ఎవరైనా ఒకరిని ప్రేమించినప్పుడు, సరైనా ఎత్తు ఉందా, ఆస్తి ఉందా, ఉంటే ఎంతుంది.. అనేవి చూడరు.. అవన్ని సెకండరీ అవుతాయి. సభ్యసమాజం ఎంత నిరసన వ్యక్తం చేసినా ప్రేమలో ఉన్న జంటను కలవకుండా అడ్డుకోలేకపోతున్నారు. ఇక అలాంటిదే ఒకటి జరిగింది. ఈ లేటేస్ట్ లవ్ స్టోరీని ఓ అద్భుతం అని అంటున్నారు కొందరు నెటిజన్స్. విషయానికి వస్తే.. పాకిస్థానీ జంటకు సంబంధించిన కథ ఒకటి ప్రస్తుతం సోషల్ మీడియాలో వైరల్ అవుతోంది. పాకిస్థాన్‌కు చెందిన ఓ వైద్యురాలు తాను పనిచేసే ఆసుపత్రిలోనే స్వీపర్‌తో ప్రేమలో పడిందని తెలిస్తే మీరు ఆశ్చర్యపోతారు. అంతేకాదు ఇద్దరూ పెళ్లి కూడా చేసుకున్నారు.
ఈ డాక్టర్ పేరు కిశ్వర్ సాహిబా, ఆమె భర్త పేరు షాజాద్. సోషల్ మీడియాలో వైరల్ అవుతోన్న వీడియో ప్రకారం, షాజాద్ తన పనిని చాలా అంకితభావంతో చేసేవాడని, ఇది నన్ను మంత్రముగ్ధులను చేసింది అని పాకిస్థానీ మహిళా డాక్టర్ కిశ్వర్ చెప్పారు.
ఆయన పని తీరు చూసి.. నేను వెంటనే షాజాద్‌కి ప్రపోజ్ చేశాను. మొదట్లో, షెహజాద్ నా ప్రతిపాదనకు ఆశ్చర్యపడి, దానిని తప్పించుకోవడానికి ప్రయత్నించేవాడు. అయితే తర్వాత కిష్వర్ ప్రేమను నమ్మి ఇద్దరూ పెళ్లి చేసుకున్నారు. పెళ్లయ్యాక షెహజాద్ చేసే పనిని ఆసుపత్రిలోని ఇతర వ్యక్తులు ఎగతాళి చేసేవారు. అటువంటి పరిస్థితిలో ఈ జంట తమ ఉద్యోగాలను వదిలివేయాలని నిర్ణయించుకున్నారు. షాజాద్ ఇప్పుడు మెడికల్ షాప్ పెట్టాడు, కిశ్వర్ స్వతంత్రంగా మెడిసిన్ ప్రాక్టీస్ చేస్తోంది. సొంతంగా మంచి క్లినిక్‌ని ఏర్పాటు చేసేందుకు ప్లాన్ చేస్తున్నారు ఈ జంట.
కిశ్వర్, షెహజాద్‌ల ఈ ప్రేమకథ ఇప్పుడు వైరల్ అవుతోంది, అయితే ఈ సంఘటన ఇప్పుడు జరిగింది కాదు.. ఈ లవ్ స్టోరీ 2022 లో జరిగింది. ఓ యూట్యూబ్ ఇంటర్వూలో షాజాద్ మాట్లాడుతూ.. నేను అదృష్టవంతుడిని తెలిపాడు.. తాను ముగ్గురు వైద్యుల కార్యాలయాల్లో, గదులు శుభ్రం చేస్తూ, టీ ఇచ్చేవాడినని.. ఒకరోజు కిశ్వర్ తన ఫోన్ నంబర్ అడిగారని, ఆ తర్వాత ఒకరితో ఒకరు మాట్లాడుకోవడం ప్రారంభించామని తెలిపారు.
