టాలీవుడ్ యంగ్ హీరో నాగచైతన్య, సమంత బ్యూటిఫుల్ కపుల్‌గా ఫుల్ పాపులారిటీ సంపాదించుకున్నారు. వీరిద్దరు ‘ఏమాయ చేసావే’ సినిమాతో ప్రేమలో పడ్డారు.
కొద్ది కాలం తర్వాత ఇరు కుటుంబాలను ఒప్పించి మరీ పెళ్లి చేసుకున్నారు. ఆ తర్వాత ఇద్దరి మధ్య మనస్పర్థలు రావడంతో విడాకులు తీసుకుని విడిపోయారు. దీంతో అభిమానులు ఒక్కసారిగా షాక్ అయ్యారు. అయితే ఎప్పటికైనా నాగచైతన్య-సమంత కలవకపోతారా? అనే ఆశతో అభిమానులంతా ఎదురుచూస్తున్నారంటే అతిశయోక్తి కాదు.
అయితే విడాకుల తర్వాత నాగచైతన్య ఒంటరిగా ఉంటూ తన కెరీర్‌పై ఫుల్ ఫోకస్ పెట్టాడు. వరుస చిత్రాల్లో నటిస్తూ బిజీ అయిపోయాడు. ఇక సమంత విషయానికి వస్తే మయోసైటీస్ రావడంతో ఇండస్ట్రీకి దూరమై ఇంట్లోనే రెస్ట్ తీసుకుంటుంది. అయితే గత కొద్ది కాలంగా వీరిద్దరికి సంబంధించిన వార్తలు మాత్రం నిత్యం నెట్టింట చక్కర్లు కొడుతూనే ఉన్నాయి.
తాజాగా, నాగచైతన్య రెండో పెళ్లి చేసుకోబోతున్నాడని న్యూస్ వైరల్ అవుతుంది. నాగార్జున బంధువుల అమ్మాయితో చై పెళ్లి చేయాలని ప్రయత్నాలు చేస్తున్నారట.ఈ ఏడాది చివరకు, లేదంటే వచ్చే ఏడాది మొదట్లో పెళ్లి చేయాలనే పట్టుదలతో ఉన్నట్లు వార్తలు వస్తున్నాయి. అఖిల్, చై ఇద్దరిలో ఎవరో ఒకరి పెళ్లి చేస్తే కుటుంబం సంతోషంగా ఉంటుందని భావిస్తున్నారట. ఇందులో నిజమెంత అనేది తెలియనప్పటికీ ఫ్యాన్స్ మాత్రం నిరాశ చెందుతున్నారు. సమంత, చై కలిసిపోతారని అనుకుంటుంటే చై రెండో పెళ్లి చేసుకోవడమేంటని ఆందోళన చెందుతున్నారు.
