పవన్ కళ్యాణ్ నూటికి నూరు శాతం విజయం నమోదు చేసుకున్నారు. అంటే తన పార్టీ నుండి నిలబడిన అభ్యర్థులు అందరినీ గెలిపించుకున్నారు. అభిమానులు ముద్దుగా పవర్ స్టార్ అని పిలుచుకునే పవన్ కళ్యాణ్, త్వరలోనే పవర్ ఫుల్ హోమ్ మినిస్టర్ పదవిని అలంకరిస్తారని అభిమానులు ఆశగా వున్నారు. నిజజీవితంలో కూడా పవర్ స్టార్ అవుతారని ఎదురుచూస్తున్నారు.

నాకు 21 సీట్లు గెలిపించండి, భారతదేశం మొత్తం మన ఆంధ్రప్రదేశ్ వైపుకు చూసేలా చేస్తాను అని ఒక సభలో అన్న పవన్ కళ్యాణ్ ఆ మాటని నిజం చేసి చూపించారు. కూటమిలో తన పార్టీకి కేటాయించిన 21 అసెంబ్లీ స్థానాలు, రెండు పార్లమెంటు స్థానాలను కైవసం చేసుకొని ఎన్ని సీట్లలో పోటీ చేశారో, అన్ని సీట్లు గెలిచి వంద శాతం సక్సెస్ తో రికార్డు సృష్టించారు పవన్ కళ్యాణ్. అదీ కాకుండా సెంట్రల్ లో వున్న భారతీయ జనతా పార్టీని తీసుకొచ్చి, తెలుగు దేశం పార్టీ తో పొత్తు పెట్టుకునేట్టు చేశారు పవన్ కళ్యాణ్. ఆ పొత్తువలనే ఇప్పుడు పవన్ కళ్యాణ్ గెలిచిన రెండు పార్లమెంటు స్థానాలు, తెలుగు దేశం గెలిచిన 16 స్థానాలు నరేంద్ర మోదీ మూడోసారి ప్రధాని కావడానికి కీలకం అయ్యాయి. అందుకే భారతదేశం మొత్తం ఇప్పుడు ఆంధ్రప్రదేశ్ వైపుకే చూస్తోంది. (Pawan Kalyan is going to be the new Home Minister of Andhra Pradesh?)

ఇదిలా ఉంటే, వెండితెరపై ఎన్నో జీవితానికన్నా మిన్నగా వుండే పాత్రల్లో నటించిన పవన్ కళ్యాణ్ ని, పవర్ స్టార్ గా అభిమానులు పిలుచుకుంటూ వుంటారు. అతను తన పాత్రలతో లక్షలాది అభిమానులను మెప్పిస్తూ వుంటారు. అయితే పవన్ కళ్యాణ్ ఇప్పుడు వెండితెరపైనే హీరోగా చెయ్యడం కాదు, నిజ జీవితంలోనూ హీరో అయ్యారు. నిన్న జరిగిన ఆంధ్ర ప్రదేశ్ ఎన్నికల ప్రక్రియలో తెలుగు దేశం, బీజేపీ అభ్యర్థులు అత్యధిక మెజారిటీ తో గెలవడానికి పవన్ కళ్యాణ్ కీలకం అయ్యారు. అందుకే 135 సీట్లు గెలిచిన తెలుగు దేశం పార్టీ అధ్యక్షుడు చంద్రబాబు నాయుడు కూడా పవన్ కళ్యాణ్ కి మనస్ఫూర్తిగా శుభాకాంక్షలు అని ఎన్నోసార్లు చెప్పారు. (Pawan Kalyan fans wanted to see him as Home Minister of Andhra Pradesh)

నిన్న పవన్ కళ్యాణ్ ఇంటికి వెళ్లి చంద్రబాబునాయుడు ఆలింగనం చేసుకొని, అభినందనలు తెలిపారు. అంటే పవన్ కళ్యాణ్ నిన్నిటి గెలుపులో ఎంతటి పెద్ద పాత్ర పోషించారో అందరూ ఊహించుకోవచ్చు. వెండితెరపై నటుడిగా వున్న, పవన్ కళ్యాణ్ నిజజీవితంలో హీరో అయ్యారు. తనవలనే ఇంతటి విజయం వచ్చిందని అందరూ అంటున్న, తానేమీ పెద్దగా సంబరపడిపోలేదు, ఎగిరి గంతులు వెయ్యలేదు, వినమ్రంగానే అన్నీ స్వీకరించారు. పవర్ వచ్చింది కదా అని చాలామంది చాలా మాటలు మాట్లాడుతారు, కానీ పవన్ కళ్యాణ్ అటువంటి మాటలు ఏమీ మాట్లాడకుండా, ఎంతో వినమ్రతతో, నవ్వుతూ అందరినీ పలకరించారు. తనలో ఒక్క పిసరంత గర్వం కూడా కనిపించలేదు. అందుకే కదా, అతనికి లక్షలాది అభిమానులు నీరాజనాలు పడుతున్నారు. అటువంటి నాయకుడు కావాలనే అతని అభిమానులు ఇన్నాళ్లు ఎదురు చూస్తున్నారు. గర్వంగా అసెంబ్లీలో అడుగుపెడతా అన్నారు, అలానే ఎంతో హుందాగా, గౌరవంగా, గర్వంగా అడుగుపెడుతున్నారు. (Power Star Pawan Kalyan is going to be the powerful man in real life too)

ఇక ఇప్పుడు పవన్ కళ్యాణ్ అభిమానులు మాత్రం పవన్ కళ్యాణ్ కి ఎటువంటి పదవి లభిస్తుందో అని ఎదురుచూస్తున్నారు. ఎందుకంటే కూటమిలో జనసేన పార్టీ భాగస్వామ్యం కాబట్టి, ఈ పార్టీకి కూడా మంత్రి పదవులు ఇవ్వనున్నారు అని తెలుస్తోంది. అందుకే అభిమానులు అందరూ పవన్ కళ్యాణ్ కి హోమ్ మినిస్టర్ మంత్రి పదవితో పాటు ఉప ముఖ్యమంత్రిగా కూడా చేస్తారని ఎదురుచూస్తున్నారు. “మాకయితే పవన్ కళ్యాణ్ గారు ఒక పవర్ ఫుల్ మినిస్టర్ గా ఉండబోతున్నారు అని అనుకుంటున్నాం, అలాగే ఉప ముఖ్యమంత్రిగా కూడా చూడాలని వుంది,” అని చెప్పారు, ప్రదీప్ రెడ్డి, పవన్ కళ్యాణ్ అభిమాన సంఘ నాయకుడు. పిఠాపురంలో పవన్ కళ్యాణ్ గెలుపుకోసం అక్కడ ప్రచారం చేసిన వాళ్లలో ప్రదీప్ రెడ్డి కూడా వున్నాడు. ముఖ్యమంత్రిగా చంద్రబాబు ప్రమాణ స్వీకారం రోజు కోసం మా అభిమానులు అందరూ ఎదురు చూస్తున్నాం, ఎందుకంటే అదే సమయంలో పవన్ కళ్యాణ్ కూడా ఎటువంటి హోదాలో ఉండబోతున్నారు అనేది తెలుస్తుంది.

ఒకవేళ హోమ్ మినిస్టర్, ఉప ముఖ్యమంత్రి పదవి ఇస్తే కనక, పవర్ స్టార్ పవన్ కళ్యాణ్ ఇప్పుడు నిజ జీవితంలో కూడా చాలా పవర్ ఫుల్ పవర్ స్టార్ అవుతారు. పరిశ్రమలో కూడా అందరూ ఎదురు చూస్తున్నారు, ఎందుకంటే పవన్ కళ్యాణ్ కి సినిమా పరిశ్రమలో అందరితో సత్సంబంధాలు వున్నాయి. ఇంతకు ముందు ప్రభుత్వం పరిశ్రమకి చేసిందేమీ లేదు, పరిశ్రమతో అంతగా సంప్రదింపులు ఎక్కువగా జరపలేదు, కానీ ఇప్పుడు పవన్ కళ్యాణ్ అనే వ్యక్తి ప్రభుత్వంలో ఉంటే, పరిశ్రమకి మంచి జరుగుతుంది అని పరిశ్రమలో అందరూ అనుకుంటూ వున్నారు. పరిశ్రమతో పాటు పవర్ స్టార్ అభిమానులు కూడా ఆ సమయం కోసం ఆత్రంగా ఎదురుచూస్తున్నారు.

అమరావతి, జూన్ 05: ఆంధ్రప్రదేశ్ ప్రభుత్వ సలహాదారు పదవికి సజ్జల రామకృష్ణారెడ్డి రాజీనామా చేశారు. ఆయితే ఆయన తన రాజీనామా లేఖను మంగళవారం సాయంత్రమే సాధారణ పరిపాలన శాఖకు అందజేసినట్లు తెలుస్తుంది. సజ్జల… తన కార్యాలయ సిబ్బంది ద్వారా రాజీనామా లేఖను సాధారణ పరిపాలన శాఖకు పంపిరచారు. అయితే ఆంధ్రప్రదేశ్ అసెంబ్లీ ఎన్నికలతోపాటు లోక్‌సభ ఎన్నికలు జరిగాయి. వాటి ఫలితాలు జూన్ 4వ తేదీన వెలువడ్డాయి.

ఆ క్రమంలో ఈ ఎన్నికల్లో జగన్ ప్రభుత్వం ఘోర పరాజయాన్ని మూటకట్టుకుంది. ఆంధ్రప్రదేశ్ ఓటరు.. కూటమికి పట్టం కట్టారు. దీంతో వరుసగా రెండోసారి అధికారాన్ని అందుకుంటామనుకున్న వైసీపీ అధినేత వైయస్ జగన్ ఆశలపై ఓటర్లు నీళ్లు జల్లారు. ఇక పలితాలు వెలువడగానే వైసీపీ అధినేత, సీఎం వైయస్ జగన్ తన ముఖ్యమంత్రి పదవికి రాజీనామా చేశారు. అనంతరం సజ్జల రామకృష్ణారెడ్డి సైతం ప్రభుత్వ సలహాదారు పదవికి రాజీనామా చేశారు. మరోవైపు జగన్ ప్రభుత్వంలో సలహాదారులుగా వ్యవహరించిన వారంతా వరుసగా రాజీనామాలు చేస్తున్నారు.

జిల్లా చరిత్రలోనే కనివిని ఎరుగని విక్టరీ… ఒక్కటంటే ఒక్కటి కూడా ఇతర పార్టీలకు దక్కని వైనం.. పదిహేను అసెంబ్లీ సెగ్మెంట్స్, మూడు లోక్ సభ స్థానాల్లో కూటమి అభ్యర్ధులదే విజయం. కేవలం విజయమేనా.. భారీ మెజార్టీలు. సమీక్షించుకునే అవకాశం కూడా లేని విధంగా అధికార పార్టీకి ఘోర ఓటమి. ఈ ఫలితాలతో ఎలా ఉండబోతోంది ఏపీ రాజకీయం? విపక్షం ఉనికిని ఎలా చాటుకుంటుంది? ఇదే ఇప్పడు హాట్‌టాపిక్ మారింది.

గుంటూరు కారమే కాదు.. ఇక్కడి రాజకీయం కూడా యమ ఘాటు. అందుకే రాష్ట్ర రాజకీయాల్లోనే గుంటూరుజిల్లాకో ప్రత్యేక స్థానం. గత నాలుగు ఎన్నికల్లోనూ జిల్లా ప్రజలు స్పష్టమైన తీర్పు ఇచ్చారు. ఈ ఎన్నికల్లో విపక్ష కూటమికి చారిత్రక విజయాన్ని కట్టబెట్టారు. 2004 ఎన్నికల్లో ఉమ్మడి గుంటూరుజిల్లాలో టీడీపీకి ఒక్క సీటు మాత్రమే దక్కింది. 19 అసెంబ్లీ స్థానాల్లో 18 చోట్ల కాంగ్రెస్ అభ్యర్థులే గెలిచారు. 2009లో పునర్విభజన తర్వాత పదిహేడు నియోజకవర్గాలుగా మారితే అందులో పదకొండు కాంగ్రెస్ గెలిచింది. ఆరు స్థానాల్లో టీడీపీ విజయం సాధించింది. రాష్ట్ర విభజన తర్వాత 2014 ఎన్నికల్లో వైసీపీకి ఐదు సీట్లొస్తే.. పన్నెండు స్థానాల్లో గెలిచి టీడీపీ తన ఆధిక్యాన్ని చాటుకుంది. 2019 ఎన్నికల్లో వైసీపీ ఏకంగా 15 సీట్లు గెలిస్తే.. టీడీపీ రెండు సీట్లతో సరిపెట్టుకుంది.

2004 నుంచీ నాలుగు అసెంబ్లీ ఎన్నికలను పరిశీలిస్తే ఉమ్మడి గుంటూరుజిల్లా ప్రజలు పూర్తి ఏకపక్షంగా కాకుండా ప్రత్యర్ధి పార్టీలకు ఎంతో కొంత అవకాశమిస్తూ వచ్చారు. కానీ మొదటిసారి ఈ అసెంబ్లీ ఎన్నికల్లో అన్ని సీట్లూ కూటమి ఖాతాలో పడ్డాయి. ఉమ్మడి గుంటూరుజిల్లాలో ఈసారి పదహారు చోట్ల టీడీపీ అభ్యర్ధులు విజయం సాధించారు. జనసేనకు ఇచ్చిన తెనాలి నుంచి ఆ పార్టీ కీలక నేత నాదెండ్ల మనోహర్ గెలిచారు. వీటితో పాటు ఉమ్మడి జిల్లాలోని మూడు పార్లమెంట్ స్థానాల్లో కూడా టీడీపీ అభ్యర్థులే విజయం సాధించారు.

2019 ఎన్నికల్లో పల్నాడు ప్రాంతంలోని ఏడు అసెంబ్లీ స్థానాలతో పాటు పార్లమెంట్ నియోజకవర్గాన్ని వైసీపీనే గెలిచింది. అప్పట్లో ఐదు అసెంబ్లీ స్థానాల్లో ఆ పార్టీ ఎమ్మెల్యేలకు 20వేలకు పైనే మెజారిటీ వచ్చింది., అదే ట్రెండ్ కొనసాగిస్తూ ఈ సారి పల్నాడులోని ఏడు అసెంబ్లీ స్థానాలతో పాటు పార్లమెంట్ స్థానాన్ని టీడీపీ గెలుచుకుంది. ఐదుగురు 25వేలకు పైనే మెజారిటీ సాధించారు. నర్సరావుపేటలో అరవింద్‌బాబుకు మాత్రమే 20వేల లోపు మెజారిటీ వచ్చింది. రాజధాని అంశం గుంటూరు జిల్లాతో పాటు పల్నాడు ప్రాంతంలో గట్టి ప్రభావం చూపించిదన్న ప్రచారం జరుగుతోంది. టీడీపీ ఆవిర్భావం తర్వాత గుంటూరు గడ్డపై ఆ పార్టీకి ఇదే అతిపెద్ద విజయమని పార్టీ తమ్ముళ్లు సంబరపడుతున్నారు.

ఏపీ ప్రజలు స్పష్టమైన తీర్పు ఇచ్చారు. ఐదేళ్ల వైసీపీ పాలనపై ఓటర్లు ఎంత వ్యతిరేకంగా ఉన్నారో ఫలితాలు స్పష్టం చేశాయి. సంక్షేమ పథకాల పేరుతో వందల కోట్ల రూపాయిలు నేరుగా ప్రజల ఖాతాల్లో వేసినా ఓట్లు పడకపోవడం వైసీపీ అధినేత జగన్‌ను ఆశ్చర్యం కలిగించింది.

ఏపీ ప్రజలు స్పష్టమైన తీర్పు ఇచ్చారు. ఐదేళ్ల వైసీపీ పాలనపై ఓటర్లు ఎంత వ్యతిరేకంగా ఉన్నారో ఫలితాలు స్పష్టం చేశాయి. సంక్షేమ పథకాల పేరుతో వందల కోట్ల రూపాయిలు నేరుగా ప్రజల ఖాతాల్లో వేసినా ఓట్లు పడకపోవడం వైసీపీ అధినేత జగన్‌ను ఆశ్చర్యం కలిగించింది. ప్రభుత్వ సంక్షేమ పథకాల ద్వారా లబ్ధపొందిన లబ్ధిదారులు ఓట్లు వేస్తారని భావించిన జగన్ ఆశలు నెరవేరలేదు.

ఐదేళ్లలో దేశంలో ఏ రాష్ట్రం అమలు చేయని సంక్షేమ పథకాలు అమలు చేశామని జగన్ చెప్పుకున్న గొప్పలను ప్రజలు విశ్వసించలేదు. రాష్ట్ర అభివృద్ధిని గాలికొదిలేసి.. సంక్షేమ పథకాల కోసం లక్షల కోట్లు అప్పులు చేయడం ప్రజలకు నచ్చలేదు. రాజధాని విషయంలో జగన్ నిర్ణయాన్ని ప్రజలు తప్పుపట్టారనేది ఎన్నికల ఫలితాలు తెలియజేస్తున్నాయి.

సంక్షేమ పథకాలు అమలు చేసినా.. పేద, మధ్య తరగతి ప్రజల బ్యాంకు ఖాతాల్లో నేరుగా డబ్బులు జమచేసినా ఓట్లు ఎందుకు పడలేదనే ప్రశ్నకు వైసీపీ నాయకులకే సమాధానం దొరకడంలేదట. వైసీపీ ఇంతటి ఘోర పరజాయానికి కారణం ఏమిటో అర్థం కావడంలేదట. కనీసం ప్రతిపక్ష హోదా కూడా వైసీపీకి దక్కలేదంటే ప్రజలు జగన్ తీరుపై ఎంత ఆగ్రహంగా ఉన్నారో అర్థమవుతోంది. వైసీపీ ఓటమికి జగన్ పాలనాతీరు ఒక కారణమైతే.. మరోకటి జగన్ ప్రవర్తన అనే చర్చ రాష్ట్రవ్యాప్తంగా సాగుతోంది.

ముఖ్యంగా ఐదేళ్ల పాలనలో ఏ మేరకు అభివృద్ధి, సంక్షేమ కార్యక్రమాలు చేశారనేది ఒక ఎత్తైతే.. ప్రభుత్వ ప్రవర్తన ఏ విధంగా ఉందనేది మరో ఎత్తు. వైసీసీ అధినేత జగన్‌తో పాటు ఆయన మంత్రివర్గంలోని సహచరుల ప్రవర్తన ప్రజలకు నచ్చకపోవడంతోనే ఈ విధమైన తీర్పు ఇచ్చారనే ప్రచారం జరుగుతోంది.

సంక్షేమ పథకాలు అమలు చేసినా.. పేద, మధ్య తరగతి ప్రజల బ్యాంకు ఖాతాల్లో నేరుగా డబ్బులు జమచేసినా ఓట్లు ఎందుకు పడలేదనే ప్రశ్నకు వైసీపీ నాయకులకే సమాధానం దొరకడంలేదట. వైసీపీ ఇంతటి ఘోర పరజాయానికి కారణం ఏమిటో అర్థం కావడంలేదట. కనీసం ప్రతిపక్ష హోదా కూడా వైసీపీకి దక్కలేదంటే ప్రజలు జగన్ తీరుపై ఎంత ఆగ్రహంగా ఉన్నారో అర్థమవుతోంది.

వైసీపీ ఓటమికి జగన్ పాలనాతీరు ఒక కారణమైతే.. మరోకటి జగన్ ప్రవర్తన అనే చర్చ రాష్ట్రవ్యాప్తంగా సాగుతోంది. ముఖ్యంగా ఐదేళ్ల పాలనలో ఏ మేరకు అభివృద్ధి, సంక్షేమ కార్యక్రమాలు చేశారనేది ఒక ఎత్తైతే.. ప్రభుత్వ ప్రవర్తన ఏ విధంగా ఉందనేది మరో ఎత్తు. వైసీసీ అధినేత జగన్‌తో పాటు ఆయన మంత్రివర్గంలోని సహచరుల ప్రవర్తన ప్రజలకు నచ్చకపోవడంతోనే ఈ విధమైన తీర్పు ఇచ్చారనే ప్రచారం జరుగుతోంది.

అహంకారమే కొంపముంచిందా..

ప్రజలు దేనినైనా సహిస్తారు కానీ.. అహంకారాన్ని ఉపేక్షించబోరనడానికి తెలంగాణ, ఏపీ ఎన్నికల ఫలితాలు నిదర్శనంగా నిలుస్తున్నాయి. తమకు తిరుగులేదు అన్ని స్థానాల్లో విజయం మాదే.. అభ్యర్థికంటే తనను చూసే ఓటేస్తారని తెలంగాణలో గత ఏడాది జరిగిన శాసనసభ ఎన్నికల్లో కేసీఆర్ భావించారు. కానీ ప్రజలు మాత్రం అభివృద్ధి, సంక్షేమం పక్కనపెడితే అహంకారాన్ని సహించబోమని తీర్పునిచ్చారు. ప్రతిపక్షాలను పట్టించుకోకుండా.. ప్రజలను చిన్నచూపు చేసే నాయకులు మాకొద్దని తిరస్కరించారు. వ్యవస్థలను తప్పుదోవపట్టించి.. రాజకీయ ప్రయోజనాలకోసం వాడుకుంటే సహించేది లేదంటూ కేసీఆర్‌ను గద్దె దించారు.

ప్రస్తుతం ఏపీ ఎన్నికల ఫలితాల్లోనూ అదే పరిస్థితి కనిపించింది. జగన్ అధికారంలోకి వచ్చిన తర్వాత రాష్ట్రఅభివృద్ధిని పక్కనపెట్టి.. రాజకీయ కక్ష తీర్పుకోవడానికి వ్యవస్థలను ఉపయోగించుకున్నారనేది బహిరంగ రహస్యం. తప్పుడు కేసులతో ప్రతిపక్ష నాయకులను జైల్లో పెట్టి వేధింపులకు గురిచేయడం ప్రజలకు నచ్చలేదు. ప్రజాపాలన అందిచమని అధికారం ఇస్తే ప్రజలను, రాష్ట్ర అభివృద్ధి గాలికొదిలేసి రాజకీయ స్వార్థ ప్రయోజనాల కోసం పనిచేయడాన్ని ప్రజలు తిరస్కరించారనేది ఎన్నికల ఫలితం స్పష్టం చేస్తోంది.

నాయకుడు అహంకారంతో విర్రవీగితే ఏమౌతుందో ప్రజలు రుచి చూపించారు. ఐదేళ్లు సీఎంగా జగన్మోహన్ రెడ్డి విపరీతమైన అహంకార ధోరణిని ప్రదర్శించడమే ప్రస్తుతం ఆయన ఓటమికి ముఖ్య కారణంగా తెలుస్తోంది. వైసీపీ నాయకుల ప్రవర్తనే వారిని ఓడించిందనే చర్చ జరుగుతోంది. వైసీపీలో గ్రామ స్థాయి నాయకుడు మొదలు రాష్ట్రస్థాయి నాయకుల వరకు ప్రతి ఒక్కరూ తమ ప్రభుత్వం చేసిన అభివృద్ధి గురించి చెప్పడం మానేసి… ప్రతిపక్ష పార్టీలైన టీడీపీ, జనసేన నేతలను టార్గెట్ చేసి ఇబ్బంది పెట్టడాన్ని రాష్ట్రప్రజలు అంగీకరించలేదనేది ఈ ఫలితాలకు తర్కాణం.
తాను పదుల సంఖ్యలో నొక్కిన బటన్లు ఓట్లు తెచ్చిపెట్టలేదని ఫలితాల తర్వాత జగన్ బాధపడటం కన్నా.. అధికారంలోకి వచ్చిన తర్వాత ప్రతీకార చర్యలకు పోకుండా అభివృద్ధిపై దృష్టిపెడితే ఇలాంటి ఘోర పరాజయం చవిచూడాల్సి వచ్చేది కాదనే చర్చ రాష్ట్రంలో నడుస్తోంది. ఏది ఏమైనప్పటికీ అహంకారంతో వ్యవహరించే నాయకులకు ఏపీ ఎన్నికల ఫలితాలు ఓ గుణపాఠంగా రాజకీయ విశ్లేషకులు భావిస్తున్నారు.