కరకరలాడే “వెల్లుల్లి కారం బొరుగులు” చిటికలో ఇలా చేసుకోండి

అందులో భాగంగా, బొరుగులు (మరమరాలు) కూడా సాయంత్ర సమయంలో స్నాక్స్‌గా ఉపయోగిస్తాం.

బొరుగులు బరువు తగ్గడంలో మనకు ఎంతో సహాయపడతాయి. వీటితో రకరకాల రుచికరమైన ఆహార పదార్థాలను తయారు చేసుకోవచ్చు. అందులో ఒకటి, చాలా సులభంగా, తక్కువ సమయంలో తయారయ్యే, రుచిగా ఉండే వెల్లుల్లి కారం బొరుగులు. ఈ వంటకం తయారీ విధానాన్ని ఇప్పుడు తెలుసుకుందాం.

వెల్లుల్లి కారం బొరుగుల తయారీకి కావలసిన పదార్థాలు:
బొరుగులు – 50 గ్రాములు
వెల్లుల్లి రెబ్బలు – 10
కారం – 1 టీస్పూన్
నూనె – 2 టేబుల్ స్పూన్లు
ఆవాలు – 1/2 టీస్పూన్
మినపప్పు – 1 టీస్పూన్
జీలకర్ర – 1/2 టీస్పూన్
పల్లీలు – 1 టేబుల్ స్పూన్
కచ్చా పచ్చాగా చేసిన వెల్లుల్లి రెబ్బలు – 5
తరిగిన పచ్చిమిర్చి – 3
ఎండుమిర్చి – 2
పుట్నాల పప్పు – 1 టేబుల్ స్పూన్
కరివేపాకు – 2 రెబ్బలు
పసుపు – 1/2 టీస్పూన్
ఉప్పు – రుచికి సరిపడా

తయారీ విధానం:
ముందుగా, ఒక జార్‌లో వెల్లుల్లి రెబ్బలు, కారం వేసి మెత్తగా కాకుండా కొద్దిగా గరుకుగా మిక్సీలో పొడి చేయాలి.ఒక కళాయిలో నూనె వేసి, మధ్యస్థ మంటపై కాగనివ్వాలి. నూనె వేడయ్యాక ఆవాలు, జీలకర్ర, మినపప్పు, పల్లీలు వేసి వేయించాలి.

ఇవి వేగిన తర్వాత, కచ్చా పచ్చాగా చేసిన వెల్లుల్లి రెబ్బలు, పచ్చిమిర్చి, ఎండుమిర్చి వేసి వేయించాలి.తర్వాత పుట్నాల పప్పు, కరివేపాకు వేసి మరికొంత వేయించాలి.ఇవి వేగిన తర్వాత పసుపు వేసి బాగా కలపాలి.

ఇప్పుడు ముందుగా తయారు చేసిన వెల్లుల్లి కారం పొడి, రుచికి సరిపడా ఉప్పు వేసి కలపాలి.చివరగా, బొరుగులను వేసి జాగ్రత్తగా కలిపి, 2 నిమిషాలు మంటపై ఉంచి స్టవ్ ఆఫ్ చేయాలి.

నిల్వ మరియు సర్వింగ్:
ఈ విధంగా తయారైన వెల్లుల్లి కారం బొరుగులు రుచికరంగా ఉంటాయి. వీటిని గాలి తగలకుండా మూత ఉన్న డబ్బాలో నిల్వ చేస్తే ఎక్కువ రోజులు తాజాగా ఉంటాయి.వీటిలో తరిగిన కొత్తిమీర, ఉల్లిపాయ ముక్కలు, టమాటా ముక్కలు, నిమ్మరసం కలిపి తింటే మరింత రుచిగా ఉంటాయి.

ఆరోగ్య ప్రయోజనాలు:
బయట దొరికే స్నాక్స్ తినడం వల్ల అనారోగ్య సమస్యలు వచ్చే అవకాశం ఉంది. కానీ, ఈ వెల్లుల్లి కారం బొరుగులు ఇంట్లో తయారు చేసుకోవడం వల్ల శరీరానికి ఎటువంటి హాని కలగదు. సాయంత్రం సమయంలో ఈ స్నాక్ రుచికరంగా ఉండటమే కాక, ఆరోగ్యానికి కూడా మంచిది. ఈ విధంగా బొరుగులతో తయారు చేసిన స్నాక్స్‌ను ఆస్వాదిస్తే రుచి, ఆరోగ్యం రెండూ సొంతమవుతాయి.