Health Benefits : జీవితాంతం వరకు నడుము నొప్పి, మోకాళ్ళ నొప్పి ఎప్పటికీ రావు.!!

Sat, 20 Apr, 2024

Health Benefits ; ఈ భూమి మీద దొరికే ఎన్నో ఔషధ మొక్కలలో వామాకు ఒకటి. సాధారణంగా వామాకు మొక్క ప్రతి ఇంట్లో సహజంగానే పెరుగుతూ ఉంటుంది. సంబరవల్లి, దొడ్డ పాత్రి తెలుగులో వామకు అని పిలుస్తూ ఉంటారు.
ఈ మొక్కలో అద్భుతమైన ఔషధ గుణాలు ఉన్నది. ఆయుర్వేద వైద్యంలో ఒక ముఖ్యమైన మౌలికగా దీన్ని ఉపయోగిస్తారు. అప్పుడప్పుడు వాడితే ఆరోగ్యానికి చాలా మంచిదని ఆయుర్వేద నిపుణులు చెప్తున్నారు. ఈ వామాకు వల్ల ఉన్న ఆరోగ్య ప్రయోజనాల గురించి ఇప్పుడు మనం తెలుసుకుందాం. వామాకు ఆకులను తీసుకుని తేనెలో కలిపి పిల్లలకు పట్టిస్తే అరుగుదల మెరుగుపడుతుంది. శక్తి కూడా బాగా పెరుగుతుంది.

చిన్నపిల్లలకు జలుబు, దగ్గు ఇన్ఫెక్షన్స్ వంటివి వచ్చినప్పుడు వామాకు నీరు మంచి మెడిసిన్ గా ఉపయోగపడుతుంది. ఈ వామాకులో యాంటీ ఆక్సిడెంట్ గుణం ఉన్నది. కాబట్టి గాయాలను తొందరగా తగ్గిస్తుంది అని చెప్పడంలో సందేహం లేదు. మలేరియా వంటి తీవ్రమైన ఫీవర్ వచ్చినప్పుడు ఈ కర్పూరలని ఇవ్వడం మంచి పద్ధతి. శరీరంపై కాయలు అయితే తాజాగా దొరికే వామాకులను తీసుకుని శుభ్రంగా కడిగి దంచి ఆ పేస్ట్టు ని అక్కడ పై పూతక పుస్తే వెంటనే తగ్గుముఖం పడుతుంది. బాగా తలనొప్పితో బాధపడేవారు ఈ వామాకుల రసాన్ని తలపై రాసుకోవాలి ఇలా చేయడం వల్ల తలనొప్పి సమస్య నుంచి శాశ్వతంగా బయటపడతారు. మోకాలు నొప్పి నడుము నొప్పి రాకుండా ఉండడం కోసం వామాకు కషాయం చాలా బాగా ఉపయోగపడుతుంది.
ఇప్పుడు ఏ విధంగా ప్రిపేర్ చేసుకోవాలో చూద్దాం. దీనికోసం మీరు ఐదు నుంచి పదిని వామాకులను తీసుకుని శుభ్రంగా కడిగి నీటిలో వేసి బాగా మరగబెట్టి తర్వాత ఈ నీటిని వడకట్టుకుని అందులో కొద్దిగా తేనె వేసుకుని తీసుకోవాలి. ఈ విధంగా ఈ కషాయాన్ని తాగినట్లయితే మీరు చనిపోయేంతవరకు నడుము నొప్పి మోకాల నొప్పి ఎప్పటికీ రావు. మీ ఒంట్లో వేడి కారణంగా వస్తే సమస్యల నుంచి వెంటనే ఉపశమనం లభిస్తుంది అన్ని సమస్యలు కూడా శాశ్వతంగా నయమైపోతాయి. డైరెక్ట్ గా తీసుకోవడం వల్ల దగ్గు తగ్గుతుంది. దగ్గు తగ్గించడానికి వామాకు సమర్థవంతంగా పనిచేస్తుందని ఇటీవల పరిశోధనలో తేలింది.

Hair Tips : బట్టతలపై వెంట్రుకలు మొలిపించే అద్భుతం.తుంగ గడ్డలు గురించి ఈ విషయాలు తెలిస్తే ఆశ్చర్యపోతారు..

Mannam Web

Sat, 20 Apr, 2024

Hair Tips : బట్టతలపై వెంట్రుకలు మొలిపించే అద్భుతం.తుంగ గడ్డలు గురించి ఈ విషయాలు తెలిస్తే ఆశ్చర్యపోతారు..

ఆయుర్వేదంలో ప్రతి మొక్కలోను ఏదో ఒక ఔషధ గుణం ఉంటుంది. ఆయుర్వేద శాస్త్రంలో కొన్ని కోట్లాది మొక్కల ఔషధ గుణాలు వాటి ఏ ఏ జబ్బులను తగ్గిస్తాయో వివరంగా తెలిపారు.
ప్రతి మొక్క లోను అందులోని పదార్థాలు వాటి లక్షణాలు అవి ఏ ఏ జబ్బులను తగ్గిస్తాయో ఆయుర్వేదంలో వివరంగా ఉంది అలాంటి ఒక అద్భుతమైన మొక్క గురించి ఈరోజు మనం తెలుసుకుందాం. మన పొలం గట్ల మీద ఊరి చివరన ఖాళీ ప్రదేశాల్లోనూ బంజరు స్థలాల్లోనూ కలుపు మొక్కగా పెరిగే తుంగ గడ్డి గురించి ప్రస్తుతం మనం చర్చించుకుందాం. తుంగ గడ్డి అనేది ఓ కలుపు మొక్క గా మనం భావిస్తూ ఉంటాం. ఈ తుంగ గడ్డి భూమి లోపల తుంగ గడ్డలు ఉంటాయి. వీటినే కొన్ని ప్రాంతాల్లో తుంగభటికలు తుంగమస్తలు అని పిలుస్తారు వీటిలో అనేక ఔషధ గుణాలు ఉన్నాయి ఈ తుంగ గడ్డలతో ఏ ఏ వ్యాధులు నివారించవచ్చు తెలిస్తే మీరు ఆశ్చర్యపోతారు ప్రస్తుతం తుంగ గడ్డలు గురించి పూర్తి వివరాలను తెలుసుకుందాం.

తుంగ గడ్డలు జాండీస్ కు రామబాణం అనే చెప్పాలి తుంగ గడ్డలతో చేసిన కషాయం తాగితే కామెర్ల వ్యాధి
తగ్గిపోతుంది ముఖ్యంగా కాలేయంలో ఇన్ఫెక్షన్లు ఇతర సమస్యలకు ఈ తుంగ గడ్డ అద్భుతంగా పనిచేస్తుంది ముఖ్యంగా తుంగ గడ్డలను వేడి నీటిలో మరగబెట్టిన తర్వాత ఆ నీటిని తాగితే కాలేయంలో ఇన్ఫెక్షన్ తగ్గి కామెర్లు తగ్గుముఖం పడతాయి.

అలాగే తుంగ గడ్డలను పేస్టుగా చేసి అందులో తేనె కలిపి నాకితే పేగు పూత వ్యాధి తగ్గిపోతుంది. ముఖ్యంగా అల్సర్ సంబంధిత వ్యాధులకు తుంగ గడ్డలు బాగా పనిచేస్తాయి. అదేవిధంగా మధుమేహం తగ్గించడంలో కూడా తుంగ గడ్డలు అద్భుతంగా పనిచేస్తుంటాయి.

తుంగ గడ్డలతో బట్టతలపై వెంట్రుకలు రావడం ఖాయం.

తుంగ గడ్డలు బట్టతలపై వెంట్రుకలు తిరిగి మొలిపించడంలో అద్భుతంగా పనిచేస్తుంటాయి. ముఖ్యంగా తుంగ గడ్డలను ఎండబెట్టి దాన్ని కొబ్బరి నూనెలో మరిగించి తలకు పట్టిస్తే వెంట్రుకలు రాలిపోవడం తగ్గిపోతుంది, అంతేకాదు బట్టతలపై కూడా వెంట్రుకలు మొలిచేందుకు పునరుద్జీవంగా పనిచేస్తుంది. తుంగ గడ్డల ఎండబెట్టి వాటిని చూర్ణంగా చేసి ఆ పొడిలో, చందనం కలిపి ముఖంపై రాసుకుంటే మొటిమలు మచ్చలు పోయి ముఖం కాంతివంతంగా మారుతుంది అంతేకాదు నల్లటి నలుపు సైతం తొలగిపోయి మొహం చంద్రబింబంలా మెరిసిపోవడం ఖాయమని ఆయుర్వేద శాస్త్రవేత్తలు చెబుతున్నారు.

తుంగ గడ్డలు ఒక రకంగా చెప్పాలంటే సర్వరోగ నివారిణి అని చెప్పాలి వీటి పైన ఇప్పటికీ ఇంకా పరిశోధనలు జరుగుతూనే ఉన్నాయి. మీ ప్రాంతంలో కూడా తుంగ గడ్డలు లభించినట్లయితే ఆయుర్వేద నిపుణుడి సలహాలతో వాడటం ద్వారా అనేక వ్యాధులనుంచి బయటపడే అవకాశం ఉంటుంది.
(నోట్‌: ఇందులోని అంశాలు కేవలం అవగాహన కోసం మాత్రమే. ఆరోగ్య నిపుణుల సలహాల మేరకు అందించడం జరుగుతుంది. ఏదైనా సందేహాలు ఉంటే వైద్య నిపుణులను సంప్రదించండి.)

Mobile Theft: ఫోన్‌ చోరీకి గురైందా..? ముఖ్యమైన ఈ మూడు పనులు వెంటనే చేయండి

Mannam Web

Sat, 20 Apr, 2024

ఇప్పుడు స్మార్ట్‌ఫోన్ స్నాచింగ్ అనేది సర్వసాధారణంగా మారింది. రోడ్డుపై నడుచుకుంటూ వెళ్తుంటే వెనుక నుంచి ఎవరైనా వచ్చి ఎప్పుడు ఫోన్‌ లాక్కుంటారో చెప్పాల్సిన పనిలేదు.

ఇలాంటి సంఘటన మీకు తెలిసిన వారికైనా లేదా మీకు ఎప్పుడైనా జరిగితే మీరు ఏమి చేస్తారని మీరు ఎప్పుడైనా ఆలోచించారా? ఫోన్ దొంగిలించబడిన వెంటనే, మొదటగా పోలీసు స్టేషన్‌కి వెళ్లి ఎఫ్‌ఐఆర్ నమోదు చేయడం అందరికీ తెలుసు. ఇందులో కొత్తదనం ఏముంది? అయితే పోలీసు స్టేషన్‌కు వెళ్లే ముందు మీరు కొన్ని ముఖ్యమైన పనిని పూర్తి చేయాలి. మీ ఫోన్‌ను దొంగిలించిన వెంటనే మీరు చేయవలసిన ముఖ్యమైన పని ఏమిటో తెలుసుకుందాం.

టెలికాం ఆపరేటర్‌కు కాల్ చేయండి

మీ మొబైల్ నంబర్ ఉన్న ఏదైనా టెలికాం కంపెనీ కస్టమర్ కేర్‌కు మీరు వెంటనే కాల్ చేయాలి. మీ ఫోన్ దొంగిలించబడినట్లయితే, అదే కంపెనీ నంబర్ ఉన్న మరొకరి నుండి ఫోన్ కోసం అడగండి. ఉదాహరణకు, మీ ఫోన్‌లో రిలయన్స్ జియో నంబర్ ఉంటే మీ ఫోన్‌ దొంగతనానికి గురైన తర్వాత జియో సిమ్‌ కలిగిన ఇతరుల ఫోన్‌ను తీసుకుని కస్టమర్ కేర్‌కు కాల్ చేసి, ఆపై మీ 10 అంకెల మొబైల్ నంబర్‌ను వారికి చెప్పి, మీ మొబైల్ నంబర్‌ను బ్లాక్ చేయాలనుకుంటున్నారని చెప్పండి.

కస్టమర్ కేర్ వ్యక్తి మిమ్మల్ని కొన్ని ముఖ్యమైన ప్రశ్నలు అడుగుతాడు. మీరు ఈ ప్రశ్నలకు సమాధానం ఇచ్చిన వెంటనే, మీ నంబర్ బ్లాక్ చేస్తారు. నంబర్‌ను బ్లాక్ చేయడం వల్ల కలిగే అతిపెద్ద ప్రయోజనం ఏమిటంటే, దొంగ మీ సిమ్‌ను దుర్వినియోగం చేయలేరు.

పోలీస్ స్టేషన్‌కి వెళ్లి ఎఫ్‌ఐఆర్ ఫైల్ చేయండి

అన్నింటిలో మొదటిది మొబైల్ నంబర్‌ను బ్లాక్ చేయడం మంచిది. ఈ పనిని పూర్తి చేసిన తర్వాత సమీపంలోని పోలీస్ స్టేషన్‌కు వెళ్లి మీకు జరిగిన సంఘటన గురించి తెలియజేయండి. మీ ఫిర్యాదును విన్న తర్వాత పోలీసు అధికారి మీ ఎఫ్‌ఐఆర్ నమోదు చేస్తారు. మీరు ఎఫ్‌ఐఆర్ కాపీని కూడా మీ వద్ద ఉంచుకోవాలి. ఈ నివేదికలో మీ మొబైల్ ఫోన్ మోడల్ నంబర్, IMEI నంబర్, మీ ఫోన్ ఏ రంగులో ఉందో వంటి ముఖ్యమైన సమాచారం రాసి ఉటుంది.

IMEI నంబర్ బ్లాక్ చేయండి

ఫోన్ దొంగిలించబడిన తర్వాత మొబైల్ నంబర్ బ్లాక్ చేయించండి. కానీ IMEI నంబర్ గురించి ఏమిటి? ప్రతి స్మార్ట్‌ఫోన్‌కు ప్రత్యేకమైన IMEI నంబర్ ఉంటుందని మీరు తెలుసుకోవాలి. IMEI నంబర్‌ను బ్లాక్ చేయడం వల్ల ప్రయోజనం కూడా ఉంది. ఆ ప్రయోజనం ఏమిటంటే మీరు నంబర్‌ను బ్లాక్ చేసినప్పుడు, ఆ తర్వాత ఫోన్ కేవలం బాక్స్‌గా మిగిలిపోతుంది. ఎందుకంటే IMEI నంబర్ బ్లాక్ అయిన వెంటనే మీ ఫోన్‌లో ఇతర కంపెనీల సిమ్ పనిచేయదు.

ఇప్పుడు ప్రశ్న తలెత్తుతుంది IMEI నంబర్‌ను ఎలా బ్లాక్ చేయాలి? అని. దీని కోసం మీరు పెద్దగా కష్టపడాల్సిన అవసరం లేదు. భారత ప్రభుత్వం సాధారణ ప్రజల సౌకర్యార్థం ఒక వెబ్‌సైట్‌ను సిద్ధం చేసింది. దీని ద్వారా మీరు ఈ పనిని చాలా సులభంగా చేయవచ్చు.

IMEI నంబర్‌ను బ్లాక్ చేయడానికి, మీరు https://www.ceir.gov.in/Home/index.jsp కి వెళ్లాలి. ఈ వెబ్‌సైట్‌ను సందర్శించిన తర్వాత, సైట్ హోమ్‌పేజీకి ఎడమ వైపున బ్లాక్ స్టోలెన్/లాస్ట్ మొబైల్ ఆప్షన్ మీకు కనిపిస్తుంది. IMEI నంబర్‌ను బ్లాక్ చేయడం కోసం ceir.gov.in ఎంపికపై క్లిక్ చేయడం ద్వారా, కొత్త పేజీ ఓపెన్‌ అవుతుంది. దీనిలో మీరు దొంగిలించబడిన ఫోన్‌ను బ్లాక్ చేయడానికి అభ్యర్థనను సమర్పిస్తున్నారని తెలుపండి. ఈ పేజీలో మీ నుండి కొన్ని ముఖ్యమైన సమాచారం అడుగుతుంది. ముందుగా ఫోన్ ఇన్ఫర్మేషన్ అడుగుతారు. ఆపై మీ ఫోన్ ఎక్కడ చోరీకి గురైంది? ఏ రాష్ట్రంలో దొంగిలించారు మొదలైన దొంగతనం గురించి సమాచారాన్ని ఇవ్వాలి.

దీని తర్వాత, మీరు పేజీలో అడిగిన మొత్తం సమాచారాన్ని పూరించిన తర్వాత, మీరు డిక్లరేషన్‌పై టిక్ చేసి, ఆపై కింద చూపిన సబ్‌మిట్ బటన్‌ను నొక్కాలి. ఇలా చేయడం వల్ల మీ ఫోన్ బ్లాక్ చేయబడుతుంది.

Nestle Cerelac Side Effects: పిల్లలకు సెర్లాక్‌ తినిపిస్తున్నారా.. ప్రమాదంలో పడినట్లే..!

Mannam Web

Sat, 20 Apr, 2024

Nestle Cerelac Side Effects: చిన్న పిల్లలకు తల్లిపాల కంటే బలవర్ధకమైన ఆహారం మరొకటి లేదు. అందుకే డెలివరీ అయిన మహిళలు పిల్లలకు కనీసం ఆరు నెలలైనా తల్లిపాలు తాగించాలి. అప్పుడే వారు రోగనిరోధక శక్తిని పెంచుకొని సీజనల్‌ వ్యాధులను తట్టుకుంటారు. అయితే చాలామంది మహిళలకు పాలు సరిపడ రావు. దీంతో వారు ప్రత్యామ్యాయంగా నెస్లే సెర్లాక్‌ని తినిపిస్తారు. మరికొందరు పాలను మరిపించి ఫుడ్‌పైదృష్టిపెట్టడానికి సెర్లాక్‌ను అలవాటు చేస్తారు. ఇక్కడి వరకు బాగానే ఉంది కానీ సెర్లాక్‌ వల్ల పిల్లలకు చాలా పెద్ద ప్రమాదం పొంచి ఉంది. దాని గురించి ఈ రోజు తెలుసుకుందాం.
సెర్లాక్ ప్రొడక్ట్ ను నెస్లే కంపెనీ తయారు చేస్తుంది. వివిధ ఫ్లేవర్స్ తో 15 రకాలుగా మార్కెట్ లో అందుబాటులో ఉంది. తాజాగా చేసిన పబ్లిక్ ఐ పరిశోధనలో షాకింగ్ న్యూస్ బయటికి వచ్చింది. భారత్ లో తయారుచేసే సెరెలాక్‌లో 3 గ్రాముల షుగర్ ఉంటుందని పరిశోధనలో తేలింది. అంతే కాదు ఇందులో చక్కెర, తేనే కలుపుతున్నట్లు తెలిసింది. నిబంధనల ప్రకారం చిన్నారుల కోసం తయారు చేసే ఫుడ్ ఐటమ్స్ లో చక్కెర స్థాయిలు ఉండకూడదు. ఊబకాయం, ఇతర దీర్ఘకాలిక వ్యాధులు వచ్చే ప్రమాదం ఉంది. ఆసియా, ఆఫ్రికా, లాటిన్ అమెరికా వంటి పేద దేశాల్లో నెస్లే ఈ నిబంధనను యథేచ్ఛగా ఉల్లంఘిస్తున్నట్టు తేలింది.
చాలా సందర్భాల్లో నెస్లే సెర్లాక్‌ కంపెనీ షుగర్ లెవల్స్ గురించి ప్యాకేజింగ్‌పై ముద్రించట్లేదని పబ్లిక్ ఐ పేర్కొంది. దీనివల్ల పిల్లలకు చక్కెర వ్యసనంగా మారే అవకాశం ఉంది. తీపికి అలవా టు పడ్డ చిన్నారులు అలాంటి ఆహారాల వైపే మొగ్గు చూపుతారు. ఫలితంగా చిన్నతనంలో తగిన పోషకాలు అందక పెద్దాయ్యాక అనారోగ్యాల బారిన పడుతారు. అందుకే చిన్నపిల్లలకు సెర్లాక్‌ తినిపించే ముందు ఒక్కసారి ఆలోచించి నిర్ణయం తీసుకోండి.

Toyota: 21 కిమీల మైలేజీ.. హైబ్రిడ్ ఇంజిన్‌తో వచ్చిన టయోటా ఇన్నోవా హైక్రాస్.. ధరెంతంటే?

Mannam Web

Sat, 20 Apr, 2024

Toyota Innova Highcross: టయోటా కిర్లోస్కర్ మోటార్ ఈరోజు (ఏప్రిల్ 15) తన ప్రముఖ హైబ్రిడ్ కారు టయోటా ఇన్నోవా హైక్రాస్ కొత్త టాప్ వేరియంట్ GX(O)ని విడుదల చేసింది.

మల్టీ పర్పస్ వెహికల్ (MPV) ఈ వేరియంట్ పెట్రోల్ ఇంజన్ ఎంపికతో మాత్రమే వస్తుంది. దీని ఎక్స్-షోరూమ్ ధర రూ. 20.99 లక్షలుగా ఉంది.

ఇన్నోవా హైక్రాస్ ఈ కొత్త వేరియంట్ GX పైన ఉంది. ఇది GX వేరియంట్ కంటే రూ. 1 లక్ష ఎక్కువ ఖరీదైనది. ఎక్కువ ఫీచర్ లోడ్ చేసింది. ఇది 7 సీటర్, 8 సీటర్ కాన్ఫిగరేషన్‌లలో ప్రవేశపెట్టింది. ఈ కారు బలమైన హైబ్రిడ్ ఇంజన్‌తో వస్తుంది. ఇది 21.1kmpl మైలేజీని ఇస్తుంది.

టయోటా ఇన్నోవా హైక్రాస్ ధర రూ. 19.77 లక్షల నుంచి రూ. 30.98 లక్షలు (ఎక్స్-షోరూమ్ ఢిల్లీ). భారతీయ మార్కెట్లో, ఇది మారుతి ఇన్విక్టో, కియా కారెన్స్, టయోటా ఇన్నోవా క్రిస్టాతో పోటీపడుతుంది. దీన్ని ప్రీమియం ఆప్షన్‌గా కూడా ఎంచుకోవచ్చు.

Innova High Cross GX(O) సాధారణ వేరియంట్ కంటే ఎక్కువ ఫీచర్లను కలిగి ఉంది. సాధారణ GX వేరియంట్‌తో పోలిస్తే Innova High Cross కొత్త GX(O) వేరియంట్ అనేక అదనపు సౌకర్యాలను కలిగి ఉంది. ఇందులో పెద్ద 10.1-అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ Apple CarPlay, ఆటోమేటిక్ AC, ఫ్రంట్ పార్కింగ్ సెన్సార్లు, 360 డిగ్రీ వ్యూ కెమెరా, వెనుక సన్‌షేడ్, ముందు LED ఫాగ్ ల్యాంప్స్, వెనుక డీఫాగర్ ఉన్నాయి.

అయితే, పెద్ద ఇన్ఫోటైన్‌మెంట్ సిస్టమ్, వెనుక సన్‌షేడ్ 7-సీటర్ వెర్షన్‌లో మాత్రమే అందుబాటులో ఉంటాయి. టయోటా ఇన్నోవా హైక్రాస్ GX(O) వేరియంట్‌లో ఫాబ్రిక్ సీట్ అప్హోల్స్టరీతో కూడిన చెస్ట్‌నట్ థీమ్ సాఫ్ట్-టచ్ డ్యాష్‌బోర్డ్ ఉంది. GX వేరియంట్‌తో పోలిస్తే మరింత ప్రీమియం క్యాబిన్ అనుభవాన్ని కలిగి ఉంది.

ఇది కాకుండా, కారులో పనోరమిక్ సన్‌రూఫ్, డ్యూయల్-జోన్ క్లైమేట్ కంట్రోల్, 9-స్పీకర్ JBL ఆడియో సిస్టమ్, రెండవ వరుసలో పవర్డ్ ఒట్టోమన్ సీట్లు, మూడ్ లైటింగ్, పవర్డ్ టెయిల్‌గేట్ వంటి అనేక గొప్ప ఇంటీరియర్ ఫీచర్లు ఉన్నాయి.

Innova Hycross GX లిమిటెడ్ ఎడిషన్: డిజైన్..

Innova Hycross మొత్తం SUV-సెంట్రిక్ డిజైన్‌ను కలిగి ఉంది. ఇది పెద్ద కొత్త ఫ్రంట్ గ్రిల్‌ను పొందుతుంది. ఇది సొగసైన LED హెడ్‌ల్యాంప్‌లతో ఉంటుంది. ముందు భాగంలో, గ్రిల్ మధ్యలో కొత్త క్రోమ్ గార్నిష్‌ని కలిగి ఉంటుంది. ముందు, వెనుక బంపర్‌లలో కొత్త ఫాక్స్ సిల్వర్ స్కిడ్ ప్లేట్లు అందించింది.

ఇందులో 18 అంగుళాల అల్లాయ్ వీల్స్ ఉన్నాయి. హైక్రాస్ వెనుక భాగంలో ర్యాప్‌రౌండ్ LED టెయిల్-ల్యాంప్‌లు అందుబాటులో ఉన్నాయి. ఇన్నోవా హైక్రాస్ కొలతలు గురించి మాట్లాడితే, ఇది ఇన్నోవా క్రిస్టా కంటే పెద్ద పరిమాణంలో ఉంది. Innova Hycross 20 mm పొడవు, 20 mm వెడల్పు, 100 mm వీల్‌బేస్ కలిగి ఉంది.

ప్లాటినం వైట్ ఎక్స్టీరియర్ పెయింట్ షేడ్ కోసం మీరు రూ. 9,500 అదనంగా చెల్లించాలి. అయితే, కారు దిగువ స్థాయి GX ట్రిమ్‌పై ఆధారపడి ఉంటుంది. కాబట్టి, ఇది బంపర్ గార్నిష్, అధిక ట్రిమ్‌లలో ఉండే పెద్ద మెటాలిక్ అల్లాయ్ వీల్స్‌ను కోల్పోతుంది.

Innova Highcross GX(O): ఇంజన్, మైలేజ్..

టయోటా ఇన్నోవా హైక్రాస్ ఈ వేరియంట్ 2.0-లీటర్ సహజంగా ఆశించిన పెట్రోల్ ఇంజన్‌తో అందుబాటులో ఉంది. ఇది 172hp పవర్, 205Nm టార్క్‌ను ఉత్పత్తి చేస్తుంది. ఈ ఇంజన్ CVT ఆటోమేటిక్ గేర్‌బాక్స్‌తో ట్యూన్ చేసింది. ఇందులో ఇంధన-సమర్థవంతమైన హైబ్రిడ్ పవర్‌ట్రెయిన్ ఎంపిక లేదు.

ఇది కాకుండా, కారు అధిక వేరియంట్లలో 2.0-లీటర్ బలమైన హైబ్రిడ్ ఇంజన్ అందించింది. ఇది 21.1 kmpl ఇంధన సామర్థ్యాన్ని, ఫుల్ ట్యాంక్‌పై 1097km పరిధిని ఇస్తుంది. ఇది 9.5 సెకన్లలో 0 నుంచి 100 కిమీ వేగాన్ని అందుకోగలదు. CVTతో కూడిన కొత్త TNGA 2.0-లీటర్ నాలుగు-సిలిండర్ గ్యాసోలిన్ ఇంజన్ 174 PS శక్తిని ఉత్పత్తి చేస్తుంది. ఇ-డ్రైవ్‌తో 2.0-లీటర్ నాలుగు-సిలిండర్ పెట్రోల్-హైబ్రిడ్ ఇంజన్ గరిష్ట శక్తి 186 ps.

ఇన్నోవా హైక్రాస్ GX(O): భద్రతా ఫీచర్లు..

Innova Hycross టయోటా సేఫ్టీ సెన్స్ సూట్‌తో వస్తుంది. ఇందులో డైనమిక్ రాడార్ క్రూయిజ్ కంట్రోల్, ఆటో హై బీమ్, లేన్ చేంజ్ అసిస్ట్, బ్లైండ్ స్పాట్ మానిటర్, 6 SRS ఎయిర్‌బ్యాగ్‌లు, ఎలక్ట్రానిక్ పార్కింగ్ బ్రేక్, గైడ్ మెనీ బ్యాక్‌లు ఉన్నాయి. వీక్షణ మానిటర్, EBDతో కూడిన ABS, వెనుక డిస్క్ బ్రేక్ వంటి గొప్ప ఫీచర్లు ఉన్నాయి.

Digital Voter ID: ఎన్నికలవేళ.. డిజిటల్ ఓటర్ ఐడీ కార్డ్ పొందండిలా..

Mannam Web

Sat, 20 Apr, 2024

Digital Voter ID: దేశ వ్యాప్తంగా ఎన్నికల వాతావరణం నెలకొంది. శుక్రవారం 21 రాష్ట్రాలలో 102 పార్లమెంటు స్థానాలకు ఎన్నికలు జరుగుతున్నాయి. ఏడు దశల్లో ఈ ఎన్నికలు నిర్వహిస్తారు.

జూన్ 4న ఫలితాలు వెల్లడిస్తారు. ఇక ఇటీవల కాలంలో ఫోన్ వాడకం పెరిగిపోయింది. అందులోనే అన్ని రకాల గుర్తింపు కార్డులను భద్రపరచుకోవడం ఎక్కువైంది. ప్రస్తుతం ఎన్నికలు నిర్వహిస్తున్న నేపథ్యంలో డిజిటల్ ఓటర్ ఐడీ కార్డ్ మన ఫోన్లోనే నిక్షిప్తమై ఉంటే బాగుంటుంది కదా.. మారిన సాంకేతిక పరిజ్ఞానం వల్ల.. నెట్ సెంటర్లకు వెళ్లకుండానే.. మొబైల్ లోనే డిజిటల్ ఓటర్ ఐడీ కార్డు డౌన్లోడ్ చేసుకోవచ్చు.

చాలా మంది వద్ద ఆధార్, పాన్, జాబ్ (ఉద్యోగం గనుక చేస్తుంటే) ఐడీ కార్డులు కచ్చితంగా ఉంటాయి. అయితే కొంతమంది దగ్గర ఓటర్ ఐడీ కార్డు ఉంటుంది. మరి కొంతమంది వద్ద ఉండదు. అలాంటివారు డిజిటల్ ఓటర్ ఐడీ కార్డ్ ఎలా పొందాలో తెలియక ఇబ్బంది పడుతుంటారు. అలాంటివారు సులువుగా తమ మొబైల్ ఫోన్లోనే ఐడీ కార్డును డౌన్లోడ్ చేసుకోవచ్చు. దానిని వారు తమ ఫోన్ లోనే భద్రపరచుకోవచ్చు. లేకుంటే ఆధార్ కార్డు లాగా లామినేషన్ చేసుకుని దగ్గర ఉంచుకోవచ్చు. ఇంతకీ అది ఎలాగంటే..

ఈ విధానంలో ముందుగా కేంద్ర ఎన్నికల సంఘం అధికారిక వెబ్ సైట్ (https://voters eci.gov.in/login) లోకి వెళ్ళాలి. అందులో ఈ అధికారిక మొబైల్ నెంబర్ ఎంటర్ చేయాలి. ఆ తర్వాత మీకు ఒక ఓటీపీ వస్తుంది. దాన్ని ఎంటర్ చేస్తే పాస్ వర్డ్ సెట్ చేసుకోమని చెప్పింది. అది ఇవ్వగానే రిజిస్ట్రేషన్ ప్రక్రియ పూర్తవుతుంది. అనంతరం మీరు మీ మొబైల్ నెంబర్, పాస్ వర్డ్ ఎంటర్ చేస్తే..ఒక కప్చా నంబర్ వస్తుంది. దాన్ని టైప్ చేస్తే లాగిన్ అవ్వచ్చు.

అలా లాగ్ ఇన్ అయిన తర్వాత రిక్వెస్ట్ ఓటీపీ పై క్లిక్ చేయాలి. అప్పుడు ఓటీపీ ఎంటర్ చేసిన తర్వాత వెరిఫై అండ్ లాగిన్ పై క్లిక్ చేయాలి. అప్పుడు మీకు ఒరిజినల్ సైట్ కనిపిస్తుంది. అందులో కుడివైపు కింద మూలన ఉన్న e-epic డౌన్లోడ్ పై క్లిక్ చేయాలి. అప్పుడు మీకు ఒక స్క్రీన్ కనిపిస్తుంది. అందులో మీరు ఇంటర్ ఎపిక్ నెంబర్ దగ్గర మీ ఓటర్ ఐడీ కార్డు సంబంధించిన ఎపిక్ నెంబర్ టైప్ చేయాలి. ఆ తర్వాత సెలెక్ట్ స్టేట్లో మీ రాష్ట్రాన్ని ఎంపిక చేసుకోవాలి. ఆ తర్వాత సెర్చ్ ఆప్షన్ పై క్లిక్ చేయాలి. అప్పుడు మీకు మీ ఓటర్ ఐడి కి సంబంధించిన వివరాలు చూపిస్తుంది. ఆ ఓటర్ ఐడి మీకు సరైనది అనిపిస్తే అప్పుడు మీరు కింద ఉన్న రీసెండ్ ఓటిపి పై క్లిక్ చేయాలి. అప్పుడు మీ మొబైల్ నెంబర్ కు వచ్చే ఓటిపిని ఎంటర్ చేసి, వెరిఫై బాక్స్ పై క్లిక్ చేయాలి. మీరు ఎంటర్ చేసిన ఓటిపి సరైనదే అయితే కరెక్ట్ అని చూపిస్తుంది. ఆ తర్వాత మీరు మీ డిజిటల్ ఓటర్ ఐడి కార్డు కోసం డౌన్లోడ్ ఎపిక్ అనే ఆప్షన్ పై క్లిక్ చేయాలి. అది మీ మొబైల్ లో పిడిఎఫ్ ఫార్మాట్లో సేవ్ అవుతుంది. దాన్ని మీరు ప్రింట్ తీసుకోవచ్చు. లామినేషన్ చేస్తే ఆధార్ కార్డు లాగా భద్రపరచుకోవచ్చు. మొబైల్ తో సేవ్ చేసుకుంటే ఎప్పుడైనా అధికారులు అడిగినప్పుడు దాన్ని చూపించవచ్చు.

5G Network Issue ఈ సింపుల్ టిప్స్‌తో.. మీ స్మార్ట్‌ఫోన్‌లో 5G నెట్వర్క్ సమస్యను సాల్వ్ చేసుకోండి…

Mannam Web

Sat, 20 Apr, 2024

5G Network Issue ఇంతవరకు మనలో చాలా మంది 2G, 3G, 4G ఇంటర్నెట్ స్పీడ్ చూశాం. ఇటీవలి కాలంలో 5Gలో అడుగుపెట్టాం. ఇది 4G కంటే చాలా వేగంగా పని చేస్తుంది. 5G నెట్వర్క్ హై స్పీడ్ వల్ల ఎలాంటి వీడియోలైనా.. ఎంత క్వాలిటీ ఫోటోలైనా.. ఎంత లెంతీ, క్వాలిటీ వీడియోలైనా క్షణాల్లో డౌన్ లోడ్ అయిపోతున్నాయి. అదే విధంగా అప్ లోడింగుకు ఎక్కువ టైం పట్టట్లేదు. అంతేకాదు ఎలాంటి సైట్లు అయినా, యాప్స్ వెంటనే ఓపెన్ అవుతున్నాయి. 5G నెట్వర్క్ కారణంగా గేమింగ్‌కు ఎంతో ఉపయోగకరంగా ఉంటుంది. అయితే 5G స్మార్ట్ ఫోన్ కొన్న వారంతా దీన్ని ఉపయోగించలేరు. ఎందుకంటే చాలా మంది 4G నెట్వర్క్ దగ్గరే ఆగిపోయారు. ఈ సందర్భంగా 5G నెట్వర్క్ హైస్పీడ్ పొందాలంటే ఏం చేయాలనే పూర్తి వివరాలను ఇప్పుడు తెలుసుకుందాం…
5Gలోని రకాలు..
5G స్మార్ట్‌ఫోన్ కొన్న ప్రతి ఒక్కరికీ హై స్పీడ్ వస్తుందనుకుంటే మీరు తప్పులో కాలేసినట్టే. ఎందుకంటే 5G సేవలు ఇంకా అందుబాటులోకి రాని ప్రాంతాలు అనేకం ఉన్నాయి. అలాగే Airtel 5G NSA(Non Stand)లోనే నెట్వర్క్ ఉపయోగిస్తోంది. జియో 5G SA(సొంతంగా) తన టెక్నాలజీ వాడుతోంది. ప్రస్తుతం అందుబాటులో ఉన్న 5G స్మార్ట్‌ఫోన్లలో NSA టెక్నాలజీ ఎక్కువగా వినియోగించబడుతుంది. అందుకే మీరు జియో SA టెక్నాలజీ వాడేటప్పుడు అనేక సమస్యలను ఎదుర్కోవచ్చు.
మీ సిమ్ సపోర్ట్ చేస్తుందా?
మీరు వాడే స్మార్ట్‌ఫోన్లలో 5G సపోర్ట్‌ని కలిగి ఉన్న చాలా పాత పరికరాలు ఉన్నాయి. చాలా సందర్భాలలో 5G స్మార్ట్ ఫోన్లు ప్రాథమిక సిమ్ కార్డులో లేదా మొదటి స్లాట్‌లో మాత్రమే 5G సపోర్ట్ కలిగి ఉంటుంది. కాబట్టి మీరు ఇంటర్నెట్ ఇష్యూ ఫేస్ చేస్తుంటే మీ సిమ్ కార్డు మొదటి స్లాట్‌లో ఉందో లేదో చెక్ చేసుకోండి.

ఫోన్ నెంబర్ 5G యాక్టివ్ ఉందా?
ప్రస్తుతానికి 5G కోసం ప్రత్యేక రీఛార్జ్ ప్లాన్ లేదు. జియో, ఎయిర్ టెల్ కంపెనీలు యూజర్లకు ఫ్రీగా అన్‌లిమిటెడ్ 5G సేవలు అందించడం ప్రారంభించాయి. అయితే దీని కోసం మీరు నిర్దిష్ట ప్లాన్లలో రీఛార్జ్ చేసుకోవాలి. ఈ రెండు కంపెనీల యాప్‌లోకి వెళ్లి 5G సర్వీస్‌ని యాక్టివేట్ చేసుకోవాలి. కాబట్టి Airtel Thanks లేదా MyJio యాప్‌లో వెళ్లడం ద్వారా పూర్తి వివరాలను తెలుసుకోవచ్చు.

సిమ్‌ని అప్‌గ్రేడ్ చేయాలా?
ప్రస్తుతం 4G సిమ్ వాడుతున్నవారు.. 5G హైస్పీడ్ కావాలనుకుంటున్నారు. అయితే మీ సిమ్ కార్డు 3G అయితే అది 5Gకి మార్చలేం. అయితే 3G సిమ్ నుంచి 4Gలోకి మార్చొచ్చు. కానీ 5Gకి మార్చలేరు. అందుకే మీరు కొత్త 4G కొత్త సిమ్ కార్డు తీసుకోవాలి.

సెట్టింగులో ఈ మార్పులు చేసుకోండి..
మీరు వాడే స్మార్ట్‌ఫోన్లలో 4G/5G టైప్ సెలెక్ట్ చేసుకున్నారని కన్ఫార్మ్ చేసుకోండి. దీని ఆధారంగా మీ స్మార్ట్ ఫోన్ నెట్వర్క్ ఆటోమేటిక్‌గా 4G లేదా 5Gలో రన్ అవుతుంది. ఒకవేళ మీరు 5G నెట్వర్క్ సిగ్నల్ వీక్‌గా ఉండే ప్రాంతంలో నివసిస్తుంటే, 4G ఆటోమేటిక్‌గా ఆన్ అవుతుంది. మీరు 5Gని మాత్రమే పొందాలనుకుంటే, మీ ఫోన్ సెట్టింగులో 5G నెట్వర్క్ మాత్రమే సెలెక్ట్ చేసుకోండి.

Red bananas : ప్రతి రోజూ ఖాళీ కడుపుతో ఎర్ర అరటిపండు తినడం వల్ల కలిగే ఆరోగ్య ప్రయోజనాలేంటో తెలుసా..!

Mannam Web

Sat, 20 Apr, 2024

ఎర్ర అరటి పండులో విటమిన్ సి, విటమిన్ బి6, యాంటీ ఆక్సిడెంట్లు, ఫైబర్ సమృద్ధిగా, తక్కువ కేలరీలుంటాయి. దీనిని అల్పాహారంగా, డెజర్గా కూడా హెల్తీ ఫుడ్‌గా తీసుకోవచ్చు.

ఇది జీర్ణక్రియకు సహాయపడుతుంది. ఇంకా దీనితో ఎన్ని లాభాలంటే..

రోగనిరోధక శక్తి..

రెడ్ అరటిపండులోని మెగ్నీషియం, పొటాషియం వంటి రిచ్ లక్షణాలు రక్తపోటును తగ్గిస్తాయి. ఈ పండులో ఉండే విటమిన్ సి, రోగనిరోధక శక్తిని పెంచే కీలకమైనది. శరీర రోగనిరోధక శర్తిని పెంచడానికి, చర్మాన్ని ఆరోగ్యాంగా ఉంచడానికి కొల్లాజెన్ ఉత్పత్తి చేయడానికి విటమిన్ సి చాలా ముఖ్యమైనది.

కంటి ఆరోగ్యం..

ఎర్రటి అరటి పండులో కెరోటినాయిడ్లు కారణంగా ఈ పండు పై పొర ( తొక్క) ఎర్రగా ఉంటుంది. ఈ అరటి పండును తీసుకోవడం వల్ల ఇది కంటి ఆరోగ్యాన్ని మెరుగుపరుస్తుంది. ఇందులోని బీటా కెరోటిన్ కంటి చూపును పెంచుతుంది.

బరువు తగ్గడానికి కూడా..

బరువు తగ్గించుకోవాలని చూసే వారు ఎర్రటి అరటిపండ్లను ఎంచుకోవచ్చు. అధిక ఫైబర్ లక్షణాల కారణంగా ఎర్రటి అరటిపండ్లు తక్కువ కొవ్వును కలిగి ఉంటాయి. చాలా తక్కువ కేలరీల కారణంగా ఎక్కువ సేపు కడుపునిండుగా ఉండేలా చేస్తుంది. ఇది మధుమేహం, గుండె జబ్బులు, ఊబకాయం సమస్యలను తగ్గిస్తుంది.

వేసవిలో అధిక ఉష్ణోగ్రతల కారణంగా ఎర్రటి అరటిపండ్లు తీసుకోవడంతో మినరల్స్, విటమిన్లు పుష్కలంగా అందుతాయి. అలాగే ఇందులోని కార్బోహైడ్రేట్లు మొత్తం ఆరోగ్యాన్ని పెంచుతాయి.

ACలో 1 టన్, 1.5 టన్ అంటే ఏంటో తెలుసా? ఎలాంటిది సెలెక్ట్ చేసుకోవాలి?

Mannam Web

Sat, 20 Apr, 2024

వేసవి కాలం వచ్చిందంటే చాలు.. చాలా మంది ఇళ్లలో ఏసీలు ఆన్ లో ఉంటాయి. కొంతమంది అయితే ఈ ఉక్కపోతని తట్టుకోలేక కొనేస్తుంటారు. అయితే మీరు గమనిస్తే ఏసీల్లో రకాలు ఉంటాయి.

1 టన్ ఏసీ అని.. 1.5 టన్ ఏసీ అని.. 2 టన్ ఏసీ అని ఇలా ఏసీల్లో రకాలు ఉంటాయి. మరి ఏసీల్లో ఉంటే ఈ టన్ అంటే ఏంటో ఎప్పుడైనా తెలుసుకోవాలని అనిపించిందా? టన్ అంటే ఏసీ కూలింగ్ కెపాసిటీని లెక్కించేది. ఇది మీ రూమ్ సైజ్ మీద ఆధారపడి ఉంటుంది. ఒక గంటలో గదిలో ఉన్న వేడిని ఎంతవరకూ తరిమికొడుతుందన్న దాని మీద ఈ టన్ అనే కొలమానం ఆధారపడి ఉంటుంది. వేడిని బ్రిటిష్ థర్మల్ యూనిట్ లో (BTU) కొలుస్తారు.

ఒక టన్ ఏసీ 12 వేల బ్రిటిష్ థర్మల్ యూనిట్ల వేడి గాలిని తొలగిస్తుంది. అదే 2 టన్ ఏసీ యూనిట్ అయితే 24 వేల బీటీయూ వేడిని తొలగిస్తుంది. ఇంకా క్లియర్ గా చెప్పాలంటే.. 24 గంటల్లో 1 టన్ అంటే 2,220 పౌండ్ల ఐస్ ని కరిగించడానికి 1 టన్ ఏసీ యూనిట్ అవసరమవుతుంది. ఈ కూలింగ్ సామర్థ్యాన్ని బ్రిటిష్ థర్మల్ యూనిట్స్ లో లెక్కిస్తారు. మీ ఇంట్లో ఉన్న ఏసీ 1 టన్ ఆ? లేక 2 టన్ ఆ అనేది తెలుసుకోవాలంటే మోడల్ నంబర్ మీద గానీ ఏసీ యూనిట్ లేబుల్ మీద గానీ చూస్తే తెలిసిపోతుంది. మోడల్ నంబర్ మీద టన్ కి సంబంధిత ఇన్ఫర్మేషన్ ఉంటుంది. ఉదాహరణకు మీ ఏసీ యూనిట్ ఒక టన్ అయితే కనుక 12,000 BTU అని.. 1.5 టన్ అయితే కనుక 18,000 BTU అని ఉంటుంది. ఎంత ఎక్కువ టన్ ఏసీ యూనిట్ అయితే ఎంత ఎక్కువ కూలింగ్ నిస్తుందని అర్థం.

ఎంత కెపాసిటీ ఏసీని సెలెక్ట్ చేసుకోవాలి? ఎలా సెలెక్ట్ చేసుకోవాలి?

మరి మన ఇంటికి ఏ టన్ ఏసీ యూనిట్ సెట్ అవుతుంది. ఎంత కెపాసిటీ ఉన్నది సెట్ అవుతుంది అనేది తెలుసుకోవడం చాలా సింపుల్. మీ గది ఎన్ని చదరపు అడుగులు ఉందో దాన్ని 25తో గుణించండి. వచ్చిన నంబర్ ఏదైతే ఉందో అది.. మీ గది చల్లబడటానికి ఎన్ని నంబర్ ఆఫ్ బ్రిటిష్ థర్మల్ యూనిట్స్ అవసరమో చెబుతుంది. ఆ వచ్చిన నంబర్ ని 12 వేలతో భాగిస్తే మీ గదికి అవసరమైన టన్ కెపాసిటీ అనేది వస్తుంది. ఒక గదిలో ఐదుగురు వ్యక్తులు ఉంటే కనుక ఆ రూమ్ కి 0.5 టన్ ఏసీ యూనిట్ అనేది కనీస అవసరం. మీ గది పరిమాణం 100 నుంచి 130 చదరపు అడుగులు ఉంటే కనుక 0.8 టన్ నుంచి 1 టన్ ఏసీ సరిపోతుంది. 130 నుంచి 200 చదరపు అడుగులు ఉంటే కనుక 1.5 టన్ ఏసీ సరిపోతుంది. 200 చదరపు అడుగుల కంటే ఎక్కువ ఉంటే కనుక 2 టన్ ఏసీ తీసుకోవాలి. అదే 500 చదరపు అడుగుల కంటే ఎక్కువ స్థలం ఉన్న రూమ్ అయితే కనుక ఒకటి కంటే ఎక్కువ ఏసీలు తీసుకోవాల్సి ఉంటుంది.

ఇలా లెక్కించండి:

0.8 టన్ ఏసీ – 9000 BTU
1 టన్ ఏసీ – 12000 BTU
25 టన్ ఏసీ – 15,000 BTU
1.5 టన్ ఏసీ – 18,000 BTU
2 టన్ ఏసీ – 24,000 BTU
గది పరిమాణం X 25 BTU = గది BTU
110 చదరపు అడుగులు X 25 = 2650 BTU (ఇది ఒక వ్యక్తి లెక్క)
అదనంగా మనుషులు ఉంటే ఒక్కో వ్యక్తికి 600 నుంచి 700 BTU అనేది అవసరమవుతుంది. ఉదాహరణకు నలుగురు ఉంటే 2400 నుంచి 2800 BTU అవసరమవుతుంది. అంటే మొత్తం మీద 5,450 BTU అనేది అవసరమవుతుంది. అంటే కనీసం 0.8 టన్ ఏసీ తీసుకోవాల్సి ఉంటుంది. గది సైజ్ పెరిగితే BTU పెరుగుతుంది. దాన్ని బట్టి ఏసీ సామర్థ్యం పెరుగుతుంది. కాబట్టి ఏసీ కొనుక్కోవాలనుకునేవారు ఈ లెక్కలు పాటించండి.

Health: ఇవి తింటే కొవ్వును కోసి బయటకు తీసినట్లే.. మంచు కరిగినట్లు కరగాల్సిందే

Mannam Web

Sat, 20 Apr, 2024

రక్తనాళ్లలో కొలెస్ట్రాల్ పేరుకోకుండా కాపాడేది ఓమేగా 3 ఫ్యాటీ యాసిడ్. అవిసె గింజుల్లో ఓమెగా 3 ఫ్యాటీ యాసిడ్ ధారాలంగా ఉంటుంది. అవిసె గింజుల్లో ఆల్ఫా లినోలెనిక్ యాసిడ్ అనే గుడ్ కొలెస్ట్రాల్ కూడా ఉంటుంది.

ఇది మన బాడీకి ఎంతో మేలు చేస్తోంది. దాదాపు 27 పరిశోధనలు ఇదే విషయాన్ని వెల్లడిస్తున్నాయి. 30 రోజులపాటు రోజూ 25 నుంచి 30 గ్రాములు అవిసె గింజల్ని తింటే.. బ్రెయిన్ స్ట్రోక్స్, హార్ట్ స్ట్రోక్స్ వచ్చే అవకావం నెల రోజుల్లోనే 15 శాతం తగ్గిందని పరిశోధనల ద్వారా నిరూపితమైంది. అంతేకాదు గుండె సంబంధిత జబ్బులు వచ్చి స్టంట్స్, బైపాస్ ఆపరేషన్స్ చేయించుకున్నవారు.. లేదా బ్లాక్స్ ఉన్నవారు కూడా ఈ అవిసె గింజల్ని రోజుకు 25 గ్రాములు తీసుకుంటే.. ఫ్యూచర్‌లో వారికి గుండెజబ్బులు తిరగబెట్టే ప్రమాదం ఉండదని ప్రకృతి వైద్యులు మంతెన చెబుతున్నారు.

ఇలా అయితే రుచిగా…

తొలుత అవిసె గింజల్ని దోరగా వేయించి.. పక్కన పెట్టుకోవాలి. ఆపై సీడ్స్ తీసిన చిన్న, చిన్న ఖర్జూరం ముక్కలను తీస్కోని.. దానిలో కొంత హనీ వేసి.. పోయిపై పెట్టి 2 నిమిషాలు వేడి చేయాలి. ఆపై వేపిన అవిసె గింజల్ని అందులో కలిపి.. లడ్డూలుగా చేసుకోవాలి. అలా రోజు ఒక అవిసె లడ్డూ తింటే ఆరోగ్యం మీ చెంతే.

Nokia Boring Phone: నోకియా నుంచి బోరింగ్ ఫోన్.. స్పెషాలిటీ తెలిస్తే ఆశ్చర్యపోతారు!

Mannam Web

Sat, 20 Apr, 2024

Nokia Boring Phone : స్మార్ట్‌ఫోన్ కంపెనీలు అన్నీ కూడా వేగంగా తమ మార్కెట్‌ను విస్తరిస్తున్నాయి. 4జీ, 5జీ అందిస్తూ లేటెస్ట్ AI టెక్నాలజీతో మొబైల్ లవర్స్‌ను అట్రాక్ట్ చేస్తున్నారు. అయితే ప్రముఖ ఫోన్ల తయారీ కంపెనీ నోకియా ఇందుకు భిన్నంగా కొత్త బోరింగ్ ఫోన్‌ ఫోన్‌ను లాంచ్ చేసింది. ఈ స్పెషాలిటీ తెలిస్తే ఆశ్చర్యపోతారు. ఈ ఫోన్ తీసుకొచ్చేందుకు హీనెకెన్-బోడెగా అనే సంస్థతో భాగస్వామ్యం కుదుర్చుకుంది. ఈ ఫోన్‌ను ఎక్కువ రోజుల పాటు విక్రయించే ఆలోచనలో కంపెనీ లేదు. కేవలం 5,000 యూనిట్ల ఫోన్లను మాత్రమే తయారు చేయనున్నట్లు హీనెకెన్ వెబ్‌సైట్‌లో పేర్కొంది. ఈ ఫోన్ గురించి పూర్తి వివరాలు తెలుసుకోండి.

హీనెకెన్, బోడెగా సంస్థల సహకారంతో హెచ్‌ఎమ్‌డీ నోకియా బోరింగ్ ఫోన్‌ను ఆవిష్కరించింది. అలానే హ్యాండ్‌సెట్ ఫ్లీప్ స్క్రీన్‌ కలిగి ఉంటుంది. దీని డిజైన్ కూడా కాస్త డిఫరెంట్‌గా ఉంటుంది. ఈ ఫోన్‌లోని అత్యంత ప్రత్యేకత ఏమిటంటే.. ఇందులో ఇంటర్నెట్, సోషల్ మీడియా, ఇతర థర్డ్ పార్టీ యాప్‌లు ఇందులో డౌన్‌లోడ్ చేయలేరు.

HMD నోకియా ది బోరింగ్ ఫోన్‌ను ప్రారంభించేందుకు హీనెకెన్, బోడెగా కంపెనీలతో భాగస్వామ్యం కుదుర్చుకుంది. ప్రస్తుతానికి ఫోన్‌ను సేల్‌కు తీసుకురావడం లేేదు. ఇది బహుమతుల ద్వారా అందుబాటులో ఉంటుంది. అయితే దీని విక్రయానికి సంబంధించి కంపెనీ నుంచి ఎలాంటి క్లారిటీ రాలేదు. 5,000 యూనిట్ల ఫోన్‌ను తయారు చేయనున్నట్లు హీనెకెన్ వెబ్‌సైట్‌ ద్వారా వెల్లడించారు.

బోరింగ్ ఫోన్‌లో ఇంటర్నెట్ యాక్సెస్, సోషల్ మీడియా లేదా ఇతర యాప్‌లు లేని ఫీచర్ ఫోన్.
ఇది పాతతరం ఫోన్‌లు, రెట్రో ఫోన్‌ల మాదిరిగానే పని చేస్తుంది. ఇది కాల్స్ చేయడానికి, మెసెజింగ్‌కి మాత్రమే యూజ్ అవుతుంది. ఫ్లిప్‌ను మూసివేయడం ద్వారా కాల్‌ను డిస్‌కనెక్ట్ చేయవచ్చు. హోలోగ్రాఫిక్ స్టిక్కర్‌లను కలిగి ఉంది.

ఫోన్ డిజైన్ నోకియా 2660 ఫ్లిప్‌తో సరిపోతుంది. డిస్‌ప్లే గురించి చెప్పాలంటే, బోరింగ్ ఫోన్‌లో 2.8-అంగుళాల QVGA ఇన్నర్ డిస్‌ప్లే, 1.77-అంగుళాల కవర్ డిస్‌ప్లే ఉంది. ఇది 0.3 మెగాపిక్సెల్ కెమెరా, 3.5mm హెడ్‌ఫోన్ జాక్‌ని కలిగి ఉంది. ఫోన్ 2G, 3G, 4G నెట్‌వర్క్‌ల ద్వారా కాలింగ్, మెసేజ్‌లకు సపోర్ట్ చేస్తుంది.

Raghubabu Arrest : ప్రముఖ సినీ నటుడు రఘుబాబు అరెస్ట్.. ఎందుకో తెలుసా..

Mannam Web

Sat, 20 Apr, 2024

Raghubabu Arrest : ప్రముఖ సినీ నటుడు రఘుబాబు అరెస్ట్ అయ్యారు. నల్గొండ పోలీసులు రఘుబాబును అరెస్ట్ చేశారు. ఈ నెల 17న నల్గొండ శివారులో రఘుబాబు కారు బైక్ ని ఢీకొట్టిన ఘటనలో ఒకరు మృతి చెందారు. మృతుడి కుటుంబసభ్యుల ఫిర్యాదు మేరకు రఘుబాబుపై కేసు నమోదు చేశారు టూటౌన్ పోలీసులు. ఈ కేసులో రఘబాబును అరెస్ట్ చేసిన పోలీసులు.. కోర్టులో హాజరుపరిచారు. అనంతరం బెయిల్ పై సినీ నటుడు రఘుబాబు రిలీజ్ అయ్యారు.

రఘుబాబు ప్రయాణిస్తు కారు బైక్ ను ఢీకొట్టిన ఘటనలో బీఆర్‌ఎస్‌ నల్లగొండ పట్టణ ప్రధాన కార్యదర్శి సందినేని జనార్దన్‌రావు స్పాట్ లోనే చనిపోయారు. ఈ కేసులో నల్గొండ టూటౌన్ పోలీసులు రఘుబాబుని అదుపులోకి తీసుకున్నారు. అరెస్ట్ అయిన కొన్ని గంటల వ్యవధిలోనే బెయిల్‌పై విడుదలయ్యారు రఘుబాబు.

బీఆర్ఎస్ నేత సందినేని జనార్దన్ రావు.. కొంతమందితో కలిసి పట్టణ పరిధిలోని రిక్షా పుల్లర్స్ కాలనీ వద్ద దత్త సాయి వెంచర్ ఏర్పాటు చేశారు. ప్రతిరోజు మధ్యాహ్నం సమయంలో వెంచర్ వద్దకు వెళ్లి వస్తుండేవారు. ఈ క్రమంలోనే బుధవారం మధ్యాహ్నం సమయంలో వెంచర్ వద్దకు వెళ్లి సాయంత్రం తిరిగి వస్తుండగా ఘోరం జరిగిపోయింది. హైదరాబాద్ నుండి మిర్యాలగూడ వైపు వెళ్తున్న BMW కారు జనార్దన్ రావు వెళుతున్న బైక్ ని బలంగా ఢీకొట్టింది. ఈ ఘటనలో జనార్దన్ రావు అక్కడికక్కడే మృతి చెందారు. ప్రమాదానికి కారణమైన కారులో నటుడు రఘుబాబు ప్రయాణిస్తున్నారు. యాక్సిడెంట్ తర్వాత ఆయన మరో కారులో అక్కడి నుంచి వెళ్లిపోయారు. మృతుడు జనార్దన్ రావు భార్య ఇచ్చిన ఫిర్యాదుతో పోలీసులు రంగంలోకి దిగారు. కేసు నమోదు చేసి దర్యాప్తు చేపట్టారు.

నల్గొండ జిల్లా అద్దంకి నార్కట్ పల్లి హైవే పై ఈ రోడ్డు ప్రమాదం జరిగింది. బైక్ పై వెళ్తున్న జనార్దన్ రావు యూటర్న్ తీసుకునే క్రమంలో సిగ్నల్ ఇవ్వలేదని రఘుబాబు కారు డ్రైవర్ తెలిపారు. స్థానికులు కూడా ఇదే విషయం చెప్పారు. ఒక్కసారిగా యూటర్న్ తీసుకునే ప్రయత్నం చేయడం, హైవైపే వేగంగా వచ్చిన బీఎండబ్లూ కారు అంతే బలంగా బైక్ ను ఢీకొందని తెలిపారు. బైక్ పై ఉన్న జనార్ధన్ రావు ఎగిరిపడ్డారు. ఆ వెంటనే చనిపోయారు.

HAL Jobs 2024: హైదరాబాద్ Hal లో భారీగా ఉద్యోగాలు.. జీతం ఎంతంటే?

TARUNINFO

Sat, 20 Apr, 2024

నిరుద్యోగులకు అదిరిపోయే గుడ్ న్యూస్.. హైదరాబాద్‌- హాల్‌ సంస్థ అసిస్టెంట్‌ ఇంజినీర్‌ ఉద్యోగాల భర్తీకి ప్రకటన విడుదలైంది. దరఖాస్తుల ప్రక్రియ ప్రారంభమైంది..
ఈ నోటిఫికేషన్ ప్రకారం మొత్తం ఇంజనీరింగ్ పోస్టులను భర్తీ చెయ్యనున్నారు. ఈ పోస్టుల గురించి మరిన్ని వివరాలను ఇప్పుడు తెలుసుకుందాం..

మొత్తం పోస్టులు – 6

అసిస్టెంట్‌ ఇంజినీర్‌ (ఎలక్ట్రానిక్స్‌) పోస్టులు: 3
అసిస్టెంట్‌ ఇంజినీర్‌ (మెకానికల్‌) పోస్టులు: 3

అర్హతలు..

గుర్తింపు పొందిన ఇంజినీరింగ్‌ డిగ్రీ ఉత్తీర్ణతతో పాటు పని అనుభవం ఉండాలి.
వయసు..

ఈ పోస్టులకు అప్లై చేసుకొనే అభ్యర్థులకు 35 సంవత్సరాలు మించకూడదు.
జీతం..

ఎంపికైన అభ్యర్థులకు నెలకు రూ.30,000- రూ.1,20,000గా ఉంటుంది.

ఎంపిక విధానం..

రాత పరీక్ష, ఇంటర్వ్యూ ఆధారంగా ఎంపిక చేస్తారు..

దరఖాస్తు విధానం..

ఆఫ్ లైన్ లో చేసుకోవాలి..

ద మేనేజర్‌ (హెచ్‌ఆర్‌) రిక్రూట్‌మెంట్‌, హిందూస్థాన్‌ ఎరోనాటిక్స్‌ లిమిటెడ్‌, ఏవియానిక్స్‌ డివిజన్‌, బాలానగర్‌, హైదరాబాద్‌ చిరునామాకు పంపాల్సి ఉంటుంది..

ఈ పోస్టుల కు అప్లై చేసుకోవాల్సిన చివరి తేదీ మే 8.. మరిన్ని వివరాలను తెలుసుకొనేందుకు అధికార వెబ్ సైట్ ను సందర్శించండి…

వైసీపీ మేనిఫెస్టోకు డేట్ ఫిక్స్… కీలక హామీ ఇదే..

Mannam Web

Fri, 19 Apr, 2024

2024 సార్వత్రిక ఎన్నికల సమరానికి సమయం ముంచుకొస్తోంది. నామినేషన్ల పర్వం కూడా మొదలైన నేపథ్యంలో హడావిడి పీక్స్ కి చేరింది. అయితే, ఎన్నికలకు నెలరోజుల సమయం కూడా లేని క్రమంలో ప్రధాన పార్టీలేవీ కూడా మేనిఫెస్టోను ప్రకటించకపోవడంతో సర్వత్రా ఉత్కంఠ నెలకొంది.

ఇదిలా, ఉండగా వైసీపీ మేనియాఫెస్టో ప్రకటనకు డేట్ ఫిక్స్ అయ్యిందని సమాచారం అందుతోంది. మరో రెండు రోజుల్లో వైసీపీ మేనిఫెస్టో ప్రకటన ఉంటుందని వైసీపీ నేత వైవీ సుబ్బారెడ్డి తెలిపారు.

ప్రస్తుతం జగన్ సర్కార్ పెద్ద ఎత్తున సంక్షేమ పథకాలు అమలు చేస్తున్న నేపథ్యంలో వైసీపీ మేనిఫెస్టో మీద భారీ అంచనాలు నెలకొన్నాయి. ఈసారి వైసీపీ ప్రకటించబోయే మేనిఫెస్టోలో రైతు రుణమాఫీ కీలక పాత్ర పోషించనుంది. 2014 ఎన్నికల్లో రుణమాఫీ సాధ్యం కాదని అన్న జగన్ అప్పట్లో చంద్రబాబు రుణమాఫీ చేస్తానని హామీ ఇచ్చి అమలు చేయని అంశాన్ని ఎన్నికల ప్రచారంలో గుర్తు చేస్తూ వస్తున్నారు. దీన్ని బట్టి చూస్తే ఈసారి మేనిఫెస్టోలో రైతు రుణమాఫీ, డ్వాక్రా రుణాల మాఫీ, పెన్షన్ల పెంపు వంటి హామీలు కీలకం కానున్నాయని తెలుస్తోంది.

Health Tips: రోజంతా ల్యాప్‌టాప్‌ ముందే కూర్చుంటున్నారా..? అయితే, మీ ఆయుష్షు తగ్గినట్టే..! జాగ్రత్త..

Mannam Web

Fri, 19 Apr, 2024

ఈ రోజుల్లో ల్యాప్‌టాప్ ముందు కూర్చుని పని చేయడం సర్వసాధారణం. చాలా మంది సాఫ్ట్‌వేర్, ఇతర ఉద్యోగుల పని ల్యాప్‌టాప్‌లోనే జరుగుతుంది. కాబట్టి ఉదయం లేచినప్పటి నుండి పడుకునే వరకు ప్రతిదీ ల్యాప్‌టాప్‌ ఆధారంగానే జరుగుతుంది.
కానీ దీని వల్ల అనేక సమస్యలు కూడా కనిపిస్తాయి. అయితే, ల్యాప్‌టాప్‌ముందు ఎక్కువ సమయం పాటు కూర్చోవటం అంత మంచిది కాదని ఆరోగ్య నిపుణులు అంటున్నారు. దీని వల్ల ఆరోగ్యం, శ్రేయస్సుపై అనేక తీవ్రమైన ప్రభావాలను చూపుతుందని సూచిస్తున్నారు. అందుకే కంప్యూటర్లు, ల్యాప్‌టాప్‌పై పనిచేసేవారు కొన్ని విషయాలను తప్పక తెలుసుకోవాలని చెబుతున్నారు. అవేంటో ఇక్కడ తెలుసుకుందాం.

స్క్రీన్ వైపు ఎక్కువసేపు చూస్తూ ఉండటం వలన కంటికి అసౌకర్యం కలుగుతుంది. దీంతో కల్లు పొడిబారడం, అలసట వంటివి కలుగుతుంది. మెడ, భుజం నొప్పి : కూర్చున్నప్పుడు పేలవమైన భంగిమ మెడ, భుజాలపై ఒత్తిడి తెచ్చి, అసౌకర్యం, నొప్పిని కలిగిస్తుంది. అలాగే, నిరంతర టైపింగ్, మౌస్ వాడకం కార్పల్ టన్నెల్ సిండ్రోమ్, టెండొనిటిస్, ఇతర మస్క్యులోస్కెలెటల్ సమస్యల వంటి RSIలకు దారితీసే అవకాశం ఉందంటున్నారు.
సరైన మద్దతు లేకుండా ఎక్కువసేపు ల్యాప్‌టాప్‌ ముందు కూర్చోవడం వల్ల నడుము నొప్పి, అసౌకర్యానికి దారితీస్తుంది. ఊబకాయం పెరిగే ప్రమాదం ఉంది. ఎక్కువ సమయం ల్యాప్‌టాప్ వాడకంతో ఎక్కువ సమయం కదలకుండా కూర్చోవాల్సి వస్తుంది. దాంతో బరువు పెరగడానికి, ఊబకాయానికి దారితీస్తుంది. అందుకని కనీసం అరగంటకు ఒక్కసారైనా లేచి ఒక ఐదునిమిషాలు అటూ ఇటూ నడిచి మళ్ళీ వర్క్ చేసుకోవాలి. అదే పనిగా గంటల తరబడి కూర్చుని పని చేయటం వల్ల భుజాలు, వీపు బిగుసుకుపోయినట్టు ఉంటాయి. అలాగే, వీరిలో శారీరక శ్రమ కూడా తగ్గిపోతుంది.

ల్యాప్‌టాప్ ముందు ఎక్కువ గంటలు గడపడం వల్ల శారీరక శ్రమకు లభించే సమయం తగ్గిపోతుంది. దాంతో పూర్తి శరీరం కదలకుండా నిశ్చలంగా ఉండాల్సిన వస్తుంది. ఇది మరింరత ప్రమాదకరం అంటున్నారు నిపుణులు. కాబట్టి కూర్చున్న చోటే కూరర్చుని కొన్ని వ్యాయామాలు, ఎక్సర్సైజులు చేస్తే మంచిది. సరైన స్థితిలో కూర్చోవాలి: ఎక్కువసేపు కూర్చోవడం వల్ల సర్వైకల్ సమస్య, వెన్నునొప్పి వంటివి వేధిస్తాయి. అందుకే మన తలకు సమానంగా ఉండేలా కంప్యూటర్ లేదా ల్యాప్‌టాప్‌ స్క్రీన్ ఉండేలా చూసుకోవాలి. ఎప్పుడూ కంఫర్ట్ గా ఉండే కుర్చీలోనే కూర్చోవాలి.

ఎక్కువ సమయం స్క్రీన్ ముందు గడపడం వల్ల ముఖ్యంగా నిద్రపై ప్రభావం చూపుతుంది. నిద్రలేమి, నిద్రపోవడంలో ఇబ్బంది ఏర్పడుతుంది. అదే పనిగా కంప్యూటర్ ముందు కూర్చుంటే కంటి సమస్యలు వస్తాయి, చర్మ సంబంధమైన సమస్యలు కూడా ఇబ్బంది పెడతాయి. ఈ ప్రభావాలను తగ్గించడానికి, క్రమం తప్పకుండా విరామం తీసుకోవడం, మంచి ఎర్గోనామిక్స్ చేయడం, సరైన భంగిమను నిర్వహించడం, శారీరక శ్రమను పెంచుకోవటం చాలా ముఖ్యం. దీంతో పాటు బ్లూ లైట్ ఫిల్టర్‌లను ఉపయోగించడం అలవాటు చేసుకోండి. లేదంటే కంటి ఒత్తిడిని తగ్గించడానికి, సాంకేతికత వినియోగం, ఇతర కార్యకలాపాల మధ్య ఆరోగ్యకరమైన సమతుల్యతను కొనసాగించడానికి స్క్రీన్ సెట్టింగ్‌లను అనుకూలంగా సర్దుబాటు చేసుకోండి.
అందుకే మన తలకు సమానంగా ఉండేలా కంప్యూటర్ స్క్రీన్ ఉండేలా చూసుకోవాలి. అదే పనిగా కంప్యూటర్ ముందు కూర్చుంటే కంటి సమస్యలు వస్తాయి, చర్మ సంబంధమైన సమస్యలు కూడా ఇబ్బంది పెడతాయి.
ఎప్పుడూ కంఫర్ట్ గా ఉండే కుర్చీలోనే కూర్చోవాలి.

అగ్రదేశాలు పక్కనపెడుతుంటే ఇండియాలోనే ఎందుకు?

Mannam Web

Fri, 19 Apr, 2024

లోక్సభ ఎన్నికల వేళ మరోసారి ఈవీఎంల పనితీరుపై దేశవ్యాప్తంగా చర్చ జరుగుతోంది. సాంకేతికతకు పెద్దపీట వేసే అగ్రదేశాలు సైతం ఈవీఎంలను పక్కనపెడుతుంటే ఇండియాలో మాత్రం ఎందుకు ఈవీఎంలతోనే ఎన్నికలను నిర్వహిస్తున్నారనే ప్రశ్నలు మరోసారి తెరపైకి వస్తున్నాయి.
ఈవీఎంలను ట్యాంపరింగ్ చేయడం పెద్ద కష్టమేమి కాదని సైబర్ నిపుణులు స్పష్టం చేస్తుండగా…వీటిపై ఎన్నికల అధికారులు మాత్రం పెద్దగా స్పందించకపోవడం విమర్శలకు దారితీస్తోంది.

ఇప్పటివరకు ఎలక్ట్రిక్ ఓటింగ్ మిషన్ లను 31 దేశాలు పాక్షికంగా, పూర్తిగా పక్కనపెట్టేశాయి. ట్యాంపరింగ్ , హ్యాకింగ్ అనుమానాలతో ఈవీఎంలకు స్వస్తి పలికారు. ఇండియాలో రూపొందించిన ఈవీఎంలను బోట్స్ వానాలో వినియోగించగా అధికార పార్టీకి అనుకూల ఫలితాలు వచ్చేలా వీటిని తయారు చేశారనే విమర్శలు పెద్ద ఎత్తున వచ్చాయి. ఫ్రాన్స్, జర్మనీ , జపాన్, యూకే, ఐర్లాండ్, కెనడా, సింగపూర్,బంగ్లాదేశ్ ఫిన్లాండ్ వంటి దేశాల్లో ఈవీఎంలకు స్వస్తి పలికారు. కానీ, మన దేశంలో మాత్రం పెద్దఎత్తున ఆరోపణలు వస్తోన్న ఈవీఎంలతోనే ఎన్నికల నిర్వహణకు సిద్ద పడుతుండటం గమనార్హం.

ఈవీఎంలపై అనుమానంతో హ్యాకింగ్ ఎక్స్పర్ట్ హరిప్రసాద్ , అమెరికాకు చెందిన సైబర్ నిపుణుడు అలెక్స్, నెదర్లాండ్ కు చెందిన రోప్ తో కలిసి ప్రయోగాలు చేశారు. ఈ ఓటింగ్ మిషన్ ను ఎలా ట్యాంపరింగ్ చేయవచ్చో వీడియో తీసి చూపించారు. ఇలా ఈజీగా ఈవీఎంలు ట్యాంపరింగ్ గురి కావడంపై చర్యలు చేపట్టకుండా ప్రసాద్ అరెస్ట్ కు ఆదేశాలు అందటం చర్చనీయాంశం అయింది. అలాగే, మధ్యప్రదేశ్ లో ఓటర్ల అవహగన సదస్సులో ఈవీఎంలో ఏ మీటా మీద నొక్కినా బీజేపీకి ఓటు పడేలా స్లిప్పులు రావడం సంచలనం అయింది. దీంతో ఈవీఎంల పనితీరుపై పలు అనుమానాలు వ్యక్తం అవుతున్నాయి.

ఈ క్రమంలోనే తాజాగా ఈవీఎంలపై సీఎం రేవంత్ రెడ్డి మాట్లాడారు. ఎన్నికలు జరిగే ప్రతిసారి మోడీ ఎందుకు అధికారంలోకి వస్తున్నారని.. కారణం ఈవీఎంలేనని ఆరోపించారు. బ్యాలెట్ పేపర్ పై ఎన్నికలు నిర్వహించకుండా ఎందుకు ఈవీఎంలతో నిర్వహిస్తున్నారని ప్రశ్నించారు. ఈవీఎంల పనితీరుపై సందేహాలు వస్తున్నా ఎన్నికల అధికారులు మాత్రం కిమ్మనకుండా ఉండటం చర్చనీయాంశం అవుతోంది.

Gold Sale: బంగారం కొనేవారికి హెచ్చరిక..! ఈ మోసం జరగవచ్చు..

Mannam Web

Fri, 19 Apr, 2024

Gold Sale: బంగారం ధరలు మండిపోతున్నాయి. తులం బంగారం రూ.65 వేల కంటే దిగి రావడం లేదు. అయినా గోల్డ్ ను కొనేవారి సంఖ్య ఎక్కువగానే ఉంటోంది. బంగారం డిమాండ్ ను దృష్టిలో ఉంచుకొని కొందరు షాపు నిర్వాహకులు కస్టమర్ల నుంచి అదనంగా డబ్బలు వసూలు చేస్తున్నారు.
ముఖ్యండా GST ని అవసరం లేని దానికి విధిస్తూ దోచుకుంటున్నారు. ఇది తెలియని కొందరు కొనుగోలుదారులు అదనంగా షాపు వారికి ముట్టజెప్పి వస్తున్నారు. కానీ దీనిపై అవగాహన కలిగి ఉండాల్సిన అవసరం ఉంది. ఇంతకీ బంగారం కొనేటప్పుడు ఎలాంటి మోసం జరుగుతుందంటే?

డిమాండ్ ఎక్కువగా ఉండడంతో బంగారం షాపులుల కోకోల్లలుగా వెలిశాయి. అయితే వినియోగదారులను ఆకర్షించడానికి తరుగు, తదితర ఛార్జీలు వేయమని చెబుతూ ఉంటారు. కొందరైతే ఎలాంటి మేకింగ్ చార్జీలు కూడా తీసుకోకుండా విక్రయిస్తామని చెబతున్నారు. కానీ కొనుగోలుదారులకు తెలియకుండా అదనంగా జీఎస్టీని విధిస్తారు. దీంతో కొందరు తక్కువ ధరకే బంగారం కొనుగోలు చేశామని అనుకున్నా.. ఓవరాల్ గా ఎక్కువే చెల్లిస్తున్నారు.

ఉదాహరణకు 50 గ్రాముల బంగారం కొనుగోలు చేశారనుకోండి. దీని ధర రూ. 3 లక్షలు అయ్యాయనుకుంది. అయితే సాధారణంగా జువెల్లరీ షాపులో బంగారం కొనుగోలు చేయడం ద్వారా ఈ బంగారం కొనుగోలుపై అదనగా జీఎస్టీ చెల్లించాల్సి ఉంటుంది. కొనుగోలు చేసిన బంగారంపై 3 శాత జీఎస్టీని విధిస్తారు. కానీ కొందరు షాపు వారు కొనుగోలు దారులకు తెలియకుండా మేకింగ్ చార్జిలపై కూడా విధిస్తున్నారు. అయితే చాలా మంది ఇది నిజం కావొచ్చని వారు చెప్పినంత ఇస్తున్నారు. కానీ ఎప్పుడూ బంగారంపై మాత్రమే జీఎస్టీ ఉంటుంది. మేకింగ్ పై ఎటువంటి ఛార్జీలు ఉండవు. అందవల్ల బంగారం కొనుగోలు చేసేటప్పుడు ఈ విషయం కచ్చితంగా గుర్తుపెట్టుకోవాలి.

Diabetes : ఉపవాసం వల్ల షుగర్ లెవల్స్ ఎందుకు పెరుగుతాయి..? ఉపవాసంలో షుగర్‌ని నివారించడానికి మార్గాలు

Mannam Web

Fri, 19 Apr, 2024

Diabetes : డయాబెటిస్ ప్రపంచ జనాభాను బయపెడుతున్న వ్యాధి. ప్రస్తుత కాలంలో వయసుతో సంబంధం లేేకుండా పుట్టిన బిడ్డల నుంచి ప్రతి ఒక్కరు మధుమేహం బారిన పడుతున్నారు. ఒక్కసారి ఇది వచ్చిందంటే ఇక నయం కాదు. మారుతున్న జీవనశైలి, ఆహారపు అలవాట్లు ఎవరినైనా ఈ వ్యాధి బాధితులుగా చేస్తుంది. దీని కారణంగా మీరు అనేక సమస్యలను ఎదుర్కోవలసి ఉంటుంది. అటువంటి పరిస్థితిలో షుగర్‌ని అదుపులో ఉంచుకోవడం చాలా ముఖ్యం. అయితే కొందరు ప్రత్యేక సందర్భాల్లో ఫాస్టింగ్ ఉంటారు. డయాబెటిస్‌లో ఫాస్టింగ్ షుగర్‌ని ఎక్కువగా ఉంటుంది. దీనికి గల కారణాలు ఏమిటో తెలుసుకోండి.

షుగర్ లేదా డయాబెటీస్ అనేది శరీరంలో సంభవించే ఒక వ్యాధి. ఇది ఒకసారి వచ్చినప్పుడు నియంత్రించడం తప్పా మరేమి చేయలేము. ఇన్సులిన్ అనే హార్మోన్ అసమతుల్యత వల్ల ఈ వ్యాధి సంభవిస్తుంది. ఇన్సులిన్ అనేది మన శరీర పోషణ కోసం ఆహారం నుండి కణాలలోకి గ్లూకోజ్‌ని అందించడానికి పనిచేసే హార్మోన్.

డయాబెటిక్ విషయంలో ఈ ఇన్సులిన్ ఉత్పత్తి పెరుగుతుంది లేదా సరిగ్గా ఉపయోగించబడదు. దాని కారణంగా రక్తంలో చక్కెర స్థాయి అదుపు లేకుండా పోతుంది. అప్పుడు మనకు రెండు రకాల మధుమేహం సమస్యలు వస్తాయి.

టైప్ 1 డయాబెటిస్‌ : ఇన్సులిన్ పూర్తిగా లేకపోవడం లేదా శరీరానికి ప్రతిరోజూ అవసరమైన ఇన్సులిన్ అందకపోవడం దీనికి కారణం కావచ్చు.

టైప్ 2 డయాబెటిస్ : మన శరీరం ఇన్సులిన్‌ను సరిగ్గా ఉపయోగించదు. ఈ మధుమేహం సాధారణంగా యుక్తవయస్సులో సంభవిస్తుంది. ఎందుకంటే ఈ వయస్సులో శరీరంలో ఇన్సులిన్ ఉత్పత్తి తగ్గడం ప్రారంభమవుతుంది.

ఫాస్టింగ్ వల్ల షుగర్ ఎందుకు ఎక్కువ అవుతుంది?
రోజువారీ ఆహారానికి ఎక్కువ కాలం దూరంగా ఉంచడం వల్ల ఫాస్టింగ్ షుగర్ లెవల్‌ను పెంచుతుంది. అంతే కాకుండా రాత్రిపూట ఆహారం తీసుకోకపోవడం, ఎక్కువసేపు ఆకలితో ఉండడం వల్ల ఫాస్టింగ్‌లో షుగర్ కూడా ఎక్కువ అవుతుంది.

రాత్రిపూట ఎల్లప్పుడూ తేలికపాటి ఆహారాన్ని తినండి.
ఎక్కువ స్వీట్లు తినకుండా ఉండండి.
రోజువారీ వ్యాయామం మధుమేహాన్ని నిర్వహించడానికి సహాయపడుతుంది.
కాబట్టి రోజువారీ వ్యాయామం చేయండి.
రాత్రి భోజనం చేసిన తర్వాత అరగంట పదిహేను నిమిషాలు నడవండి.
రాత్రి నిద్రపోయే ముందు ధ్యానం లేద యోగా చేయండి.
ఇది ఒత్తిడిని తగ్గిస్తుంది. చక్కెర స్థాయిని నిర్వహించడానికి సహాయపడుతుంది.
రోజంతా ఎనిమిది నుండి పది గ్లాసుల నీరు త్రాగాలి.
పడుకునే ముందు తప్పకుండా నీరు త్రాగాలి.
తప్పనిసరిగా ఉదయం, రాత్రి బ్రష్ చేయండి.

Medicines News: కిరాణా కొట్టులో మందుల విక్రయం.. మోదీ సర్కార్ సంచలన నిర్ణయం..!!

Mannam Web

Fri, 19 Apr, 2024

Kirana Stores: దేశంలో జనాభాకు తగిన స్థాయిలో వైద్య వ్యవస్థలు అందుబాటులో లేని సంగతి తెలిసిందే. ఇలాంటి సందర్భంలో కేంద్ర ప్రభుత్వం మందుల విక్రయానికి సంబంధించి కొత్త ప్లాన్‌తో ముందుకొస్తోంది.

జలుబు నుంచి తలనొప్పి వరకు ఏ చిన్న సమస్య ఉన్నా.. దానికి అవసరమైన మందులు కావాలంటే మెడికల్ షాప్ కు వెళ్లాల్సిందే. అయితే అర్థరాత్రి అకస్మాత్తుగా మందులు కావాలంటే చాలా గ్రామాల్లో పక్కన ఉండే ఊరు లేదా టౌన్లకు వెళ్లటం అసాధ్యం. ఈ సమస్యను పరిష్కరించేందుకు కేంద్రంలోని మోదీ సర్కార్ చొరవ తీసుకుంటోంది.

త్వరలో కిరాణా షాపుల్లో వైద్యుల ప్రిస్క్రిప్షన్ స్లిప్పులు లేని జనరిక్ మందులు విక్రయానికి ప్రభుత్వం అనుమతి ఇవ్వనున్నట్లు వార్తలు వస్తున్నాయి. ఓవర్ ది కౌంటర్ డ్రగ్స్ అంటే డాక్టర్ ప్రిస్క్రిప్షన్ లేకుండా లభించే మందులను దీనికింద విక్రయానికి అందుబాటులో ఉంచాలని చూస్తున్నట్లు తెలుస్తోంది. పెయిన్ రిలీఫ్, కోల్డ్ వంటి మందులను సాధారణ కిరాణా దుకాణాల్లో కూడా అందుబాటులో ఉంచేలా నిబంధనలను మార్చటంపై కేంద్ర ప్రభుత్వం సమాలోచనలు చేస్తోంది. ఈ విషయంలో జలుబు, దగ్గు, యాంటాసిడ్ మందులను సాధారణ దుకాణాల్లోనే అందుబాటులో ఉంచడం వల్ల కలిగే లాభనష్టాలపై కేంద్ర ప్రభుత్వం ఏర్పాటు చేసిన కమిటీ అధ్యయనం చేస్తోంది.

భారతదేశంలో మందులను డాక్టర్ ప్రిస్క్రిప్షన్ పేరుతో మాత్రమే పంపిణీ చేయాలనే నిబంధనలు ఉన్నప్పటికీ.. కొన్ని మందులను కౌంటర్లో విక్రయిస్తారు. కానీ ఈ విధంగా ఏ మందులు అనుమతించబడతాయో జాబితా స్పష్టంగా లేదు. అందువల్ల దీన్ని సులభతరం చేసే బాధ్యతను నిపుణుల కమిటీకి కేంద్ర ప్రభుత్వం అప్పగించింది. డైరెక్టర్ జనరల్ ఆఫ్ హెల్త్ సర్వీసెస్ అతుల్ గోయల్ ఏర్పాటు చేసిన కమిటీ ముఖ్యంగా గ్రామీణ ప్రాంతాల్లో దీని ప్రభావం ఎలా ఉంటుందనే దానిపై అధ్యయనం చేస్తోంది. ఈ కమిటీ సూచన మేరకు కేంద్ర ప్రభుత్వం అధికారికంగా నోటిఫికేషన్ విడుదల చేయనున్నట్లు సమాచారం.

ఇప్పటికే అమెరికా, యూకే, ఆస్ట్రేలియాలో ప్రజలు సాధారణ కిరాణా దుకాణాల్లో కూడా డాక్టర్ ప్రిస్క్రిప్షన్ లేకుండా జనరిక్ మందులను కొనుగోలు చేయవచ్చు. వాటికి సరైన నియమనిబంధనలు ఉన్నాయి. ఆ విధంగా దగ్గరలో ఉన్న చిన్న కిరాణా షాపుల నుంచి కూడా మందుల షాపులకు వెళ్లకుండా.. మన దేశంలో కూడా సాధారణంగా ఉపయోగించే మందులను కొనుగోలుకు వీలు కల్పిచేలా కేంద్ర ప్రభుత్వం సవరణలను తీసుకురావాలని భావిస్తోంది. భవిశా లోక్ సభ ఎన్నికల తర్వాత దీనిపై ప్రకటన వచ్చే అవకాశం ఉందని తెలుస్తోంది.

Child Education: పిల్లల పైచదువులకు భరోసా.. ఇలా బంపర్ రిటర్న్స్.. 21 ఏళ్లు వచ్చే వరకు చేతికి రూ. 20 లక్షలు!

Mannam Web

Fri, 19 Apr, 2024

Child Insurance Plans: ద్రవ్యోల్బణం ప్రతి నెలా పెరుగుకుంటూ పోతున్న తరుణంలో పిల్లల చదువులు కూడా భారంగా మారుతున్నాయి. దీంతో ఈ ఆర్థిక సవాలును అధిగమించడానికి ఏం చేయాలనే ప్రశ్న అందరినీ వేధిస్తోంది. దీనికి మనం ఇప్పుడు సమాధానాలు తెలుసుకునే ప్రయత్నం చేద్దాం. భారతీయుల ఆర్థిక ప్రణాళికల్లో పిల్లల చదువులకే ఎక్కువ ప్రాధాన్యం ఇస్తుంటారు. బడిలో చేరినప్పటి నుంచి మొదలుకొని.. ఉన్నత విద్య వరకు మొత్తం ఎంత కావాలో ముందుగానే ఆలోచించాల్సిన అవసరం ఉంది. అందుకోసం పిల్లలు చిన్న వయసులో ఉన్నప్పటి నుంచే.. దీర్ఘకాలిక దృష్టితో ఎక్కువ రాబడి అందించే పథకాల్లో ఇన్వెస్ట్ చేయడం ప్రారంభించాలి. అప్పుడు మాత్రమే ఎలాంటి చిక్కులు లేకుండా పిల్లల్ని ఉన్నత చదువులు చదివించడంలో తల్లిదండ్రులు విజయం సాధించొచ్చు.

>> కాస్త పేరున్నటువంటి బడిలో పిల్లల్ని చేర్పించాలంటే సంవత్సరానికి రూ. 1.5 లక్షల వరకు ఖర్చవుతుంది. ఇతర ఖర్చులు అదనం. స్కూల్‌లో చేర్చినప్పట్నుంచి.. ఉన్నత విద్యాభ్యాసం పూర్తయ్యే వరకు ఖర్చు ఎంతవుతుందన్నది అంచనా ముందే వేస్కోవాలి. దీనితో ఎంత మొత్తం పెట్టుబడి పెట్టాలనే విషయంపై స్పష్టత వస్తుంది.
మొత్తం ఒకేసారి అవసరం ఉండదు కాబట్టి.. దశల వారీగా ఎప్పుడు ఎంత మొత్తం కావాలన్నది తెలుసుకుంటే.. దానికి అనువైన పథకాల్లో ఇన్వెస్ట్ చేసేందుకు వీలవుతుంది. పిల్లల అవసరాలకు పెట్టుబడులు పెట్టేటప్పుడు.. లాంగ్ టర్మ్‌లో మంచి రిటర్న్స్ అందించే వాటినే ఎంచుకోవాలి.

>> పిల్లల చదువుల కోసం పెద్ద మొత్తంలో కూడబెట్టేందుకు ఒక పథకంపైనే ఆధారపడితే చాలదు. సేఫ్‌గా ఉండే రికరింగ్ డిపాజిట్లు మొదలు.. ఎక్కువ నష్టభయం ఉండే షేర్ల వరకు పెట్టుబడులు పెడుతుండాలి. ఈక్విటీ ఫండ్స్‌తో సహా డెట్ పథకాల్ని ఎంచుకోవాలి. ఎక్కువ నష్టభయం ఉండే ఈక్విటీ స్కీమ్స్‌కు ఎంత కేటాయించాలి.. సురక్షిత పథకాలకు ఎంత మళ్లించాలనేది కూడా కీలకం. 10-12 సంవత్సరాల వ్యవధి ఉన్నప్పుడు.. ఈక్విటీ ఆధారిత పెట్టుబడుల్ని ఎంచుకోవాలి. నాలుగైదేళ్లలోనే డబ్బు వెనక్కి రావాలనుకుంటే డెట్ పథకాల్ని పరిశీలించాలి.

ఫండ్లలోనూ మదుపు..
పిల్లల ప్రత్యేక అవసరాల్ని దృష్టిలో పెట్టుకొని కొన్ని మ్యూచువల్ ఫండ్ కంపెనీలు కూడా ప్రత్యేక పథకాల్ని తీసుకొస్తున్నాయి. చైల్డ్ గిఫ్ట్ ప్లాన్, చైల్డ్ కెరీర్ ప్లాన్ వంటివి ఉంటాయి. సెబీ రూల్స్ ప్రకారం వీటికి ఐదేళ్ల లాకిన్ వ్యవధి ఉంటుంది. లేకపోతే పిల్లలకు 18 ఏళ్లు నిండే వరకు పథకాలు ఉంటాయి. ఈక్విటీల్లో 65 శాతం, డెట్ ఫండ్లలో 35 శాతం వరకు మదుపు చేస్తాయి. వీటిల్లో కాస్త రిస్క్ ఉన్నప్పటికీ.. లాంగ్ టర్మ్‌లో మంచి రిటర్న్స్ వస్తాయని చెప్పొచ్చు.

పిల్లల పేరిట పాలసీలతో..
తల్లిదండ్రుల మొదటి ప్రాధాన్యం పిల్లల కోసం పొదుపు చేయడమే. అందుకోసమే పలు పెట్టుబడి పథకాల్లో మదుపు చేస్తుంటారు. పిల్లల అవసరాలకు మొత్తం డబ్బు అందుబాటులో ఉంటుందని ఏ పథకం కూడా హామీ ఇవ్వదు. పీపీఎఫ్, మ్యూచువల్ ఫండ్లు, బంగారం, షేర్లు, రియల్ ఎస్టేట్ దేంట్లోనైనా మనం పెట్టుబడి పెడుతూ వెళ్తేనే దీర్ఘకాలంలో లాభాలు అందిస్తాయి.

>> ఉదాహరణకు ఏడాది వయసున్న అమ్మాయి లేదా అబ్బాయికి 21 ఏళ్లు వచ్చే వరకు చేతికి రూ. 20 లక్షలు కావాలనుకుందాం. దీని కోసం పేరెంట్స్.. 12 శాతం వార్షిక రాబడి వచ్చే పథకాల్లో సంవత్సరానికి కనీసం రూ. 25 వేల వరకు మదుపు చేయాల్సి ఉంటుంది. దీనిని కూడబెట్టేందుకు ఎలాంటి అనుకోని పరిస్థితులు కూడా అడ్డురావొద్దు. ఎలాంటి అవాంతరాలు లేకుండా ఉండాలంటే.. పిల్లల కోసం ప్రత్యేకంగా ఉన్న బీమా పాలసీల్ని ఎంచుకోవాలి. పాలసీల్ని కూడా పిల్లల చదువులో భాగం చేస్తే.. ఒకవేళ కుటుంబ పెద్ద మరణించిన సందర్భంలోనూ వారి చదువు అవాంతరం ఏర్పడదు.

UPSC Civils 27th Ranker Sucess Story: కోచింగ్‌ లేకుండానే.. సివిల్స్‌లో 27వ ర్యాంకు సాధించిన బీడీ కార్మికురాలి కొడుకు

Mannam Web

Fri, 19 Apr, 2024

కష్టపడి చదివితే సాధ్యం కానిదంటూ ఏమీ లేదంటున్నారు సివిల్స్‌ ఆలిండియా 27వ ర్యాంకర్‌ నందాల సాయికిరణ్‌. ఐదేళ్లు సివిల్స్‌ కోసం అహర్నిశలు శ్రమించారు.

ఓవైపు ఉద్యోగం చేస్తూనే మరోవైపు యూపీఎస్సీకి సన్నద్ధమయ్యారు. పేదరికం, కుటుంబ సమస్యలు ఎదురైనా తన లక్ష్యం ముందు అవేం సమస్యల్లా అనిపించలేదు. ప్రణాళిక ప్రకారం చదివితే సాధించడం కష్టమేమీ కాదంటున్నారు కరీంనగర్‌కు చెందిన సివిల్స్‌ ర్యాంకర్‌ సాయికిరణ్‌. తాను సివిల్స్‌కు ఎంపికై న తీరు, విజయం వెనకున్న ఐదేళ్ల కష్టం గురించి సాక్షితో ఇలా పంచుకున్నారు.

కల కోసం శ్రమించాను..
సివిల్‌ సర్వీసెస్‌లో చేరాలన్న నా కల కోసం చాలా శ్రమించాను. చిన్నప్పటి నుంచి సమాజానికి ఏదైనా చేయాలన్న కోరిక ఉండేది. కానీ, ఏ ఉద్యోగం చేయాలన్నది మాత్రం అప్పుడే నిర్ణయించుకోలేదు. ఆర్‌ఈసీ వరంగల్‌లో ఇంజినీరింగ్‌ పూర్తయ్యాక సాఫ్ట్‌వేర్‌ కంపెనీలో చేరాను. మంచి ప్యాకేజీతో ఉద్యోగ జీవితం ప్రారంభమైంది. అయినా, ఏదో వెలితి. ఆ సమయంలో ఐఏఎస్‌ అయితే దేశానికి ఎలా సేవ చేయవచ్చో ఆలోచించాను. నా సివిల్స్‌ కలకు అక్కడే బీజం పడింది.

తల్లిదండ్రుల ప్రోత్సాహంతోనే..
మా నాన్న కాంతారావు చేనేత కార్మికుడు, అమ్మ లక్ష్మి బీడీలు కార్మికురాలు. మాది మధ్య తరగతి కుటుంబం అని నేను ఏనాడూ కలత చెందలేదు. వారి శక్తి మేరకు నన్ను, నా సోదరిని బాగా చదివించారు. వారిచ్చిన ప్రోత్సాహంతోనే ఈ రోజు నా సివిల్స్‌ లక్ష్యాన్ని చేరుకోగలిగాను.

పట్టుదలతో ప్రయత్నిస్తే విజయం..
నేటి యువతకు సివిల్స్‌ కష్టమేమీ కాదు. కాకపోతే క్రమశిక్షణతో ప్లాన్‌ ప్రకారం చదువుకుంటూ పోవాలి. పేదరికం, కుటుంబ సమస్యలపై దిగులు పడొద్దు. పట్టుదలతో ప్రయత్నిస్తే విజయం తప్పకుండా దరిచేరుతుంది. బోలెడంత మెటీరియల్‌ ఆన్‌లైన్‌లో అందుబాటులో ఉంది. మాక్‌ ఇంటర్వ్యూలు కూడా ఆన్‌లైన్‌లో అటెండ్‌ అవ్వొచ్చు.

సాధిస్తానన్న నమ్మకంతో చదివా..
సివిల్‌ సర్వీసెస్‌ చదవడమంటే చాలా కష్టపడాలి. అందులోనూ కోచింగ్‌ లేకుండా, మరోవైపు ఉద్యోగం చేస్తూ చదవడమంటే మాటలు కాదు. కానీ, సాధిస్తానన్న నమ్మకంతో ప్రణాళిక ప్రకారం చదివా. సోషియాలజీని ఆప్షనల్‌గా ఎంచుకున్నాను. సొంతంగా నోట్స్‌ తయారు చేసుకున్నాను. కొంచెం ఇంటర్‌నెట్‌ నుంచి తీసుకునేవాడిని.

ఓవైపు ఉద్యోగం చేస్తూనే, మరోవైపు సివిల్స్‌కు సన్నద్ధం..
ఉద్యోగానికి వెళ్లేవాడిని. రోజూ 3 నుంచి 4 గంటలు క్రమం తప్పకుండా చదివేవాడిని. వారాంతాల్లో మాత్రం పూర్తి సమయం చదివేందుకే కేటాయించేవాడిని. అలా క్రితం సారి సివిల్స్‌లో ఇంటర్వ్యూ వరకు వెళ్లా. అక్కడ కేవలం 18 మార్కులతో సివిల్స్‌ మిస్సయ్యాను. అయినా ఏమాత్రం నిరుత్సాహ పడలేదు. జరిగిన పొరపాట్లు పునరావతం కాకుండా మరింత కట్టుదిట్టంగా చదివాను.

ముఖ్యంగా నేను రాసిన పేపర్లను థర్డ్‌ పార్టీ ఎవాల్యుయేషన్‌ చేయడం వల్ల నా సామర్థ్యం ఎప్పటికప్పుడు అంచనా వేసుకోగలిగాను. ఆన్‌లైన్‌లోనే మాక్‌ ఇంటర్వ్యూలకు ప్రిపేరవడం కలిసి వచ్చింది. సివిల్స్‌ ప్రిపేరవుతున్నా సోషల్‌ మీడియాకు దూరంగా లేను. నాకు ఎంత కావాలో అంత పరిమితి మేరకు వాడుకున్నాను.

Vivo T3x: రూ. 13వేలలో 5జీ ఫోన్‌.. ఊహకందని ఫీచర్లు..

Mannam Web

Fri, 19 Apr, 2024

ప్రస్తుతం 5జీ నెట్‌వర్క్‌ విస్తృతి పెరుగుతోన్న నేపథ్యంలో కంపెనీలు కొత్త స్మార్ట్ ఫోన్‌లను విడుదల చేస్తున్నాయి. ఈ క్రమంలోనే బడ్జెట్ మార్కెట్‌ను టార్గెట్ చేసుకొని ఫోన్‌లను విడుదల చేస్తున్నారు. ఇందులో భాగంగానే తాజాగా చైనాకు చెందిన ప్రముఖ స్మార్ట్ ఫోన్‌ దిగ్గజం వివో మార్కెట్లోకి కొత్త ఫోన్‌ను విడుదల చేసింది. వివో టీ3ఎక్స్‌ పేరుతో ఈ ఫోన్‌ను తీసుకొచ్చారు. ఇంతకీ ఫోన్‌లో ఎలాంటి ఫీచర్లు ఉన్నాయి.? ధర ఎంత లాంటి పూర్తి వివరాలు ఇప్పుడు తెలుసుకుందాం..

వివో టీ3ఎక్స్‌ పేరుతో బడ్జెట్‌ ఫోన్‌ను తీసుకొచ్చింది. ఈ ఫోన్‌ ధర విషయానికొస్తే 4 జీబీ ర్యామ్‌, 128 జీబీ స్టోరేజ్‌ ధర రూ. 13,499కాగా 6జీబీ ర్యామ్‌, 128 జీబీ స్టోరేజ్‌ వేరియంట్‌ ధర రూ. 14,999గా నిర్ణయించారు. అలాగే టాప్‌ ఎండ్ వేరియంట్‌ ధర రూ. 16,499గా నిర్ణయించారు. హెచ్‌డీఎఫ్‌సీ, ఎస్‌బీ కార్డులతో కొనుగోలు చేస్తే రూ. 1500 తగ్గింపు అందిస్తున్నారు.

ఇక ఈ ఫోన్‌ ఫీచర్ల విషయానికొస్తే ఇందులో 6.72 అంగుళాల ఫుల్ హెచ్‌డీ ఎల్‌సీడీ డిస్‌ప్లేను అందించారు. 1,080×2,408 పిక్సెల్‌ రిజల్యూషన్‌ ఈ స్క్రీన్ సొంతం. 1000 నిట్స్ గరిష్ట బ్రైట్‌నెస్, 120Hz రిఫ్రెష్ రేట్‌తో ఈ స్క్రీన్‌ను డిజైన్‌ చేశారు.
ఇక ఈ ఫోన్‌ ఫీచర్ల విషయానికొస్తే ఇందులో 6.72 అంగుళాల ఫుల్ హెచ్‌డీ ఎల్‌సీడీ డిస్‌ప్లేను అందించారు. 1,080×2,408 పిక్సెల్‌ రిజల్యూషన్‌ ఈ స్క్రీన్ సొంతం. 1000 నిట్స్ గరిష్ట బ్రైట్‌నెస్, 120Hz రిఫ్రెష్ రేట్‌తో ఈ స్క్రీన్‌ను డిజైన్‌ చేశారు.
ఆండ్రాయిడ్‌ 14 ఆపరేటింగ్ సిస్టమ్‌తో పనిచేసే ఈ ఫోన్‌లో స్నాప్‌డ్రాగన్ 6 Gen 1 SoC ప్రాసెసర్‌ను అందించారు. ఈ ఫోన్‌లో మైక్రో ఎస్‌డీ కార్డు ద్వారా 1TB వరకు మెమోరీని పెంచుకునే అవకాశాన్ని కల్పించారు. ఏప్రిల్‌ 24వ తేదీ నుంచి ఆన్‌లైన్‌లో అందుబాటులోకి రానుంది.

ఇక కెమెరా విషయానికొస్తే ఇందులో 50 మెగాపిక్సెల్స్‌తో కూడిన రెయిర్‌ కెమెరాను అందించారు. అలాగే సెల్ఫీలు, వీడియో కాల్స్‌ కోసం 8 మెగాపిక్సెల్స్‌తో కూడిన ఫ్రంట్ కెమెరాను అందించారు. ఫింగర్‌ ప్రింట్ సెన్సార్‌ను సైడ్‌కు అందించారు.

ఇక బ్యాటరీ విషయానికొస్తే ఈ స్మార్ట్ ఫోన్‌లో 44 వాట్స్‌ ఫాస్ట్‌ చార్జింగ్‌కు సపోర్ట్‌ చేసే 6000 ఎమ్ఏహెచ్‌ బ్యాటరీని అందించారు. ఒక్క చార్జింగ్‌తో 68 గంటల వరకు ఆన్‌లైన్ మ్యూజిక్ ప్లేబ్యాక్ అందిస్తుందని కంపెనీ చెబుతోంది. అలాగే ఇందులో డస్ట్, దుమ్ము కోసం IP64 రేటింగ్‌ను ఇచ్చారు.

Arvind Kejriwal Mangoes: బెయిల్‌ కోసం మామిడిపండ్లు, స్వీట్లు తింటూ కేజ్రీవాల్‌ డ్రామా.. ఈడీ సంచలన ఆరోపణలు

Mannam Web

Fri, 19 Apr, 2024

ED Alleges: ఢిల్లీ మద్యం కుంభకోణం కేసులో అరెస్టయి జైల్లో ఉన్న సీఎం అరవింద్ కేజ్రీవాల్‌పై ఎన్‌ఫోర్స్‌మెంట్‌ డైరెక్టరేట్‌ కీలక ఆరోపణలు చేసింది. ఎన్ని ప్రయత్నాలు చేసినా బెయిల్‌ రాకపోవడంతో మామిడిపండ్లు, మిఠాయిలు తిని చక్కెర స్థాయి పెంచుకుంటున్నారని ఆరోపించింది.
షుగర్‌ లెవల్స్‌ పెంచుకుని అనారోగ్యం పేరుతో బెయిల్‌కు కుట్ర పన్నుతున్నారని ఆరోపణలు చేసింది. ఈడీ చేసిన ఆరోపణలపై సర్వత్రా విమర్శలు వ్యక్తమవుతున్నాయి.
ఢిల్లీ మద్యం విధానం కేసులో ఈడీ మార్చి 21వ తేదీన అరవింద్‌ కేజ్రీవాల్‌ను అరెస్ట్‌ చేసిన విషయం తెలిసిందే. ప్రస్తుతం ఆయన తిహార్‌ జైల్లో ఉన్నారు. అయితే బెయిల్‌ కోసం ప్రయత్నాలు చేస్తుండగా కోర్టులో భంగపాటు ఎదురవుతోంది. మధుమేహంతో బాధపడుతున్న అరవింద్‌ కేజ్రీవాల్‌ ఆరోగ్యం క్షీణిస్తోంది. జైలులో ఉన్న అతడి చక్కెర స్థాయిలు పడిపోతున్నాయని.. ఈ నేపథ్యంలో బెయిల్‌ ఇవ్వాలని న్యాయస్థానంలో విన్నవిస్తున్నారు. ఈ క్రమంలో ఢిల్లీ కోర్టులో గురువారం బెయిల్‌ పిటిషన్‌పై వాదనలు జరిగాయి.
వాదనల సమయంలో ఎన్‌ఫోర్స్‌మెంట్‌ డైరెక్టరేట్‌ న్యాయమూర్తులు సంచలన ఆరోపణలు చేశారు. ‘అరవింద్‌ కేజ్రీవాల్‌ ఉద్దేశపూర్వకంగా మామిడిపండ్లు, మిఠాయిలు తింటున్నారు. అంతేకాదు చక్కెరతో కూడిన చాయ్‌ తాగుతున్నారు’ అని ఈడీ కోర్టులో వాదించింది. దురుద్దేశంతోనే మిఠాయిలు తింటూ చక్కెర స్థాయిలు పెంచుకుంటున్నారు అని వాదించారు. చక్కెర స్థాయి పెరిగితే వైద్యపరమైన కారణాలు చూపుతూ బెయిల్‌ పొందాలని చూస్తున్నారని ఈడీ తరఫున న్యాయవాదులు వివరించారు. అయితే ఈడీ ఆరోపణలను అరవింద్‌ కేజ్రీవాల్‌ తరఫు న్యాయవాదులు తిప్పికొట్టారు. ఆ ఆరోపణలపై అభ్యంతరం వ్యక్తం చేశారు. ఇవి కేవలం ఆరోపణలు మాత్రమేనని కొట్టిపారేశారు.

‘చక్కెర స్థాయి విలువలు భారీగా పడిపోతున్నాయని.. క్రమం తప్పకుండా వైద్య పరీక్షలకోసం వారానికి మూడు సార్లు నా రెగ్యులర్‌ డాక్టర్‌ను సంప్రదించేందుకు అనుమతి ఇవ్వాలి’ అని అరవింద్‌ కేజ్రీవాల్‌ కోర్టుకు విజ్ఞప్తి చేశారు. ఈ కేసులో కేజ్రీవాల్‌కు ఏప్రిల్‌ 23వ తేదీ వరకు జ్యూడిషీయల్‌ కస్టడీ విధించారు. లోక్‌సభ ఎన్నికల నేపథ్యంలో ఢిల్లీ, పంజాబ్‌లో ప్రచారం చేయాలని అరవింద్‌ కేజ్రీవాల్‌ భావిస్తున్నారు. ఆమ్‌ ఆద్మీ పార్టీ పాలిస్తున్న ఈ రెండు ప్రాంతాల్లో ప్రచారం చేసి అత్యధిక స్థానాలు పొందాలనే భారీ వ్యూహంతో ఉన్న కేజ్రీవాల్‌ను అనూహ్యంగా ఈడీ అరెస్ట్‌ చేసింది. దీంతో ఆమ్‌ ఆద్మీ పార్టీ నిస్తేజంలో మునిగింది.

Post Office Jobs: పదో తరగతి అర్హతతో తపాలా శాఖలో భారీగా కొలువులు.. త్వరలో నోటిఫికేషన్‌! రాత పరీక్షలేకుండానే ఎంపిక

Mannam Web

Fri, 19 Apr, 2024

దేశ వ్యాప్తంగా ఉన్న వివిధ పోస్టల్‌ సర్కిళ్లలో 2024-25 సంవత్సరానికిగానూ గ్రామీణ డాక్ సేవక్ (జీడీఎస్‌) పోస్టుల భర్తీకి ఇండియన్‌ పోస్ట్‌ సమాయాత్తం అవుతోంది. ఇందుకు సంబంధించి త్వరలో నోటిఫికేషన్‌ విడుదల చేసేందుకు ఏర్పాట్లు చేస్తోంది. గతేడాది జనవరిలో దాదాపు 40 వేల పోస్టుల భర్తీకి నోటిఫికేషన్‌ విడుదల చేసిన సంగతి తెలిసిందే. ఇక ఈ ఏడాది కూడా వేల పోస్టులతో నోటిఫికేషన్‌ వెలువడాల్సి ఉంది. రాత పరీక్ష లేకుండానే కేవలం పదో తరగతిలో సాధించిన మార్కుల ఆధారంగా ఈ ఖాళీలను భర్తీ చేస్తారు. అభ్యర్ధుల వయసు తప్పనిసరిగా 18 నుంచి 40 ఏళ్ల మధ్యలో ఉండాలి. ఎస్సీ / ఎస్టీలకు ఐదేళ్లు, ఓబీసీలకు మూడేళ్లు, వికలాంగ అభ్యర్ధులకు పదేళ్ల వరకు గరిష్ఠ వయోపరిమితిలో సడలింపు ఉంటుంది.

పదో తరగతి మార్కుల ఆధారంగా మాత్రమే ఎంపిక ఉంటుంది. ఎంపికైనవారిని బ్రాంచ్‌పోస్టు మాస్టర్‌ (బీపీఎం), అసిస్టెంట్‌బ్రాంచ్‌పోస్టు మాస్టర్‌ (ఏబీపీఎం), డాక్‌ సేవక్‌.. హోదాలో విధులు సంబంధిత కార్యాలయంలో విధులు నిర్వహించాల్సి ఉంటుంది. పోస్టును బట్టి రూ. 10 వేల నుంచి రూ. 12 వేల వరకు ప్రారంభ వేతనం అందజేస్తారు. ఈ పోస్టులకు ఎంపికైన అభ్యర్ధులు రోజుకు నాలుగు గంటలు మాత్రమే పని గంటలు ఉంటాయి. వీటితోపాటు ఇండియన్‌ పోస్టల్‌ పేమెంట్‌ బ్యాంకుకు సంబంధించిన బీపీఎం/ ఏబీపీఎం/ డాక్‌ సేవక్‌ విధులను కూడా నిర్వహించవచ్చు. ఇందుకు గానూ ప్రత్యేకంగా ఇన్సెంటివ్‌ రూపంలో ప్రోత్సాహం అందిస్తారు. నోటిఫికేషన్ వెలువడిన తర్వాత ఆన్‌లైన్‌లో దరఖాస్తు చేసుకోవల్సి ఉంటుంది. పూర్తి వివరాలు అధికారిక వెబ్ సైట్ లో చెక్‌ చేసుకోవచ్చు.

Andhra Pradesh: మర్రి చెట్టు తొర్రలో రూ.64 లక్షల నోట్ల కట్టలు.. ఎలా వచ్చాయంటే?

Mannam Web

Fri, 19 Apr, 2024

ఒంగోలు, ఏప్రిల్‌ 19: జిల్లాలోని వివిధ ఏటీఎంలలో నగదు నింపేందుకు నగదు తీసుకెళ్తున్న సీఎంఎస్‌ వాహనంలోని ఓ వ్యక్తి చోరీకి పాల్పడ్డాడు. వాహనంలో నుంచి రూ.64 లక్షలు చోరీ చేసి పోలీసులకు భయపడి మర్రి చెట్టు తొర్రలో దాచిపెట్టాడు. ఈ ఘటన ప్రకాశం జిల్లా ఒంగోలులో గురువారం (ఏప్రిల్‌ 18) వెలుగు చూసింది. సీఎంఎస్‌ సిబ్బంది పోలీసులకు ఫిర్యాదు చేయగా.. కేవలం గంటల వ్యవధిలోనే కేసు చేధించారు. పోలీసుల తెలిపిన వివరాల మేరకు..

సీఎంఎస్‌ సెక్యూరిటీ సంస్థకు చెందిన సిబ్బంది గురువారం మధ్యాహ్నం రూ.68 లక్షలతో ఒంగోలు నుంచి బయలుదేరారు. నగదును చీమకుర్తి, మర్రిచెట్లపాలెం, దొడ్డవరం, గుండ్ల్లాపల్లి, మద్దిపాడు ప్రాంతాల్లో ఉన్న వివిధ ఏటీఎం మెషిన్లలో నింపేందుకు తీసుకెళ్తున్నారు. అయితే అదే రోజు మధ్యాహ్నం సుమారు 2 గంటల సమయంలో ఒంగోలులోని కర్నూలు రోడ్డు వద్ద ఉన్న ఇండియన్‌ పెట్రోల్‌ బంకు వద్ద తమ వాహనాన్ని నిలిపివేశారు. మధ్యాహ్నం కావడంతో తమ వెంట తెచ్చుకున్న భోజనం తినేందుకు బంకులోని గదిలోకి వెళ్లారు. ఇదే అదనుగా ఓ ఘటికుడు ముసుగు ధరించి వచ్చి వాహనం తాళాలు పగలగొట్టి రూ.64 లక్షల విలువ కలిగిన రూ.500 నోట్ల కట్టలను చోరీ చేసి ఉడాయించాడు. ఇంతలో సిబ్బంది భోజనాలు ముగించుకుని తిరిగి వచ్చిచూస్తూ వాహనం తలుపు తెరిచి ఉండటం గమనించారు. వెంటనే లోపల పరిశీలించగా అందులో రూ.100 నోట్ల కట్టలు మాత్రమే కనిపించాయి. రూ.500 నోట్ల కట్టలు కనిపించలేదు.

వారు తెచ్చిన రూ.68 లక్షల్లో రూ.64 లక్షలు చోరీకి గురైనట్లు గుర్తించారు. వెంటనే పోలీసులకు ఫిర్యాదు చేయగా.. అడిషనల్‌ ఎస్పీ (క్రైమ్స్‌) ఎస్వీ శ్రీధర్‌రావు, తాలుకా సీఐ భక్తవత్సలరెడ్డి సిబ్బందితో ఘటనా స్థలానికి చేరుకున్నారు. క్లూస్‌టీమ్‌తో ఆధారాలు సేకరించడంతోపాటు సమీపంలోని సీసీ కెమెరాల ఫుటేజీని పరిశీలించారు. ముసుగు ధరించిన వ్యక్తి బైక్‌పై వచ్చి వాహనంలో నగదు చోరీ చేస్తున్న దృశ్యాలు అందులో రికార్డయ్యాయి. వెంటనే రంగంలోకి దిగిన పోలీసులు గంటల వ్యవధిలోనే నిందితుడిని గుర్తించారు. నిందితుడు మరెవరోకాదు గతంలో సీఎంఎస్‌ సంస్థలో పనిచేసి ఉద్యోగం వదిలేసిన మహేష్‌గా గుర్తించారు. నోట్ల కట్టలతో తన స్వగ్రామమైన సంతనూతలపాడు మండలం కామేపల్లివారిపాలెంలో అతడి ఇంటికి సమీపంలో ఉన్న ఓ మర్రిచెట్టు తొఱ్ఱలో నగదు దాచిపెట్టాడు. పోలీసులు తమదైన శైలిలో విచారించగా నిందితుడు నేరాన్ని అంగీకరించాడు. మర్రిచెట్టు తొర్రలో దాచిన నగదును పోలీసులు స్వాధీనం చేసుకుని, నిందితుడిని అరెస్ట్ చేశారు.

Laptop Under 20000: పవర్‌ఫుల్ ల్యాప్‌టాప్‌లు.. కేవలం 20 వేల లోపే.. అద్భుతమైన ఫీచర్స్‌

Mannam Web

Fri, 19 Apr, 2024

(Refurbished) Lenovo థింక్‌ప్యాడ్: 7 జనరేషన్‌ 8 GB DDR4 RAM/256 GB SSD/14 Inch Laptop with Windows 11. ఈ ల్యాప్‌టాప్ ధర రూ. 89,990 అయినప్పటికీ మీరు దీన్ని అమెజాన్‌లో రూ.

17,990కి పొందవచ్చు. ఈ ల్యాప్‌టాప్‌పై యజమాని 6 నెలల వారంటీ కూడా ఇచ్చారు.

(Refurbished) Lenovo IdeaPad: మీరు 11.6-అంగుళాల డిస్‌ప్లే, 4GB/256GB SSD స్టోరేజీ, Windows 11తో ల్యాప్‌టాప్‌ను చాలా చౌక ధరలో పొందవచ్చు. దీని ధర రూ. 28,990 అయినప్పటికీ మీరు దీన్ని అమెజాన్‌లో రూ. 18,990కి పొందవచ్చు.

(Refurbished) HP Chromebook C640: మీరు 10వ తరం ల్యాప్‌టాప్‌ను కేవలం రూ. 16,799కి పొందవచ్చు. మీకు కావాలంటే మీరు దీన్ని నో కాస్ట్ EMIపై కూడా కొనుగోలు చేయవచ్చు. దాని నెలవారీ EMI కోసం మీరు కేవలం రూ. 814 చెల్లించాలి. ఈ ల్యాప్‌టాప్ టచ్‌స్క్రీన్ ఫీచర్‌తో వస్తుంది.

(Refurbished) DELL: మీరు ఈ 14 అంగుళాల డెల్ ల్యాప్‌టాప్‌ను కేవలం రూ. 21,974కి పొందవచ్చు. మీరు ఎటువంటి ఖర్చు లేకుండా EMI ద్వారా Windows 11 (అప్‌గ్రేడ్ చేసిన) ల్యాప్‌టాప్‌ను కూడా కొనుగోలు చేయవచ్చు. దీని నెలవారీ EMI రూ. 1,065 మాత్రమే.

ASUS VivoBook 15: ఈ ల్యాప్‌టాప్ అసలు ధర రూ. 33,990 అయినప్పటికీ, మీరు దీన్ని Amazon నుండి 38 శాతం తగ్గింపుతో కేవలం రూ. 20,990కి కొనుగోలు చేయవచ్చు. ఈ ల్యాప్‌టాప్ పైన పేర్కొన్న ల్యాప్‌టాప్‌ల మాదిరిగా సెకండ్ హ్యాండ్ కాదు.

ఆ సమస్యలకు బ్రహ్మాస్త్రం ఈ పండు.. ఉదయాన్నే ఖాళీ కడుపుతో తిన్నారంటే ఈ సమస్యలు పరార్…

Mannam Web

Fri, 19 Apr, 2024

బొప్పాయి.. ఒక రుచికరమైన, ఆరోగ్యకరమైన పండు.. ఇందులో పోషకాలు పుష్కలంగా ఉన్నాయి. విటమిన్ ఎ, విటమిన్ సి, పాపైన్, ఫైబర్ వంటి మూలకాలు ఇందులో ఉంటాయి.

బొప్పాయి తినడానికి రుచిగా ఉండటమే కాకుండా మీ ఆరోగ్యానికి కూడా ఎంతో మేలు చేస్తుంది.. మీరు బొప్పాయిని మీ ఆహారంలో అనేక విధాలుగా చేర్చుకోవచ్చు. అయితే ఉదయం వేళ ఖాళీ కడుపుతో దీన్ని తీసుకోవడం ప్రయోజనకరంగా ఉంటుందని ఆరోగ్య నిపుణులు పేర్కొంటున్నారు. అయితే, కొంతమందిక బొప్పాయిని ఖాళీ కడుపుతో తినడం హానికరమని కూడా హెచ్చరిస్తున్నారు. బొప్పాయిని ఖాళీ కడుపుతో తింటే కలిగే ఆరోగ్య ప్రయోజనాలతోపాటు.. ఎవరు బొప్పాయిని తినకూడదో ఇప్పుడు తెలుసుకోండి..

ఖాళీ కడుపుతో బొప్పాయి తినడం వల్ల కలిగే ప్రయోజనాలు

జీర్ణక్రియను మెరుగుపరుస్తుంది

NIH లో ప్రచురించబడిన ఒక అధ్యయనం ప్రకారం.. బొప్పాయిలో ఉండే పాపైన్ అనే ఎంజైమ్ జీర్ణక్రియను మెరుగుపరచడంలో సహాయపడుతుంది. ఈ ఎంజైమ్ ప్రోటీన్లను విచ్ఛిన్నం చేయడంలో సహాయపడుతుంది. దీని కారణంగా ఆహారం సులభంగా జీర్ణమవుతుంది. బొప్పాయిని ఖాళీ కడుపుతో తినడం ద్వారా, ఈ ఎంజైమ్ మరింత ప్రభావవంతంగా పనిచేస్తుంది.. దీంతో గ్యాస్, అజీర్ణం, మలబద్ధకం వంటి సమస్యల నుంచి మీకు ఉపశమనం కలిగిస్తుంది.

నిర్విషీకరణలో సహాయపడుతుంది

బొప్పాయి ఒక సహజమైన డిటాక్సిఫైయింగ్ ఏజెంట్.. ఇందులో ఉండే ఫైబర్, విటమిన్ సి శరీరంలోని టాక్సిన్స్ ను తొలగించడంలో సహాయపడుతుంది. అటువంటి పరిస్థితిలో, ఉదయం ఖాళీ కడుపుతో బొప్పాయి తినడం వల్ల ఈ ప్రక్రియను వేగవంతం చేస్తుంది. ఇది శరీరంలోని టాక్సిన్స్ మొత్తాన్ని తగ్గిస్తుంది.. మంచి ఆరోగ్యాన్ని కలిగిస్తుంది.

రోగనిరోధక శక్తిని పెంచుతుంది

బొప్పాయిలో విటమిన్ సి పుష్కలంగా ఉంటుంది. ఇది శరీరం రోగనిరోధక శక్తిని పెంచడంలో సహాయపడుతుంది. బొప్పాయిని ఖాళీ కడుపుతో తినడం ద్వారా, విటమిన్ సి నేరుగా రక్తప్రవాహంలోకి చేరుతుంది. ఇది ఇన్ఫెక్షన్లతో పోరాడటానికి శరీరానికి శక్తిని ఇస్తుంది.

బరువు తగ్గడానికి ఉపయోగపడుతుంది

బొప్పాయి తక్కువ కేలరీలు, ఫైబర్ అధికంగా ఉండే పండు. ఇది ఆహారాన్ని త్వరగా జీర్ణం చేయడంలో సహాయపడుతుంది. ఎక్కువసేపు కడుపు నిండిన అనుభూతిని కలిగిస్తుంది. ఇది మీరు తక్కువ తినేలా చేయడంతోపాటు బరువు తగ్గడానికి సహాయపడుతుంది.

చర్మానికి మేలు చేస్తుంది

అధ్యయనం ప్రకారం.. బొప్పాయిలో ఉండే విటమిన్ ఎ, యాంటీఆక్సిడెంట్లు చర్మానికి చాలా మేలు చేస్తాయి. ఈ మూలకాలు చర్మ కణాలను పోషించి చర్మాన్ని యవ్వనంగా ఉంచడంలో సహాయపడతాయి. అలాగే బొప్పాయిని ఖాళీ కడుపుతో తినడం వల్ల చర్మ సంబంధిత సమస్యలు, మొటిమలు, ముడతలు వంటివి చాలా వరకు అదుపులో ఉంటాయి.

ఇలాంటి వారు బొప్పాయిని ఖాళీ కడుపుతో తినకూడదు..

డయాబెటిక్ లేదా మీ రక్తంలో చక్కెరను నియంత్రించడానికి ప్రయత్నిస్తున్నప్పుడు బొప్పాయిని ఖాళీ కడుపుతో తినకుండా ఉండటం చాలా ముఖ్యం. ఇది కాకుండా, అలెర్జీ అయినట్లయితే, బొప్పాయిని ఏ విధంగానైనా తినడం మీకు హానికరం అని నిరూపించవచ్చు. అంతేకాకుండా.. ఏమైనా అనారోగ్య సమస్యలు ఉంటే.. వైద్యులను సంప్రదించిన తరువాతే తీసుకోవాలి.

కొంపముంచిన DJ.. ఆసుపత్రిలో చేరిన 250 మంది

Mannam Web

Fri, 19 Apr, 2024

వేడుకేదైనా డీజే ఉండాల్సిందే. పెళ్లి వేడుక, మెచ్యూర్ ఫంక్షన్, దేవుళ్ల ఊరేగింపు, పొలిటికల్ ర్యాలీ ఏదైనా సరే.. డీజే బాక్సులు పగులిపోయేలా పెద్ద పెద్ద సౌండ్లతో ఆ ప్రాంతమంతా మారుమోగాల్సిందే.

ఇటీవల కాలంలో డీజే లేనిదే ఫెస్టివల్ కావడం లేదు. ‘డీజే కొట్టు కొట్టు.. డీజే కొట్టు’ అంటూ చిందులేయాల్సిందే. ఈ సౌండ్ కు అక్కడ ఉన్న చిన్నా, పెద్దా, ముసలి, ముతక, యువకులు ఒళ్లు మైమరచి చిందులేయాల్సిందే. సినిమా, ఫోక్ సాంగ్స్‌కు తమదైన స్టైల్లో డీజేలు కొడుతూ.. అక్కడ ఉన్నవారిని హుషారు తెప్పిస్తుంటారు. కానీ ఇదే డీజే సౌండ్స్ వల్ల సుమారు 250 మంది ఆసుపత్రి పాలయ్యారంటే నమ్ముతారా..? నిజంగా నిజం. ఈ ఘటన మహారాష్ట్రలో జరిగింది.

ఏప్రిల్ 14న అంబేద్కర్ జయంతిని పురస్కరించుకుని మహారాష్ట్రలోని క్రాంతి చౌక్‌లో ఉత్సవాలు నిర్వహించారు. ఇందులో భాగంగా పూణె నుండి 15 మంది డీజేలను ఆహ్వానించారు. ఇక వచ్చిన నాటి నుండి ఒకటే డీజే కొడుతూనే ఉన్నారు. ఆ డీజే సౌండ్స్ కు కుర్రాళ్లు ఉర్రూతలూగిపోయారు. వారి హుషారు చూసి డీజేలు సైతం మరింత సౌండ్స్ పెంచారు. హోరెత్తే మ్యూజిక్‌తో పాటు బాక్సులు బద్దలు అయ్యే విధంగా సౌండ్స్ పెంచడంతో చుట్టు ప్రక్కల పెద్ద వాళ్లకు చెవులు దెబ్బలు తిన్నాయి. చిల్లలు పడేలా మ్యూజిక్ వస్తుంటే.. మరింత జోష్‌గా డ్యాన్సులు, స్టెప్పులతో మరింత ఊగిపోయారు. ఇక మెల్లిగా తలలు మొద్దుబారడం ప్రారంభం అయ్యాయి.

నెమ్మదిగా చెవులు వినిపించడం మానేశాయి. ఏం జరుగుతుందో అర్థం కాలేదు. చెవ్వుల్లో గియ్ మనే శబ్దం తప్ప మరేమీ వినిపించడం లేదు. ఇంట్లో ఎవరు ఏదీ చెప్పినా వినబడం లేదు. కొంత మందికి చెవి పోటు కూడా మొదలైంది. దీంతో మెల్లిగా ఆసుపత్రిలో చేరడం మొదలు పెట్టారు. ఆ చుట్టు ప్రక్కల ప్రాంతంలోని ప్రజలు మెల్లిగా ఆసుపత్రిలో చేరారు. అలా 250 మంది హాస్పిట్లలో చేరారు. ఈ విషయం పోలీసుల చెంతకు చేరింది. ఏం జరిగిందని తెలిసి.. విచారణ చేపట్టారు. డెసిబెల్స్ సౌండ్స్ 150 దాటిందని గుర్తించి, శబ్ద కాలుష్యానికి కారణమైన వ్యక్తులపై కేసు నమోదు చేశారు. ఇప్పటికీ కొంత మంది చికిత్స పొందుతున్నారని తెలిసింది.

యూజర్లకు గుడ్ న్యూస్.. 15, 000 Loan ఇస్తున్న GPay.. పొందడం ఎలా అంటే?

Mannam Web

Fri, 19 Apr, 2024

ఓ వైపు పెరుగుతున్న ఖర్చులు, మరోవైపు చాలీ చాలనీ జీతాలు టెన్షన్ క్రియేట్ చేస్తున్నాయి. వచ్చే ఆదాయం ఖర్చులకు సరిపోకపోవడంతో అప్పులు చేస్తున్నారు. బ్యాంకులు, ఇతర ఆర్థిక సంస్థల నుంచి లోన్స్ తీసుకుంటున్నారు. మరి మీకు కూడా అర్జెంట్ గా డబ్బులు కావాలంటే గూగుల్ పే నుంచి సులభంగానే పొందొచ్చు. యూజర్లకు గూగుల్ పే రూ. 15,000 అందిస్తోంది. ఈ డబ్బులను ఎలా పొందాలంటే?

గూగుల్ పే అందుబాటులోకి వచ్చాక చెల్లింపులన్నీ ఆన్ లైన్ లో జరుగుతున్నాయి. కోట్లాది మంది యూజర్లను కలిగిన గూగుల్ పేలో నిత్యం వేల కొద్ది ట్రాన్సాక్షన్స్ జరుగుతున్నాయి. ఇక గూగుల్ పే తన యూజర్ల కోసం లోన్ అందిస్తోంది. దాని కోసం శాచెట్ లోన్ అనే ప్లాన్ తీసుకొచ్చింది. దీని ద్వారా రూ. 15000 వరకు లోన్ తీసుకోవచ్చు. చిన్న వ్యాపారుల కోసం ఈ లోన్ తీసుకొచ్చినట్లు గూగుల్ పే తెలిపింది. గూగుల్ పే వాడే వారికి ఈ లోన్ ఇచ్చేందుకు డీఎంఐ ఫైనాన్స్‌తో ఒప్పందం కుదుర్చుకుంది గూగుల్ పే. శాచెట్ లోన్ ను 7 రోజుల నుంచి 12 నెలల్లో చెల్లించొచ్చు. ఈ లోన్ ను పొందేందుకు ఎక్కువగా డాక్యుమెంట్స్ అవసరం లేదు.. ఈజీగానే పొందొచ్చు.

గూగుల్ పే ఇచ్చే రుణంపై వడ్డీ రేటు సంవత్సరానికి 14 శాతం నుంచి 36 శాతం వరకూ ఉంటుంది. 18 ఏళ్లు, ఆపై ఉన్నవారికే ఈ లోన్ ఇస్తారు. 30 వేల ఆదాయం కంటే తక్కువ ఉన్న వారికి లోన్ పొందే అవకాశం ఎక్కువగా ఉంటుంది. మొబైల్ నంబర్, ఆధార్ నంబర్, పాన్ కార్డు ఉండాలి. దరఖాస్తు దారు సిబిల్ స్కోర్ కనీసం 750 ఉండాలి. ఈ రుణాల్ని రూ. 111 నుంచి రీపేమెంట్ అమౌంట్‌తోనే తిరిగి చెల్లించొచ్చని గూగుల్ పే వెల్లడించింది.

ఎలా పొందొచ్చంటే?

గూగుల్ పే బిజినెస్ యాప్ డౌన్‌లోడ్ చేసుకోవాలి. తర్వాత లోన్ ఆప్షన్ ఎంచుకోవాలి. అక్కడ మీరు గూగుల్ పే శాచెట్ లోన్ ఎంచుకొని ఎంత రుణం కావాలో వివరాలు ఇవ్వాలి. అవసరమైన సమాచారం అందించిన తర్వాత ఓటీపీ వస్తుంది. ఓటీపీ ఎంటర్ చేయగానే అప్లికేషన్ ప్రక్రియ పూర్తవుతుంది. ఆ తర్వాత కొన్ని నిమిషాల్లోనే లోన్ మంజూరవుతుంది. ఈ లోన్ తో మీ తక్షణ అవసరాలను తీర్చుకోవచ్చు.

Heatwave Alert : మరో 3 రోజులు జాగ్రత్త, ఇళ్ల నుంచి బయటకు రావొద్దు.. తెలుగు రాష్ట్రాల ప్రజలకు వాతావరణ కేంద్రం వార్నింగ్

Mannam Web

Fri, 19 Apr, 2024

Heatwave Alert : తెలుగు రాష్ట్రాల్లో ఎండల తీవ్రత కొనసాగుతోంది. భానుడు భగభగ మండిపోతున్నాడు. మాడు పగిలే రేంజ్ లో ఎండలు విజృంభిస్తున్నాయి. ఏపీ, తెలంగాణ రాష్ట్రాలు నిప్పుల కుంపటిని తలపిస్తున్నాయి. పగటి ఉష్ణోగ్రతలు రికార్డు స్థాయిలో నమోదవుతున్నాయి. తెలంగాణలో మరో 3, 4 రోజులు వడగాలులు వీచే అవకాశం ఉందని, ప్రజలు అప్రమత్తంగా ఉండాలని సూచించింది హైదరాబాద్ వాతావరణ కేంద్రం. అత్యవసరమైతే తప్ప ప్రజలు ఇళ్ల నుంచి బయటకు రావొద్దని హెచ్చరించింది.

తెలంగాణలో మరో 3 రోజులు వడగాల్పులు..
రానున్న రెండు రోజులు గరిష్ట ఉష్ణోగ్రతలు 2 నుంచి 3 డిగ్రీల వరకు పెరిగే అవకాశం ఉందని తెలిపింది. ఇవాళ(ఏప్రిల్ 17) కొమురం భీమ్, ఆసిఫాబాద్, మంచిర్యాల, నిర్మల్, జగిత్యాల, కరీంనగర్, పెద్దపల్లి, భూపాలపల్లి, ములుగు, కొత్తగూడెం, సూర్యాపేట, ఖమ్మం జిల్లాలలో అక్కడ వడగాలులు వీచాయి. ఇక రేపు(ఏప్రిల్ 18) ఉమ్మడి ఆదిలాబాద్ తో పాటు రాజన్న సిరిసిల్ల, కరీంనగర్, పెద్దపల్లి, భూపాలపల్లి, కొత్తగూడెం, ఖమ్మం, ములుగు, నల్గొండ, సూర్యాపేట, మహబూబాబాద్, వరంగల్, హన్మకొండ జిల్లాలలో అక్కడక్కడ వడగాలులు వీస్తాయని వాతావరణ కేంద్రం తెలిపింది. ఎల్లుండి(ఏప్రిల్ 19) ఉమ్మడి ఆదిలాబాద్, కరీంనగర్, వరంగల్, ఖమ్మం జిల్లాలలో వడగాలులు వీస్తాయంది. అలాగే ఉమ్మడి రంగారెడ్డి, మహబూబ్ నగర్ జిల్లాలలో అక్కడక్కడ ఉరుములు మెరుపులతో వర్షాలు కురిసే అవకాశం ఉందని తెలిపింది. పలు చోట్ల తేలిక పాటి నుంచి మోస్తరు వానలు పడే ఛాన్స్ ఉందంది.

రానున్న 2 రోజులు అధిక ఉష్ణోగ్రతలు..
పెరుగుతున్న పగటి పూట ఉష్ణోగ్రతలతో ప్రజలు బయటకు రావాలంటేనే భయపడిపోతున్నారు. ఏపీ, తెలంగాణలో అధిక ఉష్ణోగ్రతలు నమోదవుతున్నాయి. వడగాలుల తీవ్రత కూడా అధికమైంది. తెలంగాణలో 70శాతం ప్రాంతాలలో 40 డిగ్రీలకు పైగా టెంపరేచర్ నమోదవుతోంది. ఉత్తర తెలంగాణలో 42 నుంచి 44 డిగ్రీలకు పైనే ఉష్ణోగ్రతలు రికార్డ్ అవుతున్నాయి.

నిప్పుల కొలిమిలా ఏపీ..
ఏపీలోని కోస్తాంధ్ర, రాయలసీమ ప్రాంతాలు నిప్పుల కొలిమిలా మారాయి. సాధారణం కంటే 4 నుంచి 6 డిగ్రీలు అధికంగా ఉష్ణోగ్రతలు నమోదవుతున్నాయి. ఉక్కపోతతో జనం విలవిలలాడుతున్నారు. అన్ని చోట్ల పగటి ఉష్ణోగ్రతల తీవ్రత 40 నుంచి 45 డిగ్రీల మధ్య నమోదవుతున్నాయి. ఏపీలో 33 మండలాల్లో తీవ్ర వడగాల్పులు, 113 మండలాల్లో వడగాల్పులు వీచే అవకాశం ఉందని వాతావరణ శాఖ హెచ్చరించింది.

Also Read

Education

Health

సినిమా

POPULAR POSTS

POPULAR CATEGORY