యూపీఐ పేమెంట్స్ సౌకర్యం అందుబాటులోకి వచ్చాక చెల్లింపుల ప్రక్రియ సులభతరం అయిపోయింది. నగదు చెల్లింపుల కంటే యూపీఐ పేమెంట్స్ ఎక్కువైపోయాయి. ట్రాన్సాక్షన్స్ కోసం బ్యాంకులకు వెళ్లాల్సిన అవసరం లేకుండా పోయింది. పల్లెలు, పట్టణాలు అనే తేడాలేకుండా అంతా యూపీఐ పేమెంట్స్ కి అలవాటుపడిపోయారు. స్మార్ట్ ఫోన్ ఉన్న ప్రతి ఒక్కరు ఫోన్ పే, గూగుల్ పే వంటి పేమెంట్స్ యాప్స్ ను యూజ్ చేస్తున్నారు. అయితే దేశంలోని పౌరులకు యూపీఐ పేమెంట్స్ సౌకర్యం ఉంది. మరి విదేశాల్లోని ఎన్ఆర్ఐల పరిస్థితి ఏంటి? తాజాగా ప్రముఖ బ్యాంక్ ఎన్ఆర్ఐలకు గుడ్ న్యూస్ అందించింది. ఇకపై వారు అంతర్జాతీయ మొబైల్ నెంబర్స్ ద్వారా దేశంలో యూపీఐ పేమెంట్స్ చేయొచ్చు.

ప్రవాస భారతీయులకు ఐసీఐసీఐ బ్యాంక్ గుడ్ న్యూస్ అందించింది. దేశంలో వారు కూడా సులభంగా యూపీఐ చెల్లింపులు చేసేందుకు కీలక నిర్ణయం తీసుకుంది. యూపీఐ చెల్లింపుల ప్రక్రియను ఎన్ఆర్ఐలకోసం అందుబాటులోకి తీసుకొచ్చినట్లు ఐసీఐసీఐ ప్రకటించింది. దీంతో ఎన్ఆర్ఐ వినియోగదారులు కూడా తమ అంతర్జాతీయ మొబైల్ నంబర్ల ద్వారా మన దేశంలో ఇన్ స్టంట్ పేమెంట్స్ చేయొచ్చని పేర్కొంది. ఇప్పటి వరకు యూపీఐ పేమెంట్స్ సౌకర్యం లేదని బాధపడుతున్న యూజర్లకు ఐసీఐసీఐ ద్వారా యూపీఐ పేమెంట్స్ సులభతరం కానున్నాయి. యుటిలిటీ బిల్లులు, అలాగే ఇ-కామర్స్ లావాదేవీల కోసం భారతదేశంలోని ఐసీఐసీఐ బ్యాంక్‌లో ఉన్న వారి ఎన్ఆర్ఈ/ఎన్ఆర్ఓ బ్యాంక్ ఖాతాతో నమోదు చేసుకున్న వారి మొబైల్ నంబర్‌తో చెల్లింపులు చేయవచ్చని పేర్కొంది.

దీని కోసం బ్యాంక్ తన మొబైల్ బ్యాంకింగ్ యాప్ ఐమొబైల్ పే ద్వారా ఈ సేవను అందుబాటులోకి తెచ్చినట్లు తెలిపింది. యూఎస్ఏ, బ్రిటన్‌, యూఏఈ, కెనడా, సింగపూర్‌, ఆస్ట్రేలియా, హాంకాంగ్‌, ఒమన్‌, ఖతార్‌, సౌదీ అరేబియాలోని ఎన్‌ఆర్‌ఐ ఖాతాదారులకు మాత్రమే ఈ సౌకర్యం లభిస్తుందని ఐసీఐసీఐ బ్యాంక్‌ తెలిపింది. ఐసీఐసీఐ బ్యాంక్ ఎన్ఆర్ఐ కస్టమర్‌లు ఇకపై యూపీఐ చెల్లింపులు చేయొచ్చు అని తెలిపింది. విదేశాల్లో స్థిరపడిన భారతీయులకు లావాదేవీలను సులభతరం చేయడానికి, ఐసీఐసీఐ బ్యాంక్ ఈ సౌకర్యాన్ని ప్రారంభించింది. ఐసీఐసీఐ బ్యాంక్ యొక్క ఎన్ఆర్ కస్టమర్లు ఇప్పుడు యూపీఐ ద్వారా విద్యుత్, వాటర్, అద్దె వంటి చెల్లింపులను సులభంగా చేయొచ్చు.

AP Rains: ఉపరితల ద్రోణి ప్రభావంతో ఏపీలో భారీ వర్షాలు కురుస్తున్నాయి. రాష్ట్రవ్యాప్తంగా అన్ని జిల్లాల్లోనూ ఓ మోస్తరు నుంచి భారీ వర్షపాతం నమోదైంది.

ఉత్తరాంధ్ర, కోస్తా, దక్షిణ కోస్తా, రాయలసీమ జిల్లాల్లో పలుచోట్ల ఉరుములు, మెరుపులతో కూడిన వర్షాలు పడ్డాయి. కొన్నిచోట్ల వడగండ్ల వాన కురిసింది.

మొన్నటి వరకూ ఎండతో విలవిల్లాడిన ఏపీ ప్రజలకు ఈ వర్షాలు ఊరట కలిగించాయి. రాష్ట్రవ్యాప్తంగా ఓ మోస్తరు నుంచి భారీ వర్షాలు పడ్డాయి. అనంతపురం, శ్రీసత్యసాయి జిల్లాల్లో కొన్నిచోట్ల వడగండ్లు పడ్డాయి. ఈ రెండు జిల్లాల్లో ఎండిపోయిన చెరువులు, కుంటలు ఇప్పుడిప్పుడే జలకళను సైతం సంతరంచుకుంటోన్నాయి.

ఇదే పరిస్థితి మరో రెండు రోజుల పాటు కొనసాగే అవకాశాలు లేకపోలేదు. వచ్చే మూడు రోజుల పాటు అంటే ఈ నెల 14వ తేదీ వరకు ఓ మోస్తరు నుంచి భారీ వర్షలు కురిపే అవకాశం ఉందని వాతావరణ కేంద్రం వెల్లడించింది. రాష్ట్రవ్యాప్తంగా దాదాపుగా అన్ని జిల్లాల్లో వర్షపాతం నమోదవుతుందని ఐఎండీ, ఏపీ ప్రకృతి వైపరీత్యాల నిర్వహణ సంస్థలు తెలియజేశాయి.

శ్రీకాకుళం, విజయనగరం, పార్వతీపురం మన్యం, అల్లూరి సీతారామరాజు,విశాఖపట్నం, అనకాపల్లి, కాకినాడ, తూర్పు గోదావరి, పశ్చిమ గోదావరి, అంబేద్కర్ కోనసీమ, కృష్ణా, ఎన్టీఆర్, గుంటూరు జిల్లాల్లో పలు చోట్ల పిడుగులతో కూడిన తేలికపాటి నుంచి మోస్తరు వర్షాలు కురిసే అవకాశం ఉంది.

కర్నూలు, అనంతపురం, అన్నమయ్య రాయచోటి, చిత్తూరు, తిరుపతి జిల్లాల్లో అక్కడక్కడ పిడుగులతో కూడిన తేలికపాటి వర్షాలు కురిస్తాయి. ఉరుములతో కూడిన వర్షం పడేటప్పుడు ప్రజలు అప్రమత్తంగా ఉండాలని విపత్తు నిర్వహణ సంస్థ మేనేజింగ్ డైరెక్టర్ రోణంకి కూర్మనాథ్ సూచించారు. రైతులు, వ్యవసాయ కూలీలు, పశువుల కాపరులు చెట్ల కింద, బహిరంగ ప్రదేశాల్లో ఉండరాదని అన్నారు.

లోక్‌సభ ఎన్నికల వేళ బీఆర్ఎస్ పార్టీకి బెంగ పట్టుకుందా..? పోలింగుకు ముందు పార్టీకి ఊహించని దెబ్బ తగలనుందా..? పలువురు ప్రజాప్రతినిధులు పార్టీని వీడనున్నారా..?

ఇప్పటికే వారితో సంప్రదింపులు పూర్తయ్యాయా..? ఒకటి రెండు రోజుల్లోనే కాంగ్రెస్ గూటికి చేరనున్నారా..? అంటే అవుననే సమాధానాలే వినిపిస్తున్నాయి. ప్రస్తుతం వలసలపై బీఆర్ఎస్ పార్టీలో గుసగుసలు నడుస్తున్నాయి. ఆ జాబితాలో ఎమ్మెల్సీలు, ఎమ్మెల్యేలు సైతం ఉన్నట్లు డిస్కస్ జరుగుతోంది. అయితే.. చివరి రోజు ప్రచారంలో పాల్గొని కాంగ్రెస్ కండువా కప్పుకోనున్న ఆ నేతలు ఎవరనేది ఇప్పుడు ఆసక్తికరంగా మారింది.

కేసీఆర్‌కు ఝలక్ ఇచ్చే ప్లాన్

పోలింగ్ ముందు రోజు బీఆర్ఎస్ చీఫ్ కేసీఆర్‌కు ఝలక్ ఇచ్చేందుకు ఆ పార్టీకి చెందిన పలువురు ఎమ్మెల్యేలు, ఎమ్మెల్సీలు పార్టీ మారేందుకు ప్లాన్ చేస్తున్నట్టు ప్రచారం నడుస్తున్నది. రెండు మూడు రోజులుగా సదరు లీడర్లు కాంగ్రెస్‌కు చెందిన కీలక నేతలతో టచ్‌లో ఉంటూ, పార్టీలో చేర్చుకోవాలని ఒత్తిడి తెస్తున్నట్లు టాక్ ఉంది. అయితే.. చేరికల అంశాన్ని అధిష్టానం దృష్టికి తీసుకెళ్లిన కాంగ్రెస్ లీడర్లు.. అక్కడి నుంచి క్లియరెన్స్ కోసం ఎదురుచూస్తున్నట్టుగా తెలుస్తున్నది. పోలింగ్‌కు ముందురోజు వలసలను ఎంకరేజ్ చేస్తే, రాజకీయంగా ఎలాంటి ప్రభావం ఉంటుందా అనే కోణంలో ఢిల్లీ పెద్దలు ఆరా తీస్తున్నారని ఓ సీనియర్ మంత్రి కామెంట్ చేశారు.

తమ పార్టీకి రాజకీయంగా ఉపయోగం ఉంటే చేరికలు ఉంటాయని, లేకపోతే ఎన్నికల తరువాత చేరికల పరంపర కొనసాగుతుందని వివరించారు. ఒకవేళ పోలింగ్ ముందు రోజు బీఆర్ఎస్ ప్రజాప్రతినిధులు పార్టీ మారితే ఓటింగ్‌పై ఎఫెక్ట్ పడుతుందనే చర్చ రాజకీయవర్గాల్లో ఉంది. ఇప్పటికే చాలా పార్లమెంట్ సెగ్మెంట్‌లో బీఆర్ఎస్ మూడో స్థానంలో ఉంది. ఇలాంటి సమయంలో వలసలు కొనసాగితే.. ఆ పార్టీకి మరింత నష్టం వాటిల్లే ప్రమాదం లేకపోలేదనే అభిప్రాయాలూ వ్యక్తం అవుతున్నాయి.

ఎవరా ఎమ్మెల్యేలు, ఎమ్మెల్సీలు..?

కాంగ్రెస్ గూటికి వెళ్లే ఎమ్మెల్సీలు, ఎమ్మెల్యేలు ఎవరనే చర్చ మొదలైంది. ఆ జాబితాలో ఉత్తర తెలంగాణకు చెందిన ఇద్దరు ముగ్గురు ఎమ్మెల్సీలు, గ్రేటర్ హైదరాబాద్ చెందిన ఒకరిద్దరు ఎమ్మెల్యేలు ఉన్నట్టు గుసగుసలు వినిపిస్తున్నాయి. కొన్ని రోజులుగా వీరు పార్టీ మారేందుకు కాంగ్రెస్ నేతలతో రహస్యంగా మంతనాలు జరుపుతున్నట్టు బీఆర్ఎస్‌కు చెందిన ఓ మాజీ మంత్రి అనుమానం వ్యక్తం చేశారు. ఎప్పుడు ఏ లీడర్ పార్టీకి గుడ్ బై చెపుతారో తెలియని ఆయోమయ పరిస్థితి నెలకొందని ఆందోళన వ్యక్తం చేశారు. వలసల కదలికలను తెలుసుకున్న బీఆర్ఎస్‌కు చెందిన కీలక లీడర్లు సదరు నేతలను బుజ్జగించేందుకు ప్రయత్నం చేస్తున్నట్టు తెలిసింది.

ఒంగోలు జిల్లాలోని తూర్పు ప్రాంతంలో తెలుగుదేశం కూటమికి అనుకూల పవనాలు వీస్తున్నాయి. మొన్నటి ఎన్నికల్లో ఈ ప్రాంతంలో జగన్ ఆధిక్యతతో నాలుగు అసెంబ్లీ స్థానాల్లో టీడీపీ విజయం సాధించింది.

ఈసారి ఒంగోలు, కొండెపి, ఎస్‌ఎన్‌ పాడు నియోజకవర్గాల్లో టీడీపీ, వైఎస్సార్‌సీపీ అభ్యర్థుల మధ్య ప్రతిష్ఠాత్మక పోటీకి రంగం సిద్ధం చేసిన జనసేన, బీజేపీలు కలసి పోటీ చేశాయి. మూడు స్థానాల్లోనూ కూటమి ఆశాజనకంగా కనిపిస్తోంది. ఒంగోలులో టీడీపీ అభ్యర్థి దామచర్ల జనార్దన్‌ ఎమ్మెల్యేగా చేసిన అభివృద్ధి పనుల ట్రాక్‌ రికార్డులే ఆయనకు గొప్ప ఆస్తి.

దీనికి విరుద్ధంగా, ఐదేళ్లుగా గ్రహించిన అరాచకాలు మరియు భూకబ్జాలు YSRCP అభ్యర్థి బాలినేని అవకాశాలపై నీలినీడలు కమ్ముకున్నాయి. ఈ క్రమంలో ఎమ్మెల్యే బాలినేని తనయుడు, అతని అనుచరులతో దాడులు, భూకబ్జా ఘటనలు ఒంగోలులో కలకలం రేపుతున్నాయి. విచ్చలవిడిగా సాగుతున్న భూకబ్జాలను పరిష్కరించడానికి ప్రభుత్వం జోక్యం చేసుకుని ప్రత్యేక దర్యాప్తు బృందాన్ని (సిట్) ఏర్పాటు చేయాల్సి వచ్చింది. అదనంగా, బాలినేని తనయుడు ప్రణీత్ రెడ్డిపై అక్రమాస్తులు, భూకబ్జాలు, ఆర్థిక అవకతవకలు వంటి ఆరోపణలు బాలినేనికి ఇబ్బందికరంగా మారాయి. ఆర్య వైశ్య సామాజిక వర్గానికి చెందిన సుబ్బారావు గుప్తాను చిత్రహింసలకు గురిచేయడం రాష్ట్రవ్యాప్తంగా దుమారం రేపింది.

ఇంకా మంచినీటి పథకానికి చొరవ చూపకపోవడం, పోతురాజు కాలువ ప్రాజెక్టును పూర్తి చేయడం బాలినేనికి సవాళ్లను పెంచింది. ఒంగోలు రూరల్‌ మండలంలో టీడీపీ ఆధిక్యం పెరుగుతుండగా, కొత్తపట్నం మండలంలో వైఎస్సార్‌సీపీ మెజారిటీ కోల్పోయే సూచనలు కనిపిస్తున్నాయి. సిట్టింగ్ ఎంపీ మాగుంట శ్రీనివాసులరెడ్డి టీడీపీలోకి ఫిరాయించడం కూటమి బలాన్ని పెంచింది. మాగుంట కుటుంబం ఒంగోలు మరియు కొండపి నియోజకవర్గాలలో గణనీయమైన ప్రభావాన్ని కలిగి ఉంది, ఒంగోలులో బైపాస్ నిర్మాణం వంటి వారి గత సహకారంతో రైతులలో వారికి ఆదరణ లభిస్తుంది.

మొన్నటి అసెంబ్లీ ఎన్నికల్లో వైఎస్సార్‌సీపీ అభ్యర్థి 23 వేల ఓట్ల ఆధిక్యంతో గెలిచినా, స్వతంత్రంగా పోటీ చేసిన జనసేన 10 వేల ఓట్లను సాధించింది. వైఎస్సార్‌సీపీకి చెందిన ఉద్యోగులు, కాపు సామాజికవర్గం వంటి సంప్రదాయ మద్దతుదారులు విధేయత మారుతున్నట్లు సంకేతాలు వచ్చాయి. వ్యాపారులు, మధ్యతరగతి వర్గాల్లో పెరుగుతున్న అసంతృప్తి టీడీపీ అవకాశాలను మరింత పెంచింది. పైగా, టీడీపీకి 20,000 మందికి పైగా ఆర్య వైశ్యులు మరియు ఇతర వ్యాపారుల మద్దతు ఉంది. ఈ పరిణామాలన్నీ బాలినేని ఎన్నికల్లో ఓడిపోవచ్చని స్పష్టం చేస్తున్నాయి.