మద్యం ప్రియులు కోరుకునే బ్రాండ్లు మాత్రమే అందుబాటులో ఉంచుతానని ఎన్నికల ప్రచారంలో చంద్రబాబు నాయుడు చెప్పడంతో.. ఒకసారి గా వారిలో ఆలోచన మారింది.

వారి ఆలోచన మారిన ఫలితం ఎన్నికల్లో కనిపించిందని విశ్లేషకులు చెబుతున్నారు..”మద్యం తాగేవారు పూర్తిగా కూటమికి ఓట్లు వేశారు.. ఎందుకంటే మద్యం తాగడం అనేది వారికి ఒక స్టేటస్ సింబల్. ఆ స్టేటస్ సింబల్ మీద జగన్ దెబ్బ కొట్టాడు. తనకు నచ్చిన బ్రాండ్లను మాత్రమే మార్కెట్లోకి విడుదల చేసి.. మిగతా బ్రాండ్లను తొక్కిపడేశాడు. జగన్ ప్రభుత్వం తెరపైకి తీసుకొచ్చిన బ్రాండ్లు మొత్తం నాడు వైసిపి నాయకులవే. వాటిని కనిపించకుండా చేస్తానని చంద్రబాబు మాట ఇచ్చాడు. అందువల్లే మద్యం ప్రియులు ఓటు వేసేందుకు ఆసక్తి చూపారు. కూటమికి జై కొట్టి గెలిపించారు. బహుశా ఇక వారు కోరుకునే బ్రాండ్లు లభిస్తాయి కావచ్చని” రాజకీయ విశ్లేషకులు అంటున్నారు. మొత్తానికి లక్షల కోట్లు పెట్టి పథకాలు ప్రవేశ పెడితే.. జగన్ కు అన్ని వర్గాలు దూరమయ్యాయి. చివరికి మద్యం ప్రియులు కూడా జగన్ పార్టీని కాదన్నారు. కూటమికి జై కొట్టారు.

YCP: గత ఎన్నికల్లో జగన్ అంతులేని విజయం సాధించారు. ఎన్నికల్లో మాత్రం ఎవరూ చవిచూడని ఓటమి పాలయ్యారు. అయితే ఏపీ వ్యాప్తంగా అన్ని ప్రాంతాలపై తన ఉనికిని చాటుకున్నా..

విశాఖ నగరంలో మాత్రం పట్టు సాధించేందుకు ఆపసోపాలు పడ్డారు. మూడు ఎన్నికల్లోనూ ఆ పార్టీకి విశాఖ నగరం పట్టు చిక్కలేదు. 2014 ఎన్నికల్లో తెలుగుదేశం పార్టీ స్వీప్ చేసింది. 2019 ఎన్నికల్లో రాష్ట్రమంతా ఫ్యాన్ గాలి వీచినా విశాఖ నగరంలో మాత్రం టిడిపి హవా నడిచింది. 2024 ఎన్నికల్లో అయితే వైసీపీకి ఛాన్స్ లేకుండా పోయింది.

విశాఖ మహానగరంలో నాలుగు నియోజకవర్గాలు ఉన్నాయి. వీటితోపాటు భీమిలి, గాజువాక, పెందుర్తి నియోజకవర్గాలు కొనసాగుతున్నాయి. 2014 ఎన్నికల్లో నగరంలోని నాలుగు నియోజకవర్గాలు టిడిపి కూటమి దక్కించుకుంది. విశాఖ ఉత్తరంలో బిజెపి, విశాఖ తూర్పు, పశ్చిమ, దక్షిణ నియోజకవర్గాల్లో టిడిపి పాగా వేసింది. అటు గాజువాక తో పాటు భీమిలి, పెందుర్తిలో సైతం టిడిపి అభ్యర్థులు గెలిచారు.

2019 ఎన్నికల్లో విశాఖ నగరంలోని నాలుగు నియోజకవర్గాలను టిడిపి కైవసం చేసుకుంది. గాజువాక తో పాటు భీమిలిలో మాత్రం వైసీపీ గెలిచింది. విశాఖ తూర్పు నుంచి వెలగపూడి రామకృష్ణ బాబు, ఉత్తరం నుంచి గంటా శ్రీనివాసరావు, పశ్చిమ నుంచి గణబాబు, దక్షిణం నుంచి వాసుపల్లి గణేష్ కుమార్ గెలిచారు. అయితే ఎన్నికల అనంతరం వాసుపల్లి గణేష్ కుమార్ వైసీపీలోకి ఫిరాయించారు. అయితే ఈ ఎన్నికల్లో మాత్రం అన్ని స్థానాలను గెలుచుకోవాలని జగన్ భావించారు. బలమైన అభ్యర్థులను బరిలో దించారు. కానీ ఒక్కటంటే ఒక్కచోట కూడా వైసిపి గెలవలేదు. ముఖ్యంగా జగన్ ప్రయత్నాలు విఫలమయ్యాయి. కనీసం విశాఖను పాలనా రాజధానిగా ప్రకటించారన్న కృతజ్ఞత కూడా ప్రజలకు లేకుండా పోయింది. రాజధాని అనే అంశంతో విశాఖను ఇబ్బంది పెడతారని భావించిన ప్రజలు.. వైసీపీకి వ్యతిరేకంగా తీర్పు ఇచ్చారు.

Balineni Srinivasa Reddy Planned to join in Janasena : ప్రకాశం జిల్లాలో వైసీపీకి గట్టి షాక్ తగలబొతుందా..? అంటే అవుననే సమాధానాలు వినపడుతున్నాయి. ఒంగోలులో ఘోర పరాజయం చవి చూసిన మాజీ మంత్రి బాలినేని పొలిటికల్ ఫ్యూచర్‌పై లెక్కలు వేసుకుంటున్నారంట. కొడుకుతో కలిసి జనసేనలోకి వెళ్లడానికి సన్నాహాలు చేసుకుంటున్నారంట. మూడో కంటికి తెలియకుండా ఆ దిశగా అంతర్గత చర్చలు జరుగుతున్నాయంట. ఒంగోలు ఎంపీ అభ్యర్ధిగా చెవిరెడ్డి భాస్కరరెడ్డిని మొదట్లోనే వ్యతిరేకించిన బాలినేని. జగన్ ఆదేశాలతో తర్వాత సైలెంట్ అవ్వాల్సి వచ్చింది. ఇప్పుడా కోపంతోనే ఆయన పార్టీ మారే ఆలోచనలో పడ్డారంట.

బాలినేని శ్రీనివాసరెడ్డి ఉమ్మడి ప్రకాశం జిల్లాలో బలమైన నేత. ఒంగోలు నుంచి ఐదు సార్లు ఎమ్మెల్యే గా గెలిచారు. మెన్నటి కూటమి గాలిలో టీడీపీ అభ్యర్ధి దామచర్ల జనర్ధన్ చేతిలో మూప్పై వేల ఓట్ల తేడాలో ఘోర ఓటమిని చవిచూసారు. ఎన్నికల ముందు గ్రౌండ్ వర్క్ ఎంత చేసుకున్నా.. ఓట్లు పడక పొవడంతో పొలిటికల్ ఫ్యూచర్‌పై బాలినేని ఆలోచనలో పడ్డారంట.

ఎన్నికల టైంలో టీడీపీ కన్నా ఎక్కువ నగదు, బియ్యం బస్తాలు, మటన్ , చిక్కన్‌లు పంచారు వైసీపీ నేతలు.. వాటిని జనం బానే తీసుకున్నారు. దాంతో కనీసం వైసిపి అభ్యర్ధిగా ఉన్న బాలినేని ఐదు వేల ఓట్లతో అయినా బయట పడతానని కాన్ఫిడేంట్ గా కనిపించారు. అయితే సీన్ రివర్స్ అయింది. వైసీపీకి పక్కగా పడుతాయన్న ఓట్లే పోల్ కాలేదని అర్థమవ్వడంతో.. బాలినేని కౌంటింగ్ రోజు మూడో రౌండ్‌కే కౌంటింగ్ హల్ నుంచి వెళ్ళిపొయారు. ఇంత దారుణంగా ఓడిపోతానని ఊహించలేదని బాలినేని సన్నిహితుల వద్ద వాపోతున్నారంట.

ఒంగోలులో 20 వేల ఇళ్ళపట్టాలు పంపిణీ చేయించిన బాలినేనికి ఓటమి పెద్ద షాకే ఇచ్చింది. బాలినేని ఫాలోయర్‌గా ఉన్న ఒంగోలు మేయర్ గంగడ సుజత టీడీపీ లోకి వెళ్లడం ఖాయమైంది. ఇప్పటికే ఆమె టీడీపీ ఎమ్మెల్యే దామచర్ల టీంతో టచ్ లో ఉన్నారంట. ఒంగోలు కార్పొరేషన్ లో మొత్తం 50 డివిజన్ లలో 43 స్థానాలు వైసీసీ గెలుచుకోగా ఒక స్థానం జనసేన మిగిలిన స్థానాలను టీడీపీ గెలిచింది. రాష్ర్టంలో అధికారం మారటంతో కార్పొరేటర్లు టీడీపీ వైపు చూస్తున్నారు. దాంతో ఒంగోలు నగరపాలక సంస్థ రాజకీయ ముఖ చిత్రం మారిపోనుంది. ఇదంతా బాలినేని మాస్టర్ ప్లాన్ అన్న టాక్ నడుస్తుంది.

ఏపీలో అక్కడక్కడా జరుగుతున్న గొడవలపై బాలినేని ఎక్స్ వేదికగా స్పందించిన తీరుతో అసలు సిసలైన అనుమానం జనాల్లో మొదలైంది. ‘అఖండ విజయం సాధించిన పవన్ కల్యాణ్ గారికి హృదయపూర్వక శుభాకాంక్షలు. హింసాత్మాక ఘటనలకు తావులేదని నిన్నటి రోజున మీరిచ్చిన సందేశం హర్షణీయం.. శాసనసభ్యునిగా నా 25ఏళ్ల రాజీకియ జీవితంలో ఎటువంటి హింసాత్మాక ఘటనలకు తావులేదు. అయితే మీ వ్యాఖ్యలకు పూర్తి భిన్నంగా ఒంగోలు చరిత్రలో ఎన్నడూలేని విధంగా చోటు చేసుకుంటున్న హింసాత్మాక ఘటనలు, అక్రమ కేసులు , భౌతిక దాడులపై మీరు స్పందించాలని కోరుకుంటున్నాను.. ధన్యవాదాలు’ అని బాలినేని ట్వీట్ చేశారు.

అఖండ విజయం సాధించిన @PawanKalyan గారికి హృదయపూర్వక శుభాకాంక్షలు..హింసాత్మాక ఘటనలకు తావులేదని నిన్నటి రోజున మీరిచ్చిన సందేశం హార్షణీయం..శాసనసభ్యునిగా నా 25ఏళ్ల రాజీకియ జీవితంలో ఎటువంటి హింసాత్మాక ఘటనలకు తావులేదు..

— Balineni Srinivasa Reddy (@balineni_vasu) June 6, 2024