కియా ఇండియా సరికొత్త హంగులతో కూడిన ఈవీ6 ఆధునిక వెర్షన్‌ను మార్కెట్లోకి విడుదల చేసింది. దీని ధర రూ.65.9 లక్షలు. 27 అత్యాధునిక భద్రత, 5 కొత్త అటానమస్‌ ఫీచర్లతో మరింత ఆధునీకరించిన అడాస్‌ 2.0 ప్యాకేజ్‌తో ఈ కారు అందుబాటులోకి వచ్చింది. పూర్తి చార్జింగ్‌తో 663 కి.మీ వరకు ప్రయాణించగలిగేందుకు 84 కిలోవాట్‌ బ్యాటరీని కంపెనీ ఆఫర్ ఆఫర్ చేస్తోంది. కారు ఎక్స్‌టీరియర్‌, ఇంటీరియర్‌ డిజైన్‌ను మరింత ఆకర్షణీయంగా మలచడంతోపాటు ఆధునిక, స్మార్ట్‌ ఫీచర్లను జోడించినట్లు కంపెనీ వెల్లడించింది.
