Election Commission Transfers Another Top Official on AP: ఆంధ్రప్రదేశ్‌లో ఎన్నికలు దగ్గరపడుతున్న వేళ మరో ఉన్నతాధికారిపై బదిలీ వేటు పడింది. ఆంధ్రప్రదేశ్ బేవరేజెస్ కార్పొరేషన్ ఎండీ వాసుదేవరెడ్డిని బదిలీ చేయాలని కేంద్ర ఎన్నికల సంఘం ఆదేశించింది. వాసుదేవరెడ్డిని తక్షణం విధుల నుంచి తొలగించాలని ఎన్నికల సంఘం ఆదేశించింది. అలాగే ఎలాంటి ఎన్నికల విధులు అప్పగించవద్దని ఈసీ స్పష్టం చేసింది. వాసుదేవరెడ్డి స్థానంలో మరొకరిని నియమించేందుకు ప్రత్యామ్నాయంగా ముగ్గురు ఐఏఎస్‌ల పేర్లతో జాబితా ఇవ్వాలంటూ ఏపీ ప్రభుత్వ ప్రధాన కార్యదర్శిని ఈసీ ఆదేశించింది. ఈ ప్రక్రియను మంగళవారం రాత్రి ఎనిమిది గంటలలోపు పూర్తి చేయాలని కేంద్ర ఎన్నికల సంఘం స్పష్టం చేసింది.
