Rosemary oil for hair fall : జుట్టు ఒత్తుగా, పొడుగ్గా ఉండాలని ఎవరికి మాత్రం ఉండదు. అమ్మాయిలు చాలా వరకు తమ జుట్టు ని కాపాడుకోవడానికి,నల్లగా, అందంగా మార్చుకోడానికి ఎన్నో రకాల ప్రయత్నాలు చేస్తూ ఉంటారు. ఇక ఈ మధ్య ఆడ, మగా తేడా లేకుండా అందరూ ఎదురుకుంటున్న సమస్య జుట్టురాలిపోవడం.
జుట్టు ఊడిపోతుంది అని చాలా మంది ఎన్నెన్నో హెయిర్ కేర్ ప్రోడెక్ట్స్.. బోలెడంత డబ్బులు పెట్టి మరీ కొంటున్నారు. అయినా వాటి వల్ల వచ్చే మెరుపు కాసేపే ఉంటుంది. జుట్టు అందంగా మెరవాలి అంటే.. ఆ మెరుపు లోపల నుండి రావాలి. అది అలా రావాలి అంటే మనం జుట్టు ఆరోగ్యం గురించి కూడా బాగా శ్రద్ధ తీసుకోవాలి.
బయటకొనే ప్రొడక్ట్స్ మన జుట్టుకి సెట్ అయితే బాగానే ఉంటుంది.. కానీ పడకపోతే మాత్రం జుట్టు మరింతగా ఊడిపోతూ ఉంటుంది. కొత్త సమస్యలు కూడా మొదలవుతాయి. ఇవన్నీ లేకుండా ఇంట్లోనే.. కేవలం ఒకే ఒక ఆయిల్ తో మన జుట్టు రాలిపోవడం ఆగిపోయే మార్గం ఉంది.
జుట్టు సమస్యలు అన్నిటికీ ఒకే ఒక్క దివ్య ఔషధం రోజ్ మేరీ ఆయిల్. రోజ్ మేరీ లో ఉండే ఇన్ఫ్లోమేటరీ గుణాలు చుండ్రు కి కూడా చెక్ పెట్టగలవు. ఈ ఎండాకాలంలో పొడిబారి పోతున్న జుట్టుని.. తిరిగి హైడ్రేట్ చేసి అందంగా మార్చడంలో రోజు మేరీ ఆయిల్ తర్వాతే ఏదైనా. రోజు మేరీ ఆయిల్ వల్ల మన జుట్టుకి ఇంకా ఎన్నో ఉపయోగాలు ఉన్నాయి.
మెరిసే జుట్టు:
రోజ్ మేరీని ఆయిల్ ను వాడడం వల్ల జుట్టుకు మంచి మెరుపు వస్తుంది. అందులో ఉండే పోషకాలు మన కురులను సహజంగా నల్లగా మార్చగలవు. నలుపుతో పాటు రోజ్ మేరీ ఆయిల్ వల్ల.. జుట్టు కాంతివంతంగా మారుతుంది. డబల్ బాయిలింగ్ పద్ధతిలో రోజ్ మేరీ ఆయిల్ ను వేడిచేసి మాడుకి పట్టిస్తే.. తక్కువ సమయం లోనే జుట్టు పెరగడం మీరు చూస్తారు.
జుట్టు ఊడడం:
ప్రతి రోజూ రోజ్ మేరీ ఆయిల్‌తో తలపై మసాజ్ చేసుకోవడం వల్ల మంచి జుట్టు ఆరోగ్యంగా మారుతుంది. కుదుళ్లు కూడా దృఢంగా మారతాయి. కావాల్సిన పోషకాలు అంది జుట్టు అందంగా, ఒత్తుగా మారుతుంది. ఆయిల్ తో మసాజ్ చేస్తాము కాబట్టి.. కుదుళ్లలో రక్త ప్రసరణ పెరిగి జుట్టు ఊడడం కూడా తగ్గుతుంది. రోజ్ మేరీలో ఉండే యాంటీ ఆక్సిడెంట్లు.. మన జుట్టు ఆరోగ్యానికి చాలా ముఖ్యం.
