ఈ భూమి మీద ప్రమాదకర జంతువులలో పులి ఒకటి. దానితో ఆటలు ఆడటం అనేది ప్రాణాలతో చెలగాటం ఆడినట్టే. అందుకే పులిని చాలా మంది దూరం నుంచి చూడటానికి మాత్రమే ఇష్టపడుతూ ఉంటారు. దాని దగ్గరకు వెళ్ళే సాహసం మాత్రం ఎలాంటి పరిస్థితుల్లోను చేయరు. తాజాగా సోషల్ మీడియాలో వైరల్ అవుతున్న వీడియో చూస్తే పులితో ఆటలు ఎంత ప్రమాదకరమో అర్ధమవుతుంది.

ఐర్లాండ్‌లోని డబ్లిన్ జూలో ఏడేళ్ళ బాలుడు జూ కి వెళ్ళాడు. ఈ సమయంలో గాజు గోడకు ఆనుకుని ఉండి పిల్లాడు ఫోజులు ఇస్తున్నాడు. ఇది గమనించిన ఒక పులి, అతని మీద దూకడానికి ప్రయత్నాలు చేస్తుంది. ఇది వీడియో లో స్పష్టంగా కనపడుతుంది. తెలివిగా అక్కడికి వచ్చిన పులి, ఒక్కసారిగా బాలుడి మీదకు దూకడానికి ప్రయత్నిస్తుంది. అయితే అడ్డుగా గాజు గోడ ఉండటంతో పులి ఆగిపోతుంది.

ఈ నెల 23 న ఇది సోషల్ మీడియాలో పోస్ట్ చేసారు. అయితే పులి రావడాన్ని మాత్రం బాలుడు గ్రహించాడు. అప్పటి వరకు ధైర్యంగా ఉన్న ఆ బాలుడు పులి వచ్చి దూకగానే అక్కడి నుంచి పరుగులు తీస్తాడు. వీడియో చివర్లో అతను నవ్విన నవ్వే, అతనిలో ఏ స్థాయిలో ధైర్యం ఉందో స్పష్టంగా చెప్తుంది. ఈ వీడియో ప్రస్తుతం సోషల్ మీడియా లో వైరల్ గా మారింది. అయితే ఈ ఘటనలో బాలుడు గాయపడలేదు.

My son was on the menu in Dublin Zoo today #raar pic.twitter.com/stw2dHe93g

— RobC (@r0bc) December 22, 2019

ఇటీవల మియామీ బీచ్‌లో ఏర్పాటు చేసిన ఆర్ట్ గ్యాలరీలో ఇటలీకి చెందిన ప్రముఖ కళాకారుడు మౌరీజియో క్యాటెల్యాన్ కళాఖండాన్ని సృష్టించాడు. దీనికి ‘కమెడియన్’ అనే పేరు పెట్టాడు. అలాగే రేటు రూ.85 లక్షలు ఫిక్స్ చేశారు. ఇందులో అద్భుతమేమీ లేదు. సాధారణమైన అరటిపండు, టేపు మాత్రమే. కాకుంటే వాటిని అమూల్యమైన కళాఖండాల మధ్య ఉంచడంతో వీటికి క్రేజ్ వచ్చింది. అయితే ఊహించని విధంగా రూ.85 లక్షలకు అమ్ముడుపోయింది. పైగా ఈ ఆర్ట్‌ వర్క్‌ను ప్రదర్శనకు పెట్టిన ఆర్ట్‌ గ్యాలరీ.. ఈ పీస్‌కు ధ్రువీకరణ సర్టిఫికెట్‌ను కూడా జారీ చేయనున్నట్టు తెలిపింది. అయితే దీన్ని మౌరిజియా కాటెలాన్‌ అనే కళాకారుడు ప్రదర్శనకు పెట్టగా ఎంతోమంది దాన్ని కొనలేకపోయామని నిరాశ చెందుతూ దానిముందు నిల్చుని ఫొటోలు తీసుకుని సంతృప్తి చెందుతున్నారు.

ఇక ఎగ్జిబిషన్ చివరి రోజు కావడంతో ఈ కళాకండాన్ని చూసేందుకు పెద్ద సంఖ్యలో జనం వచ్చారు. అయితే గుంపులో గోవింద లాగా ఓ వ్యక్తి ఆ అరటిపండును తీసుకుని తినేశాడు.అతడిపేరు డేవిడ్ డటూనా అని, అతడో డ్రామా ఆర్టిస్టు అని తెలిసింది. డేవిడ్ డటూనా అక్క‌డ‌కు వ‌చ్చి గబుక్కున గోడకు అతికించిన ఆ అరటిపండును తీసుకొని ఆరగించాడు. డేవిడ్‌ చేష్టకు అక్కడి నిర్వాహకులు షాక్‌ అయితే, చూసేందుకు వచ్చిన ప్రజలు నవ్వు ఆపుకోలేకపోయారు. అయితే, డేవిడ్‌పై నిర్వాహకులు ఎలాంటి న్యాయపరమైన చర్యలు తీసుకోలేదు. కాకపోతే అక్కడి నుంచి వెంటనే వెళ్లిపోవాలని అతడిని ఆదేశించారు. అదే గోడపై అదే చోట టేప్‌తో మరో అరటి పండును అతికించినా అది అమ్ముడవలేదు.

View this post on Instagram

A post shared by David Datuna (@david_datuna)

చాలా రోజుల క్రితం ఓ శున‌కం బైక్ న‌డుపుతున్న వీడియో ఒక‌టి వైర‌ల్ అయిన సంగ‌తి గుర్తుండే ఉంటుంది. అయితే ఈ శునకం దాన్ని మించిపోయింది. నిజంగానే ఈ కుక్క మామూలుది కాదు. జంతువులకు సాధ్యంకాదు అన్న పనిని చేసి చూపించి ఔరా అనిపించింది. వాస్త‌వానికి అప్పటి కుక్క డబుల్ రైడింగ్ చేస్తే, ఈ కుక్క ఏకంగా ట్రిపుల్ రైడింగ్ చేసింది. ఈ ఘటన బ్రెజిల్ లో జరిగినట్టు తెలుస్తుండగా, ఎక్కడ, ఎప్పుడు జరిగిందన్న విషయం మాత్రం తెలియరాలేదు.

వీడియో మాత్రం వైరల్ అవుతోంది. నేషనల్ హైవేపై, దాని యజమాని, మరొకరు వెనుక కూర్చుని ఉండగా, ఈ శునకం దర్జాగా బైక్ హ్యాండిల్స్ పట్టుకుని, ముందు కూర్చుని బైక్ ను నడుపుతోంది. ఈ వీడియోను జో బర్గ్ అనే యువతి తన ట్విట్టర్ ఖాతాలో పోస్ట్ చేయగా, అదిప్పుడు వైరల్ అవుతోంది. కుక్కకు హెల్మెట్ ఎక్కడుందని కొందరు, ఈ తరహా పిచ్చి పనులు చేయవద్దని మరికొందరు కామెంట్లు పెడుతున్నారు.

మీరు చదివింది నిజమే, కేవలం ఒకే ఒక్క పదిపైసలు బిళ్ళ కోట్ల రూపాయలు పలికింది. పదిపైసలు బిళ్ళ కోట్లు పలకడం ఏమిటి అంటూ ఇంట్లో ఎక్కడో ఉన్న పాత పదిపైసలు బిళ్ళలు వెతికే పని మాత్రం పెట్టుకోకండి. ఆ పదిపైసలు బిళ్లలో ఒక స్పెషాలిటీ ఉంది ఏమిటా స్పెషాలిటీ అంటే. అమెరికాలోని షికాగో లో ఓ వేలం పాట నిర్వహించారు. ఈ వేలంపాటలో ఎన్నో పురాతన వస్తువులు అందుబాటులో ఉంచారు నిర్వాహకులు.

అక్కడ ఉన్న వస్తువులు అన్నిటిలో అందరూ కేవలం ఒక పదిపైసలు బిళ్ళని దక్కించుకోవాలని ఆరాట పడుతున్నారు. ఎవరికీ వారు పోటీ పడుతున్న సమయంలో ఎక్కడి నుంచీ వచ్చాడో కానీ ఒక పెద్దాయన అందరికన్నా ఎక్కువ మొత్తంలో పాడి ఆ పదిపైసలు దక్కించుకున్నాడు. ఇంతకీ ఆ పెద్దాయన ఎంత మొత్తం పాట పాడాడో తెలుసా. అక్షరాలా 10 కోట్లు..ఆ వస్తువు ఖరీదు ఎందుకు అంత రేటు పలికిందంటే.

ఆ బిళ్ళ సుమారు 1894 లో ముద్రించారట అంతేకాదు అలాంటి బిళ్ళలు కేవలం 24 మాత్రమే ప్రపంచ వ్యాప్తంగా ఉన్నాయని, ఈ నాణేలని డైమ్ అంటారని తెలిపారు నిర్వాహకులు. వీటి వులువ అప్పట్లో చాలా అధికంగా ఉండేదట కేవలం ధవంతుల ఇళ్ళలో మాత్రమే ఈ నాణాలు ఉండేవని అందుకే దీని ధర కోట్లు పలికిందని అంటున్నారు చరిత్ర కారులు.

సైకిల్ ను ఢీకొంటే కారుకు డ్యామేజ‌వ‌డ‌మేంట‌ని మీరు ఆశ్చ‌ర్య‌పోవ‌చ్చు. లేదంటే ఆ ఫోటో ఫేక్ కావ‌చ్చు అని కూడా మీరు అనుకోవ‌చ్చు. కానీ.. ఆ ఫోటో ఫేక్ కాదు. సైకిల్ ను కారు ఢీకొన్న‌ది నిజం. కారు దెబ్బ‌తిన్న‌ది నిజం. చైనాలోని షెన్‌జెన్ లో ఈ ఘ‌ట‌న చోటు చేసుకున్న‌ది. సైకిల్ ను కారు ఢీకొనడంతో కారు ముందు భాగంలోని బంప‌ర్ పూర్తిగా నుజ్జునుజ్జ‌యింది. సైకిల్‌కు మాత్రం ఏం కాలేదు. కాక‌పోతే.. సైకిల్ మీద ఉన్న వ్య‌క్తికి గాయాల‌య్యాయి. ఇక‌.. ఈ ఫోటోను పోలీసులు సోష‌ల్ మీడియాలో రిలీజ్ చేయ‌డంతో నెటిజ‌న్లు ఆ ఫోటోపై ఫ‌న్నీ కామెంట్లు పెడుతున్నారు.